Xushnudbek.uz

2021-05-20 15:36:45 2 гектар ер Қибрайда 1 млн, Бандихонда 30 минг доллар

ДХХ ва ИИВ ходимлари томонидан ўтказилган тезкор тадбирда Тошкент вилояти Қибрай туманида яшовчи икки нафар фуқаро шу туманнинг Салар шаҳарчаси ҳудудидаги 2 гектар ер майдонини харидорга 1 млн 10 минг АҚШ долларига сотган вақтларида ашёвий далиллар билан ушланган.

Бундан ташқари, Бухоро вилояти Пешку туманида яшовчи, муқаддам ҳокимият тизимида ишлаган икки нафар фуқаро тадбиркорга мазкур туман ҳудудида қўп қаватли уй-жой қуриш учун ажратилган 19 сотих ер майдонини ҳокимиятдаги мансабдор танишлари орқали олиб беришни айтиб, эвазига 38 минг АҚШ доллари талаб қилади ва фирибгар шахслар сўралган пулни олган вақтларида ушланди.

Сурхондарё вилояти ҳокимлигининг қурилиш мажмуаси собиқ ходими, Термиз шаҳрида яшовчи аёл Бандихон туманида жойлашган ўзининг номидаги МЧЖ балансида бўлган 2 гектар суғориладиган ер майдонини 30 минг АҚШ долларига сотган вақтида ушланди.

Тошкент шаҳар Яккасарой туманида истиқомат қилувчи шахс 148 минг АҚШ доллари эвазига мансабдор танишлари орқали Янгиҳаёт тумани ҳудудидан 14 сотих ер майдонини тегишли ҳужжатларини расмийлаштириб, олиб беришни ваъда қилади ва у 20 минг АҚШ долларини аванс сифатида олган вақтида ушланди. Терговга қадар текширув ҳаракатлари давомида у мазкур пул маблағини Янгиҳаёт тумани ҳокимлигининг масъул ходимига бериши кераклиги маълум бўлди ва тезкор тадбир давом эттирилиб, ушбу шахс ҳам 20 минг долларни олган вақтида ашёвий далиллар билан ушланди.

Қуйи Сирдарё ирригация тизимлари ҳавза бошқармаси Боёвут туман бўлимида мироб бўлиб ишловчи шахс ўз турмуш ўртоғининг номига савзавотчилик билан шуғулланиш учун ажратилган 5 гектар ер майдонини маҳаллий фуқаро номига ҳокимият идораларида ишловчи танишлари орқали расмийлаштириб бериш эвазига 10 минг АҚШ доллари сўрайди ва сўралган пулни олган вақтида ушланди.


@xushnudbek Ochish/sharhlash

2021-05-20 15:00:56 𝗧𝗘𝗛𝗡𝗜𝗞𝗨𝗠 - aktual kasblar maktabi

Maktabimizni bir yildan kam vaqt ichida 1500+ dan ziyod talabalar tamomladilar. Maktab bitiruvchilari hozirgi kunda O’zbekistonning yirik kompaniyalari,eng katta SMM va marketing agentligida o’z faoliyatlarini olib bormoqdalar.

26-may kuni SMM mutaxassis kursiga start beramiz!

Shuningdek, siz 21-may kuni soat 19:30 da bepul ma’ruzamizga ro’yxatdan o’tishingiz mumkin

Shoshiling, joylar chegaralangan!
Atiga 25 ta joy ajratilgan!

Imkoniyatni boy bermang, havola yordamida ro’yxatdan o’ting

RO`YXATDAN O`TISH

Murojaat uchun : +998979003113
Telegram: @manager_tehnikum

Reklama Ochish/sharhlash

2021-05-20 14:35:53 Креативликка 5 баҳо! Қонунсизликка 2 баҳо!

Мулкка хавф туғилганда, одамлар ҳар қандай йўл билан уни ҳимоя қилишга интилади доим.


@xushnudbek Ochish/sharhlash

2021-05-20 13:39:30 Эртадан бошлаб роппа-роса 5 кун давомида Тошкент беш ташаббус ҳаракати ёшлар тадбири бўлиб ўтади. Ташкилотчиларнинг айтишича, тадбирга тайёргарлик якунига етган. Барча нарса тайёр.

