Ummu Zaynab Ummu-Azizaxon Ismoilova ijodi kanali

2023-06-09 02:49:42 #йўл_бўлсин Муаллиф:  Азизахон Исмоилова 89-қисм.      Шу еда Тўтибу хола “гапларингизни уқмаяпман!” деди шекилли, аёл овозини бир парда кўтариб шанғиллашга тушди:     “Хоживойимизни илаб урибди деяпман! Оғзи-бурнини қонға тўлдуриб урибди,  эшитдингизми… Ochish/sharhlash

2023-06-09 02:49:14 #хайрли_тонг

Ассалому алайкум вараҳматуллоҳи ва баракатуҳ!

Осмонимиз ёришиб, қушлар яна ўз нағмасини бошлади. Бизни ёнбошдан кўтарган ва тириклар сафига қўйган Зотга ҳамду сано бўлсин!

Барчангизга ушбу кун учун қилган режаларингиз ўйлаганингиздан ҳам аълороқ кўринишда амалга ошсин деб қоламиз.

Кунингиз яхши ўтсин, кайфиятингиз тушмасин. Ҳамиша яхшиларга ўз яхшиликларингизни илиниб қолинг!

@Ummuzaynabummuijodi Ochish/sharhlash

2023-06-08 02:29:46 ​​#шеърият

БЕШАФҚАТ БАЛЛАДА

Бу қиз бир сўмга ҳам қилади муқом,
Тўйдан қочиб чиқди уялиб мақом.

Қўшиқ — навбатдаги бир "...хон" ҳақида,
Пулни ол! Ор-номус эски ақида.

Ишвани ёпиштир баданга, юзга,
Айниқса, мастларни қочирма кўздан.

Ишва бозори бу! Столлар — раста!
Торнинг гилофида пул даста-даста?

Анов дўкончига қил аввал таъзим,
Бир дам совумасин бир нодон базм.

Раққоса! Хиром қил отгунича тонг,
Сўнг ухлаб оларсан келганида шом.

Уйғониб, йиғларсан шом чоғи албат,
Агар йиғламасанг ундан ҳам даҳшат...

Раққоса! Даврада илдам-илдам суз!..
Нега нозинг — олов, кўзларинг — нақ муз!

Ҳа, ҳаёт — бешафқат! Тугади эртак!
"Тўхта!.." деб қичқирмас бирор-бир эркак!

Усмон Азим

@Ummuzaynabummuijodi Ochish/sharhlash

2023-06-08 02:23:28 #хайрли_тонг

Ассалому алайкум вараҳматуллоҳи ва баракатуҳ!

Янги омадли кунингиз билан!

Кун давомида яхши кайфият ҳамроҳингиз бўлсин!

@Ummuzaynabummuijodi Ochish/sharhlash

2023-06-07 20:19:15 #туннома.

Бировга тиш қайраган аламзада кўп, нияти ўнг келмаган кас-- омади юришган ҳар кимдан гина қилади.

Равон йўлингга тикилган чақир кўз кўп, йиқилишингни, йўлларда кесакдек едирилиб йўқ бўлиб кетишингни истайди у...

Охири яхшилик билан тугаган ҳикоялар фақат киноларда ёки китобларда бўлади деб ўйлама. Сенинг ҳикоянг ҳам агар истасанг, яхшиликда ниҳоя топади. Фақат ҳайрон бўлма, қани ўша яхшилик деб?

Ўзингга қара: бу ҳикоянинг энг яхши жойи ўзингсан! Сенинг тишлар орасида йўқ бўлиб кетмаган ўзлигинг, чақир кўзлар--кўзланиб ҳам йиқитолмаган жуссанг, портлаб кетмаган қалбинг, кесакка айланиб қолмаган туйғуларинг бор!

Бу энг яхши хотима!

Дунёни ёмонлар босса ҳам ҳавотирга тушма, ҳаёт сени пишитади. Пишитиб бўлгач, минг хил тегирмонга ташлаб кўради. Нега? Қандай пишитганини билиш учун...

Сен эса бу тегирмонлардан бир қоп ун орқалаб чиқмайсан. Гард тегмаган қалбингни кўтариб чиқасан!

Яхши хотиманг, покиза қалбинг билан омон бўл...

Азизахон Исмоилова

@Ummuzaynabummuijodi Ochish/sharhlash

2023-06-07 20:05:20 ​​#яхши_шеърлар

ҲАР КЎРГАНИНГДА!

Шукрлар ёғдиргил - кўнглинг бўлса тўқ,
Ҳовлингга саломат ҳар кирганингда.
Тонгда топганларинг баъзан шомда йўқ,
Меҳрига тўйиб ол ҳар кўрганингда!

Кимлар бор қалбини тамоман йиртиб,
Бой бердилар ҳақни муваққат ер, деб...
Раззоққа тилангил, ҳалолдан бер, деб,
Саҳарда кўз очиб ҳар турганингда!

Одамлар ичра бўл, ё бўйла ёлғиз,
Ҳеч қайга кетмассан ўзингдан олис.
Оёғи йўқларни эслаб қўй холис,
Бемалол, оғриқсиз, ҳар юрганингда!

