Zafarbek Solijonov

2021-12-24 11:50:09 UzQUIZ ҳақида гапирмоқчиман

UzQUIZ бу йиллар давомида олган билимингиз, маълумотларингиз, дунёқарашингизни баҳолаб олишга имкон берадиган ўйин. Унда адабиёт, санъат (кино, мусиқа ва ҳ.), архитектура, тарих, география, мантиқ, фалсафа, физика, астрономия, дин ва бошқа турфа хил соҳаларга оид саволлар ўйналади. Биринчи мавсум жуда омадли бўлди.

Атмосферага гап бўлиши мумкинмас. Мен таниган иштирокчиларнинг барчаси ҳаётда ўз ўрнини топган, тенгдошларига ўрнак бўладиган жамият локомотивлари бўлган инсонлар. Савол-жавоб, жамоавий ҳаракат, адреналин - булар UZQUIZнинг асосини ташкил қилади. "Таътиб кўринг", сизга ёқади.

UzQUIZ ҳақида дўстларим Нурбек Алимов, Баҳодир Аҳмедов ўз тарифларини бериб ўтди. Ҳа, биз жавобини топган саволларимизга қувонамиз. Ҳа, биз ютқазишни ҳам, ютган дўстларни самимий табриклашни ҳам ўргандик, ўрганишда давом этамиз. Уни ҳафта давомида кутишимиз, қайсидир миқдорда тайёрланишимиз ҳам рост. UzQUIZ'да барчаси ўзаро ҳурмат ва тенглик устига қурилган.

Шу ўринда, UzQUIZ'нинг яна бир тарафини айтмасам бўлмайди. Бу иштирокчилар қаторида эркаклар билан ҳар соҳада беллаша олишини исботловчи гўзал ҳамда ақлли аёл-қизлари борлигида. "Жаззда фақат қизлар" ёки шу каби жамоаларни назарда тутяпман. Уларга ҳурматим чексиз. Тенгма-тенг курашмоқда. Қачондир биринчи ўринни олишига тилакдошман ва ўрнимдан туриб қарсак ҳам чаламан, насиб.

Ташкилотчиларга эса гап бўлиши мумкинмас. Саидкамол ака, Низомиддин ака, Равшан ака, жавоб варақларини йиғиб юрадиган ўғил-қизлар, Югай брат каби фотографларимиз, сизларга таъзимдамиз! Вақт ажратиб, молиявий манфаат кўзламай, бефарқ бўлмай, умримизнинг маълум қисми мазмунли ўтишига ҳаракат қилганингиз, қилаётганингиз таҳсинга сазовор!

Фурсатдан фойдаланиб дегандек, Ёшлар лидери Алишер Саъдуллаевга "вызов" ташламоқчиман. Алишер, биламан, сиз ва жамоангиз яхши лойиҳаларни доим қўллашга ҳаракат қиласиз. Ўйинларимизда бир қатнашиб кўринг. Лойиҳа оммалашиши учун қўлдан келганча ҳаракат қилинса, биз бундан жуда мамнун бўлардик. Ҳар қандай муносабатингизни ҳурмат қиламиз.

UZQUIZ'нинг кейинги мавсумида барчага омад тилайман. Ушбу мавсум ғолибларини эса чин дилдан табриклайман. Муносибсизлар!

UZQUIZ https://t.me/UZQUIZ2021 Ochish/sharhlash

2021-12-24 10:37:25 Ўзбекистон Миллий университетида баҳоси «миллион доллар» туриши айтилаётган китоблар йўқолган. Ректорат изоҳ беришдан қочаётган экан XIII асрга оид Абу Бакр Собунийнинг қўлёзма асари, Шарафиддин Али Яздийнинг ХV асрда ёзилган «Муқаддимаи Зафарнома» қўлёзма… Ochish/sharhlash

2021-12-24 10:30:44 Яхши хабар

Туркиянинг “Aksa Enerji” компанияси томонидан Тошкент вилоятида қуввати 240 МВт бўлган буғ-газ ва қуввати 230 МВт бўлган газ-поршенли электр станциясини қуриш лойиҳаси амалга оширилаётганди.

Энергетика вазирлиги матбуот котиби хабарига кўра, яқин 7-8 кун ичида электр станция Ўзбекистоннинг ягона электр тармоғига уланиб, қувват узатишни бошлайди. Йилига 550 миллион метр куб табиий газ тежалишига эришилади.

