Соғлиқни сақлаш вазирлиги | Вакцина – ягона чора!

2021-12-21 14:08:34 Bebbo — ота-оналар учун мўлжаллаб яратилган бепул мобиль илова. У орқали фарзандларингизнинг ўсиши, ривожланиши ва тарбиясига доир зарур маслаҳат ва тавсияларга эга бўлишингиз мумкин.

Иловадан фойдаланиш бўйича кўрсатмалар юқоридаги видеолавҳадан жой олган.

Иловани юклаб олиш:

Google Play
AppStore

@unicefuzbekistan
@ssvuz
@ssvmatbuotkotibi Ochish/sharhlash

2021-12-21 13:04:45 Президентимизнинг 16-18 декабрь кунлари Корея Республикасига ташрифи доирасида икки мамлакат ўртасидаги муносабатларни янги босқичга олиб чиқиш юзасидан аниқ вазифалар белгилаб олинди. Жумладан, тиббиёт соҳасида икки мамлакат раҳбарлари ҳузурида Соғлиқни сақлаш соҳасида ҳукуматлараро битим имзоланди.

Бу бежиз эмас, албатта. Чунки Жанубий Корея соғлиқни сақлаш тизими дунёда етакчилардан саналади. Корея Республикаси билан биргаликда пойтахтимизда барпо этилган Болалар миллий тиббиёт маркази яқин шериклигимизга яққол мисол бўла олади. Энди ушбу лойиҳа билан уйғун ҳолда Корея билан ҳамкорликда олий таълим муассасаси очилиши режалаштирилмоқда.

Ўзбекистон Соғлиқни сақлаш вазири Б. Мусаев ушбу ташрифдан кейинги таассуротлари ҳақида “O‘zbekiston 24” телеканалига интервью берди.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-21 10:28:08 ​ССВ: Чангли ҳаво шароитида аҳолига тиббий ёрдам кўрсатиш учун барча зарур чоралар кўрилган!

Гидрометеорология хизмати 21 декабрь, яъни бугун шамол тезлиги баъзи жойларда 25-28 метр/секундгача кучайиб, Қорақалпоғистон, Хоразм, Бухоро, Навоий вилоятларида ва республиканинг чўл ҳудудларида чанг бўрони ва ғуборлар кўтарилиши мумкинлигини прогноз қилганди. Айни пайтда мамлакатимизнинг айрим ҳудудларда ушбу табиат ҳодисаси кузатилмоқда.

Шу муносабат билан Соғлиқни сақлаш вазирлиги аҳолига тиббий ёрдам кўрсатиш учун барча зарур чораларни кўрган.

Жумладан, Республика шошилинч тиббий ёрдам илмий маркази ва унинг ҳудудлардаги 13 та филиали ҳамда 179 та аҳоли пунктида жойлашган субфилиаллари домий шай ҳолатда.

Бундан ташқари, мамлакатимиз бўйлаб 2861 та тез тиббий ёрдам бригадаси зарур дори-дармонлар билан етарли миқдорда тўлиқ таъминланган. Шошилинч ва тез тиббий ёрдам тизимида фаолият кўрсатаётган қарийб 17 минг нафарга яқин шифокор ва 52 минг нафардан зиёд ҳамшираларга зарур кўрсатмалар берилган.

Қолаверса, аҳоли Соғлиқни сақлаш вазирлигининг "1003" қисқа рақамли Саll-маркази малакали мутахассисларидан чангли ҳаводан қандай ҳимояланиш бўйича туну кун керакли маслаҳат ва тавсиялар олишлари мумкин.

Хусусан, бундай вазиятда нафас йўли сурункали касалликлари бор юртдошларимизга чангли ҳавода ташқарига чиқмасликларини тавсия қиламиз.

Хона ёки иншоотларни нам латта билан тозалаб туриш, уй ёки бино ичига, атрофига сув солинган идишлар қўйиш чанг даражасини пасайтиришга хизмат қилади. Қолаверса, бундай вазиятда нам сочиқларни осиб қўйиш, кондиционер ва ҳавони тозалаш тизимлари ҳам асқатади.

Деразаларни ёпиқ ҳолда сақлаш, кўпроқ сув ичиш, тез-тез душ қабул қилиш нафас олишни енгиллаштиради. Оғиз ва бурун бўшлиғини тузли эритма билан ювиб туриш ҳам катта самара беради.

Очиқ ҳавода юрганда, албатта, тиббий ниқоб тақиб юриш ва уларни ҳар икки соатда алмаштириш шарт. Ёш болалар, ҳомиладор аёллар ва ёши катта инсонлар ҳам бундай вазиятда эҳтиёткор бўлишлари тавсия этилади.

