Kanal manzili:
Toifalar:
Psixologiya
Til: Oʻzbek tili
Obunachilar:
14.04K
Kanalning ta’rifi
Бисмиллаҳир роҳманир роҳийм. Хуш келибсиз!
Азизахон Исмоилова (Ummu Zaynab Ummu)
Мурожаат: @UmmuZummu_bot
Китоб буюртма: @Kitob_savdo_bot
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
0
2 stars
1
1 stars
2
Oxirgi xabar 4
2023-06-07 02:25:06
#хайрли_тонг.
Ассалому алайкум вараҳматуллоҳи ва барокатуҳ!
Хонадонингизга тонг билан бирга ёруғлик кирсин!
Қалбингизга тонг билан бирга хотиржамлик жо бўлсин!
Кунингиз яхши кайфиятда ўтсин илоҳим, азиз қадрдонлар!
@Ummuzaynabummuijodi
10.4K views23:25
2023-06-06 18:53:29
Бир кишидан: "Раббингни нима билан танидинг"? деб сўралганида. У киши: "Дуоимни ижобат этиши билан", ― деб жавоб берган экан.
Аллоҳга яхши гумонда бўлиб, ихлос ила сўрасангиз, албатта, У Зот дуоингизни ижобат қилгай.@ummuzaynabummuijodi
7.4K views15:53
2023-06-06 17:09:26
#астағфируллоҳ.
Тавба, тавба... Бу одамлар нималарни ўйлаб топмайди-я! @Ummuzaynabummuijodi
8.8K views14:09
2023-06-06 15:44:35
Мана линк: https://t.me/qisqa_satrlarda_Ummu_Zaynab
6.9K views12:44
2023-05-18 20:19:01
#ибрат.
Шайх ҳазратлари ҳақида хотиралар. @Ummuzaynabummuijodi
2.7K views17:19
2023-05-18 17:59:24
#яхши_шеърлар
ЖАҲАННАМНИНГ НОМИ...
Зикр тушар ҳамон қаландар дунё,
Савдоси ярашмас,
Дарди ярашмас,
Оти ўчиб борар афсоналарнинг,
Фожелар ечимсиз,
Кураш – курашмас.
Тўралик тўнлари – муттаҳамларда,
Энди қўрқоқликнинг оти сабрдир,
Хиёнатнинг номи – уддабуронлик,
Оқкўнгиллик – жафо,
Поклик – жабрдир.
Зинонинг номини муҳаббат қўйдик,
Бозорга солинди орлар, қадрлар,
Гўзаллик сотилди,
Иффат сотилди,
Савдога қўйилди ҳатто қабрлар.
Риёни замона зайлига йўйдик,
Наҳс аҳлин ҳаёти уйғотди ҳавас.
Ёлғонда – янги ном,
Ширкда – янги ном,
Энди ҳақиқатлар – ҳақиқат эмас!
Ёвга қуллуқ қилдик,
Нафсга – қуллик,
«Мен» дедик,
Ўзликнинг баҳридан ўтдик.
Шайтон хизматида қовуштирдик қўл,
Ва лекин,
Худодан марҳамат кутдик...
Эркаклар эркакка завжадир (юз вой!),
Хотинлар эрман деб уради ханда.
Минг бир қиёфамиз,
Минг нағмамиз бор,
Бир номимиз – улуғ,
Бири – шарманда.
Ерни осмон десак,
Осмонни тупроқ,
Дунёнинг номини ўзгартирсак ҳам,
Асло бузилмагай илоҳий меъёр:
Жаҳаннамнинг номи ҳамон жаҳаннам...
ДИЛФУЗА КОМИЛ
@Qisqa_satrlarda_Ummu_Zaynab
4.3K views14:59
2023-05-18 17:31:53
#нимадир.
Кимнингдир кўксидан юлиб олинган ва эндиликда қайсидир "қашшоқ" нинг кўксида уриб туриши мумкин бўлган юрак.
@Ummuzaynabummuijodi
4.4K views14:31
2023-05-18 17:13:18
#Баъзи_ҳақиқатлар...
Биз ёмон деб ўйлаган ишларнинг ортида нима бор?!
Агарда билиб билмасдан қандайдир айб қилгудек бўлсангиз, сизнинг атрофингизда одамлар ўз-ўзидан сараланишни бошлайди:
"Хатони ўзинг қилдинг, баттар бўл!" деб ошкора мазаммат қилгувчилар....
Шу гапни ичида айтиб, йўқ бўлиб қоладиган ғойибмирзалар...
Айблашдан йироқ, индамасдан қўллагувчилар...
Ёки ҳеч ким...
Агар синовли кунларда атрофингизда "баттар бўл!" дегувчиларни учратсангиз, бир куни ёруғликка чиққанингизда бу воқеаларни албатта кулиб эслайсиз: ўша одамлар ўзлари айб қилганида уларга худди ўзидек муомала қилмасликка ҳаракат қиласиз...
Агар машаққат сизники бўлганда, атрофингизда ҳеч нима демасдан, бирдан ўзидан-ўзи йўқолиб қоладиганларни сезсангиз, "иншааллоҳ, бу кунлардан чиқиб олсам- уларга ҳеч қачон қилганларини қайтармайман!" деб дилингизга тугиб ҳам қўясиз...
