Xushnudbek.uz

2023-12-04 20:15:10 1-kurs va o‘qishini ko‘chirishga tavsiya etilganlar uchun toʻlov-kontrakt mablagʻlarini toʻlash muddati 25-dekabrga qadar uzaytirildi

Davlat komissiyasining tegishli bayoni bilan, 2023/2024-o‘quv yilida oliy taʼlim muassasalari bakalavriati va magistraturasiga to‘lov-kontrakt, jumladan, tabaqalashtirilgan to‘lov-kontrakt asosida talabalikka tavsiya etilgan abituriyentlar, o‘qishi ko‘chirilgan (ko‘chirib tiklangan) va qayta tiklangan talabalar o‘qishi uchun to‘lov haqini o‘tkazish hamda talabalar safiga qabul qilishni rasmiylashtirishning so‘nggi muddati 2023-yilning 25-dekabri (shu kuni ham) etib belgilandi.

Eslatma: amaldagi tartibga ko‘ra, ikkinchi va undan yuqori bosqich talabalar kontraktini to‘lash muddati OTM rahbari tomonidan uzaytirilishi mumkin.


@xushnudbek Ochish/sharhlash

2023-12-04 16:56:27 Shavkat Mirziyoyev 2023-yil 4-dekabrdan qisqa muddatli mehnat taʼtiliga chiqdi.


@xushnudbek Ochish/sharhlash

2023-12-04 14:40:19 Mavsumiy kasalliklar sabab o‘quv muassasalarida taʼlim jarayonini to‘xtatishga asos yo‘q — Nurmat Atabekov

Hozirda aksariyat mamlakatlar qatori yurtimizda ham mavsumiy kasalliklar tarqalishi ko‘paygan. Ayniqsa, bolalarda bu jarayon biroz og‘ir kechmoqda.

Nurmat Atabekovning aytishicha, aholi orasida gripp mavsumi haqida “bu — yangi pandemiya” degan mish-mishlar mutlaqo asossiz. Aytish kerakki, bu hatto epidemiya ham emas. 

Shu sababdan ham o‘quv muassasalarida taʼlim jarayonini to‘xtatishga yetarli asos ko‘rmayapmiz, — degan mutaxassis.

Hozir eng to’g’ri yo’l bemorlarni alohidalash, ularni jamoat joylaridan uzoqda tutish.

Shuning uchun ham ota-onalarga kasallik belgilari bo‘lgan farzandlarini bog‘cha va maktablarga, oliy taʼlim muassasalariga yubormaslik maslahat berildi. Bunday paytda shifokor ko‘rsatmasiga asosan, uy sharoitida zarur muolajalarni olib borish 
maqsadga muvofiq.


@xushnudbek Ochish/sharhlash

2023-12-04 11:06:42 Endi O‘zbekiston haydovchilik guvohnomasi BAAda ham tan olinadi

Bu haqdagi anglashuv memorandumi ikki mamlakat ichki ishlar vazirlari tomonidan imzolangan. Hujjat 2024-yilning 27-yanvaridan kuchga kirishi belgilangan.

Shuningdek, kelishuvga ko‘ra BAAda uzoq vaqtga yashash huquqini olgan o‘zbekistonliklar amirlik haydovchilik guvohnomasini olish vaqtida tegishli nazariy va amaliy sinovlarni topshirishdan ozod qilinadi.


@xushnudbek Ochish/sharhlash

2023-12-04 08:52:24 Lolazor podkastining 2-soni: “Biz sizni qarg’aymiz. Sochlaring to’kilib ketsin!”





Ushbu sonda Amerika taassurotlari, “Narxoz” va Moliya institutining ko’chirilishi, haydovchilar uchun jarima ballari, tonirovka va antiradar, organ xodimining rasm va videosini internetga joylashtirmaslik, parlament vazifalari va boshqa bir qator mavzularda suhbatlashdik.

DIQQAT, TANLOV!

