Xushnudbek.uz

2021-05-19 14:21:02 ​​Кўчмас мулк объектлари учун кадастр ҳужжатларини расмийлаштириш нархлари пасайтирилди

Ҳукуматнинг тегишли қарори (306-сон, 18.05.2021 йил) билан кўчмас мулк объектларининг кадастр ҳужжатларини тайёрлаш ва расмийлаштириш билан боғлиқ давлат хизматлари нархлари арзонлашди.

Унга кўра, давлат хизматлари кўрсатиш баҳоси:

Кўчмас мулк объектларининг нотурар бино ва иншоотларга оид қисмига кадастр паспортини тайёрлаш ва кадастр ҳужжатларини расмийлаштириш:

а) умумий майдони 100 кв.м гача бўлган кўчмас мулк учун БҲМнинг 1 баравари (245 минг сўм);

(илгари 1,25 баравар - 367 минг 500 сўм эди)

б) умумий майдони 100 кв.м дан 1000 кв.м гача бўлган кўчмас мулк учун объектнинг 1 кв.м майдони учун БҲМнинг 1,15 фоиз (2817 сўм 50 тийин) этиб белгиланган.

(илгари 1,25 фоиз - 3062 сўм 50 тийин эди).

Кўчмас мулк объектининг турар-жой фондига оид қисмига кадастр паспортини тайёрлаш ва кадастр ҳужжатларини расмийлаштириш:

а) кўп квартирали уйдаги квартирага 1 кв.м майдони учун БҲМнинг 1,15 фоиз (2817 сўм 50 тийин);

(илгари 1,25 фоиз - 3062 сўм 50 тийин эди)

б) якка тартибдаги турар-жойга 1 кв.м майдони учун БҲМнинг 1,15 фоиз (2817 сўм 50 тийин) этиб белгиланди.

(илгари 1,25 фоиз - 3062 сўм 50 тийин эди).


@xushnudbek Ochish/sharhlash

2021-05-19 11:48:29 Inson kapitali — eng qimmat resurs. Yoshlar ta’limiga kiritilgan sarmoyalar esa jamiyatdagi ijtimoiy tengsizlikni kamaytirishga xizmat qiladi.

Ilk marta doʻstimiz Xayrulla Ruhitdinov bilan koʻrishganimizda garchi uning koʻzlari ojiz boʻlsa ham, u ilm olish istagida yonib turganini qalban his qilganman. Uning maqsadlari bizni ruhlantirgan. Ushbu havola orqali Xayrulla Ruhitdinov bilan toʻliq tanishishingiz mumkin.

Xayrulla misolida koʻrishimiz mumkinki, ta’limga tikilgan har qanday sarmoya kun kelib, albatta, oʻzini oqlaydi. Yoshlar ishlari agentligi bilim olish yoʻlidagi yoshlarni qoʻllab-quvvatlab, ularga imkoniyat yaratishni oʻzining bosh maqsadi, deb biladi!

@alisher_sadullaev Ochish/sharhlash

2021-05-19 09:45:15 Самарқандда яна бир ОТМ ташкил этилди

Ҳукуматнинг тегишли қарори билан (307-сон, 18.05.2021 йил), Самарқанд давлат университетининг Каттақўрғон филиали ташкил этилди. Бу ҳақда ЎзА (@uzauz) хабар бермоқда.

Шунингдек, қарорга кўра:

Филиалда таълим фаолияти 2021/2022 ўқув йилидан бошланади;

Самарқанд вилояти, Каттақўрғон шаҳар, Амир Темур кўчаси, 27-уй манзилида жойлашган собиқ Самарқанд давлат чет тиллар институти ҳузуридаги 2-сон академик лицейининг бино ва иншоотлари Филиалга оператив бошқарув ҳуқуқи асосида бепул берилади;

келгуси йилларда Филиал учун қўшимча ўқув биноси, 2 та талабалар турар жойи бинолари, спорт иншооти қурилади;

Самарқанд вилояти ҳокимлиги Филиал фаолиятини самарали ташкил этиш мақсадида фаолият юритиш учун жалб этиладиган малакали профессор- ўқитувчиларни белгиланган тартибда хизмат уйлари билан таъминлайди.


@xushnudbek Ochish/sharhlash

2021-05-19 08:31:09 ID картаси бор ҳайдовчилар учун яхши янгилик

Бугундан фақат Тошкент шаҳрида (ҳозирча синов тариқасида) ID карталари мавжуд ҳайдовчилар йўл патрул хизмати инспекторига қуйидаги ҳужжатларни шахсан тақдим этиши шарт бўлмайди:

нотариал тартибда тасдиқланган ишончнома;

техник кўрикдан ўтказилганлиги тўғрисидаги маълумот;

“тонировка” учун рухсатнома.

Бу муҳим! Шахсан кўрсатиш шарт бўлмайди, дегани ўша ҳужжатларни ёнида олиб юриш талаб этилмайди. Лекин аслида ўша ҳужжатларнинг таги бўлиши керак. Яъни ID-картам бўлса, ишончнома ёки тонировка учун рухсатнома олишим шарт эмас экан, деб нотўғри тушунманг. Мазкур ҳужжатларнинг бор-йўқлиги ID карта ёрдамида электрон базадан текширилади.

Ушбу тартиб шу йил 1 сентябрдан бутун мамлакат бўйлаб тўлиқ ишга тушиши лозим.


@xushnudbek Ochish/sharhlash

2021-05-19 08:01:14 Yuqori sifatli ta'lim va xalqaro maqomga ega diplom uchun endi chet elga chiqishning hojati yo'q!

Qanday deysizmi?

