Advokat Abdullayev

2024-04-13 21:18:23 Видеоёзув орқали қайд этилиши шарт.


INSTAGRAM. TELEGRAM. Ochish/sharhlash

2024-04-08 19:41:38 КАСБ  СИРИ

Адвокат бўлмасам гар,
Яшар  эдим   ғафлатда.
Дунёни кўп найрангин,
Тушунмасдим  албатта.

Тузоққа  тушганларни,
Ўғри деб   билар эдим.
Порахўр      тўраларни
Тўғри деб  билар эдим.

Ҳаромхўр ҳурматини,
То ҳануз  қилар  эдим.
Тўғригўй  журъатини,
Исён деб билар эдим.

Қаёқдан  билар  эдим,
Мен катта ўғриларни.
Ўғридан жабр кўрган,
Нотовон шўрлиларни.

Гоҳо   кўзни  юмаман,
Аранг тийиб тилимни.
Қалб оғрийди ўйласам,
Дардларини     элимни.

Адвокат Шерали Ҳикматов, "Умр довони" китобидан

@Advokat_Abdullayev Ochish/sharhlash

2024-04-08 11:24:19 Эҳтиёт бўлинг, фирибгарликнинг янгича усули.

@Advokat_Abdullayev Ochish/sharhlash

2024-04-04 20:29:44 Rossiyadan ko'chirsa bo'ladimi?

INSTAGRAM. TELEGRAM Ochish/sharhlash

2024-04-04 15:14:04 Ноҳақ айбловга қарши ҳимояланишнинг моҳирона услуби

Бир йигит ресторанда ёлғиз ўтирган қизнинг олдига келиб:
"Сиз билан ўтирсам майлими?" - деди.
"Нима? Сиз билан бир кеча ўтказмоқчиман, деяпсанми? Уялмайсанми?" - дея қичқирди қиз.

Йигитнинг юзи дув қизариб, нарироққа бориб, бошқа ерга ўтирди. Одамлар йигитга нафрат билан қарашди.

Бироз муддат ўтгач, қиз йигитнинг олдига келиб, паст овоз билан:
"Мени маъзур тутинг, мен психология курсида ўқийман. Сизнинг ҳижолат қилганингиздаги юз тузилишингизни кўргим келди.", - деди.

Йигит ҳам тўсатдан:
"Уч минг доллар? Бир кечага шунчами? Йўғей, бу қиммат!", - дея қичқирди.

Одамлар ялт этиб қизга тикилишди. Уларнинг кўзида қизга паст назар бор эди. Қиз мум тишлаганча жойига бориб ўтирди.

Йигит кетишдан олдин қизнинг олдига келди ва:
"Мени ҳам маъзур тутинг! Касбим адвокат, вазиятни қандай қилиб ўз фойдамга бура олишимни сизга кўрсатиб қўймоқчи бўлдим.", - деди.

Ушбу уйдирма воқеликда дастлаб, қизнинг ноҳақ "айблови" туфайли атрофдагилар нафратига сазовор бўлган адвокат қизнинг ўзи томонидан унга қарши ишлатилган услубнинг айнисини ўзига қарши ишлатиб, уддабуронлик билан атрофдагиларнинг ўзига нисбатан ноҳақ пайдо бўлиб қолган нафратларини қизнинг ўзига буриб юборишга эришди.

@Advokat_Abdullayev Ochish/sharhlash

2024-04-04 15:13:28 Радарлар ҳақида ҳаммаси: муҳим 10 саволга жавоб

Ушбу мақола орқали радарлар орқали қайси ҳолатларда жарима чиқарилиши мумкинлиги, радарларга қўйилган техник талаблар, ноқонуний жарималарни бекор қилиш йўллари ва бошқа шунга ўхшаш долзарб саволларга содда талқинда жавоб беради.

Батафсил Ўқиш

@Advokat_Abdullayev Ochish/sharhlash

2024-04-04 07:17:14 Сукут сақлаш

Баъзи гапларга жавоб бермасдан, сукут сақлаб турган инсонлар жавоб беришга ожиз инсонлар бўлавермайди!

Шундай инсонлар борки, ўзгалар қалбини жароҳатлаб қўймаслик учун сукут сақлаб туради.

Шундай инсонлар борки, ўзлари алам чекиб турган бўлади ва гапирса, алами янада зиёда бўлиб кетади. Шунинг учун улар сукут сақлаб туради.

Шундай инсонлар борки, гапи кор қилмаслигини билгани учун сукут сақлаб туради.

