Zafarbek Solijonov

2021-12-13 16:20:41 Ёшлар ишлари агентлиги форум ўтказаётганидан хабарингиз бор. Ёшлар маладес, бефарқмаскан, бир қанча таклифлар йўллабди. Ўзим учун топ-3 таклифларни йиғиб олдим. Уларни "бекор қилиш" деб номладим. Ҳозир бор муаммоларни ҳал қилиб олсак, қогани йўл-йўлакай бўлаверади. Бўлмаса, бошқа таклифларга ҳам булар салбий таъсир қилиши мумкин.

Бекор қилиш 1 - ўқишга киришдаги имтиёзлар буткул бекор қилиниши керак. Овоз бериш шу ерда.

Бекор қилиш 2 - ОТМларда мажбурий форма талабларини енгиллаштиришнинг ҳуқуқий асосларини яратиш (иложи бўлса бекор қилиш) Аббосбек Тожибоевга раҳмат. Овоз бериш шу ерда.

Бекор қилиш 3 - ОТМларда дафтардан воз кечиш. Ўзимнинг таклифимни ҳеч бўлмаса, учинчи ўринга қўймасам бўлмайдида ҳай. Бу пассив бизнес ортидаги "акахон"лардан яхшигина хабарим бор. Овоз бериш шу ерда.

Бекор қилиниши керак бўлганларни бекор қилиб олсак, янгиларини жорий қилишимиз ва уларни адаптация бўлиши осонлашади. Бефарқ бўлманг. Линкларга кириб қўллаб-қувватланг. Гуруҳ ва каналларга улашиш эсдан чиқмасин. Бу сиз учун!

@Zafarbek_Solijonov Ochish/sharhlash

2021-12-13 15:36:23 «Тошкент ёшларни севади»: пойтахтда ёшлар ойлиги доирасида ёшлар учун яна бир тухфа — Тошкентда “Таълим ва тадбиркорлик ҳафталиги” бошланмоқда

«Тошкент ёшларни севади» шиори остида пойтахтда ўтказилаётган ёшлар ойлиги доирасида жорий йилнинг 14-17 декабрь кунлари Тошкентдаги ёшлар марказида “Таълим ва тадбиркорлик ҳафталиги” бўлиб ўтади. Бу ҳақида Ёшлар ишлари агентлиги Тошкент шаҳар бошқармаси бошлиғи Абдулазиз Назиров маълум қилди.

Буларнинг барчасида иштирок этиш мутлақо бепул. Газини босораслар, ёшлар. “Таълим ва тадбиркорлик ҳафталиги” доирасида бўлиб ўтадиган учрашувларнинг тақвим режаси билан қуйидаги ҳавола орқали танишишингиз мумкин: https://t.me/AANazirov/152

@Zafarbek_Solijonov Ochish/sharhlash

2021-12-13 10:59:03 "Катта ошқовоқлар"

Охирги вақтлар Ўзбекистонда давлат харидлари, тендер ўтказиш тўғрисидаги қонун ҳужжатлари оёқости қилинишда давом этяпти. Бири ССВ марказларининг 189,5 млрд сўмга Ортиқхўжаевга қарашли фирма томонидан қурилаётгани бўлса, иккинчиси Сангиновнинг ўғли томонидан 527 млрд 428 млн сўмга аҳолининг ичимлик суви таъминотини яхшилайдиган мега-лойиҳаларни қурилиши бўлди деб айтиш мумкин. Ҳукумат эса мум тишлашда давом этяпти. Нима ҳам дея оларди?

Конго Белгиядан мустақил бўлгач, Жозеф Мобуту давлатни 1997 йилгача 32 йил бошқарди. Бу даврда Конго иқтисодий қашшоқлашаверди, мамлакат таназзулга юз тутаверди. Бироқ Мобуту ва унинг ошналари ("Les Grosses Legumes" - "Катта ошқовоқлар") бойишда давом этаверди. Уларни 30 йиллаб тўхтатиб бўлмади. Ҳар ерни Мобутуга яқинлар эгаллаганди.

