Соғлиқни сақлаш вазирлиги | Вакцина – ягона чора!

2021-12-27 19:20:04 Ҳозирги вақтда мамлакатимизда юрагида туғма нуқсони бўлган болаларни даволашга катта эътибор қаратилиб, бунинг учун кенг имкониятлар яратилмоқда.

Вазирлар Маҳкамасининг қарори билан Республика ихтисослаштирилган кардиология илмий-амалий тиббиёт маркази Урганч филиали негизида Оролбўйи минтақаси ихтисослаштирилган кардиология ва кардиохирургия илмий-амалий тиббиёт маркази ташкил қилинган эди.

Ҳозирда марказнинг болалар кардиохирургияси бўлимида туғма юрак нуқсони бўлган ижтимоий ҳимояга муҳтож болаларда мураккаб жарроҳлик амалиётлари амалга оширилмоқда.

Хусусан, яқинда ушбу марказда туғма юрак нуқсонини даволаш мақсадида 6 ёшли Амина Ғайратовада кардиожарроҳлик амалиёти ўтказилди. Бундай операцияни бошдан кечирган 13 ва 15 ёшли қизалоқларнинг ҳам ҳозирда аҳволи яхши.

Илгари мазкур тиббиёт муассасасида йилига 50-55 нафар беморда мураккаб юрак операциялари ўтказилган бўлса, эндиликда бу рақам 240-250 тага етган.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-27 17:35:33 ​CСВ: Очиқ мулоқотга йўлланган мурожаатлар сони 4,5 мингтадан ошди

Бу ерда ҳар куни эрталаб соат 09:00 дан кечки 20:00 гача телефон қўнғироқлари тинмайди. Ҳар бир мурожаат диққат билан эшитилади, ёзиб олинади ва тегишли тартибда ижро учун йўналтирилади.

Қўнғироқларга жавоб берувчилар — оддий операторлар эмас, аксинча соғлиқни сақлаш тизимининг энг етакчи муассасаларида фаолият кўрсатувчи малакали ва тажрибали мутахассислар.

1295 қисқа рақамли “Call-марказ”нинг иш жараёни шундай тиғиз. Қолаверса, йўлланаётган ғоя, таклиф ва муаммоли масалалар ижтимоий тармоқларда очилган электрон манзиллар орқали ҳам қабул қилиняпти.

Президентимизнинг соғлиқни сақлаш тизими вакиллари билан “Ўзбекистон тиббиёти — инсон қадри учун” мавзусида бўлиб ўтадиган очиқ мулоқотига тайёргарлик жараёни айни пайтда шундай қизғин паллага кирган.

Ўтган қисқа даврда унинг доирасида жами 4514 та мурожаат келиб тушгани сўзимизнинг тасдиғидир.

Йўлланаётган мурожаатлар тиббиётнинг деярли барча йўналишларини қамраб оляпти. Жумладан,

1309 таси соғлиқни сақлаш тизимининг бирламчи бўғинига,
218 таси ихтисослашган марказлар фаолиятига,
188 таси тез тиббий ёрдам хизматига,
102 таси олий тиббий таълимга дахлдор.

Ҳурматли тиббиёт ходимлари!
Агар тиббиёт соҳасига оид ғоя ва таклифларингиз бўлса:

1295 рақамли “Сall-марказ”;
телеграмдаги @SSV_Call_centre_bot
фейсбукдаги www.facebook.com/Insonqdriuchunssv
инстаграмдаги https://www.instagram.com/insonqadriuchunssv ҳамда
insonqadriuchunssv@mail.ru
электрон манзилларига йўлланг ва мамлакатимиз тиббиётини янги сифат босқичига олиб чиқишга ўз ҳиссангизни қўшинг.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-27 13:09:49 35 та давлат олий таълим муассасаси тўлов-контракт миқдорини мустақил белгилайдиган бўлди

Президентнинг “Давлат олий таълим муассасаларига молиявий мустақиллик бериш чора-тадбирлари тўғрисида”ги қарори қабул қилинди.

Қарорга кўра, 2022 йил 1 январдан бошлаб 35 та етакчи давлат олий таълим муассасаларига молиявий мустақиллик берилди (тўлиқ рўйхат).

