Ummu Zaynab Ummu-Azizaxon Ismoilova ijodi kanali

2023-05-17 13:15:24 ​​#тарбия

Ҳар бир оилада бўлганидек, менинг ҳам уйимда қизлар баъзи ишларни сансалор қилиб, қилгиси келмай бир-бирига ағдаришади.

Бизда энг мўмин-қобили Биби. У бировлар егиси келмаган овқатнинг сабзисини, ёғли гўштни, дўлма пўстини, блинчикнинг қиймасини индамай қабул қилиб олади.

Кимгадир ювиш буюрилган идиш товоқларни ҳам индамай ювади, хоналарни йиғиштиради, кирларни таҳлайди, хожатхонани ювиб чиқади. Аммо тўлиб кетса кўзига ёш олади-ю ҳамма нарса ўзига бўлаётганидан нолиб қолади.

Куламан: хўп нима қилгинг келяпти? "Ичингизда ўтиргим келяпти?" дейди ҳиқиллаб... Бўпти, кел дейман ва бира тўла қолганларни ҳам ёнимга чақираман: "Келинглар, сизларга гапим бор!"

Ўйлайманки, ҳамма оналарда бироз нотиқлик бўлиши керак. Мавзуларни қизиқарлироқ гапиришни уддалашимиз керак. Токи ҳеч қачон фарзандларимиз бизни эснаб эшитишмасин!

Қачон бола ишларни сидқидилдан бажаради? Қачонки ўзини ўзи "мен савоб умидида шу ишни қиляпман!" деб ишонтиролса...

Қачон бола ишдан қочади? "Ҳамма мани аҳмоқ қиляпти, ана қолганлар бир нарсани баҳона қилиб четга чиқиб олишди-ю, ҳамма" югур, етим!" ишга ман қолдим. Нима, ҳамма мани чўри кўряптими?"

Бола агар мана шундай фикрласа, ўзига буюрилган ишларни қилишдан қочади. Нафақат болалар, балки биз катталар ҳам шундай ўйлаймиз. Албатта, настройкамизни миядан созлаб олишимиз керак, яъни бу дунёдаги ҳамма одамларни фигура сифатида "робочый стол" дан удалить қилиб ташлаймиз ва фақат Аллоҳ розичилиги учун ишлашни бошлаймиз...

Қизларимга айтдим: "Уй йиғиштираётганда мен масжидни супуряпман деб ишланглар. Чунки бу уйда намозлар ўқилади!

Бурчак-бурчакларни тозалаб артаётганларингизда яна ўзларингизни ишонтиринглар: "Мен бу уйга фаришталар жуда кўп келишини истайман, шунинг учун улар келадиган жойларни артиб тозалаяпман!"

Ойналар сал хиралашса, фикр қилинглар: намоз ўқиётиб ман доим шу тарафга қараб ўқийман. Тезда артиб қўйинглар ва ўзларингизга айтингларки, "бу ишим Аллоҳ розичилиги учун. Онам намоз ўқиётиб шу ойналарга қараб фикри бўлинмаслигини истадим!"

Идиш юваётганингизда айтинг: "даргоҳида жуда кам бўладиган ота-онамнинг ҳизматларини қиляпман. Бу ишим ҳам Аллоҳ таолонинг розичилиги учундир!"

Овқат қилаётганингизда фикр қилинг: "бу овқат ота-онамнинг ва бошқаларнинг ибодатларига қувват бўлади! Шунинг учун сидқидилдан уни бажаришим керак!"

Ишни энг кўп қилаётган одам аҳмоқ одам эмас, қайтага у ютуқда турган одамдир. Савобдан қуруқ қолиб кетаётган аҳмоқ!

Қизларим жим бўлиб қолишди. Болаларимизга ҳамма нарсанинг туб моҳиятини тушунтиришимиз керак. Ана шунда улар кейинчалик ўзлари ҳам воқеалар ортидаги ҳикматни тушунишадиган бўлишади.

Яна бир нарса: ҳаётимизда жуда кўп бировнинг меҳнатини билмайдиган одамларни учратамиз. Ана ўша пайт ҳар ким "шу оқибатни итга қилсам бўлмасмиди?" дейди ва қадрига ачинади. Йўқ, агар сиз ҳар бир ишни Аллоҳ розичилигини ўйлаб қилсангиз, кейинчалик бу ишларнинг ҳикматини тушунасиз.

Одамлар сиз қилган ишларни унутиши мумкин, аммо Аллоҳ унутмайди ва ўзи бундай бандаларини юзага чиқаради!

Азизахон Исмоилова

@Ummuzaynabummuijodi Ochish/sharhlash

2023-05-17 12:41:21 ​​​​#таскин.