Turkiyaning O'zbekistondagi birinchi va yagona Turkiya iqtisodiyot va texnologiyalar universiteti 2021-2022 o'quv yili uchun talabalarni qabul qiladi!

Eng quvonarlisi, "The World's Best Young Universities" reytingida 32-o'rinni egallagan ushbu o'quv yurtida yuqori ball to'plagan talabalar uchun 10 ta grant o'rinlari ajratilgan!

Shoshiling, aziz yoshlar! Sizda xalqaro tajribaga ega o'qituvchilar saralangan TOBB ETÜ da tahsil olib, eng kerakli mutaxassis kadr bo'lib yetishish imkoniyati bor!

Quyidagi havola orqali o'tib, ko'proq ma'lumotga ega bo'ling:
@TOBB_ETU_TASHKENT

Reklama Ochish/sharhlash

2021-05-18 17:46:41 Математика фани бўйича янги дарслик яратилибди. Дарсликда назарий қисмлар камайтирилиб, кўпроқ амалий машғулотларга эътибор қаратилган ва ўқувчиларга ўйинлар орқали математикани ўргатиш мақсад қилинган.


@xushnudbek Ochish/sharhlash

2021-05-18 16:03:03 Электромобилларга имтиёз берилади

Бугун Олий Мажлис Қонунчилик палатасининг навбатдаги мажлисида депутатлар «Ўзбекистон Республикасининг Солиқ кодексига ўзгартиш ва қўшимчалар киритиш тўғрисида»ги қонун лойиҳасини биринчи ўқишда кўриб чиқдилар.

Қонун лойиҳаси билан электр двигатели орқали ҳаракатланадиган автомототранспорт воситаларини сотиб олиш ва (ёки) Ўзбекистон Республикаси ҳудудига вақтинчалик олиб кириш учун йиғим тўлашдан озод этилиши назарда тутиляпти.


@xushnudbek Ochish/sharhlash

2021-05-18 14:02:04 Халқаро имтиҳон тизимларида юқори балл тўплаган ёшларга харажатларни қоплаб бериш бўйича давлат хизмати ишга туширилди

Ҳозирда имтиҳон топшириш харажати компенсация қилинадиган халқаро имтиҳон тизимлари рўйхатига GMAT, IELTS, TOEFL, GRE, SAT каби имтиҳонлар киритилган.

CAE, DAF, JLPT, HSK ва бошқалар бўйича харажатлар 2022 йил 1 январдан бошлаб компенсация қилинади.

Ариза берувчи имтиҳон топшириш вақтида 31 ёшга тўлмаган Ўзбекистон фуқароси ёки фуқаролиги бўлмаган шахс бўлиши мумкин.

Ушбу давлат хизмати учун Давлат хизматлари марказлари ёки Ягона интерактив давлат хизматлари портали орқали мурожаат қилиниши керак.

Онлайн ариза юбориш учун ҳавола:
https://my.gov.uz/uz/service/413

Ҳозиргача жами 221 та ариза келиб тушган.

Имтиҳон топшириш харажати қуйидаги талабларга жавоб берганда компенсация қилинади:

камида белгиланган юқори балл (даража) қайд этилганда. Юқори даражалар рўйхати билан мана бу ерда танишишингиз мумкин;

махсус сертификат берилган санадан бошлаб 180 календарь кун ўтмасдан мурожаат қилганда;

махсус сертификатда кўрсатилган имтиҳон натижасининг ҳақиқийлиги ва тўғрилиги Ёшлар ишлари агентлиги томонидан тасдиқланганда.

SMS-хабар орқали ижобий жавоб олганидан сўнг, ариза берувчи компенсацияни олиш учун Халқ банкининг ўзи танлаган филиалига мурожаат этиши керак.


@xushnudbek Ochish/sharhlash

2021-05-18 10:13:21 Метронинг вақтини қисқартириш, автобуслар йўналишини ёпиш, борини ҳам оптималлаштириш оқибатда бошқа муаммоларни яратаверади. Йўлларни кенгайтирган, янги йўллар, кўприк ва йўл ўтказгичлар қурган билан тирбандликлар камайиб қолмайди, шаҳар борган сари одамлар учун ноқулай бўлиб боради. Авариялар ҳар куни ўнлаб инсонлар ҳаётига зомин бўлаётгани, экологик муаммолар ҳақида гапирмаса ҳам бўлади.

Жамоат транспорти дунёнинг аксарият мамлакатларида зарар кўриб ишлайди, шунинг учун давлат уни доимий равишда субсидиялаштириб боради. Сабаби жамоат транспорти даромад келтирадиган соҳа эмас.

Жамоат транспортини кундан-кунга заифлаштириб, шаҳарда миллиард долларлик мегапроектларни амалга оширгандан кўра мавжуд тизимни такомиллаштириш, ақлли ва экологик тоза жамоат транспорти тизимини йўлга қўйиш арзон ва Тошкент келажаги учун тўғри қарор бўлади. Бунга ҳали ҳам кеч эмас.

ИМҲО. Ochish/sharhlash

2021-05-18 09:57:15 Метронинг иш вақти қисқарди

2021 йил 21 майдан бошлаб Тошкент метрополитени Чилонзор ва Ўзбекистон йўлларининг иш тартиби қисқариб, вақтинча соат 06:00 дан 23:00 гача этиб белгиланади.

Бунга қадар метрополитеннинг иш тартиби 24:00 гача эди.

"Ўзбекистон темир йўллари" АЖнинг хабарида бу тартиб сабабига ва қачонгача амал қилишига аниқлик киритилмаган.


@xushnudbek Ochish/sharhlash