Молиявий мустақиллик ОТМларнинг қуйидаги ваколатлари бўйича берилмоқда:

тўлов-контракт асосида ўқитиш қийматини белгилаш;

талабаларнинг тўлов-контракт маблағларини тўлаш муддатларини белгилаш ва узайтириш;

ўз маблағлари ҳисобидан талабалар учун стипендия ва грантлар ажратиш;

хорижий ўқув ва илмий адабиётлар, дарсликлар, ўқув қўлланмаларни тўғридан тўғри харид қилиш ва ҳ.к.

2022 йил 1 январдан бошлаб молиявий мустақиллик берилган давлат ОТМларида васийлик кенгашлари тугатилади.

Уларнинг ўрнида таркибининг камида 70 фоизи тегишли вазирлик, идоралар, кадрлар буюртмачилари, жамоатчилик вакиллари ва ҳомийлардан иборат бўлган юридик шахс мақомисиз ОТМларнинг Кузатув кенгашлари ташкил этилади.

Тиббиёт олий таълим муассасаларига уларнинг клиникаларида моддий-техник базани мустаҳкамлаш, шунингдек, капитал ва жорий таъмирлаш ишларини амалга ошириш учун ўзларининг буджетдан ташқари маблағлари ҳисобидан зарур маблағларини сарфлашга рухсат берилди.

2023 йил 1 январдан бошлаб Олий ва ўрта махсус таълим вазирлигига Республика олий таълим кенгаши ва Молия вазирлиги билан келишган ҳолда рўйхатни кенгайтириш ҳуқуқи берилади.

Манба

@ssvuz
@ssvmatbuotkotibi Ochish/sharhlash

2021-12-27 09:08:46 ​ССВ: “Тез ёрдам” аҳолига масофавий тиббий хизмат ҳам кўрсатмоқда

Касалликни ўзбилармонлик билан даволаш қандай оқибатларга олиб келишини кўпчилик билади. Қолаверса, муолажа олишни пайсалга солиш ҳам — ҳаёт учун хавфли. Аммо тиббий хизматдан фойдаланишнинг ўз тартиб-қоидалари бор. Масалан, саломатлигимизда ўзгариш бўлгани заҳоти, энг аввало, “тез ёрдам”га мурожаат қилиб, тиббиёт бригадаси келишини талаб қилишимиз қанчалик тўғри?

— “103” қисқа рақамига сутка давомида бўладиган мурожаатларнинг 60-70 фоизи соат 18:00 дан 24:00 гача бўлган вақт оралиғига тўғри келади, — дейди Республика шошилинч тиббий ёрдам илмий маркази Тошкент шаҳар тез тиббий ёрдам станцияси бош шифокори Дониёр БЎРИБАЕВ. — Бу бир қатор омиллар билан боғлиқ.

Биринчидан, кечки пайт шошилинч тиббий хизмат кўрсатиш муассасаларидан ташқари, кўплаб шифо масканлари ўз фаолиятини тўхтатади. Иккинчидан, кундузги фаол ҳаёт жараёнида турли касаллик белгилари яққол намоён бўлмаслиги мумкин. Кечки пайт, вегетатив нерв тизими бўшашиши ҳисобига оғриқлар кучайиши, ҳарорат, қон босими кўтарилиши кузатилади.

Учинчидан, уйда ўтирадиган катта ёшли инсонлар ёки болалар кечқурун фарзандлари ёхуд ота-оналари ишдан, ўқишдан қайтишини кутиб, “кун бўйи мазам бўлмади” деган шикоятларини айтишади. Натижада кўпчилик эҳтиёт шарт сифатида “тез ёрдам”га мурожаат қилишни маълул кўради.

Бироқ ана шундай ҳолатда барча беморлар ҳам аслида тез тиббий ёрдамга муҳтож бўлмаслиги мумкин. Шуларни ҳисобга олиб “103” қисқа рақамли “Сall-марказ”имизда тиббий маслаҳат хизматини ҳам йўлга қўйганмиз. Унга малакали шифокорлар бириктирилган.

Мисол учун, йиллар давомида сурункали касалликлардан азият чекиб келаётган беморлар бор. Улар шифокор тавсияси асосида зарур дориларни мунтазам ичиб юришади. Ана шу препаратларни қабул қилиш тўхтатиб қўйилса ёки дорилар комбинацияси ўзгартирилса, уларда касаллик белгилари кучайиши мумкин.