Чунки уларга мардликни кимдир ўргатиши кераклигини биласиз...
Агар ўша оғир пайтда- сизга индамасдан яхшилик қиладиган одамларни учратган бўлсангиз, демак-ки Аллоҳ таоло вакил қилган яхши одамлар сизга томон келиши қадарингизга битилган бўлган...
Агар-да машаққат чоғида атрофингизда ҳеч кимса қолмаган бўлса- билинг-ки, бунинг ҳам ўзига яраша хикмати бор!
Ўша қоронғу кунларда озроқ қийналасиз, лекин...
Кейинчалик бежизга ёлғиз қолдирилмаганингизни тушуниб етасиз...
Демак, ўзингизда нимадир ёки қанақадир яширин куч бўлган ёки сабрдан синалишингиз керак бўлган...
Биз Аллоҳдан нимани сўрашимиз керак?!
Муаммо ёки синов қаҳрамонларни, қўрқоқларни, содиқлар-у ҳиёнатчиларни ёки ўзимизнинг ички кўникмаларимизни юзага чиқариш учун содир бўлади.
Омон-омон замонларда топмаган ҳулосаларингизни, кучингиз -у, қадр-қийматингизни машаққатли ва синовли кунларда қўлга киритасиз.
Ҳеч нарса аслида ёмонликка эмас...
Сиз Аллоҳ таолодан нима бўлганда ҳам, ўша ваъдани- яъни бир оғирчиликдан сўнг албатта енгилчилик ўзингизга жорий бўлишини сўранг...
Ўзи сизни ташлаб қўймасин!
Азизахон Исмоилова @Ummuzaynabummuijodi
4.5K viewsedited 14:13
2023-05-18 17:00:41
#ижод
АЁЛГА БАХТ БЕРИНГ!
Муаллиф: Азизахон Исмоилова
11-қисм
Муҳаббатой кўзларини юмди. Аввал кўз олдига ўз чиқимларини бир чеккадан қоғозга ёза бошлаган қизи Маликахон, сўнг ўтган йилги курткани калталиги сабаб бу йил кийиб бўлмаслигини айтиб ғингшиётган ўғли Мадаминжон келди.
“Ҳа, унга бу йил куртка олиб бермасам бўлмайди. Муҳаммадалига ҳам бирон нарса олиш керак. Агар яхши пулга оёқ кийим кўрсам, оламан... Хурсанд бўлиб қолади!”
Кейин беихтиёр эрини ўйлади. Униям қишлик шимлари ярамай қолган. Ҳеч йўқ битта қалин шимми ё спортивками олиши керак. Бу ёғига энди ичмаяпти, эхтиётлаб кияр...
Машина қаттиқ силкинган пайт Муҳаббатойнинг чаккаси ён тўсиққа қарсиллаганча урилиб қайтди:
—Вой бошим...
Кетма-кет чалинган чўзиқ сигнал эса ўтакани баттар ёргудек қилди:
—Ҳой, кўзингизга қарасангиз-чи!
Машина яна бир чайқалган пайт Муҳаббатой апил-тапил олд ўриндиқлардан бирининг суянчиғини чангаллаб олишга улгуриб қолди.
—Қанақа ҳайдаяпсиз ўзи? Кўрмаяпсизми, рўпарадан келаётган мошинани?
Ҳайдовчи ҳам ўзини нимадир деб оқлагиси келди шекилли, Муҳаббат томонга ўгирилиб ўшқиришга тушди:
—Мен эмне кылышим керек? Машина жолдо токтоп калса, андан секирип өтүшүм керекпи?
—Ман сизга сакраб ўтинг демаяпман! Сал эхтиёт бўлиб ҳайданг деяпман!
Муҳаббатой энди киприк қоқишга ҳам қўрқиб қолганди. Ҳавфли бурилишларнинг бирида олдиларидан яна битта катта машина чиқиб қолди. Сал қолса даҳшатли тўқнашув содир бўларди.
—Ҳай! Кўзизга қаранг! Кўзизга қаранг... Вой...
—Көзүмдү карасам кантип машина айдайм? А?! Кантип машина айдайм?
—Бурилаётганда сал тезлигини пастлатади-да одам деган! Боядан бери қараб келяпман, юздан пастлатмай буриляпсиз-ку! Биронтасига урилиб кетсак, нима бўлади?
Муҳаббатой ўпкаси йўқ шофер билан тортишишга тушди. Уям битта гапдан қолмади, буям!
—Машинасида одам опкетяпти-ю, буни бемалолхўжалигини қаранглар! Сал қолса инфаркт қилай деди-я!
Боядан бери орқа ўриндиқда қўлидаги ўттиз учталик тасбеҳни шиқ-шиқ қилиб ўгириб жим келаётган Муҳайё синглисининг ваҳимасига шунчаки кулиб қўйди.
—Йўл бўлганидан кейин ўзига яраша оғирчилиги бўлади-да! Мана кўпи кетиб ози қолди, етволамиз Худо хоҳласа...Қурут берайми, Бабатой? Ма, шимиб кет!
