Advokat Abdullayev

2023-12-23 08:17:59 "Йўқ" дейишни ўрганинг

Ҳар сафар арзимас кичик, аҳамиятсиз нарсаларга "ҳа" деяверсангиз, ҳақиқатан ҳам, муҳим ва аҳамиятли бошқа нарсаларга "йўқ" деяётган бўласиз. Доимо "Ҳа" дейдиган инсон ҳеч қачон буюк бўлмайди. "Йўқ" дейишни ўрганиш фаровонлигингиз учун жуда муҳимдир.

Ғийбат қилиш учун қаҳва ичишга таклиф қилган дўстингизга "йўқ" денг. Салбий ҳис-туйғуларни ва ҳаёсизликни тарқатаётган ходимингизга "йўқ" денг. Орзу-истакларингиз, мақсадларингиз устидан кулиб, ўзингизга бўлган ишончингизни шубҳага соладиган яқинингизга ҳам "йўқ" денг. Ҳаётингиздаги муҳим ва аҳамиятли ишларингизни бажаришингизга халақит берадиган бошқа ишларга ҳам "йўқ" денг.

Сиз ҳаммани кўнглини бирдек ола олмайсиз, ҳаммани мамнун қила олмайсиз. Энг ақллиларгина буни тушунадилар. Ўзингизни айнан нималарда устун эканлигингизни билишингиз керак. Мақсадларингизни белгиланг. Келаётган ҳафталар, ойлар ва йиллар давомида нима қилишингиз кераклигини билиб олинг, шунда "ҳаёт" деб аталмиш ўйинда ўзингизни яхши намоён этишингиз мумкин. Кейин эса қолган бошқа ҳамма нарсага йўқ дейишингизга тўғри келади. Ишончим комилки, бу атрофингиздаги баъзиларга ёқмайди. Лекин сиз бошқалар хоҳлаганингдек яшашни танлайсизми ёки ўз ҳақиқатингизга кўра ва орзунгизга мувофиқ ҳаёт қуришни бошлайсизми?

Адвокат Робин Шарма

@Advokat_Abdullayev Ochish/sharhlash

2023-12-20 15:52:25 Фирибгарлик: Ўзбек тилида гапиришни талаб қилинг

Онлайн фирибгарларни (гўёки Кликдан, Марказий банкдан, Прокуратурадан, ИИВдан ва ҳ.к. идоралардан телефон қиладиганларни) аниқлашнинг, уларнинг тузоғига тушиб қолмасликнинг жуда самарали йўли бор:

Ўзбек тилида гапиришни талаб қилинг. 99% ўз-ўзидан йўқ бўлиб кетади.

Ушбу огоҳлантиришни барча яқинларингизга юборинг, фирибгарлар авжига чиқяпти.

Манба: Адвокат Бобир Мукадамов

@Advokat_Abdullayev Ochish/sharhlash

2023-12-19 06:22:05 Ақл қўйдир, нафс бўри, иймон эса чўпон. Агар иймон кучли бўлмаса, нафс ақлни ейди.

Мавлоно Жалолиддин Румий

@Advokat_Abdullayev Ochish/sharhlash

2023-12-17 16:51:06 Жиноят ишини ўрганиб чиқишда самарали усул

Судга келиб тушган жиноят ишини ўрганишга қай тарзда киришасиз ва қандай усуллардан фойдаланасиз?

Тажрибамиздан келиб чиқиб, бир самарали усул борасида Сиз билан фикрларимизни бўлишмоқчимиз.

Жиноят иши, одатда жилдма-жилд рўйхатланган, ундаги ҳужжатлар эса эпизодлар, шахслар ёки процессуал ҳаракатларни хронологик тартибини ифодалаган ҳолда тикилган бўлади.Охирги жилдга айблов хулосаси тикилади.

Айблов хулосаси тавсиф-асослантириш ва хулоса қисмларидан иборат бўларкан, ўрганишни унинг хулоса қисмидан бошлаш, унда ёзилган далиллар кетма-кетлиги билан танишиб, шундан сўнг орқага қараб ҳаракатланиш, бизнингча, яхши самара берадиган усул. Айблов ёки айбловни тўлдириш қарори, ундан кейин айбланувчини сўроқ баённомаси ва ҳоказо.

