Ummu Zaynab Ummu-Azizaxon Ismoilova ijodi kanali

2023-05-18 12:49:59 ​#онаизорим

ОНАЖОН
Уйғур халқ қўшиқларидан

Она, пиёлангга зам-зам қуйиб берай, десам – сен йўқ.
Нетай, ажринг учун қўйлар сўйиб берай, десам – сен йўқ.

Қўриб чиқмоқни истайман ороминг тун бўйи энди,
Бошингга қуш патли ёстиқ қўйиб берай, десам – сен йўқ.

Сенга қонмай туриб бағрим тириклар қавмидан кетдинг,
Косаларга қуйиб шарбат, суниб берай, десам – сен йўқ.

Одам бўлсам агар, бўлдим сенинг танбеҳларинг бирлан,
Мени урсанг ҳам майлийди, туриб берай, десам – сен йўқ.

Сенинг соянгда улғайдим, баланд шоҳларга қўл чўздим,
Энди шохдан анор, олма олиб берай, десам – сен йўқ.

Сенинг бағрингда қадрингни билмай юрган эканман-ку,
Сенга куйган юрагимни узиб берай, десам – сен йўқ.

Она, пиёлангга зам-зам қуйиб берай, десам – сен йўқ.
Сен – йўқ...

Уйғур тилидан Карим Баҳриев чевирмаси

@Ummuzaynabummuijodi Ochish/sharhlash

2023-05-18 12:02:55 ​​#ижод.

Янги ҳикоя:

АЁЛГА БАХТ БЕРИНГ!

Муаллиф:  Азизахон  Исмоилова

10-қисм.



Ноябрнинг учида қўярда қўймай опасининг пешига маҳкам ёпишиб олди.  Бирга Дўстликда чегарадан ўтишди. Кейин қанақадир салонидан бензин хиди гупиллаб келиб турган машинада бир неча соат юриб бошқа бир жойга боришди.
Муҳаббатой шу пайтгача бирон марта ўз туманидан четга чиқмаганди, ҳамма ёққа қизиқсиниб боқди, ажабланди.
—Бишкеккача икки юз эллик километрли довон бор. Йўл роса эзади. Яхшилаб қоринни тўқлаб олмасак бўлмайди! Юр, Бабатой...
Опасининг гапига кўра ўша ердаги емакхоналарнинг бирига киришди. Йўлга чиқилганидан бери пулни қисиб-қимтиб ишлатаётган Муҳайё опа овқатланишга келганда бироз саҳийлик қилгани сезилди. Емакхонадан чиқишлари билан опаси машина эгаларининг бири билан гаплашди. Савдоси келишмади шекилли секин бир четга ўтиб чимирилганча йўлга қараб туриб олди.
—Опа, нимадир бўлдими? Қачон кетамиз?
Муҳайё опа синглисига “сен эътибор берма, ҳозир қачон кетишимиз ҳал бўлади!” дегандек сокингина кўз ташлаб қўйди. Муҳаббатой ҳалиям нима бўлаётганини тушунмаётган эди. Бироздан сўнг ҳалиги шофёр уларга қараб қўлини силкиганча қичқириб бир нималарни гапиришга тушди.
—Опа, бизга гапиряпти шекилли. Нима деяпти у? 
—Нима дерди? “Кира ҳақига яна озгина қўш, яна озгина қўшсанг опкетаман!” деяпти-да!
—Қўшамизми? Неччи пул қўшишимиз керак, ўзи? Манда майда пул бор, айтсангиз бўлди, қанча қўшишимни! Мана опа...
Синглисининг астойдил пул олиш учун сумка кавламоқчи бўлаётганини кўрди-ю Муҳайё уни аранг тўхтатиб қолди.
—Вой, шошма! Мунча шошасан?
—Ҳа, энди... Кетсак, кетиб қўя қолайлик деяпман-да, опа? Қаранг, машиналар ҳам анча сепсилиб қолди. Агар буям ҳозир "бор-ей!" деб кетиб қолса кейин кимга ялинамиз? Мана йўлкирага алоҳида оп қўйган пулим бор!
Синглисининг гапларига Муҳайё истеҳзо аралаш кулди.
—Ҳо, ортиқ-камини ман қўшаман дегин? Хотамтойлигинг тутдими, дейман-а Бабатой?!
Суҳбатларига бояги ҳайдовчи хуштак чалавериб ҳалақит қилди. Охири опаси унга қараб бозорчиларга хос дағал овозда вайсашга тушди:
—Бир сўмам қўшмайман. Истасанг шу! Олсанг, шу пулим баракаси билан!
Бу гапга ҳайдовчининг ўжарлиги тутди. “Ўлиб кет! Қолсанг қолиб кетавер!” дегандек қўл силкиди-ю ёнидаги шерикларига ўз тилида бир нималарни гапириб кетиш тараддудига тушиб қолди.
Кўрар кўзга ҳаммаси ростакамига рўй бераётгандек эди. Муҳаббатойнинг ичидан ич қиринди ўтди. Ахир бегона жой, бегона одамлар. “Кел энди, майли!” деб шу арзимас пулнинг баҳридан ўтиб қўя қолишгани яхши эмасмиди? Ҳамони пулнинг эси йўқ бўлса... Барибир ишлаб кетади-ку!
Муҳайё синглисининг хаёлидан ўтаётган ўйларни худди сезиб тургандек гап бошлади:
—Савдогарчилик таваккалчиликдан иборат синглим. Агар таваккал қилмасанг, савдогар бўлолмайсан! Айтгандим-ку сенга: бу касбнинг нонини ейиш осонмас деб... Ўйлаётган ўйинг кўзингдан ўқиса бўладиган бўлиб кўриниб турибди: Сен ҳозир “агар бу машина бизни олиб кетмаса, бегона ерларда қолиб кетамиз-ку!” деб ўйлаяпсан. Йўқ, Худога таваккал қилган ҳеч қаерда қолиб кетмайди. Мана ҳозир гапимнинг исботини кўрасан!
Опаси ҳали гапини тугатмасидан бояги ҳайдовчи улар томонга қараб қичқиришга тушди: 
—Ай бир сомда бербейм деген аял! Кетесинби, отур кеттик!