@Zafarbek_Solijonov Ochish/sharhlash

2021-12-24 10:20:26 Манбаларга кўра, президент яқинда ўтказган селекторларининг бирида мансабдор шахсларнинг барчасига янги йилнинг бошида маълум муддати борлиги, таътилга чиқадигани таътилга чиқиб олиши, соғлиғи ёки бошқа масалаларда муаммоси бўлса, ҳал қилиб олиши ҳақида айтган.

2022 йилда президентнинг ҳудудларга ташрифи давомийлиги муддати ўзгариши мумкин. Эшитишимча, бу режа амалга ошса, президент ҳар бир вилоятда бир неча кун қолади, керак бўлса, ташрифи кўзланмаган ҳудудларда ўзи юради, асл ҳолатни ўрганади. Ҳозирдан аксар маҳаллий ҳудуд раҳбарларида ваҳима босиши бошланган.

2023 йил бошидан эса сарҳисоб бошланади. Кетадиган кетади, сурадиган суради, "кирадиган киради", қоладиган эса қолади. Айни вақтдаги энг асосий эътибор - соҳалардаги ўсишни пандемиядан олдинги давр (2017, 2018, 2019) кўрсаткичларига қайтаришга қаратилган. Кўп соҳаларда вазият оғир.

Маълумот расман тасдиқланмаса ҳам керак)

@Zafarbek_Solijonov Ochish/sharhlash

2021-12-23 20:48:40 Ўзбекистон Миллий университетида баҳоси «миллион доллар» туриши айтилаётган китоблар йўқолган. Ректорат изоҳ беришдан қочаётган экан

XIII асрга оид Абу Бакр Собунийнинг қўлёзма асари, Шарафиддин Али Яздийнинг ХV асрда ёзилган «Муқаддимаи Зафарнома» қўлёзма китоби, Алишер Навоийнинг тилла суви юритилган «Хамса» достони ва бошқа ўнлаб нодир қўлёзмалари ЎзМУ кутубхонасидан «сирли» тарзда ғойиб бўлган дейилмоқда. Дахшат!

@Zafarbek_Solijonov Ochish/sharhlash

2021-12-23 20:37:14 "Дунёнинг маркази" Асакада "OH SHIT GROUP" МЧЖ ҳам боракан.



@Zafarbek_Solijonov Ochish/sharhlash

2021-12-23 20:23:11 Вазирлар ва амалдорлар билан гаплашса бўлар экан-ку!

Шу йилнинг 20-21 декабр кунлари Тошкент шаҳридаги Congress Hall'да бўлиб ўтган Тошкент Ёшлар форуми нафақат ёшларга берилган яхши имконият балким давлат мутасаддилари учун ҳам таклифларни тинглаш майдони бўлиб хизмат қилди.

Айтиш жоизки, кўпчилик вазирларнинг учрашувга ҳам руҳан, ҳам маънан яхши тайёргарлик кўрганликлари билиниб турди. Биргина Озодбек Назарбековнинг дўпписини сўраб қолишларини билган ҳолда, ўзлари билан олиб олганликлари уларнинг кучли "страховка" билан келганликларидан маълум бўлди. Шунингдек, Олий Таълим вазири Абдуқодир Тошқулов ҳам ёшларнинг "қитмир" ёки пропагандали саволлари билан эмас, аксинча соҳа ривожи учун ўз таклифлари билан келганликларидан мамнунлигини изҳор этиб, ўз миннатдорчилигини билдирди.

Бу форум ўзида нафақат юртимиз ёшлари ва амалдорларни балки хорижлик ёшлар ва мутахассисларни ҳам ўзида жамлай олди. Ва ёшлар йили учун ажойиб якун бўлди. Ochish/sharhlash

2021-12-23 15:54:09 "Қора ўлат", ожиз илм-фан ва инсоният

XIV асрнинг бошларида Европада ўлат тарқалганидан хабарингиз бор. Айнан шу ўлат Европа жамиятининг ўзгаришида муҳим рол ўйнаган. "Мамлакатлар таназзули сабабалари" китобида шундай жумлалар бор. Епископ руҳонийга ёзган мактубида шундай деган экан:

"Марҳаматли Парвардигор гуноҳлардан покланишни истаган фарзандларига синов учун чақмоқ, момоқалдироқ ва бошқа балоларни ўзининг аршидан юборади. Шу боис қўшни қиролликка шарқдан дахшатли ўлат етиб келган экан, қўрқиш лозимки, токи ихлос билан тўхтовсиз ибодат қилмас эканмиз, ўша захри қотил ўлкамизга етиб келади. Аҳоли касаллик ва ўлимга дучор бўлади. Шунинг учун барчамиз муқаддас китоб оятларини тиловат қилганча, Парвардигор қаршисида гуноҳларга тавба қилмоқ даркор".

