XALÍQ USHÍN ⚖️

2024-04-17 07:26:33 Свет ҳәм газдың қымбатлаўы себепли кем тәмийинленген ҳәм айырым жәрдемге мүтәж шаңарақларға мәмлекет тәрепинен компенсация бериледи

Ҳүкиметтиң 16.04.2024-жылдағы 204-санлы қарарына тийкар, Қарақалпақстан Республикасы ҳәм Хорезм ўәлаяты ушын октябрь-февраль айларында кем тәмийинленген ҳәм айырым жәрдемге мүтәж шаңарақларға төмендеги компенсациялар төленеди:

ноябрь айында бир мәртелик 270 мың сумлық жәрдем пулы;

тәбийий газден 500 куб метрден артық пайдаланған 250 куб метрге шекемги бөлегине;

электр энергиясынан 200 кВт/сааттан артық пайдаланған 150 кВт/ссатқа шекемги бөлегине компенсация төленеди.

Постты жақынларыңызға тарқатың.

Юристке сораў бериў

Каналға ағза болың
@Xaliq_ushin Ochish/sharhlash

2024-04-16 14:56:22 1-майдан баслап газ ҳәм свет қымбатлайды

Бүгин қабыл етилген Министрлер Кабинетиниң қарарына тийкар 2024-жыл 1-майдан баслап пуқаралар электр энергиясы ҳәм газ ушын төмендеги муғдарларда төлейди:

Электр энергиясы ушын:
200 кВт/саатқа шекем 450 сум;
201 кВт/сааттан 1000 кВт/саатқа шекем – 900 сум;
1001 кВт/сааттан 5000 кВт/саатқа шекем 1350 сум;
5001 кВт/сааттан 10 000 кВт/саатқа шекем 1575 сум;
10 000 кВт/саат ҳәм оннан артық пайдаланғанда ҳәр бир кВт/саат ушын 1800 сум етип белгиленген.
Ҳәзирги күнде 1 кВт/саат ушын 295 сум.

Табиий газ
Ноябрден-февралға шекем пайдаланылған газ ушын:
500 куб метрге шекем – 650 сумнан;
501-2500 куб метр аралығында – 1500 сумнан;
2501-5000 куб метр аралығында – 1950 сумнан;
5001-10000 куб метр аралығында – 2275 сумнан;
10000 куб метрден артық пайдаланғанда – 2600 сумнан төлейди.

Марттан-октябрға шекем пайдаланылған газ ушын:
100 куб метрге шекем – 650 сум;
101-2500 куб метр аралығында – 1500 сум;
2501-5000 куб метр аралығында – 1950 сум;
5001-10000 куб метр аралығында – 2275 сум;
10000 куб метрден артық пайдаланылғанда – 2600 сумнан төлейди.
Ҳәзирги күнде 1 куб метр ушын 380 сум.

Постты жақынларыңызға тарқатың.

Юристке сораў бериў

Каналға ағза болың
@Xaliq_ushin Ochish/sharhlash

2024-04-14 15:34:46 «Жаслар дәптери»не киргизилген жасларға бир мәртелик материаллық жәрдем бериледи

«Жаслар дәптери»не киргизилген материаллық жағдайы аўыр жасларға берилетуғын пуллы жәрдемниң анық муғдары олардың турмыслық жағдайының қурамалылығынан келип шығып базалық есаплаў муғдарының 4 есесине (1 360 000 сумға) шекемги муғдарда Қәўендерлик кеңеси қарарына муўапық төленеди.

Бир мәртелик материаллық жәрдем алыў ушын дәптерге киргизилген жас пуқара өзиниң жасаў аймағындағы пуқаралар жыйынының жаслар жетекшисине арза береди.

Арза қарап шығылып, пулды ажыратыў ҳаққында Қәўендерлик кеңесиниң қарары қабыл етилсе, 16 күнниң ишинде жас пуқараға тийисли пул Халық банки тәрепинен нақ ямаса нақ емес формада ажыратылады.