Тадбирда вазирлар, депутатлар, блогерлар билан учрашувлар, спорт, мусиқа, санъат ва маданият йўналишларидаги мусобақалар, машҳур DJ-лар иштирокидаги қайноқ мусиқий кечалар ўтказилади.

Айтганча, сўнгги йилларда ёшлар орасида оммалашган брейн-ринг интеллектуал турнири ҳам жуда қизиқарли ўтиши кутиляпти. Барчангизни таклиф қиламиз.

Тадбирга кириш бепул, фақат @toshkent21bot да рўйхатдан ўтиш керак. Бугун рўйхатга олишнинг охирги куни, шошилишингизни тавсия қиламиз! Ochish/sharhlash

2021-05-20 09:02:13 Имтиҳонларда қониқарсиз баҳо олган ўқувчи синфдан синфга қолдирилади

Мактабларда ўқув йили якуни бўйича ўтказиладиган имтиҳонлар муддати ва ўтказиш тартиби тўғрисида маълумот берилди.

Жорий йилда барча умумтаълим мактабларида:

26 майдан 2 июнга қадар 5, 6, 7, 8 ва 10-синф ўқувчилари учун босқичли назорат имтиҳонлари;

26 майдан 15 июнга қадар 9 ва 11-синф битирувчилари учун якуний давлат имтиҳонлари оғзаки, ёзма ҳамда тест синовлари шаклида ўтказилади.

Қуйидагилар синфдан синфга кўчириш имтиҳонлари ва якуний давлат аттестациясидан озод этилади:

Халқ таълими вазирининг тегишли буйруғи билан тасдиқланган Низомда назарда тутилган касалликлар билан оғриган ўқувчилар;

халқаро ва республика олимпиадалари, танловлари, мусобақалари ҳамда бошқа кўрик-танловлардаги иштироки мактабдаги имтиҳон муддатларига тўғри келиб қолган ўқувчилар.

Бир ёки икки фандан ўтказилган якуний аттестацияда қониқарсиз баҳо олган битирувчиларга охирги якуний аттестациядан кейин икки ҳафта ўтгач қайта якуний аттестациядан ўтиш ҳуқуқи берилади.

Йиллик баҳо ва якуний аттестация натижаларига кўра, умумий ўрта таълим давлат таълим стандартлари талабларини бажармай, «қониқарсиз» баҳо олган битирувчилар шу синфда қайта ўқишга қолдирилади.


@xushnudbek Ochish/sharhlash

2021-05-19 19:53:00 Президент қарорига асосан:

Хорижий тилларни ўрганишни оммалаштириш агентлиги тузилди;

таълимнинг барча босқичлари педагоглари, магистратура ва докторантурага ўқишга кирувчилар ҳамда давлат органларининг ходимлари учун чет тилларини тегишли даражада билишни тасдиқловчи сертификатга эга бўлиш талаби ўрнатилмоқда;

таълим муассасаларининг камида С1 даражадаги сертификатга эга хорижий тиллар ўқитувчиларига уларнинг базавий тариф ставкасига нисбатан ҳар ойлик 50 фоиз миқдорида қўшимча устама ҳақи тўлаб борилади;

2022 йил 1 январдан бошлаб хорижий тиллардан сертификатга эга давлат бошқарув идораларининг барча бўғинлари ходимларига лавозим маошига нисбатан қўшимча устама ташкилотларнинг бюджетдан ташқари ҳамда иш ҳақи фонди доирасида бюджет маблағлари ҳисобидан тўланади.


@xushnudbek Ochish/sharhlash

2021-05-19 16:58:30 Metsenat.uz лойиҳасида навбатдаги грант!

«BTS Express Cargo Servis» компанияси томонидан тиббиёт, педагогика ва олий диний таълим муассасалари талабалари учун жами 39 млн сўмлик грант эълон қилинди.