Афсусланасиз...

Кўпроқ нимадан?!
Кимгадир ишонганингиздан, билмайдиганларга қилган меҳнатларингиздан, садоқатни тушунмайдиганларга кўрсатган вафойингиздан, совуқ инсонларга порлаган меҳр қуёшингизнинг беҳуда нурларидан...

Афсусларингиз кўп!
Лекин, ортга қайрилмай кетиб бўлдингиз, ортингиздагилар бир куни ҳаммасини тушуниб етишади,
яхшилигингиз бошқа бировлардан қайтади, нотанишлар билан пишиқ ришталар уланади. Кимдир вафони сиздан ўрганади.
Бир куни ҳаммаси сиз учун оддий воқеъликка айланади.

Лекин ҳақиқий афсусланиш қачон бўлади?!

Қачонки, сиз ўз қадрингизни ўзингиз билмаганингизда!

Сизга ҳам бошқаларникидек қўл-оёқ, кўз-қулоқ берилганди. Сиз ҳам Аллоҳ таолонинг бир санъат асари эдингиз!

Сиз учун қаламлар қадар кунида минглаб фараҳбахш кунларнинг ташрифини битганди...

Сиз онангиз раҳмига миллионлаб тушганлар ичида танланган ягона умр неъмати тутилганлардан бири эдингиз...

Кўзларингиз нурни кўрарди, капалак рақсини, камалак рангларини, булутларнинг оппоқ уммони чизган суратларни томошо қилиш бахтига лойиқ инсон эдингиз...

Гўзал умрни кимнингдир фитнасида, кимнингдир ўлжасида, кимнингдир панжасида ўтказманг...

Сизда жуда кўп имконлар бор...
Афсусланиб қолманг...
Бебаҳо умр кунлари саноқлидир, саноқ шунинг учун ўйлаб топилгандир!

Ўз қадрингизга етинг, яхшиларни қадрланг...
Адолатли бўлинг!

Дунёда ҳар нарсанинг уволи ва ҳисоби бор!
Хатто қайтишингизни кун санаб кутаётган ёки кутмаётганларнинг ҳам ўз умр саноғи оз қолди...

Азизахон Исмоилова.

@Ummuzaynabummuijodi Ochish/sharhlash

2023-05-17 06:24:38 ​​#ибрат.

​​Бир куни ҳазрати Хизр ҳаммомда бир ўзи орқасини ишқалашга қийналиб ўтирган қариянинг олдига келиб, дебдиларки:
-Эй қария! Ёшлик даврингда қарияларга ёрдам берганингда эди, ҳозир атрофингдаги ёшлар ҳам сенга ёрдам беришарди.

Ва қариянинг орқасини ўзлари ишқалай бошлабдилар. Қария ўзига ёрдам бераётган одамга қайрилиб ҳам қарамай, жавоб қилибди:
-Мен йигитлигимда қарияларга кўп ёрдам берардим. Ҳозирги ёшлар эса... ҳа майли, булар шунақа экан-да, ҳечқиси йўқ...

-Демакки, ўша яхшиликларни астойдил, чин кўнгилдан адо этмагансан, Аллоҳнинг севгисини қозонмагансан- давом этибдилар ҳазрати Хизр. – Агар яхши ишларинг билан Аллоҳнинг розилигини қозонган бўлганингда эди, уларнинг хайрини албатта кўрган бўлардинг.

-Агар Аллоҳнинг розилигини қозонмасайдим, - жавоб қилибди қария, - Хизр алайҳиссаломнинг ўзи ҳаммомда менинг орқаларимни ишқалаб ўтирармиди!

Ҳазрати Хизр қариянинг бу сўзларидан лол қолибдилар. Аллоҳга юзланганда нидо қилибдиларки:
-Эй Раббим! Мени Сени севганларнинг исм-шарифлари, кимликларидан хабардор қилгандинг. Лекин улар орасида бу қария йўқ эди-ку?

Хизрга шундай жавоб бўлибди:
-Эй Хизр! Сени- Роббисини севганларнинг кимлигидан хабардор этдим, тўғри...

Аммо!

Ўзим севганларнинг кимлигини эса Ўзим биламан!..

Манба: Дилфуза Комил ижоди канали.

@Ummuzaynabummuijodi Ochish/sharhlash

2023-05-17 05:42:20 #хайрли_тонг

Ассалому алайкум вараҳматуллоҳи ва баракатуҳ!

Бугун сизлар билан бироз кечроқ саломлашмоқдамиз. Омонмисиз?

Орзу — ёмғирларда томчилаган бахт,
Армон — эриб кетган қорнинг парчаси.
Ният — бедор тунлар қилганимиз - аҳд,
Ҳаёт — сенга тутган умрим барчаси.

