Ummu Zaynab Ummu-Azizaxon Ismoilova ijodi kanali

2023-05-10 15:14:00 #таскин.

Ҳорғин йўловчидек жим ўтиб боряпсан:

Энди олдинда сенга пешвоз чиқадиган кунларинг кам...

Тажрибаларинг аччиқ...

Қалбинг оғирлик қилиб қолади баъзан...

Сени чарчатган- яшашнинг оғир синовлари эмас, ҳар сония- сен тикилиб чарчаган- ўзгарувчан чеҳралар...

Ҳаёт шундай-ки, сен пойчўки бўлиб, ўзингни нисор қилган одамларни эмас, мутлоқо танимаганинг, ҳаётда учратмаганинг, қиёфасига термулиб сағир каби сарғаймаганинг- нотанишларни ҳам дўстингга айлантиради...

Шундай кунлар бўлади-ки, дардингни кўриб, ҳис этмаганлар ана шу ярангни кўзини юмиб туриб кавлаганида- оғринасан...

Шундай кунлар бўлади-ки, тилингдан кўчмаган, лекин сатрларингга шимилиб қолган дардни тушуниб, кўрмаса-да малҳам қўядиган дўстларни учратасан...

Сени кўрмай севганларда бир хайр бор, улар ўзлари кўрмаган ҳар нарсага меҳр қўйгувчилардир: Аллоҳ таолога, Росулуллоҳ саллоллоҳу алайҳи васалламга, Жаннатга...

Азизахон Исмоилова

@Ummuzaynabummuijodi Ochish/sharhlash

2023-05-10 14:17:20 #кайфият.

Кимдир "негадир ҳечам таскин гуруҳига киролмаяпман" деб ёзибди...

Жавобларни қаранглар:

Maqsudaoy ∞:
Таскинга кириш қийиндирооов негаки мен ааанчадан бери киролмайман менимча стажим етмайди кейин медосмотр хар хил дакимит ишлари қиммат шуничун киролмаяпман ҲАЗИЛ

༻ GULRUX ༺ :
Egalik xuquqi xam kerak.keyin kadastr xam.oxirida sug'urta so'raladi

Maʼsuma farishtam:
Mahalladan kerak, yagona darcha, ish joyidan tavsiyanoma, diplom

ЗУХРАХОН ХАЛМАТОВНА:
Пулини Беринг шесть секунд тайёрлаб бераман хамма хужжатизи

Durdona:
Karrupsiya

Maqsudaoy ∞:
Айтган дакимитлариларни ҳаммасини ўзимни кими ёки Хўжайиним,қизимники дакимитни ксеролариям бўсинми сизларга берадиган пулимга Бойлар ҳамга ва олдиндан Йўл бўлсинга тулов қиламан

ЗУХРАХОН ХАЛМАТОВНА:
Пулимни ту́ланг хаммасини окей киламан дедимку

Шуларни ўқиб туриб кулдим. Таскинга кириш учун узун таёқ билан узоооқдан югуриб келиш керак.

Бекор айтишибди ҳеч қанақа ҳужжат-пужжат, медостмотр керакмас.

@Ummuzaynabummuijodi Ochish/sharhlash

2023-05-10 12:54:18 Шу савол жуда кўп берилибди. Моҳигул опани каналлари телеграмда йўқ. Аммо Facebook да "Ижод тараннуми" деб номланган катта бир гуруҳни бошқарадилар.

Ман канал очмаган пайтларимдан бери адашмасам, ёзганларимни ана ўша гуруҳларида улашиб борардилар. Улар сабаб жуда кўп муҳлис орттирганман.

Моҳигул опа Ёзувчилар Уюшмаси аъзоси, таниқли ижодкор ва анчадан бери ҳам насрда, ҳам назмда фаол ижод қилиб келадилар. "Бўри аёл" ни икки йилча олдин ўқигандим. "Гуноҳ" ни мана энди ўқияпман ва "Қисқа сатрларда" каналимда ёзувчининг розилигига кўра улашиб боряпман.

Бугундан асарни бу каналимга ҳам жойлашни бошладим. Таскин гуруҳида бемалол асардан олаётган таассуротларингизни ёзиб боришингиз мумкин. Ochish/sharhlash

2023-05-10 12:49:35 #сериал_қисса

Янги асар

ГУНОҲ

Моҳигул НАЗАРОВА

Биринчи қисм. 

1. Қайсар қиз қуюлармикан?
     
Дилбар опа қизи Дилоромни ишга кузатгач, дарвозани ичкаридан ёпди. Унинг кеча қизи билан бўлиб ўтган суҳбатдан сўнг юрагини номаълум бир ғашлик эгаллаган, бу ғашликнинг юки бугун ҳам юрагини тош каби босиб турарди.
     Дилбар опа эри раҳматли Олим ака билан ҳавас қилса арзигулик турмуш қилишди. Тўнғич қизлари Дилноза педагогика университетини битирган йили уни узатишди. Халқ хўжалиги институтида охирги курсда ўқийдиган ўғиллари Одилжонни ўзларидан бир кўча нарида яшайдиган, муҳандис-технолог қиз Динарага уйлантиришди.