Шундай инсонлар борки, ғазаб пайтида бирор кимсага қаттиқ гапириб, уни йўқотиб қўймаслик учун сукут сақлаб туради.

Энди эса энг буюк сукут сақлаш қолди. Бу ҳам бўлса, ўз нафсингиз ва услубингиз билан тараққий топишингиз учун сукут сақлашингиздир!

“Ҳикматлар чашмаси”дан
Jaloliddinrumiyy

@Advokat_Abdullayev Ochish/sharhlash

2024-04-02 16:55:29 Ochish/sharhlash

2024-03-29 12:03:00 Ахлат қутиси қоидаси

Аёл таксига ўтирди ва ҳайдовчига аэропортга бормоқчилигини айтди. Машина ўнг чизиқ бўйлаб йўл олди. Тўсатдан қора рангли юк машина қаршисидан чиқди. Ҳайдовчи тўқнашиб кетмаслик учун зудлик билан тормоз берди. Такси тўхташга улгурди, аммо орқадан келаётган машина билан тўқнашиб кетишига бир баҳя қолди. Юк машина ҳайдовчиси ойнадан бошини чиқариб ҳақорат қилганча бақира кетди. Такси ҳайдовчиси эса хотиржам табассум билан самимий қўл силкиб қўйди.

Бир зумда рўй берган бу воқеадан даҳшатга тушган аёл, такси ҳайдовчисининг бу ишидан ажабланди. “Нега бундай қилдингиз?- дея сўради аёл. У сал бўлса машинангизга зиён етказиб, иккимизни ҳам ўсал қиларди”. Такси ҳайдовчиси кулимсираб:
— Ахлат қутиси қоидаси,- деди.
— У нима дегани?- деди аёл ҳеч нарсани англамай.
— Айрим одамлар ахлат қутиси каби,- дея изоҳлади ҳайдовчи. -Юрагида ахлат кўтариб юради; жаҳл-ғазаб ва тушкунлик ташийди. Қалби ахлат билан тўлиб-тошиб кетса, қаергадир тўкишга эҳтиёж сезадилар. Уларнинг руҳий ахлатига мен ёки сиз нишон бўламиз. Шундай пайтларда ҳеч ўзингизга олманг, хафа бўлманг. Уларга яхшилик тиланг ва йўлингизда давом этинг. Ундайларнинг ахлатини ишхонангиз ёки уйингизга кўтариб борманг. Кўчадаги бошқа одамларга ҳам сочиб юрманг. Омадли ва бахтиёр инсонлар ахлат қутиларига кунларини маҳв этиш, руҳиятларига таъсир кўрсатишларига йўл қўймайдилар. Ҳаёт тонгда пушаймонлик билан уйғониш учун жуда қисқа. Шунинг учун сизга гўзал муомалада бўлган инсонларни севинг ва яхши муносабатда бўлмаганларга яхшиликлар тиланг. Ҳаёт — ўн фоиз қандай ишларни бажарганингиз ва 90 фоиз уни қандай қаршилаганингизга боғлиқ...

Йиғлама дил

@Advokat_Abdullayev Ochish/sharhlash

2024-03-25 15:35:29 Тараф бўлмаган шахснинг адвокати-чи?

Суд қарорларини текширишга оид сўнгги Қонунга кўра, ишда тараф бўлмаган шахслар ҳам суд ҳукмининг ўз ҳуқуқлари ва қонуний манфаатларига дахлдор қисми устидан апелляция тартибида шикоят беришга ҳақли эканликлари кўрсатилган.

Бу ўринда, Қонун аввало, ишда тараф бўлмаган шахс тушунчасига расмий изоҳ бериши керак эди. Афсуски, бермади.

Хусусан, Қонуннинг ушбу нормаси ишда тараф бўлмаган шахснинг вакили - адвокатнинг апелляция шикояти бериш ҳуқуқини назарда тутмади.

Лекин шундай бўлса-да, “Адвокатура тўғрисида”ги Қонуннинг 5-моддасидаги адвокат фаолиятининг турлари назарда тутилганлиги ва у қонунчиликда ман этилмаган бошқа турдаги юридик ёрдамни ҳам кўрсатиши мумкинлигига таяниш тўғри бўлади.

Демак, гарчи Кодексда алоҳида санаб ўтилмаган бўлса-да, ишда тараф бўлмаган шахснинг вакили – адвокат ҳам апелляция шикояти бериш ҳуқуқига эга, деб ҳисобланиши лозим бўлади.

Дарҳақиқат, Қонуннинг айни шу нормаси қайта кўриб чиқилишга муҳтож.

@Advokat_Abdullayev Ochish/sharhlash