"Why nations fail" китобида биргина Мобуту ҳақида қуйидагилар ёзилган: ўзи туғилиб ўсган Гбадолите деган жойга улкан аэропортли сарой қурдиради. Европани айланиш учун "Air France" компаниясидан товушдан тез учадиган самолётни ижарага олади. Европадан саройлар, Белгиядан кўчмас мулклар сотиб олади. Китобда яхши жумлалар бор. Мобутуда мамлакат тараққиётига хизмат қилувчи иқтисодий институтларни ривожлантириб, ижарага олган самолётини сотиб олиш, қўша-қўша саройлар қуриб янада бойиш имкони бормиди? Жавоб - йўқ.

Чунки иқтисодий юксалишга элтадиган иқтисодий институтлар ривожлантирилиши натижасида фойда ва ҳокимият шундай тақсимланадики, разил ҳукмдор ва унинг ошналари ўзи истаганчалик ўғирлай олмайди, қўлига лаққа балиқлар келмай қўяди. Мамлакатда демократия, эркин рақобат муҳити ва тенглик ҳукм сура бошлайди. Шу сабабли улар кўпчилик кутган йўлдан эмас, фақатгина ўзларининг манфаатига хизмат қилувчи йўлдан юришади. Бу йўлда муқаддас қонунларга ҳам тупуришади. Шунақа улар. Камбағали кўп мамлакатларга "Катта ошқовоқлар"и зарар келтиришда давом этади.

@Zafarbek_Solijonov Ochish/sharhlash

2021-12-12 20:10:08 Нозим Сафари ўсишда давом этяпти. Архитектура бўйича курсда ўқиётгани ҳақида айтганди. Нозим ака айнан шу масалада яхши материал тайёрлабди. Ўқиб чиқинг.

Европа архитектурасини шакллантирган ислом меъморчилиги

@Zafarbek_Solijonov Ochish/sharhlash

2021-12-12 17:41:46 Яхши хабар

Бизни тепадагилар эшитяпти. Тошкент вил. ҳокими Ҳидоятов Нурафшонда Зулфия Зокирова ҳайкал мажмуасини қуриш учун 28,4 миллиард сўм (таҳминан 2.6 миллион доллардан $$$ ортиқ маблағ) ҳамда кутубхона қуриш учун 6 миллиард сўм маблағ ажратиш ҳақида фармойиш чиқарганди. Уларга аталган ҳайкал борку, бу пулни бошқа ишга сарфласа бўладику, дея халқ норози бўлганди. Биз ҳам яхшигина танқид қилгандик.

Янги ҳоким, Зойир ака Мирзаев ушбу фармойишни ўз фармойиши билан йўққа чиқарибди. Фармойишлар жангги бўлибди хуллас. “Саховат ва кўмак” жамғармасига 1 650 000,0 минг (бир миллиард олти юз эллик миллион) сўмини ўтказиб, қолган пулни маҳаллий бюджетга қайтаришаётган экан.

Бу жамиятни бюджет пули ва экология муаммолари бирлаштирмаса, қолгани бирлаштира олмаслигига ақлим етиб боряпти.

@Zafarbek_Solijonov Ochish/sharhlash

2021-12-12 17:25:29 Bugun, 12-dekabr soat 21:00 da yoshlarforumi.uz platformasi orqali yoshlardan kelgan takliflar va “Oʻzbekiston yoshlari forumi — 2021” yuzasidan ovozli suhbat oʻtkazamiz. Ovozli suhbatimizda bir qator ommaviy axborot vositalari xodimlari, blogerlar ham ishtirok… Ochish/sharhlash

2021-12-12 17:24:21 Bugun, 12-dekabr soat 21:00 da yoshlarforumi.uz platformasi orqali yoshlardan kelgan takliflar va “Oʻzbekiston yoshlari forumi — 2021” yuzasidan ovozli suhbat oʻtkazamiz.