Батафсил маълумот мана бу ерда:
https://t.me/MetsenatUz/61


@xushnudbek Ochish/sharhlash

2021-05-19 14:21:02 ​​Кўчмас мулк объектлари учун кадастр ҳужжатларини расмийлаштириш нархлари пасайтирилди

Ҳукуматнинг тегишли қарори (306-сон, 18.05.2021 йил) билан кўчмас мулк объектларининг кадастр ҳужжатларини тайёрлаш ва расмийлаштириш билан боғлиқ давлат хизматлари нархлари арзонлашди.

Унга кўра, давлат хизматлари кўрсатиш баҳоси:

Кўчмас мулк объектларининг нотурар бино ва иншоотларга оид қисмига кадастр паспортини тайёрлаш ва кадастр ҳужжатларини расмийлаштириш:

а) умумий майдони 100 кв.м гача бўлган кўчмас мулк учун БҲМнинг 1 баравари (245 минг сўм);

(илгари 1,25 баравар - 367 минг 500 сўм эди)

б) умумий майдони 100 кв.м дан 1000 кв.м гача бўлган кўчмас мулк учун объектнинг 1 кв.м майдони учун БҲМнинг 1,15 фоиз (2817 сўм 50 тийин) этиб белгиланган.

(илгари 1,25 фоиз - 3062 сўм 50 тийин эди).

Кўчмас мулк объектининг турар-жой фондига оид қисмига кадастр паспортини тайёрлаш ва кадастр ҳужжатларини расмийлаштириш:

а) кўп квартирали уйдаги квартирага 1 кв.м майдони учун БҲМнинг 1,15 фоиз (2817 сўм 50 тийин);

(илгари 1,25 фоиз - 3062 сўм 50 тийин эди)

б) якка тартибдаги турар-жойга 1 кв.м майдони учун БҲМнинг 1,15 фоиз (2817 сўм 50 тийин) этиб белгиланди.

(илгари 1,25 фоиз - 3062 сўм 50 тийин эди).


@xushnudbek Ochish/sharhlash

2021-05-19 11:48:29 Inson kapitali — eng qimmat resurs. Yoshlar ta’limiga kiritilgan sarmoyalar esa jamiyatdagi ijtimoiy tengsizlikni kamaytirishga xizmat qiladi.

Ilk marta doʻstimiz Xayrulla Ruhitdinov bilan koʻrishganimizda garchi uning koʻzlari ojiz boʻlsa ham, u ilm olish istagida yonib turganini qalban his qilganman. Uning maqsadlari bizni ruhlantirgan. Ushbu havola orqali Xayrulla Ruhitdinov bilan toʻliq tanishishingiz mumkin.

Xayrulla misolida koʻrishimiz mumkinki, ta’limga tikilgan har qanday sarmoya kun kelib, albatta, oʻzini oqlaydi. Yoshlar ishlari agentligi bilim olish yoʻlidagi yoshlarni qoʻllab-quvvatlab, ularga imkoniyat yaratishni oʻzining bosh maqsadi, deb biladi!

@alisher_sadullaev Ochish/sharhlash

2021-05-19 09:45:15 Самарқандда яна бир ОТМ ташкил этилди

Ҳукуматнинг тегишли қарори билан (307-сон, 18.05.2021 йил), Самарқанд давлат университетининг Каттақўрғон филиали ташкил этилди. Бу ҳақда ЎзА (@uzauz) хабар бермоқда.

Шунингдек, қарорга кўра:

Филиалда таълим фаолияти 2021/2022 ўқув йилидан бошланади;

Самарқанд вилояти, Каттақўрғон шаҳар, Амир Темур кўчаси, 27-уй манзилида жойлашган собиқ Самарқанд давлат чет тиллар институти ҳузуридаги 2-сон академик лицейининг бино ва иншоотлари Филиалга оператив бошқарув ҳуқуқи асосида бепул берилади;

келгуси йилларда Филиал учун қўшимча ўқув биноси, 2 та талабалар турар жойи бинолари, спорт иншооти қурилади;

Самарқанд вилояти ҳокимлиги Филиал фаолиятини самарали ташкил этиш мақсадида фаолият юритиш учун жалб этиладиган малакали профессор- ўқитувчиларни белгиланган тартибда хизмат уйлари билан таъминлайди.


@xushnudbek Ochish/sharhlash