Бироқ касаллик етиб келди, ўлат шиддат билан тарқади ва Англия аҳолисининг ярмини ҳаётдан олиб кетди. Итальян ёзувчиси Бокаччо ёзганидек, касалликнинг авж палласида инсониятнинг барча билим ва тажрибалари ожиз қолди. Бокаччо ўз эслатмаларида яна бир тоифа ҳақида ёзган:

"Айримлар бўкиб ичиш, ҳаётдан имкони борича кўпроқ баҳра олиш, кўнгилхушлик қилиб айланиш, имкон бўлиши билан барча хоҳишларини қондириш, ҳаммасига худди ҳазил каби қўл силташни бу дахшатли балодан қутулишнинг йўли деб билди".

Ожиз илм-фан. Ожиз инсоният.

@Zafarbek_Solijonov Ochish/sharhlash

2021-12-23 10:44:38 7 миллион доллар масаласида "Ўзсувтаъминот" АЖ муносабат берди. Ажойиб

Ҳолатга бугун "Ўзсувтаъминот" АЖ муносабат берибди. Халқаро тендер компаниясининг баённомасига асосан пудратчи сифатида Туркиянинг "Alke Insaat Sanayi ve Ticaret" компанияси ғолиб деб топилган. Лойиҳага 7 миллион 310 минг доллар ажратилган.

Лекин лойиҳага пул Жаҳон банкидан олинган (6 миллион 250 минг) ва Ўзбекистондан 1 миллион 60 минг доллар. Маблағлар талон-тарож қилинмаган. Ишлар режадагидек бажарилган. Пудратчи ва субпудратчи "Mega-Mebiko" қўшма корхонаси билан биргаликда Сирғали сув иншоотидан Ховосгача 28 км масофага 700 мм шиша толали қувур ётқизилган.

Аммо қувур босимни кўтара олмагани боис тармоқда бир қанча сизгичлар пайдо бўлган ва аҳолини узлуксиз ичимлик суви билан таъминлашга имкон бермаяпти. "Ўзсувтаъминот" АЖ ва компаниялар шиша толали қувурларни полиэтилин қувурларга алмаштириш чорасини кўраётганмиш. Объект "Ўзсувтаъминот" АЖ балансида эмас.

"Ўзсувтаъминот" АЖ сўзи охирида ёлғон маълумот тарқатмасликни ва бунга жавобгарлик борлигини эслатган. Ҳолатда ким ҳақ? Ҳокимми ёки "Ўзсувтаъминот" АЖ? Биттаси жавобгарликка тортилиши керак, ўзлари айтгандек ёлғон маълумот тарқатгани учун. Яна савол бор, шиша толали қувурлар полиэтилин қувурларга кимнинг ҳисобидан алмаштирмоқда? Поп-корн оволинглар, дўстлар.

P.S. Бир обуначим лойиҳани айси ташкилот қилган, оптик тола қувури қанча босимни кўтариши ҳақида сифат сертификатига амал қилинганми, синов тажрибаси ўтказилмаган бўлса, лойиҳани ким тасдиқлаган, гап катта сумма ҳақида кетмоқда, алмаштириш ҳам эплай олмаганларга бериладими, дея саволлар ташламоқда.

@Zafarbek_Solijonov Ochish/sharhlash

2021-12-23 10:25:11 Ховосда 7 миллион доллар талон-тарож қилинган

Сирдарё вилоят ҳокими Ғофур Мирзаев аҳолини сув билан таъминлаш учун ажратилган 7 миллион доллар талон-торож қилингани ҳақида айтди. Ҳовосда шўр ерга сифатсиз қувур олиб келиб, Осиё тараққиёт банки маблағидан олинган 7 миллион доллар талон-тарож қилинган.

Шу ўринда бир қанча саволлар туғиляпти. Ким ўғирлаган? Нима учун ўғирлаганлар номи ошкор қилинмаяпти? Айбсизлик презупмцияси доирасида гумонланмоқда деб хабар берса бўладику. Шунча маблағ ўғирлангунча назратчи ташкилотлар қараб турганми? Жамоатчлик ҳам ҳолатга беэътибор бўлмаслиги лозим.

Мени эндиликда бир нарса ҳавотирга солиб қўйди. Вазирлар Маҳкамаси қарори билан Ховос марказини қуриш учун Ислом тараққиёт банки ва Саудия тараққиёт жамғармасидан миллиардлар ажратилиши белгиланганди. Ушбу маблағлар масаласида ҳокимлик нима дея оларкин? Мақсадли сарфланганини қаердан биламиз?

@Zafarbek_Solijonov Ochish/sharhlash