Шундан сўнг, биринчи жилднинг бошига қайтиб кетма-кетликда ўрганиш бошланади.Тегишли саволлар остида ўрганиш муҳим: Тикилган ҳужжат номи нима? Нима учун жиноят иши ҳужжатларига қўшилган? Тергов ҳаракати ўтказишда процессуал тартибга риоя этилганми?...

Кўп эпизодли айбловлар илгари сурилган иш ҳужжатларини ўрганиб чиқишда усуллар бироз фарқли бўлиши мумкин ва бу ҳақда кейин тўхталамиз.

Хуллас, жиноят ишини ўнгдан чапга ва бошига сакраб, кейин кетма-кетликда ўрганишни йўлга қўйсангиз, жиноят ишини тезроқ, чуқурроқ ва самарали ўрганиб чиқишингиз осонлашиши шахсий тажрибамиздан маълум.

Каналга уланиш:
@Advokat_Abdullayev Ochish/sharhlash

2023-12-17 16:46:12 Ҳиндистонлик рикша ҳайдовчиси Дешраж Жи соҳиб, етим қолган неварасининг ўқишини тўлаш учун уйини сотиб, мана шу рикшада кун кураётган экан.

Ҳиндларга қойил қолмай иложи йўқ, илм-фаннинг қадрига етади. Дунёда катта ИТ фирмаларнинг деярли ҳаммаси Ҳиндлар томонидан бошқарилади (Google, Microsoft, Intel, Nokia, Dell, AMD).

Биз ҳам тўйга эмас, фарзандларимизни ўқитишга пул йиғиб бошлашимиз керак.

Анвар Назруллоҳ

Каналга уланиш:
@Advokat_Abdullayev Ochish/sharhlash

2023-12-16 14:16:40 Адолатсизликка қарши туришга кучли тарғиб

"... нотўғри ҳукмимни қабул қилдингиз, сукут сақладингиз, рози бўлдингиз. Зинҳор бундай қилманг" демоқчи Устоз.

Ҳақиқатан ҳам адолатсизликка қарши туришга чақириқнинг ўта таъсирчан ва жонли услуби қўлланилибди.

Каналга уланиш:
@Advokat_Abdullayev Ochish/sharhlash

2023-12-16 10:14:49 Одил судлов: Собиқ судья ҳасратидаги жиддий таклиф

Адвокат сифатида фаолият юритишга эндигина киришган собиқ судья билан кутилмаганда учрашиб қолдик. У бир неча йил турли инстанцияларда судьялик қилган ва бу тизимдаги фаолиятини Олий суднинг судьяси деган шарафли лавозимда анча вақт ишлагани ҳолда якунлаб, адвокатлик билан шуғулланишга қарор қилган эди.

У билан суҳбатимиз давомида бир нарсани ачиниб, ҳам куюниб гапирди. “Олий суд судьяси бўлиш учун албатта камида 5 йил адвокат бўлиб ишлаш керак экан. Буни Олий суд судьяси бўлган одам - мен Сизга айтяпман. Нега бундай фикрлаётганимни тушунтираман: Мен адвокат сифатида фаолият юритишга киришганимдан кейингина шунақанги адолатсизликларга дуч келяпман-ки, тасаввур қила олмайсиз. Вақтида Олий суд судьяси бўлиб ҳам, буни кўра олмаган эканман. Мен судьяларнинг, ҳа-ҳа, айнан судьяларнинг адолатсизликлари, ишга нохолис ёндашишларини назарда тутяпман ва "Шу даражада ҳам бўладими?", - деб юборяпман. Тушунтирсам, судьялар тушунмайди. Асослаб келтириб берсам ҳам инобатга олмайдилар-да, "юқорига ёзарсиз", - дейишади-қўяди. Агар ўша судьялар адвокат бўлиб, озгина бўлса ҳам ишлаб кўришса, кейин тушунишади”, - деб куйиниб, ич-этини еётган дардини дастурхон қилди.