Довон деганлари худди бир каламуш тоғни айлантириб-ўргилтириб қазиб ташлаган илонизи йўлга ўхшайди, хавфли бурилишлар-у баланд-паст, кўтарилиш ва тушишлари кўп!
Муҳаббатой кулди: бежиз хаёлига биринчи бўлиб каламуш келмаган экан. Довон йўлида бир неча марта “ущелье Чычкан” деб ёзиб қўйилган узун-қисқа ёзувларга кўзи тушди. 
—Чычкан бу сичқон деганими, опа?
Муҳайё синглисининг ҳавотирлари бироз тарқаганига хурсанд бўлди:
—Ҳа, шунақа! Чычкан бу ростдан ҳам сичқон дегани! Йўл ҳали узоқ, бироз ухлаб олсанг ҳам бўлади. Бўлмаса чарчаб қоласан.

Давоми бор.
@Ummuzaynabummuijodi Ochish/sharhlash

2023-05-18 06:22:07 #нимадир

​​Бир куни ит ўргатувчиларнинг бири ҳайвонот боғига келиб, маъмуриятга итлар ва гепардлар ўртасида югуриш мусобақаси ўтказиб кўришни таклиф қилди. Боғ раҳбарлари бунга бажонидил рози бўлишди.
Тайинланган куни мусобақа бошланди. Итлар буйруқдан сўнг дарҳол югуришга тушдилар. Гепард эса индамай жойига бориб, ёнбошлаб олди. Ит ўргатувчи гепардга қарайдиган ҳайвонот боғи ходимидан нима гаплигини сўради.
- Ҳеч гап йўқ деди, - ходим мамнун қиёфада. – Ахир бу асл жонивор! У ўзининг куч-қудратини кўрсатиш учун итлар билан мусобақалашишни ўзига эп билмайди...