Бир мәртелик материаллық жәрдем төмендеги жасларға биринши нәўбетте ажыратылады:

бағыўшысын жоғалтқан ҳәм ата-ана қарамағынан айырылған социаллық қорғаўға мүтәж жасларға;

өзгелер ғамхорлығына мүтәж болған жумысқа жарамсыз жасларға;

I ҳәм II топар майыплығы болған жасларға;

қарамағында майыплығы болған баласы бар жас шаңараққа (ерли-зайыплының бирине);

ата-аналарынан биреўи I ямаса II топар майыплығы болған, екиншиси болса жумысын тоқтатқан ҳалда наўқасқа қараўға мәжбүр болған ямаса ата-анасының екеўи де I яки II топар майыплығы болған жасларға;

тәбийғый апатлар, авариялар, өрт ҳәм басқа айрықша жағдайлар ақыбетинде өмирине, ден саўлығына, мүлкине зыян тийген жасларға.

Жасларға бир мәртелик материаллық жәрдемниң берилиўи оларды «Жаслар дәптери»нен шығарыў ушын себеп болмайды.

Бир мәртелик материаллық жәрдем бир адамға жылына тек бир мәрте бериледи.

«Жаслар дәптери» бойынша қосымша мағлыўмат мына силтемелерде берилген https://t.me/xaliq_ushin/2077 ҳәм https://t.me/xaliq_ushin/2078.

Постты жақынларыңызға тарқатың.

Юристке сораў бериў

Каналға ағза болың
@Xaliq_ushin Ochish/sharhlash

2024-04-13 09:02:19 Сизлер ушын кредитлер ҳәм банклер ҳаққындағы пайдалы мағлыўматлар топламы!

Мағлыўматты толық оқыў ушын сол текст үстине басың!

Кредит калькуляторы;
33 млн сумлық жеңиллетилген кредитти нақ пулда алыўға руқсат бериўши Президент қарары қабыл етилди
Тәлим кредитин алыў тәртиби
Банклардағы вакансиялар (бос жумыс орынлары) бойынша каналлары;
Банклардың Телеграмдағы рәсмий каналлары;
Банктан кредит алған пуқара сырт елге шыға алама?;
Жумыс орнын жаратқан исбилерменге кредит төменирек проценттен бериледи
Кредитти аннуитет усылда төлеген пайдалыма яки дифференциал?;
Турақ жайды «ремонт»лаў ушын қайсы банклер кредит ажыратып атыр?
Кредитке алынған жайды 3 жылдың ишинде сатқан пуқарадан төлемеген салықлары толық өндирип алынады
Кредит тарийхы қанша ўақытта тазаланады?;
Процентсиз айына 50 млн сумнан артық пулды картадан картаға өткериўге болады
Банклардың телефон телефон номерлери;
"Мәҳәлле жетилиги"ниң усынысына тийкар 120 млн сумға шекем ипотека кредити бериледи
Телеграмдаги фойдали ботлар;
Кредитке алынған жайды кредити толық төленбей турып сатыўға болама?
«Больничный лист»ти онлайн алыў тәртиби;
Картадан кредит ҳәм басқа төлемлер ушын ийесиниң разылығысыз пул шешип алыныўы қатаң қадаған етилди
Мәмлекетлик хызметлерден онлайн пайдаланыў ушын пайдалы силтемелер.

Постты жақынларыңызға тарқатың.

Юристке сораў бериў

Каналға ағза болың
@Xaliq_ushin Ochish/sharhlash

2024-04-13 07:21:32 Екинши жумыс орнынан да декрет пулы төлене ме?

Еки жерде жумыс ислеп атырған (совместитель) көпшилик хызметкерлерди мийнетке жарамсызлық ўақты ушын напақа ҳәм ҳәмиледарлық және туўыў напақалары төлениўи ҳаққындағы сораў қызықтырады.

Министрлер Кабинетиниң 2012-жыл 18-октябрдеги 297-санлы қарары менен билан тастыйықланған Режениң 18-19-бәнтлерине бола, еки жерде жумыс ислеўши хызметкерлер екинши жумыс орнынан ўақытша мийнетке жарамсызлық напақасын алыўға, ҳаяллар болса, ҳәмиледарлық ҳәм туўыў напақаларын алыў ҳуқықына ийе.

Буның ушын хызметкер емлениў орнынан ямаса туўыў үйинен берилген мийнетке жарамсызлық бетиниң (больничный лист) тастыйықланған нусқасын екинши жумыс орнына бериўи тийис.