Тиббий маслаҳат хизмати ана шундай паллада уларга масофадан туриб қайси дориларни қанча миқдорда ва қайси пайт ичиш юзасидан зарур кўрсатма ва тавсияларни беришяпти.

Қолаверса, тана ҳарорати 37- 37,5 даражага кўтарилгани юзасидан ҳам мурожаатлар бўлади. Бундай маҳалда, аввало, ҳолат сабаби, ҳарорат кўрсаткичи, беморнинг аҳволига аниқлик киритилади. Сўнг иситма туширувчи препаратларни қабул қилиш тавсия этилади. Қон босими бироз ошган вазиятларда ҳам аввал шикоятлар эшитилиб, шунга кўра, дорилар буюрилади.

Агар бемор ҳолати яхшиланса, эртаси куни оилавий шифокорга учрашиши, саломатлигида ўзгариш бўлмаса, ярим соат, бир соат ўтиб, “103” хизматига қайта мурожаат қилиши тушунтирилади.

Буларнинг барчасидан кўзланган мақсад битта — “тез ёрдам”нинг фаолияти самарадорлигини ошириш, асоссиз чақирувлар сонини камайтириш ҳамда, биринчи навбатда, ҳақиқий шошилинч тиббий ёрдамга муҳтож беморлар дардига дармон бўлишдан иборатдир.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-27 08:00:37 ​ Кеча яна 11 та ҳудудда 145 нафар кишида коронавирус инфекцияси аниқланди, 2 нафар бемор вафот этди

2021 йил 26 декабрь ҳолатига кўра, Ўзбекистонда коронавирус инфекцияси қайд этилганлар сони 198387 (+145) нафарни ташкил этмоқда.

Янги касалланиш ҳолатларининг:
9 нафари Андижон вилоятида,
6 нафари Бухоро вилоятида,
3 нафари Жиззах вилоятида,
4 нафари Наманган вилоятида,
16 нафари Самарқанд вилоятида,
3 нафари Сирдарё вилоятида,
1 нафари Сурхондарё вилоятида,
7 нафари Фарғона вилоятида,
16 нафари Хоразм вилоятида,
34 нафари Тошкент вилоятида,
46 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кеча кун давомида:
Андижон вилоятида 11 нафар,
Бухоро вилоятида 10 нафар,
Наманган вилоятида 5 нафар,
Самарқанд вилоятида 27 нафар,
Фарғона вилоятида 10 нафар,
Хоразм вилоятида 18 нафар,
Тошкент вилоятида 47 нафар,
Тошкент шаҳрида 56 нафар бемор тузалиб, касалликдан соғайганлар жами 195377 (+184) нафарга етди ва соғайиш кўрсаткичи 98 фоизни ташкил этмоқда.

Шунингдек, 2 нафар коронавирусга чалинган бемор вафот этиб, касалликдан вафот этганлар сони 1481 нафарни ташкил қилди.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-26 15:48:37 Ҳасталикдан дард чекканимизда, энг аввало, кимдан нажот кутамиз? Жисмимиз оғриқдан зир-зир титраб, нафас олишга ҳам мажолсиз қолганимизда-чи? Соғлиғимиз ёмонлашиб, тўшакда жон талашиб ётганимизда биринчи бўлиб ёрдамга ошиқадиганлар кимлар?

Албатта, шифокорларимиз, янаям аниқроғи, куну тун сергак, кўмакка ҳамиша шай “тез ёрдам” хизмати ходимлари!

Аммо орамизда “иситмам кўтарилмадимикан?”, “қон босимимни ўлчатай-чи?”, “уколимни қилдириб олсаммикан?” деган важлар билан ҳам “тез ёрдам”га сим қоқишади. Қолаверса, ёлғон ва асоссиз чақирувлар туфайли тизим ходимларини овораю сарсон қилувчилар ҳам, афсуски, учраб турибди.

Табиийки, бундай ҳолатлар хизмат бригадасининг баъзан оғир беморлар манзилига кечикиб етиб боришига сабаб бўлади. Оқибатда инсонлар ҳаёти хавф остида қолиши мумкин.

