Joqarǵi keńes.uz

2023-11-12 11:31:39 Қутлықлаў!

Ҳүрметли шыпакерлер, медицина тараўы хызметкерлери!

Ең дəслеп, Сизлерди ҳәр жылы елимизде кең түрде белгиленип киятырған кәсиплик байрамыңыз – «Медицина хызметкерлери күни» менен Қарақалпақстан Республикасы Жоқарғы Кеңеси ҳәм Министрлер Кеңеси атынан қызғын қутлықлайман.

Халқымыздың саламатлығын сақлаўдай жуўапкершиликли ҳәм мақтанышлы жолда өзин аямай, пидәкерлик пенен мийнет етип атырған сиз әзизлердиң мийнетиңизди халқымыз жақсы биледи.

Қәдирли дослар!

Биз Жаңа Өзбекстанда инсан қәдири ҳәм мәплерин тәмийинлеўди өз алдымызға ийгиликли мақсет етип қойған екенбиз, бул жолда халқымыз саламатлығын беккемлеў ең əҳмийетли ўазыйпаларымыздан бири болыўы тәбийғый. Сондай-ақ, саламатлық пасбанларының аўыр ҳәм жуўапкершиликли мийнетлерин мүнәсип қәдирлеў, олардың өз кәсибине болған сүйиспеншилигин арттырыў мәселеси барқулла мәмлекетимиздиң дыққат итибарында.

Ҳүрметли тараў пидайылары!

Сизлерди кәсиплик байрамыңыз бенен және бир мәрте қызғын қутлықлап, бәршеңизге беккем денсаўлық, шаңарақларыңызға аманлық, халқымыздың саламатлығын қорғаў жолында алып барып атырған ийгиликли ислериңизде тасқын табыслар тилеймиз!

Аманбай Орынбаев
Қарақалпақстан Республикасы Жоқарғы Кеңесиниң Баслығы

Каналға ағза болыў: @joqargikenes

Telegram Website Instagram Facebook Twitter Ochish/sharhlash

2023-11-12 10:04:03 Ўзбекистон соғлиқни сақлаш соҳаси ходимларига
—
Работникам сферы здравоохранения Узбекистана

Prezident.uz|Facebook|Instagram|YouTube|Twitter Ochish/sharhlash

2023-11-11 15:08:59 Бүгин Қарақалпақстан көркем өнер сарайында «Медицина хызметкерлери күни» мүнәсибети менен байрам салтанаты болып өтти

Байрам салтанатына Өзбекстан Республикасы Мәденият министри, Өзбекстан ҳәм Қарақалпақстан Халық артисти, Озодбек Назарбеков ҳәм елимиз сүйген сөз устасы Валижон Шамшиевлер қатнасты.

Өткерилген иләжда Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, тараў пидайыларын бүгинги байрам мүнәсибети менен қызғын қутлықлады.

Өткен қысқа дәўир ишинде Президентимиз тәрепинен тараўға байланыслы бир қатар Пәрман ҳәм Қарарлар қабыл етилди. Заманагөй медициналық мәкемелер қурылды, тараўдың материаллық-техникалық базасы беккемленип, ең шетки аймақлардағы медицина мәкемелерин тәжирийбели кадрлар менен тәмийинлеўге айрықша итибар қаратылды.

Болып өткен байрам салтанатында тараўда пидайылық пенен жемисли мийнет етип киятырған медицина тараўы хызметкерлери Қарақалпақстан Республикасы Жоқарғы Кеңесиниң Баслығы тәрепинен сыйлықланды.
Байрам салтанаты көркем-өнер тараўы хызметкерлери тәрепинен таярланған концерт бағдарламасы менен даўам етти.

Толық мағлыўмат

Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

Telegram Website Instagram Facebook Twitter Ochish/sharhlash

2023-11-10 18:51:28 Медицина хызметкерлери күни мүнәсибети менен тараў хызметкерлериниң бир топарын сыйлықлаў ҳаққында Өзбекстан Республикасы Президентиниң Пәрманы

Қарақалпақстан Республикасы бойынша

II дәрежели "Саломатлик" ордени менен

Ерназаров Оралбай - Мойнақ районы медицина бирлеспесиниң қыстаўлы қабыллаў бөлими терапевти

"Дўстлик" ордени менен

Оразалиев Базарбай Хаитбаевич -Беруний районы медицина бирлеспесиниң хирургия бөлими хирурги

"Шухрат" медалы менен

Атажанова Замира Нуруллаевна - Елликқала районы медицина бирлеспесиниң анестезиология ҳәм реанимация бөлими үлкен мийирбийкеси.