Мийнетке жарамсызлық бетин бериў тәртиби ҳаққындағы көрсетпениң (дизим номери 2667, 17.04.2015-ж.) 19-бәнтине муўапық, еки жерде жумыс ислейтуғын хызметкерге екинши жумыс орнына бериўи ушын тийкарғы жумыс орнына берилетуғын мийнетке жарамсызлық бетиниң емлеўхана бөлим баслығы тәрепинен тастыйықланған нусқасы бериледи.

Постты жақынларыңызға тарқатың.

Юристке сораў бериў

Каналға ағза болың
@Xaliq_ushin Ochish/sharhlash

2024-04-12 12:14:50 #қарақалпақтили
Ҳуқықый ҳүжжетлерде көп ушырасатуғын айырым өзбек тилиндеги терминлердиң қарақалпақ тилиндеги аўдармасы

○ Қонун – Нызам
○ Низом – Реже
○ Фармойиш – Бийлик
○ Модда – Статья
○ Чора-тадбир – Ис-илаж
○ Васийлик – Қәўендерлик
○ Ҳомийлик – Әменгерлик
○ Жиноят содир этиш – жынаят ислеў
○ Маъмурий – Ҳәкимшилик
○ Ҳудуд – Аймақ
○ Масъул – Жуўапкер
○ Тизим – Система
○ Дахлсизлик – Қол қатылмаслық
○ Имзо – Қолы
○ Муҳокама – Додалаў
○ Умуминсоний – Улыўма инсаныйлық
○ Фаолият – Жумыс, искерлик, хызмет
○ Фаровонлик – Абаданлық
○ Қонун устунлиги – Нызам үстемлиги
○ Ягона – Жалғыз, бирден бир
○ Манфаат – Мәп
○ Низо – Келиспеўшилик
○ Ватанпарвар – Ўатан сүйиўшилик
○ Маънавий – Руўхый
○ Муносабат – Қатнасық
○ Мажбурият – Миннетлеме
○ Ихтиёрий – Ықтыярлы
○ Ҳуқуқбузарлик – Ҳуқық бузыўшылық
○ Гумон қилинувчи – Гүман етилиўши
○ Айбланувчи – Айыпланыўшы
○ Қонунга ўзгартириш киритиш – Нызамға өзгерис киргизиў
○ Имтиёз – Жеңиллик
○ Шахсий – Жеке
○ Хусусий – Меншик
○ Оммавий – Ғалабалық
○ Кўриб чиқиш – Қарап шығыў
○ Илова – Қосымша
○ Ҳавола – Силтеме
○ Дастур – Бағдарлама
○ Номзод – Талабан
○ Рағбатлантириш – Хошаметлеў
○ Мукофот – Сыйлық
○ Маҳаллий – Жергиликли.

Тилимизге бийпарық болмайық!

Постты ҳүжжетлер менен ислесиўши жақынларыңызға тарқатың.

Юристке сораў бериў

Каналға ағза болың
@Xaliq_ushin Ochish/sharhlash

2024-04-12 07:55:07 Бағша хызметкерлерине бир мәртелик пул бериледи

Бағшаларда хызметкерлердиң айлығына қосымша бир мәртелик ҳақы олардың ерискен нәтийжелеринен келип шығып ямаса төмендеги жағдайларда төленеди:

таңлаўларда қатнасқаны ушын:
район, Қарақалпақстан ямаса ўәлаят дәрежесиндеги нәтийжелери ушын - лаўазым окладының 15%не шекем;
Өзбекстан дәрежесиндеги нәтийжелери ушын - 20%ке шекем;

ойын принциплерине тийкарланған заманагөй сабақлар өткени ушын - лаўазым окладының 15% не шекем;

балалардың илим-пәнге қызығыўшылығын арттырыўға қосқан үлеси ушын - лаўазым окладының 20%не шекем.

Постты жақынларыңызға тарқатың.

Юристке сораў бериў

Каналға ағза болың
@Xaliq_ushin Ochish/sharhlash

2024-04-10 14:16:01 Жумыссызлық напақасы кимлерге бериледи?

Жергиликли мийнет органы (биржа труда) тәрепинен жумыссыз деп тән алынған пуқаралар жумыссызлық напақасын алыўға ҳақлы.

Жумыссызлық напақасы пуқараның жасаў жеринде Бәнтликке көмеклесиў мәмлекетлик қоры тәрепинен ол жумыс излеўши ретинде дизимге алынған күннен баслап есапланады ҳәм төленеди.