Юқоридаги видеоролик баъзи юртдошларимиз учун ибрат бўлса, ажаб эмас. Зеро, “тез ёрдам” хизматида ҳар дақиқа ҳисобли, ҳар сония ғанимат.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-26 12:46:23 Когда мы мучаемся от болезни, от кого в первую очередь ждем помощь? А когда наше тело дрожит от боли и нет сил даже дышать? Когда нам совсем плохо и мы лежим в постели в надежде на спасение – кто спешит к нам на подмогу?

Конечно, это наши врачи, а точнее, сотрудники службы «Скорой помощи» которые бдят, несмотря на время суток!

Но среди нас встречаются люди, которые звонят в «Скорую помощь» с мыслями вроде «А не поднялась ли у меня температура», «Стоило бы мне измерить давление», «А не попросить ли у них сделать мне укол?» К тому же, есть те, кто тревожит сотрудников системы ложными и безосновательными вызовами.

Естественно, что из-за таких случаев служебная бригада иногда опаздывает по адресату тяжелобольных граждан. В итоге жизнь людей может остаться в опасности.

В этом смысле, этот ролик может послужить уроком для некоторых наших соотечественников. Так как каждая минута и даже секунда имеет значение в службе «Скорой помощи».

Пресс-служба
Министерства здравоохранения.

@ssvuz
@ssvmatbuotkotibi Ochish/sharhlash

2021-12-26 09:49:18 “Ўзбекистон тиббиёти — инсон қадри учун” мавзусида Ўзбекистон Республикаси Президентининг тиббиёт ходимлари билан режалаштирилган очиқ мулоқоти доирасида Cоғлиқни сақлаш вазирлиги томонидан махсус 1295 рақамли “Сall-марказ” фаолияти ҳақида маълумот бериб келмоқдамиз.

Бугун мамлакатимиз тиббиёт ходимларини мулоқотга чорлаётган ушбу ташаббус сабаб кўплаб муаммолар ечим топмоқда. Соҳа ривожига таъсир қиладиган мурожаат ва таклифлар инобатга олиниб, келгусида давлат раҳбари билан бўладиган очиқ мулоқотга тавсия қилинади.

“Замон” информацион-таҳлилий дастурининг ушбу лавҳаси “Сall-марказ”даги иш жараёнидан ҳикоя қилади.

@ssvuz
@ssvmatbuotkotibi Ochish/sharhlash

2021-12-26 08:50:49 25 декабрь ҳолатига кўра, юртимизда 600 733 доза Pfizer вакцинаси билан 12 ёшдан 18 ёшгача бўлган болалар ихтиёрий равишда эмланди.

Улардан:
1-босқич эмланганлар 430 439 нафарни,
2-босқич эмланганлар 170 294 нафарни ташкил қилди.

Хусусан, болаларни коронавирусга қарши эмлаш жараёни Фарғона (121 386 доза), Самарқанд (101 469 доза), Андижон (69 024 доза) вилоятларида юқори экани аҳамиятли.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash

2021-12-26 08:30:53 ​ Мамлакатимизда жами 38,5 миллион дозадан ортиқ вакцинадан фойдаланилди

25 декабрда мамлакатимиз ҳудудлари бўйлаб 179 801 доза COVID-19га қарши вакцина қўлланилди. Улардан:
1-босқич эмланганлар 28 629 нафарни,
2-босқич эмланганлар 103 354 нафарни,
3-босқич эмланганлар 47 818 нафарни ташкил қилди.

Айни кунгача мамлакатимизда жами 38 500 956 доза вакцинадан фойдаланилди. Улардан:
1-босқич эмланганлар 18 731 044 нафарни,
2-босқичда эмланганлар 13 133 697 нафарни,
3-босқич эмланганлар 6 636 215 нафарни ташкил қилди.

Кеча эмлаш кўрсаткичлари бўйича юқори ўринларни:
Самарқанд вилояти (31 836 доза),
Тошкент шаҳри (23 938 доза),
Фарғона вилояти (21 280 доза) банд қилди.

Биринчи доза билан эмланиш кўрсаткичи эмланиши режалаштирилган қатламга нисбатан 87,3 фоизни, тўлиқ босқичларда эмланиш кўрсатчики эса 61,3 фоизни ташкил қилмоқда.

Соғлиқни сақлаш вазирлиги
Матбуот хизмати.

@ssvuz
@ssvmatbuotkotibi Ochish/sharhlash