Zafarbek Solijonov

2021-12-28 12:31:55 Жамоатчилик фаол вакиллари, ҳеч қачон духингизни туширманг!

Ҳалиги бир вақтлари Ўзбекистонни қоғозларда 7 фоиз ўстириб, халқни ёлғонга буркаган Статистика қўмитаси борку, шу юридик шахсларнинг маълумотлар базаси orginfo.uz сайтини яратган Бобурмирзо Ҳамроқуловнинг устидан Асака тумани ИИБга арз қилганди.

Унинг ҳаракатларида жиноят ва маъмурий ҳуқуқбузарлик аломати мавжуд бўлмаганлиги сабабли, жиноят ишини қўзғатишни рад этиш тўғрисида қарор қабул қилибди. Бу бола ўша укамиз. Омадини берсин. Халққа фойдаси тегадиган сайт яратиши учун унга соқол ҳам ҳалал беролмабдия! Жунология бўйича илмий ишлар қилаётганларга ташлаб қўярсизлар

@Zafarbek_Solijonov Ochish/sharhlash

2021-12-28 11:53:26 Ajoyib xushxabar bilan bo‘lishmoqchimiz!

Endi onlayn mikroqarz miqdori 10 mln. so‘mgacha oshirildi.

Onlayn mikroqarzni AGROBANK Mobile ilovasi orqali kechayu-kunduz, istalgan joydan turib olishingiz mumkin.

Hoziroq ilovamizni yuklab olib, maosh kartangizni qo‘shing va skoringdan o‘tib onlayn mikroqarz oling. Ochish/sharhlash

2021-12-28 11:35:07 Мен ҳали ҳам ХТБларни буткул тугатиш керак деган фикрдаман

Позициям мустаҳкамланиб бормоқда. Олдин тепадан келган буйруққа кўра ов қилинарди. Озгинаси ўзларига қоларди. Печак, рачки қанд, 95 чой, 80 бензин учун. Ҳозир беш қўлини оғзига тиқадиган бўлиб кетишди. Бир балосигача тиқиб олишмоқда.

Навоий вилояти Кармана тумани ХТБ Халқ таълими вазирлигининг баёнотига зид равишда чет тили ўқитувчиларига тарқатилаётган 1 млн сўм маблағни нақд кўринишида бериб, бозор нархи 60 минг сўм бўлган китобни 483 минг сўмдан пулламоқчи бўлаётганмиш. Ҳаммангга уят! Халқ таълими вазирлигингга айниқса!

@Zafarbek_Solijonov Ochish/sharhlash

2021-12-28 11:13:46 Кеча “UZBEKISTAN MEDIA AWARD 2021” ижтимоий медиа маҳсулотлар танлови ғолиб ва совриндорлари тақдирланди. Шулар қаторига бизни ҳам муносиб кўришди. Ташаккур! ЎзЭОАВМА ташаббуси билан қабул қилинган “Янги Ўзбекистон. Янги нигоҳ” Миллий медиа дастуридаги лойиҳалар доирасида 60 та лойиҳа амалга оширилди.

Биргина ЎзЭОАВМА қошида ахброт маркази томонидан шу вақтгача 140 та таҳлилий репортаж, 370 та лавҳа, 82 та кўрсатув, 40 дан ортиқ ҳужжатли фильмлар тайёрланди. Сўз эркинлиги улушлари берилишда давом этсин. Ривожланишнинг бошқача версияси иш бермайди.

@Zafarbek_Solijonov Ochish/sharhlash

2021-12-27 20:06:18 Зам. декан иши бўйича янги тафсилотлар юзасидан видео тайёр бўлди. Видеога кириб, ўз муносабатингизни (коммент ёзиб, лайк ёки дислайк тугмасини босиш орқали) билдирсангиз хурсанд бўламан.





@Zafarbek_Solijonov Ochish/sharhlash

2021-12-27 17:26:52 Зам. декан иши бўйича янги фикрлар

"Кимнидир айблашда шошмаслик керак, кимларнингдир манипуляциясига тушиб қолманг, кимлардир халқаро ташкилотлардан пул ювишига имкон яратиб берманг", деган маънода 27 октябрда фикр билдиргандим. Ҳали ҳам шу фикрдаман. Батафсил маълумотларга эга бўлмагунимча, позициям шу. Шу позициям учун ҳам роса маломат қилишганди, "эркаксанда, эркакларнинг ёнини оласан" дея. Бўлмаса позициям кутиш режими бўлган холос.

