Advokat Abdullayev

2024-04-22 07:33:18 Маҳкумларга масофали видео учрашувдан фойдаланиш ҳуқуқи берилиши мумкин

Ички ишлар вазирлигининг, амалдаги Жиноят-ижроия кодексига, озодликдан маҳрум этилган шахсларга уларнинг яқинлари билан суҳбатлашишга доир ўзгартиришлар киритиш тўғрисидаги қонун лойиҳаси таклифи муҳокамага қўйилибди.

Мазкур таклиф Ўзбекистон Республикаси Президентининг 2017 йил 11 августдаги ПҚ–3200-сонли қарори ҳамда Вазирлар Маҳкамасининг 2021 йил 15 октябрдаги 645-сонли қарори билан тасдиқланган "Ўзбекистон Республикаси ички ишлар органлари тизимига ахборот технологияларини жорий этиш бўйича чора-тадбирлар дастури" ижросини таъминлаш доирасида киритилган.

Бундан кўзланаётган мақсадлар:

маҳкумларнинг оила аъзолари ва яқинлари билан доимий алоқаларини таъминлаш орқали оилавий муносабатларини сақлаб қолиш;
тузалиш йўлига ўтишига кўмаклашиш;
ижтимоийлашувини жадаллаштириш орқали уларда қонунга итоаткорлик хулқ-атворини, инсонга, жамиятга, меҳнатга, ижтимоий қоидалар ва анъаналарга нисбатан ҳурмат ҳиссини шакллантириш ёки сақлаб қолиш.

@Advokat_Abdullayev Ochish/sharhlash

2024-04-21 20:12:11 Эҳтиёт чораси: "Қолип" амалиётдан қачон воз кечамиз?

GENERALISSIMUS қамоққа олиш тарзидаги эҳтиёт чорасини қўллашга оид ҳали ҳамон сақланиб қолган салбий амалиёт борасидаги фикрлари ўринли.

Бу борада аввал бир неча маротаба тўхталганмиз.

Қўшимча тарзда шуни айтишимиз мумкин-ки, Президент ҳам ўтган йилги сайловолди Дастурида айнан шу масалага тўхталиб, одамларни “қамоққа олиб тергов қилиш” амалиётини камайтириш, бунинг ўрнига гаров эҳтиёт чорасидан кенг фойдаланиш имкониятини яратиш лозимлигини бежизга урғуламаган эди.

@Advokat_Abdullayev Ochish/sharhlash

2024-04-20 22:19:16 Машҳур судья Франк Каприодан жуда таъсирли насиҳат

@Advokat_Abdullayev Ochish/sharhlash

2024-04-15 17:01:26 "Коррупцияга ҳисса қўшмайман" деган қатъий қарори эътирофга лойиқ

Коррупция ҳақида гап кетганда, биз хизмат кўрсатган бир мижоз - аёл билан бундан бир неча йил олдин бўлиб ўтган жараён ҳам эсимизга тушади. У Ўзбекистондан Швейцарияга турмушга чиққан ва фарзандлари билан ўша давлатда яшайди.

Унинг муаммоси фуқарлик паспорти билан боғлиқ бўлиб, ечими учун тахминан 1 ойча вақт кетишини айтган эдик.

Отаси эса, қизига юзланиб, “Мен бир зумда ҳал қилиб бера оладиган одамини топдим. Буни тез битиришнинг бирдан бир йўли фақат ва фақат пул. Бошқа йўли йўқ”, - деб қолди.

Қиз шартнома тузишга шошмади. Узоқ ўйлаб, ниҳоят отасига “Умрим давомида пора бермадим ҳам, олмадим ҳам. Коррупцияга ҳисса қўшмадим. Бундан кейин ҳам қўшмайман. Ундан кўра, ечимга эришишнинг қонуний йўлини танлайман ва адвокат ёллай қоламан.”, - деди.

Ўшанда аёл биздан муаммони ҳал қилишимизга ваъда кутмади. У биз билан шартномани қандай қилиб бўлса ҳам, ҳал қилиб беришимиз учун тузмаган эди. У коррупцияга ҳисса қўшиб қўймасликка қатъий қарорли эди. Адвокат ваъда бермаслигини, бунга ҳаққи йўқлигини тушунган эди. Бизнинг вақтимиз ва меҳнатимизни сотиб олишга шартнома тузди ва ҳар бир ҳуқуқий масаласини адвокат билан маслаҳатлашди.