Шукр — тилларимдан тушмаган калом,
Қувонч — кўзларингда ўқиган байтим.
Толе — ҳар тонг сенга йўлланган салом,
Бахт-чи, дуоларга берилган қайтим.

Азизлар, чиндан-да ҳар тонг сизга салом йўллаб турганимизнинг ўзи бизнинг толейимиз!

Дуоларингиз мукофоти гўзал кунлар бўлсин!

@Ummuzaynabummuijodi Ochish/sharhlash

2023-05-10 19:56:27 ​#иқтибос.

18 ёшда одамлар биз ҳақимизда нима деб ўйлашларига қизиқамиз; 30 ёшда одамлар биз ҳақамизда нима деб ўйлашларига аҳамият бермай қўямиз; 60 ёшда эса... аслида ҳеч ким биз ҳақимизда ўйламаслигини тушуниб етамиз!

Жон Роберт Фаулз

@Ummuzaynabummuijodi Ochish/sharhlash

2023-05-10 19:38:43 Mendan u asarni bu asarni soʻrab meni qistab shoshtirmanglar deb yozibsiz. Bekorlarni beshtasini aytibsiz. Kim sizni zoʻr zoʻr asarlar yozib chanqab yotgan mushtariylarni sehr jodu qilib olsin debdi.Tochniy oʻzingiz aybdorsiz. Oldi qochdi asar yozganingizda… Ochish/sharhlash

2023-05-10 19:38:03 Mendan u asarni bu asarni soʻrab meni qistab shoshtirmanglar deb yozibsiz. Bekorlarni beshtasini aytibsiz. Kim sizni zoʻr zoʻr asarlar yozib chanqab yotgan mushtariylarni sehr jodu qilib olsin debdi.Tochniy oʻzingiz aybdorsiz. Oldi qochdi asar yozganingizda hech kim sizni bezovta qilmasdi,kitoblaringizni talashib janjal qilmasdi.Maaaaaaaazza qiliiiiiib yotgan boʻlardingiz xoʻppi. Bu kishimmi ota onasiga ham xayronsan. Pul berib yallo qilib yurishga qoʻymasdan, erinmay kitoblar oberib adabiyot gulshaniga yetaklab kirgizishibdi.Ular qaydan bilsin qizlari kaaaaatta boʻlib,qaliiiin qaliiin kitoblar yozib shuuuuuuncha odamni mihlab qoʻyishini.Bilishmagande. Ustozlari ham bilmagande, erta bir kun adabiyot boʻstonida yangilik qilishini,yangi asar oʻqiyman deb shogirdlarini bezovta qilishlarini. Kasalmi u, boshiga ish tushganmi,onami,pazandami,chevarmi bizga farqi yoʻq. Sud hukm chiqarsin. Aybdor jazoga tortilsin.Bir kunda 24 soat boʻlsa 25 soat kompyuter oldida oʻtirb yozsin.Qolgani bizga voshshem qiziqmas.Hukm qatiy, shikoyatga voshshem oʻrin yoʻq. Ochish/sharhlash

2023-05-10 19:09:37 #видеохона.

Мен фақат онамни тишлайман деган лавҳа экан

@Ummuzaynabummuijodi Ochish/sharhlash

2023-05-10 16:14:11 #сўраган_эдингиз.

1) "Қисқа сатрларда" каналимнинг линки:

https://t.me/qisqa_satrlarda_Ummu_Zaynab

2) Буниси мана шу Ummu Zaynab Ummu ijodi каналимни линки:

https://t.me/ummuzaynabummuijodi

3) Буниси эса Таскин гуруҳининг линки:

https://t.me/taskin_Azizaxon Ochish/sharhlash

2023-05-10 15:44:15 #сериал_қисса

Янги асар:

ГУНОҲ

(қисса)

Моҳигул НАЗАРОВА

Иккинчи қисм

Кўчага чиққан Дилором қаерга боришни аллақачон ҳал қилиб бўлганди. Алишер акаси ўзларига деб олиб қўйган уйга боради. Шу мақсадда тез-тез юриб, катта йўлга чиқди. Такси тўхтатди-да, манзилни тушунтирди. Етиб боргунча, ўтган вақт унинг назарида жуда секин кечгандек эди.
   Таниш уй олдида таксидан тушган Дилором учинчи қаватга кўтарилиб, ўз калити билан эшикни очди. Уйга кирди-да, ўзини меҳмонхонаги диванга ташлаб,йиғлаб юборди. Охири ҳиқиллаб қолди.

Давоми...


https://telegra.ph/Guno%D2%B3-05-09-2 Ochish/sharhlash