Менга адолат муҳим. Суд ҳукми ҳаммасига нуқта қўйиши керак. Бироқ "каттаконлар"нинг ҳайпга учиб, бу каби масалаларда биринчилар қаторида олдинга чиқиб, фикр билдириб қўйиши судлар фаолиятини шубҳа остига олади. Бўлиб ҳам судларга деярли ишонч йўқ бўлган авторитар давлатдамиз. Аёлларнинг ҳуқуқлари учун курашмоқчимисиз, унда суд ҳукми ўқилган воқеаларга фикр беришдан бошланг. Ҳали ҳеч нарса аниқ бўлмаганидан эмас. Ўзингизнинг шахсий ҳаётингизда шунақа воқеалар бўлган бўлса, ўшандан гапиринг - иложи бўлса, эр-хотин бирга чиқиб. Йўқ жойдан миллат эркакларини ёппасига хунукка чиқариш ҳам ярамайди.

Бугун яна видео қилмоқчиман ютюб каналимда ва кўпчилигингиздан фарқлироқ муносабат бермоқчиман. Бугун чиққан янги видео айнан шу масалада зам.декан оппоқ экани ёки қиз қоп-қора эканини билдирмайди. Уни фохишага чиқариб қўяётганларни эса умуман тушунмадим. Ушбу кейсда аналогия қилманг. Фундаментал ҳуқуқий билимингиз ҳам ҳаминқадар эканини кўрсатяпсиз. Янги видеоимда бошқа янги тафсилотларга ҳам тўхталаман. Каналимда кутинг.

@Zafarbek_Solijonov Ochish/sharhlash

2021-12-27 15:21:12 Депутат Расул Кушербаев яхши мавзуни кўтарибди. Яна мулк ҳуқуқи, яна дахлсизликка эга бўлолмаётган мулклар масаласи, яна қонунсизлик. Иккиламчи муаммолар атрофида ҳал қилмай айланиб юрибмиз.

Яқинда бир мутахассис яхши гап гапирганди. Мулк ҳуқуқи дахлсиз бўлмас экан, қонунлар ижроси таъминланмас экан - инвесторларни жалб қилиш лойиҳалари уларга иллюзия бўлиб кўринаверади.

Бўстонлиқ, мулкдорларни ҳали кўп йиғлатади, шекилли.

@Zafarbek_Solijonov Ochish/sharhlash

2021-12-27 15:03:58 «Агар очиқлик, шаффофлик таъминланса, жуда кўплаб имкониятлар ёшлар учун пайдо бўлади, кўплаб ёшлар имкониятлардан унумли фойдаланишини бошлайди». Ёшлар лидери Алишер Саъдуллаев ёшлар йилида Президент ташаббуси билан амалга оширилган тизимли ишлар ҳақида тақдимот қилиб, очиқлик сиёсатига алоҳида тўхталиб ўтган.

Алишер Саъдуллаевнинг маълум қилишича, очиқлик борасида Ёшлар ишлари агентлиги yoshlarportali.uz платформасини йўлга қўйган. Очиғи мана шу платформани кўриб, хурсанд бўлдим. Ёшлар учун ҳамма имкониятлар ягона мана шу платформага жойлаштирилган. Имконияти шу қадар кенгки, фақатгина ичига қўшилмаган Телеграм қолган, холос)))

Платформадаги имкониятларни, ундан қандай фойдаланишни ёзиб ўтирмадим, чунки шундоқ кириб, ўзингиз гувоҳ бўлинг. Респект, бизда ҳам мана шундай платформаларни қилса бўларкан-у! Ёшлар, бемалол бу имкониятлардан унумли фойдаланинг.

@Zafarbek_Solijonov Ochish/sharhlash

2021-12-27 13:32:34 Сирдарё вилояти ҳокимлиги 477,9 млн сўмга KIA Sorento Comfort автомобилини харид қилибди.

Қорбобога буғу ёки чана керак эмасмиди?)

P.S. Менимча, 50 минг марта KIA Sorento Comfort дегандирда.

@Zafarbek_Solijonov Ochish/sharhlash

2021-12-27 11:04:57 Хушнуд ака айтган блогер Птушкиннинг видеосини мен ҳам кўрдим. Гуманизм қурилаётган Норвегияга ҳар тарафлама ҳавас қилса арзийди. Жазо қўллашда ҳам алтернатив версия бўлиши керак.

Масалан, пулингиз етарли эмасми, 1 кун қамоқда ётиш - нормал санкция. Ҳайдовчилик гувоҳномасини олишнинг қийинлаштирилиши масаласида эса 100 фоиз қўллайман. Инсон омили бутунлай йўқотилиши керак. Ochish/sharhlash