Опаси узатган қурутни юраги беҳаловат бўлиб ўтирган Муҳаббатой лунжига қистирди. Ниҳоят икки юз эллик километрли довон ортда қолиб минг таҳлика, минг ҳавотир билан сершовқин шаҳарга кириб боришди.
Машинада ўтиравериб оёғи увишиб қолган экан. Муҳаббатой оёғини силай-силай опасининг ортидан эргашди.
Беш соат бозорда юришди. Қараса, опасининг оёқ ошиқларининг атрофи ҳамирдек кўпчиб шишиб кетибди. Буйраги безовта қилди шекилли, Муҳайё бир жойда тўхтаб кетма-кет учта-тўртта дорини ичди.
“Опамгаям қийин экан! Аёл боши билан ҳали Туркия, ҳали Пекин, ҳали Бишкек қилиб юради. Бир нарсага муҳтож бўлсам дарров кўзимга опам кўриниб бораверарканман-у бечоранинг қанақа қийналиб пул топишини билмас эканман. Қадалиб шунча соат йўл юриш, жонини хатарга қўйиб довон ошиб бориш, иссиқ-совуқ, ёмғир-қор демай бозорга чиқиш, тик оёқда туриб савдо қилиш... Эҳ-ҳе, бу опам чекадиган заҳматларнинг ярмисиям бўлмаса керак? Яна мен билмаган қанчадан-қанча қийинчилик, қанчадан-қанча машаққати бор... ”
Алламаҳалда уйга кириб келди. Болалари ухламасдан эшик ёнида кутиб ўтиришган экан.
—Маликахон отанг қани? Уйдами ўзи? Нима қиляпти? Ухлаяптми? Бор, аям келди деб айтиб чиқ!
—Дадам... Ҳалиги...
Қизининг кўзи билан ер чизганча туришини кўриб, йўқлигида нима воқеа рўй берганини тушунди-ю Муҳаббатойнинг оёқ-қўли бўшашиб кетди:
—Янами? Яна ичиб келдими?
Болалари ҳудди айб иш қилиб қўйгандек бир-бирига қаради. Муҳаббатойнинг энди шунча жойдан ўла-топпа кўтариб келган нарсаларини улашишга ҳам, болаларини севинтиришга ҳам куч-иштиёқи қолмаганди. Беҳолгина бўлиб пичирлади:
—Маликахон, айтган нарсаларингни олдим, қизим! Сумканинг ёнида Мадаминга куртка бор! Муҳаммадали сенгаям этик олиб келганман. Яхшисидан...
(Давоми бор) @Ummuzaynabummuijodi
4.4K viewsedited 14:00
2023-05-18 12:52:59
#онаизорим.
Она сизга нималар берганини, нималар илинганини, сизни қайси пайт кўпроқ ўйлаганию, сизга қанча илҳақ бўлганини ҳаммасиниям сезмагансиз...
Овқатига қанча гўшт солганиниям у ҳисобини олади, болаларига сузиб, ўзига етмай қолса "қорним тўқ эдия" дейди, оёғингиз ўсаётгани сари чамалайди, чамаси келгач, киймай олиб қўйган туфлисини ёнингизга қўяди...
Бўйингиз қанча ўсганиниям сиз сезмагансиз, унинг кўзлари эса буниям ҳисобини олган, сочингиз "ойда қулоч, кунда тутам" бўлганини ҳам, ўсиб- қошингизга туташганини ҳам у илғаган...
Кўз остингиз нега салқидию, кипригингиз тўкилганини ҳам у пайқади.
Мактабдан қайтиб, сумкани қанақа тўппиллатганингизни ҳам эътибордан қочирмайди- сизнинг Онангиз...
Юзингиз нега қизардию, яшириб суртган қош қаламингиз сабабиниям, ҳеч ким сезмаган шабода ҳисларниям Онангиз сезди аллақачонлар...
Балки орқасидаям кўзи борлиги ростдир, балки ростдан ер остида илон қимирлашиниям сезар, балки кўнгилларда кечганини авлиёдай ростдан ўқий олар, қайдам...
Ухламай кўйлак тикибди, сезмадингиз: у ўлчамингизни олмаганди, лекин кийсангиз лоп лойиқ!
Шу нарсаларни сираям ўйламагансиз, шу тобда уйқу қочдию, ақл титиб- титкилаб сизга барини эслатди...
Онангизни йўқотдингиз!
Ҳали совумаган кафтларга узоқ тикилиб қолдингиз, ажинларини ёдлаб олмоқчисиз, унутмаслик учун...
Кўргингиз келганда суратлар, тасвирлар сизнинг хоҳишингиздагини беролмайди...
Шунинг учун барини эслаб қолишга тиришяпсиз!
Қаранг-а!
Онангиз Сизни беш қўлдай биларди, сиз эса унинг хатто қўлларини тузукроқ томошо қилмаган экансиз...
"Эҳ, онам- а менинг чевар онам!"
Азизахон Исмоилова @ummuzaynabummuijodi
6.1K views09:52
U