Ниҳоят бир ойга чўзилган курашлар самарасиз кетмай, муаммо ечимини топди. Ўша бир ойлик ҳалол кураш жараёнларида у ёлғончи ва ростгўй мансабдорларни таниб олишга эришди ва бу йўлдаги оқ билан қорани ажратиб олганлиги энг муҳим ютуғи бўлганлигидан кўпроқ хурсандлигини айтди...

@Advokat_Abdullayev Ochish/sharhlash

2024-04-15 08:11:31 Сув ташналикни қондирганидек ҳақиқат қалбни юксалтиради.

Ҳазрати Мавлоно Жалолиддин Румий

@Advokat_Abdullayev Ochish/sharhlash

2024-04-13 21:18:23 Видеоёзув орқали қайд этилиши шарт.


INSTAGRAM. TELEGRAM. Ochish/sharhlash

2024-04-08 19:41:38 КАСБ  СИРИ

Адвокат бўлмасам гар,
Яшар  эдим   ғафлатда.
Дунёни кўп найрангин,
Тушунмасдим  албатта.

Тузоққа  тушганларни,
Ўғри деб   билар эдим.
Порахўр      тўраларни
Тўғри деб  билар эдим.

Ҳаромхўр ҳурматини,
То ҳануз  қилар  эдим.
Тўғригўй  журъатини,
Исён деб билар эдим.

Қаёқдан  билар  эдим,
Мен катта ўғриларни.
Ўғридан жабр кўрган,
Нотовон шўрлиларни.

Гоҳо   кўзни  юмаман,
Аранг тийиб тилимни.
Қалб оғрийди ўйласам,
Дардларини     элимни.

Адвокат Шерали Ҳикматов, "Умр довони" китобидан

@Advokat_Abdullayev Ochish/sharhlash

2024-04-08 11:24:19 Эҳтиёт бўлинг, фирибгарликнинг янгича усули.

@Advokat_Abdullayev Ochish/sharhlash

2024-04-04 20:29:44 Rossiyadan ko'chirsa bo'ladimi?

INSTAGRAM. TELEGRAM Ochish/sharhlash

2024-04-04 15:14:04 Ноҳақ айбловга қарши ҳимояланишнинг моҳирона услуби

Бир йигит ресторанда ёлғиз ўтирган қизнинг олдига келиб:
"Сиз билан ўтирсам майлими?" - деди.
"Нима? Сиз билан бир кеча ўтказмоқчиман, деяпсанми? Уялмайсанми?" - дея қичқирди қиз.

Йигитнинг юзи дув қизариб, нарироққа бориб, бошқа ерга ўтирди. Одамлар йигитга нафрат билан қарашди.

Бироз муддат ўтгач, қиз йигитнинг олдига келиб, паст овоз билан:
"Мени маъзур тутинг, мен психология курсида ўқийман. Сизнинг ҳижолат қилганингиздаги юз тузилишингизни кўргим келди.", - деди.

Йигит ҳам тўсатдан:
"Уч минг доллар? Бир кечага шунчами? Йўғей, бу қиммат!", - дея қичқирди.

Одамлар ялт этиб қизга тикилишди. Уларнинг кўзида қизга паст назар бор эди. Қиз мум тишлаганча жойига бориб ўтирди.

Йигит кетишдан олдин қизнинг олдига келди ва:
"Мени ҳам маъзур тутинг! Касбим адвокат, вазиятни қандай қилиб ўз фойдамга бура олишимни сизга кўрсатиб қўймоқчи бўлдим.", - деди.

Ушбу уйдирма воқеликда дастлаб, қизнинг ноҳақ "айблови" туфайли атрофдагилар нафратига сазовор бўлган адвокат қизнинг ўзи томонидан унга қарши ишлатилган услубнинг айнисини ўзига қарши ишлатиб, уддабуронлик билан атрофдагиларнинг ўзига нисбатан ноҳақ пайдо бўлиб қолган нафратларини қизнинг ўзига буриб юборишга эришди.

@Advokat_Abdullayev Ochish/sharhlash