Агар юртдошларимизда ташқи муҳитдаги чанглар туфайли нафас қисиши, бурун битиши, аксириш, бурун оқиши, кўзларда қичишиш ва қизариш, томоқда кучли қичишиш, қичишиш билан кузатиладиган йўтал белгилари юзага келса, тезда оилавий шифокор пункти, оилавий поликлиникаларга мурожаат қилишлари лозим.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-21 08:55:11 Тез кунда Президентимизнинг соғлиқни сақлаш соҳаси вакиллари билан бўлиб ўтадиган “Ўзбекистон тиббиёти — Инсон қадри учун” мавзусидаги очиқ мулоқотига қизғин тайёргарлик кўрилмоқда.

Бунинг учун Cоғлиқни сақлаш вазирлиги томонидан махсус “Сall-марказ” фаолияти йўлга қўйилди. Айни пайтда 1295 қисқа рақамига келиб тушаётган мурожаатларнинг аксарияти “Сall-марказ”га бириктирилган мутахассислар томонидан ҳал қилинаётган бўлса, бир қисми тиббиёт ходимлари билан бўладиган очиқ мулоқотда Ўзбекистон Республикаси Президентига тўғридан-тўғри етказилади.

Юқоридаги видеолавҳа орқали ушбу жараён тафсилотлари билан кенгроқ танишишингиз мумкин.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-21 08:23:25 Мамлакатимизда жами 37,5 миллион дозадан ортиқ вакцинадан фойдаланилди

20 декабрда мамлакатимиз ҳудудлари бўйлаб 199 032 доза COVID-19га қарши вакцина қўлланилди. Улардан:
1-босқич эмланганлар 36 972 нафарни,
2-босқич эмланганлар 110 739 нафарни,
3-босқич эмланганлар 51 321 нафарни ташкил қилди.

Айни кунгача мамлакатимизда жами 37 546 496 доза вакцинадан фойдаланилди. Улардан:
1-босқич эмланганлар 18 556 048 нафарни,
2-босқичда эмланганлар 12 606 995 нафарни,
3-босқич эмланганлар 6 383 453 нафарни ташкил қилди.

Кеча эмлаш кўрсаткичлари бўйича юқори ўринларни:
Самарқанд вилояти (40 142 доза),
Тошкент шаҳри (25 607 доза),
Фарғона вилояти (19 958 доза) банд қилди.

Биринчи доза билан эмланиш кўрсаткичи эмланиши режалаштирилган қатламга нисбатан 86,5 фоизни ташкил қилмоқда.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-21 08:01:04 ​ Кеча юртимизда 125 нафарга яқин кишида коронавирус инфекцияси аниқланди. Бу – март ойидан буён энг паст кўрсаткич

2021 йил 20 декабрь ҳолатига кўра, Ўзбекистонда коронавирус инфекцияси қайд этилганлар сони 197392 (+124) нафарни ташкил этмоқда.

Янги касалланиш ҳолатларининг:
12 нафари Андижон вилоятида,
13 нафари Бухоро вилоятида,
1 нафари Жиззах вилоятида,
8 нафари Қашқадарё вилоятида,
1 нафари Навоий вилоятида,
4 нафари Наманган вилоятида,
19 нафари Самарқанд вилоятида,
3 нафари Сирдарё вилоятида,
8 нафари Фарғона вилоятида,
7 нафари Хоразм вилоятида,
5 нафари Тошкент вилоятида,
43 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кеча кун давомида:
Андижон вилоятида 17 нафар,
Бухоро вилоятида 11 нафар,
Жиззах вилоятида 3 нафар,
Қашқадарё вилоятида 4 нафар,
Навоий вилоятида 6 нафар,
Наманган вилоятида 3 нафар,
Самарқанд вилоятида 20 нафар,
Сурхондарё вилоятида 2 нафар,
Фарғона вилоятида 11 нафар,
Хоразм вилоятида 5 нафар,
Тошкент вилоятида 55 нафар,
Тошкент шаҳрида 23 нафар бемор тузалиб, касалликдан соғайганлар жами 194212 (+160) нафарга етди ва соғайиш кўрсаткичи 98 фоизни ташкил этмоқда.

Шунингдек, 4 нафар коронавирусга чалинган бемор вафот этиб, касалликдан вафот этганлар сони 1465 нафарни ташкил қилди.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-20 16:57:58 Фарғона вилояти ҳокими: «Бир кило вазн ташлаган инсонга 500 минг сўм берамиз»

Бугун Фарғона вилояти ҳокими Хайрулло Бозоров халққа мурожаат билан чиқди ва ҳудудда амалга оширилган ишлар ва қилиниши режалаштирилган лойиҳалар ҳақида маълумот берди.