Каналға ағза болыў: @joqargikenes

Telegram Website Instagram Facebook Twitter Ochish/sharhlash

2023-11-10 18:36:51 Ўзбекистон Республикаси Президентининг “Тиббиёт ходимлари куни муносабати билан соҳа ходимларидан бир гуруҳини мукофотлаш тўғрисида"ги Фармони
—
Указ Президента Республики Узбекистан "О награждении группы работников сферы здравоохранения в связи с Днем медицинских работников"

Prezident.uz|Facebook|Instagram|YouTube|Twitter Ochish/sharhlash

2023-11-05 15:10:12 Жоқарғы Кеңес Баслығының исбилерменлер ушын көшпели қабыллаўы болып өтти


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

Telegram Website Instagram Facebook Twitter Ochish/sharhlash

2023-11-05 12:57:29 Жоқарғы Кеңес Баслығының исбилерменлер ушын көшпели қабыллаўы болып өтти

Бүгин Қарақалпақстан Республикасы Министрлер Кеңесинде Жоқарғы Кеңес Баслығы Аманбай Орынбаевтың Нөкис қаласы, Хожели, Тақыятас ҳәм Нөкис районларындағы исбилерменлерди қыйнап киятырған машқалалар ҳәм усыныслары бойынша көшпели қабыллаўы болып өтти.

Қабыллаўда исбилерменлер тәрепинен тийкарынан өз исбилерменлигин раўажландырыў бағдарында ушырасып атырған машқалалар, қаржыландырыў ҳәм кредит ажыратыў мәселелери, кадастр ҳүжжетлерин рәсмийлестириў, жер орынларын ажыратыў, ислеп шығарыў, өндиристи кеңейтиў бағдарында мүрәжатлар билдирилип, Жоқарғы Кеңес Баслығы тәрепинен барлық машқалалар тыңланды.

Билдирилген мүрәжатлардың басым көпшилигине орнында шешимин табыў илажлары көрилди. Буннан тысқары, ўақыт талап етилетуғын мүрәжатлар Жоқарғы Кеңес Баслығының жеке қадағалаўына алынып, тез пурсатта унамлы шешиў бойынша тийисли тараў басшыларына тапсырмалар берилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

Telegram Website Instagram Facebook Twitter Ochish/sharhlash

2023-11-05 07:39:45 Президентимиз - дунё эътирофида!

Facebook|Instagram|Twitter Ochish/sharhlash

2023-10-21 07:35:29 21 октябрь – Өзбек тили байрамы күни

1989-жыл 21-октябрьде «Өзбекстан Республикасының мәмлекетлик тили ҳаққында»ғы нызамы қабыл етилди.


Каналға ағза болыў: @joqargikenes

Telegram Website Instagram Facebook Twitter Ochish/sharhlash

2023-10-15 12:00:37 15-октябрь – «Халықаралық аўыл ҳаяллары күни» мүнәсибети менен байрам илажы өткерилди

Онда Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, сәне мүнәсибети менен жыйналғанларды қутлықлады.

Айтып өтиў орынлы, бүгинги күнде елимизде ҳүрметли Президентимиздиң басшылығында ҳаял-қызларды қоллап-қуўатлаў мəселеси мəмлекетлик сиясаттың баслы бағдарларынан бирине айланған. Өткен жыллар даўамында ҳаял-қызлардың турмысында оғада әҳмийетли болған өзгерислер менен жаңаланыўлар жүз берди.

Ҳүрметли Президентимиздиң тиккелей итибары ҳəм ғамхорлығы менен елимиз ҳаял-қызларын қоллап-қуўатлаў бойынша бир қатар нызам, пәрман ҳәм қарарлар қабыл етилди, ҳаял-қызларға исбилерменлик бағдары бойынша көплеген жеңилликлер берилди, билимлендириў, мәденият, спорт ҳәм басқа-да тараўлардағы ҳаял-қызларымыз материаллық ҳəм руўхый жақтан қоллап-қуўатланып келинбекте.

Өткен еки жыл даўамында “Ҳаяллар дәптери”не киргизилген 82 мыңнан аслам ҳаял-қызлардың машқалаларын шешиў ушын 158,6 млрд. сум қаржы ажыратылды. Быйылғы жылдың өзинде “Ҳаяллар дәптери”не киргизилген 46 мыңнан аслам ҳаял-қызлардың машқалалары өзиниң унамлы шешимин тапты. Сондай-ақ, 43 мыңға шамалас ҳаял-қыздың бәнтлиги тәмийинленди, 4 мың 825 ҳаял-қыз кәсип-өнерге оқытылды, исбилерменлик пенен шуғылланыўшы 21 мың 750 хаял-қызға 367 млрд. сумлық кредитлер ажыратылды ҳəмде бундай қоллап-қуўатлаўлар еле даўам етпекте.

Өткерилген илаж даўамында бир қатар ҳаял-қызлар Жоқарғы Кеңестиң көкирек белгилери ҳәм естелик саўғалары менен сыйлықланды.

Илаж көркем өнер ҳәм мәденият хызметкерлери тәрепинен таярланған концерт бағдарламасы менен даўам етти.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

Telegram Website Instagram Facebook Twitter Ochish/sharhlash