Ovozli suhbatimizda bir qator ommaviy axborot vositalari xodimlari, blogerlar ham ishtirok etadilar. Suhbat davomida forumga taklif yuborgan yoshlarga ham soʻz beriladi.

Savollaringizni izohlarda yozib qoldirishingiz mumkin. Suhbatda ishtirok etish uchun: https://t.me/alisher_sadullaev?livestream

@alisher_sadullaev Ochish/sharhlash

2021-12-11 16:33:54 Парламент - "башаранг"

Парламент фаолиятини қандай баҳолайсиз деб сўровнома ўтказдик. Унда 6 мингга яқин иштирокчилар қатнашди. о (баҳо ҳайф) деганлар 73 фоизни ташкил қилди.

1 баҳо қўйганлар 9 фоизни, 2 баҳо қўйганлар 7 фоизни ташкил қилган бўлса, 6 фоиз инсон 3 баҳо қўя олган. Қатнашувчиларнинг 1 фоизи 4 баҳога тортади деган бўлса, 4 фоиз иштирокчи эса ҳатто 5 баҳо қўйган. Ўша 4 фоиз кимлиги қизиқ менга. Ишқилиб парламентда ишлайдиганлар бўлсин, йўқса кўрлар сони нисбатан ошаётганини таҳмин қилиш мумкин.

Бу сўровнома натижаларидан илмий иш қилаётганлар фойдаланса хурсанд бўламан. Ҳозирча Мирзиёев даврида деярли ўзгармаётган соҳалардан энг асосийси парламент бўлиб турибди.

@Zafarbek_Solijonov Ochish/sharhlash

2021-12-11 14:51:50 “Ўзбекнефтгаз” АЖ Қашқадарёда илк бор 4750 метрда бурғулаш ишларини ўтказди

“Ўзбекнефтгаз” АЖ Бошқарув раиси Меҳриддин Абдуллаев ўз командаси билан Шўртан нефт ва газ қазиб чиқариш бошқармасида бўлди. У ерда геология-қидирув ишларининг ҳолатини ўрганди.

“Шўртан” конининг катта чуқурликдаги қатламларини ўзлаштириш мақсадида янги “Терриген-1” юра қудуғини бурғилашга тайёргарлик жараёнлари таҳлил қилинди. “Ўзбекнефтгаз” маладес, янги майдонларни аниқлашда “3D” сейсмик-қидирув ишларини давом эттириб, Давлат геология қўмитаси билан ҳамкорликдаги ишларни янги босқичга олиб чиқди.

“Терриген-1” қудуғини бурғилаш ишлари бошланиши бўйича муҳим қарор тарихий аҳамиятга эга. Чунки шу вақтгача Шўртан” конининг 3500 метр чуқурликкача бўлган салоҳияти ўзлаштирилган. Янги марра эса 4750 метр чуқурлик. Янги ва маҳсулдор табиий газ захирасини топиш мақсад қилинган. Омадлар тилайман!

@Zafarbek_Solijonov Ochish/sharhlash

2021-12-11 14:41:43 Бизда ҳануз хотин-қизлар ҳуқуқлари долзарб масала бўлиб турибди. Адлия маладес, тазйиқ ва зўравонликдан ҳимоя қилиш билан боғлиқ муаммолар таҳлил қилиниб, уларнинг олдини олиш бўйича қонунчиликни такомиллаштириш юзасидан таклифлар ишлаб чиқибди.

Қоринни қаппайтириб, кўчада ошналари билан ошни еб, уйга келиб оддий овқатга қарамайдиган, хотин-қизларга иккинчи даражада қарайдиган "эркак"лар камайсин. Оиласига калций моддалари ва бошқа витаминли маҳсулотни кўпроқ едирадиган эркаклар кўпайсин.

Таклифлар шу ерда батафсил

@Zafarbek_Solijonov Ochish/sharhlash