Жумладан, соғлом турмуш тарзини тарғиб қилиш мақсадида вазн ташлаган шахсларни рағбатлантириш тизими йўлга қўйилади. Тегишли поликлиникага бориб, жорий вазнини белгилатиб қўяди. 6 ойдан кейин вазни яна қайта ўлчанади. Йўқотилган ҳар бир кило учун 500 минг сўм берилади.

«5 кило вазн ташласа 2,5 миллион, 10 кило вазн ташласа, 5 миллион пул олади. Кейин унга пул беришнинг ҳожати қолмайди. 10 кило вазн ташласа, ўзи ҳам енгил бўлиб қолади. Кўзлари очилади. Дунёга бошқача кўз билан қарашни бошлайди», — деди Хайрулла Бозоров.

Манба

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-20 15:11:29 ​ССВ: Президентнинг тиббиёт ходимлари билан очиқ мулоқоти учун ташкил этилган “Сall-марказ”га 1500 дан ортиқ мурожаат келиб тушди

Давлатимиз раҳбари Шавкат Мирзиёевнинг юртимиз тиббиёт ходимлари билан "Ўзбекистон тиббиёти — инсон қадри учун” мавзусида очиқ мулоқот ўтказиши режалаштирилгани ҳақида хабар берган эдик.

Мазкур очиқ мулоқот доирасида Cоғлиқни сақлаш вазирлиги томонидан махсус “Сall-марказ” фаолияти йўлга қўйилди.

“Сall-марказ”га шу кунга қадар тиббиёт ходимлари ва аҳоли вакилларидан жами 1512 та мурожаат келиб тушди.

Тиббиёт ходимлари мурожаатларининг 783 таси (80 фоизи) ўз ечимини топган бўлса, 190 таси (20 фоизи) ижро жараёнида.

Ҳудудлар кесимида таҳлил қилинганида, энг кўп мурожаат Тошкент шаҳри (158 та), Қашқадарё (100 та) ва Фарғона (89 та), Андижон (82 та) вилоятлари ҳиссасига тўғри келмоқда.

Кўтарилган масалаларни ўз вақтида ҳал этиш ва билдирилган таклифларга комплекс ёндашиш мақсадида мурожаатлар:

бирламчи тиббий ёрдам,
шошилинч ва тез тиббий ёрдам,
ихтисослаштирилган марказлар фаолияти,
илм-фан,
олий тиббий таълим,
тиббий-ижтимоий ҳимоя,
фармацевтика,
оналик ва болаликни муҳофаза қилиш,
санитария-эпидемиология хизмати,
хусусий тиббиёт,
малака ошириш,
соғлом турмуш тарзи,
юридик хизмат,
ўрта махсус тиббий таълим,
давлат-хусусий шерикчилик каби қатор йўналишларга ажратилган.

Мисол учун, шу пайтгача йўлланган мурожаатларнинг 297 таси соғлиқни сақлаш тизимининг бирламчи бўғинига, 109 таси тез тиббий ёрдам хизматига, 95 таси ихтисослашган марказлар фаолиятига, 74 таси илм-фан йўналишига дахлдор.

Юқоридагилардан:
бирламчи тиббий ёрдам хизмати бўйича 204 та;
тез тиббий ёрдам хизмати бўйича 80 та;
ихтисослашган марказлар фаолияти бўйича 69 та;
илм-фан йўналиши бўйича 72 та мурожаат ўз вақтида ҳал қилингани аҳамиятлидир.

Ҳурматли тиббиёт ходимлари!
Агар тиббиёт соҳасига оид ғоя ва таклифларингиз бўлса, “Сall-марказ”нинг махсус 1295 рақамига мурожаат қилинг.

Эслатиб ўтамиз, мурожаатларнинг аксарияти “Сall-марказ”га бириктирилган мутахассислар томонидан ҳал қилинса, бир қисми тиббиёт ходимлари билан бўладиган очиқ мулоқотда Ўзбекистон Республикаси Президентига тўғридан-тўғри етказилади.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-20 14:43:51 Коллеж ва техникумларнинг контракт тўлаш муддати узайтирилди

Давлат қабул комиссиясининг қарорига мувофиқ, коллеж ва техникумларга кириш имтиҳонлари якуни бўйича тўлов-контракт асосида ўқишга тавсия этилган абитуриентларга 2021/2022-ўқув йилида ўқиш учун белгиланган тўловларнинг камида 50 фоиз миқдорини тўлаш муддати 2022 йилнинг 20 январигача (шу куни ҳам) этиб белгиланди.