Давоми...

https://telegra.ph/GUNO%D2%B2-05-09 Ochish/sharhlash

2023-05-10 12:44:50 Ҳа беқиёс!

Жуда чиройли кўриняпти. Ҳатто кайфиятим кўтарилиб кетди.

Ҳаммага ташаккур! Ўйлаган, тилаган яхши ниятларингизга етиб юринглар!

Ochish/sharhlash

2023-05-10 10:49:48 Унгача иши йўққа иш...

Каналимизда жуда хунук рақам кўзга балодек турибди: 14896!

Шуни 15000 та қип қўйинглар, майлими?



Мана тарқатишга яппа-янги линк:

https://t.me/+ls3Ki3f_Ch41MmFi

Дуо қиламан, одам қўшганни фаришталарим бориб пешонасини ўпиб келади, қани кетдик!

@Ummuzaynabummuijodi Ochish/sharhlash

2023-05-10 10:40:48 Азизлар, бир оғиз узр сўраб, бир нарсаларни айтмоқчиман: Ишларимни тартиб билан режалаштириб олиб секин бир бошдан қиламан.

Манга "Қирмизи хона" ни ташлаб беринг, "Гуноҳ" ни ташланг, "Тавбаи насуҳ" ни бугун бермайсизми?", "Йўл бўлсин" ни кутяпмиз", "Қизил аждарҳони кутиб қолдик" деб ёзманглар, илтимос.

Шу юқоридаги сўраганларингиздан битта "Йўл бўлсин" асарини ёзишга вақт орттиролмаяпман. Қолгани ҳаммаси бўлади. Фақат ҳозирмас. Кун давомида.

Уч кундан бери компьютердан турмай Бойлар ҳам асаримни охирги таҳририни ўқиб, қараб чиқяпман. Битта хато, битта сўз ўтиб кетиб қолмаслиги керак. Шунга тиришяпмиз.

Керак бўлса, ухламасдан шу ишни қиляпман. Даволаниб, сал оёққа туриб энди бу ёғига хотиржам асарни ёзаман деб турган жойимда шу асарни тайёр бўлди деб ташлаб беришди, ҳозир шу иш билан бандман.

Манга "ваъда бериб қилмаяпсиз. Фалон-фалон" деб ёзманглар. Иссиқ жонман, ҳали рўзғоримни қўлимдан оладиган кишим йўқ. Камҳаракатман. Битта жойда соатлаб ўтириб ишлайман.

Бировга ваъдасини эслатиб бебурдликда айбламайлик-да, шунчаки диққатимизни бошқа нарсаларга берайлик. Мана қисқа сатрларда каналимда ҳозир 5600 та қоракўз маза қилиб бошқа асарларни пдф форматда ўқиб ўтирибди.

Мангаям осон. Копия, вставить қилиб каналга нимадир ташлаб қўйиб компьютердаги ишимни қиляпман. Шу китоб қанча тез чиқса мангаям яхши. Бир қанча одам олдиндан тўлов қилиб қўйган, елкамни босиб турган юкдан тезроқ қутуламан.

Соғ бўлинг, саломат бўлинг, сабр... Ochish/sharhlash

2023-05-10 10:20:14 #ретро

Севимли қўшиқ. Севимли актерлар. Севимли фильм

@Ummuzaynabummuijodi Ochish/sharhlash

2023-05-10 10:05:03 ​​#ижод. НОМСИЗ ДАРД Муаллиф: Азизахон Исмоилова ҳикоя. 2-қисм "Бу ўша сиз айтаётган Умму бирнарса деган аёлми? "Ҳа, ҳа ўша..." Кетар чоғимиз у қўлимизга дугонаси жўнатган совғалардан улашди. "Олдин совет даврида опам Германиядаги битта ўзи тенги… Ochish/sharhlash

2023-05-10 09:36:23 ​​#ижод.

НОМСИЗ ДАРД

Муаллиф: Азизахон Исмоилова

ҳикоя.

2-қисм

"Бу ўша сиз айтаётган Умму бирнарса деган аёлми?

"Ҳа, ҳа ўша..."

Кетар чоғимиз у қўлимизга дугонаси жўнатган совғалардан улашди.

"Олдин совет даврида опам Германиядаги битта ўзи тенги қиздан посылка олган. Тавба, дўстлашиш ўша пайтларда ҳам бўлган экан-да!"

"Ҳа, олдин шунақа бўлганда вертуал дўстлашувлар! Ҳамма бир-бирига хат ёзган... "

"Энди Шодияхонга манам нимадир жўнатворишим керак. Умид ака "яхшилаб ўйланг, у аёлга нима ёқишини биласизми, ўзи? Бўлмаса сўраб-суриштиринг" деяптилар. Ўйлани-и-иб турибман, нима жўнатсам экан деб... Бу кишим сафарга кетиб қолгунларича шуни ҳал қилиб олишим керак, кейин уйдан чиқолмайман."

"Қаерга кетяптилар?"

"Дубайга!"

"Бориб-келавериб Дубайлик бўлиб кеттилар-ей, эриз!"

"Айтманг!"

Бир йил давомида мен кечмишини ёзаётган аёл билан ўша Шодияхон ўртасида ажиб бир дўстлик ҳикоялари давом этди. Кейин...

Кейин аёлнинг онаси оламдан ўтди. Таъзияга бордик. Таъзияга борганимизда аёлнинг сочлари негадир кумуш оқариб кетганди, кўзлари эса жуда мотамсаро эди.

"Шодия дугонангиз ҳам таъзияга келиб кетгандир?" деб сўрадим.

Бўшашиб "ҳа, келиб кетди!" деди. Бу сафар дугонаси ҳақида аёлнинг тўлиб тошиб гапирмаётганини-мен шунчаки аза кайфиятига йўйдим.

Кейин кимдандир эшитиб қолдим. Сочларнинг бир кунда кумуш тортиб қолиши анча олдинроқ содир бўлган экан. "Онаси оламдан ўтмасидан олдин ҳам у жуда тушкун аҳволда эди!" дейишди менга.

Янги уйга чиққандим. Ташвишим ўзимга етгунча эди. Бир муддат ундан хабар олмаганимни ва ана ўша ўзим билан ўзим бўлиб қолган вақт оралиғида мен биламаган жуда кўп ишлар бўлиб ўтганини тушундим.

Кейинчалик маълум бўлишича, Шодияхон шунчаки тасодифан бу аёлга дугона сайланиб қолмаган экан. Аввал бошқа бир инсон билан бу аёлнинг интернетда танишуви юз берган, кўнгил-кўнгиллардан сув ичган, минг иккиланишлар билан никоҳ ақди тузилган ва кунлардан бир кун шунча йил севимли эр бўлиб яшаб келган инсоннинг хаёлига- кундошларни ажойиб тарзда бир-бири билан таништириб қўйиш ғояси келган...

Ғоя одноклассники (бу тармоқ ўша пайтлар машҳур эди) сайтида аёлига янги профил очиб бериш ва уни кимлар биландир дўст қилиш орқали амалга ошган.

Натижада аёл ўз кундошига жуда узоқ вақт дугона сифатида қараб у ташлаган илмоқдор саволларга жавоб бериш орқали унга ўз сирларини айтиб келган...

Азиз ўқувчим, орангизда бу ҳикояни ўқиб турган эркаклар балки бу ҳолатга жуда оддий қарагандир? Балки орангиздаги баъзи бир аёллар бу аёлнинг сочи бир кечада нега оқариб кетганини тушунмагандир ҳам...

Балки "кимдир эр бермоқ жон бермоқ" мақолини эслагандир...

Йўқ, масала бундай эмас!

Бир туякашнинг жуда севимли бир туяси бор экан. Туякаш у билан кичик-кичик карвонлар тузиб жуда кўп жойларга борган экан. Туянинг ажали етибди. Туякаш туясининг бошида ўтириб ундан рози ризочилик сўрабди.

"Сени баъзан оч қолдирдим. Сени баъзан сувга етинтиролмай қийнадим. Сени баъзан саваладим. Баъзан бўғзингдан арқон солиб судрадим. Эй туям, мендан рози бўл!"

Туя жавоб берибди:

"Оч қолдирганингда, сувсиз қолдирганингда, бўйнимдан арқон солиб судраганингда сени ҳожам сифатида тушунганман. Аммо битта жойда ҳамиятимга тегадиган иш қилгансан! Бўйинтуруғимни бир тиррақи эшакнинг думига боғлаб қўйиб мени масҳара қилгансан. Шуни кечиролмайман, холос!"

Ройиш аёлнинг сабр ҳадлари кенг. Оч қолдирсангиз, "битта пиёзни икки кунга етказасан!" деб айтсангиз, бажаради. Тўрт девор ичига қамаб кетсангиз, кўнади. "Ўнта туғиб бер!" десангиз, туғади. "Устингга кундош олдим!" десангиз ҳам кўниши мумкин.

Юзини сал четга ўгиради-да қўрғонини яна мустаҳкамлашга тушади. Чунки эр бўлмаса, бола бор. Газ бўлмаса ўчоқ.

Аммо қўйнига жосус тиқиб устидан кулсангиз кўнмаса керак.

Қайдам...

Азизахон Исмоилова

10.05.2023.

@Ummuzaynabummuijodi Ochish/sharhlash