Интернетдан.

@Ummuzaynabummuijodi Ochish/sharhlash

2023-05-18 02:01:00 #хайрли_тонг.

Ассалому алайкум вараҳматуллоҳи ва баракатуҳ!

Пайшанба тонги сизга хайрли бўлсин!

Дастурхонингиз ризққа, хонадонингиз нурга, икки кафтингиз баракага тўлсин!

Бисмиллоҳ деб дарвоза очганларнинг уйи фаришталарга қадамжо бўлсин, Ла илаҳа иллаллоҳ дея таҳорат суви-ла покланганларнинг жамолини истара тарк этмасин, Алҳамдулиллаҳ дея шукр келтирган тил Роббисига ҳеч қачон осийлик қилмасин!

Янги кун муборак!

@Ummuzaynabummuijodi Ochish/sharhlash

2023-05-17 21:14:49 ​​#туннома

Дунёда нимадан хурсанд бўлган бўлсанг, дарҳол ундан айрилиб ғамга ботишинг ҳақида ҳам ўйлагин.

Сен нимадан қувонган бўлсанг, сендан аввал ўтган бир қанча инсонлар ҳам ундан қувонган эдилар.

Лекин охирида ҳеч кимга вафо қилмади, шамол каби келиб кетди.

Румий.



Тунингиз хайрли ўтсин, беғам, беташвиш, хотиржам ва осуда тун таҳажжуд фонуслари билан мунаввар бўлсин!

Эрталабки саломгача ин шаа Аллоҳ!

@Ummuzaynabummuijodi Ochish/sharhlash

2023-05-17 20:52:10 Diqqat Chegirma iFix

Bizning Do'kondagi Kompyuter va Kompyuter detallari uchun 5% - 10% gacha chegirma elon qilamiz!

Chegirma quydagi maxsulotlarga amal qiladi:

Qo'shimchalar:
Kompyuter xarid qilish
SSD
Tezkor xotira
Kompuyer quvatlagich
Sichqoncha
Klavitura
Pc-Gilam(Kovrik)
boshqa maxsulot.

Dasturlash xizmatlari:
Windows o'rnatish
Antivirus o'rnatish
Kompyuter parolni yechish
Printerni Kompyuter ulab berish
Boshqa xizmatlar.


Chegirma amal qilish muddati: 17 - 24 may

Murojat uchun:
+998 90 316 07 44
+998 91 144 45 55

SAYT | TELEGRAM | INSTAGRAM Ochish/sharhlash

2023-05-17 14:55:01 #муҳлислардан.

Муҳлислардан келган мактублар асосида:

Ҳаётий ҳикоялар.

24-сон

(алоқа учун бот @UmmuZummu_bot)

ЎҚИШ УЧУН ШУ ЁЗУВНИНГ УСТИГА БОСИНГ Ochish/sharhlash

2023-05-17 14:33:15 ​​#нимадир.

Шунақасиям бўларкан-да: Яхшилик қилиб кейин афсус қилган Бред Питт.

Лавҳа интернетдан.

@Ummuzaynabummuijodi Ochish/sharhlash

2023-05-17 14:06:24 ​​#ибрат

Қалбимнинг эшигини ёпдим ва "кириш мумкин эмас!" деб ёздим...

Бир пайт қарасам: қалбимда бириси ўтирибди...

Сўрадим: Ёзувни кўрмадингми?

Жавоб берди: Ман ўқиш-ёзишни билмайман... Кўрмадим.

Аммо қалбимга кирибди...

Ажабо, арз қила олдимми?

Чунки севмоқ-замонамиздаги кўп одамлар ўйлагани каби бадан иши эмас, қалб ишидир!

Интернетдан олинган лавҳа.

@Ummuzaynabummuijodi Ochish/sharhlash

2023-05-17 13:46:45 #нимадир.



@Ummuzaynabummuijodi Ochish/sharhlash