Шунингдек, коллеж ва техникумларга кириш тест синовларида иштирок этиб, ўқишга тавсия этилмаган абитуриентларга, истисно тариқасида, имтиҳон топширган фанлар мажмуаси бир хил бўлган касб ёки мутахассисликларнинг вакант ўринларига тўлов-контракт асосида ўқишга қабул қилишга рухсат этилди.

Эслатиб ўтамиз, айни пайтда Cоғлиқни сақлаш вазирлиги тизимида 11 та тиббиёт олий таълим муассасаси, 47 та Абу Али ибн Сино номидаги Жамоат саломатлиги техникуми ва 27 та тиббиёт коллежи фаолият юритмоқда.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-20 12:59:31 ​ССВ: Ўзбекистонлик шифокор ва ҳамширалар Россиянинг нуфузли тиббиёт марказида малака оширмоқда

Бугун тиббиёт соҳасида дунёнинг илғор мамлакатларидан ўрганадиган жиҳатларимиз кўп. Айниқса, Россия, АҚШ, Жанубий Корея, Германия, Ҳиндистон каби давлатлар тажрибасини эътироф этиш жоиз.

Шундай экан, соғлиқни сақлаш соҳасида халқаро ҳамкорликни кенгайтириш Ўзбекистон тиббиёти учун жуда муҳим.

Эсингизда бўлса, давлатимиз раҳбари шу йилнинг ноябрь ойида Россия Федерациясига ташрифи чоғида бу йўналишда ўзаро алоқаларни ривожлантириш, хусусан, тиббий таълимга доир қўшма лойиҳаларни рўёбга чиқариш масаласига алоҳида тўхталган эди.

Қолаверса, Президентимизнинг жорий йил 27 майдаги “Аҳолига гематология ва онкология хизматларини кўрсатиш тизимини янада такомиллаштириш тўғрисида”ги қарорида ҳам ўзбекистонлик ёш мутахассисларни хориждаги етакчи илмий ва тиббиёт марказларида малака оширишини йўлга қўйиш борасида қатор вазифалар белгиланган.

Шулардан келиб чиққан ҳолда жорий йилнинг ўзида 100 нафардан ортиқ ўзбекистонлик мутахассис Германия, Жанубий Корея, Россия, Туркия каби тиббиёт соҳаси тараққий этган мамлакатларга малака ошириш учун юборилди.

Эътиборли жиҳати, кардиохирургия, нейрохирургия, эндокринология, урология, нефрология, онкология каби қатор йўналишларда тажриба орттирган ушбу мутахассислар бугунги кунда ўз билим ва малакаларини юртимиз тиббиёт тизимини янада ривожлантиришга йўналтирмоқда.

Ана шундай эзгу ишларнинг давоми сифатида куни кеча Республика ихтисослаштирилган гематология илмий-амалий тиббиёт марказининг 2 нафар шифокор-морфологи ҳамда 5 нафар ҳамшираси Россиянинг Д. Рогачев номидаги Болалар гематология, онкология ва иммунология марказига малака ошириш учун юборилди.

Шу ўринда савол туғилади: хўш, тажриба алмашиш учун нега айнан ушбу марказ танланди?

Гап шундаки, Д. Рогачев номидаги тиббий тадқиқот маркази болалар гемотологияси ва онкологиясини ривожлантириш бўйича Россиянинг “локомотив”и ҳисобланади.

Мазкур нуфузли тиббиёт муассасаси негизида ўткир лейкемия, қаттиқ ўсма ва марказий асаб тизими ўсмаларини даволаш бўйича қатор тадқиқотлар ўтказиш йўлга қўйилган. Эътиборли жиҳати, бунинг натижасида ўткир лейкемияга чалинган болаларнинг 85 фоиздан ортиғи касалликдан буткул соғаймоқда.

Айтиш жоизки, ўзбекистонлик мутахассисларнинг ушбу марказда малака ошириш дастури беморларни парвариш қилиш, цитостатик препаратларни тайёрлаш, ёрдамчи даво ўтказиш, беморларни пункцияларга тайёрлаш, болалар гематология ва онкологияси бўйича стандарт операцион муолажалар тартибини ўзлаштиришни ўз ичига олади.

Шунингдек, морфолог-шифокорлар дастури халқаро классификациялар бўйича ташхислаш ва янги диагностика усулларини ўрганишдан иборат. Курслар назарий ва амалий қисмларни ўз ичига олиб, мутахассисларнинг касбий малакасини янада оширишга хизмат қилади.

Эслатиб ўтамиз, айни пайтда мамлакатимиздаги 11 та олий таълим муассасасида тиббиёт мутахассислари тайёрланмоқда.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash