2024-03-22 07:43:31
Қәдирли Ўатанласлар, Ҳүрметли мәҳәлле системасы хызметкерлери!
Ең дәслеп, сизлерди, сизлердиң тымсалыңызда пүткил халқымызды Мәҳәлле системасы хызметкерлери күни менен қызғын қутлықлаймыз.
Мәҳәлле - әсирлер аса миллий үрп-әдет ҳәм дәстүрлеримизди қәстерлеп сақлап, халқымыз ушын жақсылық ҳәм тәрбия бесиги, жақын қоңсышылық ҳәм аўызбиршиликтиң мәсканы болып келмекте.
Биз мәҳәлле дегенде, дүньяда кемнен-кем ушырайтуғын, инсанды жәмийет пенен бирге жасаўға үйретип, кеңпейиллик руўхында тәрбиялайтуғын, халық пенен мәмлекет арасындағы исенимли көпир ўазыйпасын орынлайтуғын тараўды түсинемиз.
Ҳәзирги ўақытта елимизде жасап атырған ҳәр бир инсан, миллети, тили, динине қарамастан, өз өмири, қуўаныш ҳәм тәшўишлерин мәҳәлледен бөлек көз алдына келтире алмайды.
Ҳүрметли мәҳәлле системасы хызметкерлери!Сизлерди бүгинги қутлы байрам менен қутлықлап, ҳәммеңизге беккем денсаўлық, шаңарағыңызға тынышлық-аманлық, машақатлы ҳәм мақтанышлы жумысларыңызда тасқын табыслар тилеймиз!
Аманбай Орынбаев,
Қарақалпақстан Республикасы Жоқарғы Кеңесиниң БаслығыКаналға ағза болыў: @joqargikenes
Telegram
Website
Instagram
Facebook
Twitter
17.7K views04:43