YouTube’dagi video ostida podkast haqida yoki ushbu sonda gaplashilgan mavzular boʻyicha fikr bildiring. Eng koʻp layk yigʻgan izoh egasiga 1 mln soʻm mukofot beriladi.

Podkastni tomosha qilish uchun:





@xushnudbek Ochish/sharhlash

2023-12-03 20:13:32 “Baxti Tashkentskiy” laqabi bilan tanilgan Baxtiyor Qudratullayev qo‘lga olindi

Toshkent shahar IIBB huzuridagi Tergov boshqarmasi tomonidan Jinoyat kodeksining 165-moddasi 3-qismi (juda ko‘p miqdorda tovlamachilik) bilan qo‘zg‘atilgan jinoyat ishi tergov qilinmoqda. Mazkur jinoyat ishi doirasida o‘tkazilgan tergov-tezkor harakatlari davomida jinoiy faoliyat olib borgan bir nechta shaxslar gumonlanib ushlandi.

Jumladan:

1971-y.t. Qudratullayev Baxtiyor Zafarovich (165-modda 3-qismi, juda ko‘p miqdorda tovlamachilik; 276-modda 2-qismi, ko‘p miqdorda giyohvandlik vositalarini saqlash);

1980-y.t. Sharipov Dilshod Tulkinovich  (165-modda 3-qismi, juda ko‘p miqdorda tovlamachilik);

1972-y.t. Mirzaxanov Anvar Babarajabovich (165-modda 3-qismi, juda ko‘p miqdorda tovlamachilik).

Ushbu shaxslar tahdid va kuch ishlatish yo‘li bilan pul mablag‘larini qonunga hilof ravishda qo‘lga kiritish bilan shug‘ullangan. Jinoyat ishi doirasida  gumon qilinuvchi B.Z.Qudratullayev, A.B.Mirzaxanov, D.T.Sharipovlar protsessual tartibda ushlangan. Tergov davom etmoqda.


@xushnudbek Ochish/sharhlash

2023-12-03 12:08:19 Bank kartalaridan pul o‘g‘irlanishiga qarshi choralar ko‘rilmoqda

Buning uchun banklar va to‘lov tizimlarining mobil ilovalarida yangi ro‘yxatdan o‘tgan foydalanuvchining mablag‘larini o‘tkazish imkoniyatini 1 soatgacha cheklash rejalashtirilmoqda.

Asosiy foydalanuvchiga uning profiliga kirganlik haqida darhol SMS-xabar yuborish va mobil qurilmalar xususida IMEI, IMSI, DeviceID va boshqa qo‘shimcha ma’lumotlarni yig‘ish belgilanmoqda.

“Yo‘l xaritasi“da foydalanuvchilarning SMS-xabarlar orqali olinadigan bir martalik parollarini himoya qilish mexanizmini joriy etish, shuningdek, bank kartalaridan mablag‘larni o‘g‘irlash holatlari haqida kelib tushayotgan murojaatlar bo‘yicha kechiktirib bo‘lmaydigan choralarni (bloklash va boshqalar) ko‘rish taklif etilgan.


@xushnudbek Ochish/sharhlash

2023-12-03 10:31:19 Ochish/sharhlash

2023-12-03 10:01:55 "Asl Baraka" savdo belgisi bozorda ko'p yillar mobaynida mavjud bo'lib, shu yillar davomida brend butun Respublika bo'ylab mijozlarning ishonchini va mehrini qozonishga muvaffaq bo'ldi.

Ushbu videoda kompaniyadagi ishlab chiqarish jarayoni, zamonaviy asbob-uskunalarda kolbasa mahsulotlari tayyorlanishi, o'zgacha yondashuv bilan ishlab chiqilgan mahsulotlar keng assortimenti namoyish etilgan.

Videoni yanada sifatli tarzda va boshqa tillarda "Asl Baraka"ning YouTube kanalida tomosha qilish mumkin.
Reklama Ochish/sharhlash

2023-12-02 20:05:10 Ochish/sharhlash