Мол давлатинг ўғил-қизингникидир,
Сенга вафо қилмас, изингникидир.
Эҳсон деб берганинг ўзингникидир,
Чап қўлинг билмасин ҳар берганингда!

Хайрулло, нечукким, айт, серғурурсан,
Ўзингни намунча ўтга урурсан?
Билиб қўй, ер сори шўнғиб борурсан
Кўксингни ётларга ҳар керганингда!

Хайрулла Ҳамидов.

@Ummuzaynabummuijodi Ochish/sharhlash

2023-06-07 19:08:56 #ижод.

Муаллиф: Азизахон Исмоилова

СЕҲР ВА МАКР.

ҳикоя.

Иккинчи қисм.

Саҳна яна бир марта ёпилиб очилди. Энди воқеалар ривожи янада тезлашгандек эди. Тузукроқ суриштириб ўтиришмади ҳам, отасига маълум: йигит оиланинг кенжаси, Шоҳидага тенгқур! Ҳамма ака Россияга кетиб, онасининг юмушига яраб ўтирган ўғил шу! Йўлдошали ака яхши одам. Олдин устачилик қиларди, ҳозир Россиячи бўлиб кетган. Камаз-камаз гилос ортишади, помидор, кузакда узум! Ҳаммасини одамларникидан йиғиштиришади. Қолган 3 ўғилнинг ҳам тирикчилиги шу! Қуда аёл оёқ оғриғига чалинган. Ўрнига Муборхон совчиликка юради. Мана канадек ёпишиб олиб, охириям розилигини олди, тушмагур!

Давоми...

ЎҚИШ УЧУН ШУ ЁЗУВНИ БОСИНГ Ochish/sharhlash

2023-06-07 19:06:31 #ижод.

Муаллиф: Азизахон Исмоилова

СЕҲР ВА МАКР.

ҳикоя.

Биринчи қисм.

1992 йил.   

Шоҳида эрталабда ишга отланаркан дарвозахонадан чиқаётиб рўпарадан келаётган ғалати юз қиёфасига эга, оқ-сариқдан келган, бир оёғини бироз силтаб босадиган чўлоқ аёлга урилиб кетди. Аёл бало-қазонинг ўзгинаси экан, шартта Шоҳиданинг билагидан чангаллаб ўзига тортди-қўйди:

-Танидизми, Шоҳидахон?  Юраккинангиз жиз этгандир-а?  Вой, қизариб кетганини-чи буни, ҳа-ҳа-ҳа... Ман бўлажак турмуш ўртоғингизнинг опаси бўламан-а? Ичингиз шув этгандир?! Айланибгина  кетай-а, қоқиндиқ... 

Давоми...

ЎҚИШ УЧУН ШУ ЁЗУВНИ БОСИНГ Ochish/sharhlash

2023-06-07 14:06:39 #нимадир.

Вақтнинг қадрига етиш керак. Яхшиларнинг қадрига етиш керак.

Вақтнинг қадрига етмасангиз қумга ўхшаб бармоқларингиз орасидан тўкилиб кетади.

Яхши одамларнинг қадрига етмасангиз улар ҳам ҳудди шунга ўхшаб ўзидан-ўзи йўқлик қаърига сингиб кетади.

Ёмонни кўп беради ҳаёт, яхшини битта яхшингни олиб қўйиб кейин беради. Ёки ниманидир мисқоллаб йиғиб тўлов қиласан.

Кўз ёшингдан йиғасан, дуоларингдан йиғасан...

Сокин, бировга зарар бермайдиган, яхши фазилат эгаси бўлган инсоннинг тепасида лупа ушлаб турадиган бекорчи томошабини кўп бўлади.

Чунки ўша лупа ушлаганлар бошқа сўқимга боқилган буқанинг тепасига бориб бу ишини қилолмайди. Қўлини синдириб, қўйниғига тиқиб қўйишини билади. Ҳамма вақ-вақ яхши одамнинг устида!

Юзга кирса ҳам энди эмаклаб юришни ўрганган тепасига келиб миясининг қатиғини чиқараверади. Яхши одам эса индамайди. Индаса, бу "ёзнинг кунида қизил қор ёғди!" деган гап...

Дунёда аҳмоқ кўп. Нимага? Чунки аҳмоқ ўзига умр нима учун берилганини билмайди. Вақтини бировни кавлашга, муҳокама қилишга, бир тийинлик фойдаси йўқ баҳсларга соб қилади.

Тентакка сукутни қабр ўргатади дейишгани ҳам рост.

Балки буям бир ҳикматдир...

Азизахон Исмоилова

@Qisqa_satrlarda_Ummu_Zaynab Ochish/sharhlash

2023-06-07 02:28:55 #дуо

Аллоҳим! Зеҳнимга илм ва ҳикмат, фикримга фаросат ва басирот, баданимга сиҳҳат ва офият, руҳимга такомул (комиллик) ва матонат эҳсон айла.

@Ummuzaynabummuijodi Ochish/sharhlash