Биз эса ҳасратлар замирида ажойиб ва айни пайтда жуда жиддий бир таклиф яширинганига эътибор қаратдик. Вақт келади, биз бунга ишонамиз, судья бўлиш учун албатта адвокат бўлиб, қанчадир муддат ишлаганлик талаби қўйилади. Чунки инсоннинг энг аввалги сирдоши унинг яқинлари бўлса, ундан кейин албатта адвокатдир. Уни дардига шерик бўлиб эшита олувчи ва воқеалик ҳамда вазиятларга аввало инсоний ёндаша олиш кўникмасини айни шу касб билан маълум муддат шуғулланиб кўриш орқали олиш мумкин эканлигига шубҳа йўқ. Терговчи, прокурор ва судьялар билан эса ўртада барибир масофа, жуда узоқ масофа сақланиб туради.

Шундай экан, таклиф деб илгари сурилаётган шундай амалиётни секин аста жорий этиб бориш устида мулоҳаза қилиб кўришимиз керак.

Каналга уланиш:
@Advokat_Abdullayev Ochish/sharhlash

2023-12-16 06:58:24 Ажойиб маслаҳат

Агарда Сиз ўзига ишонган уч киши билан суҳбатлашсангиз, Сиз тўртинчиси бўласиз.

Каналга уланиш:
@Advokat_Abdullayev Ochish/sharhlash

2023-12-14 11:48:07 Жамоатчиликни чалғитманг!

Куни кеча ижтимоий тармоқларда "Бухорода ЙПХ ходимини видеога олиб, тарқатган шахслар жазоланди"сарлавҳаси остида тарқалган хабар эътиборимизни тортди.

Хабарда ёзилиши ҳамда ЙҲХБ Ахборот хизмати мухбирининг нутқларида талқин қилинишича, ушбу шахслар айнан ЙПХ ходимини видеога олиб, тарқатган эканликлари учун суд томонидан Ўзбекистон Республикаси Маъмурий жавобгарлик тўғрисидаги кодексининг 183-моддаси билан жавобгарликка тортилган эмишлар. Мазкур модда ҳеч қандай видео, аудио ёки бошқача шаклдаги материалларни тарқатишни ифодаламаслигини фарқлай олишмаган кўринади.

Асл воқеликка кўра эса, муҳокама мавзусидаги ўша шахслар майда безорилик, яъни жамиятда юриш-туриш қоидаларини қасддан менсимасликдан иборат хатти-ҳаракатларни содир этган, деб топилиб, жавобгарликка тортилганлар. Суд томонидан тасдиқланган айбловга эса Ички ишлар ходимини хизмат вазифасини ўташ чоғида тасвирга олинганлиги ва, ёки тасвирни ижтимоий тармоқларда тарқатилганлигининг ҳеч қандай алоқаси йўқ.

Шу ўринда, ОАВ муҳбирлари, журналистлар, блогер, қўйинг-ки, хабарлар ва маълумотларни жамоатчиликка етказишга уринувчи барчага тавсия қилган бўлар эдик-ки, сиз тарқатмоқчи бўлаётган воқеликлар, сиз шарҳламоқчи, изоҳлар бермоқчи бўлаётган жараёнларни талқин қилишда айнан ўша соҳа мутахассислари билан бамаслаҳат иш тутсангиз, юқоридаги каби хатоликлар, воқеликни нотўғри талқин қилиниши ҳолатларининг олдини олган бўласиз. Токи, нотўғри талқинларингиз Сизни кузатувчи кенг жамоатчиликни асл ҳақиқатдан чалғиб кетишига хизмат қилиб қолмасин!

Каналга уланиш:
@Advokat_Abdullayev Ochish/sharhlash

2023-12-13 07:52:23 Уч марта қўнғироқ қилингандан кейин ҳам жавоб бўлмаса, қўнғироқ қилишни тўхтатиш лозим

Бировни чақириш одоби шуни тақозо қилади.

•Биринчи чақириш ила ҳожати борлиги билдирилади.
•Икккинчи чақириш билан истагини яна бир бор таъкидлайди.
•Учинчиси эса охирги чақириш бўлади.

Шундан кейин ҳам жавоб бўлмаса, чақирилаётган киши ўта банд экани ёки чақирувчига жавоб бериш истаги йўқлиги аломати бўлади.

Шайх Муҳаммад Содиқ Муҳаммад Юсуф роҳимаҳуллоҳ.  "Ижтимоий одoблар"  китобидан (245-бет)

Каналга уланиш:
@Advokat_Abdullayev Ochish/sharhlash