Жумыссызлық напақасы 12 айдың ишинде көби менен 26 календарь ҳәпте даўамында төленеди. Бунда напақа усы айда алдынғы ай ушын төленеди.

Жумыссызлық напақасы төмендеги муғдарларда төленеди:

жумыстан ҳәм ис ҳақысынан ақырғы 12 ай ишинде айырылған пуқараларға – алдынғы жумыс орнындағы орташа айлық ис ҳақының 50% муғдарында төленеди. Бирақ бул сумма мийнетке ҳақы төлеўдиң ең кем муғдарынан (1 050 000 сумнан) аз болмаўы ҳәм сол гездеги Өзбекстан бойынша орташа айлық ис ҳақы муғдарынан (4 млн. сум әтирапында) көп болмаўы керек.
Әскерий хызметтен, ишки ислер органларынан, Мәмлекетлик қәўипсизлик хызметинен, Миллий гвардия органларынан ҳәм басқа әскерий хызмет нәзерде тутылған мәкемелерден босатылған пуқаралар да усы муғдарда жумыссызлық напақасын алыўы мүмкин.

жумыстан және ис ҳақысынан айырылған ҳәм бир жылдан артық тәнепистен кейин жумысқа орналасыўға ҳәрекет етип атырған пуқараларға – мийнетке ҳақы төлеўдиң ең кем муғдарының бир есеси (1 050 000 сум) муғдарында төленеди;

алдын жумыс ислемеген ҳәм биринши мәрте жумыс излеп атырған пуқараларға – мийнетке ҳақы төлеўдиң ең кем муғдарының кеминде 75% муғдарында (787 500 сум) төленеди.

Егер жумыссыз пуқара кеселленсе, напақаны оның жақын туўысқанлары (ата-анасы, өмирлик жолдасы, ер жеткен балалары) ямаса исеним хат арқалы басқа шахслар алыўы мүмкин.

Жумыссызлық напақасын алыў дәуиринде пуқара жумыс излеўи ҳәм жумысқа орналасыў ушын жолламаны ямаса кәсипке таярлаў, қайта таярлаў яки маманлығын арттырыўға жолламаны алыў ушын ҳәр еки ҳәптеде бир мәрте жергиликли мийнет уйымына барып турыўы керек. Бул талаплар кеширимли себеплерсиз орынланбаған жағдайда напақа 3 айға шекемги мүддетге тоқтатылыў ямаса напақаның муғдары кемейтирилиўи мүмкин.

Жумыссызлық напақасынан дәрамат салығы өндирилмейди.

Постты жақынларыңызға тарқатың.

Юристке сораў бериў

Каналға ағза болың
@Xaliq_ushin Ochish/sharhlash

2024-04-10 05:29:50 Рамазан Ҳайытыңыз мүбәрек болсын Ўатанласлар!

Хүрметли ҳәм әзийз ўатанласлар, Сизлерди бүгинги “РАМАЗАН ҲАЙЫТЫ” байрамы бенен қутлықлаймыз.

Сизге ҳәм шаңарағыңызға ден-саўлық, тынышлық, еки дүнья жақсылығы тилеймиз.

Ана Ўатанымыз тыныш, аспанымыз ҳәмме ўақыт ашық, сууымыз мол, дәстурқанымыз берекетли болсын!

Байрамды жақынларыңыз бенен қуўаныш, кеўил-хошлық пенен өткизиўиңизге тилеклеспиз!

Постты жақынларыңызға тарқатың.

Каналға ағза болың
@Xaliq_ushin Ochish/sharhlash

2024-04-09 14:09:54
Ертең саат 04-00ден 10-00ге шекем барлық жәмийетлик транспортлар халыққа бийпул хызмет көрсетеди

Министрлер Кабинети тәрепинен Рамазан Ҳайытын өткериўге арналған жыйналыста Рамазан Ҳайыты байрамының биринши күни, яғный 10-апрель күни республикадағы барлық жәмийетлик транспорт қураллары саат 04:00ден 10:00 ге шекем халыққа бийпул хызмет көрсетиўи белгиленди.

Постты жақынларыңызға тарқатың.

Юристке сораў бериў

Каналға ағза болың
@Xaliq_ushin Ochish/sharhlash