Joqarǵi keńes.uz

2023-12-05 19:04:43 Биргеликтеги жойбарлар келешекке тийкар болады

Бүгин Қытай – Өзбекстан соның ишинде Қарақалпақстан экономикалық бирге ислесиўди раўажландырыў форумы болып өтти.

Онда дәслеп Жоқарғы Кеңес Баслығы шығып сөйлеп, ҳүрметли Президентимиздиң Қытай Халық Республикасына болған әмелий сапарының халқымыз абаданлығын тәмийинлеў жолындағы әҳмийети, еки мәмлекет арасындағы өз-ара байланысларды беккемлеў мәселелери, Қытай-Өзбекстан соның ишинде Қарақалпақстан байланысларын жаңа басқышларға алып шығыў, Президентимиз жаратып берген имканиятлар тийкарында жаңа инвестициялық жойбарлардың иске түсирилиўин тәмийинлеў ҳәм басқа да әҳмийетли мәселелерге кең түрде тоқталды. Алдағы ўақытта әлбетте, биргеликтеги жойбарлар саны артып, жаңа жумыс орынларын жаратыў арқалы халқымыздың абаданлығын тәмийинлеў илажлары көрилетуғынлығы айрықша тилге алынды.

Сондай-ақ, Қытай елшиси де еки күн даўамындағы Қарақалпақстанға болған сапарында үлкен тәсирлерге ийе болғанлығын, аймақта биргеликте көплеген жаңа исбилерменлик жойбарларының иске түсирилиўи оғада перспективалы екенлигин, ең баслысы, ҳүрметли Президентимиз тәрепинен қабыл етилген пәрман ҳәм қарарлардың Қарақалпақстанда инвестициялық тартымлылықты арттырыў ҳәм исбилерменликти раўажландырыўға беккем тийкар болатуғынлығын оғада қанаатланыўшылық пенен атап өтти.

Бизнес-форумда Қытай мәмлекетинен келген исбилерменлерден ибарат делегация ағзалары өзлериниң жаңа жойбарлары менен қатнасты.

Кең қамтыўлы форматта өткен форумда жергиликли исбилерменлер де қатнасып, онда қытайлы инвестор ҳәм исбилерменлердиң презентациялары, компанияларының санаат, энергетика, аўыл хожалығы, ислеп шығарыў, қайта ислеў ҳәм басқа да жөнелислер бойынша жумыс алып барыў бағдарлары ҳәм перспективалы жойбарлары жыйналғанлар нәзерине усынылды.

Толық оқыў


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

Telegram Website Instagram Facebook Twitter Ochish/sharhlash

2023-12-03 09:53:56 Жоқарғы Кеңес Баслығы фармацевтика тараўы ўәкиллери менен ушырасты

Қарақалпақстан Республикасы Жоқарғы Кеңесиниң Баслығы Аманбай Орынбаев республикамыздағы медицина тараўында исбилерменлик жумысы менен шуғылланып атырған тараў ўәкиллери, мәмлекетлик емес клиникалар басшылары, фармацевтика тараўында жумыс алып барып атырған исбилерменлер менен ушырасты.

Онда дәслеп Жоқарғы Кеңес Баслығы ҳүрметли Президентимиз тәрепинен усы жылдың 8-август күни исбилерменлерди қоллап-қуўатлаў ҳәм Қарақалпақстанда исбилерменликти раўажландырыў бойынша 129-санлы тарийхый пәрман қабыл етилгенлигин, пәрман орынланыўын тәмийинлеў бойынша Қарақалпақстанда мәмлекетлик мүлк объектлерин инвестиция киргизиў миннетлемелери менен сатыў тәртиби ҳаққындағы реже тастыйықланғанлығын, буннан тысқары, мәмлекетимиз басшысының 2022-жыл 31-августтағы 213-санлы және бир тарийхый пәрманы менен бир қатар жеңилликлер ҳәм мүмкиншиликлер жаратылғанлығын айрықша атап өтти.

Өз нәўбетинде усы жаратып берилген имканиятлардан нәтийжели пайдаланып, елимизде медицина тараўы бойынша хызмет көрсетиўдиң сапасын жақсылаў, халқымыз ушын сапалы ҳәм арзан дәри-дәрмақ өнимлерин жеткерип берилиўин қадағалаў, ишки имканиятларымыздан келип шығып дәри өнимлерин ислеп шығарыўды жолға қойыў мәселелери сөз етилди.

Ушырасыўда сондай-ақ, тараў ўәкиллери болған исбилерменлер тәрепинен бир қатар пикир ҳәм усыныслар билдирилип, машқалалар атап өтилди.

Өз нәўбетинде барлық көтерилген мәселелер Жоқарғы Кеңес Баслығының жеке қадағалаўына алынып, тез пурсатта шешимин табыў бойынша жуўапкерлерге анық тапсырмалар берилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

Telegram Website Instagram Facebook Twitter Ochish/sharhlash

2023-12-01 09:18:44 1-декабрь – Қарақалпақ тили байрамына бағышланады


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

Telegram Website Instagram Facebook Twitter Ochish/sharhlash

2023-12-01 07:24:19 1-декабрь – Қарақалпақ тилине Мәмлекетлик тил бийлиги берилген күн

Қәдирли дослар!

Ең дәслеп, бәршеңизди Қарақалпақстан Республикасы Жоқарғы Кеңеси ҳәм Министрлер Кеңеси атынан бүгинги қутлы сәне 1-декабрь – Қарақалпақстан Республикасының “Мәмлекетлик тил ҳаққында”ғы Нызамы қабыл етилгениниң 34 жыллық байрамы менен қызғын қутлықлаймыз.

Бәршеңизге мәлим, Тил – бул қарым-қатнас қуралы болыўы менен бирге, нешше әсирлер даўамында өзиниң қәдир-қымбатын жойтпай, бизге жетип келген бийбаҳа ғәзийне болып табылады.

Соны айрықша атап өтиўимиз тийис, ҳәр бир халықтың өзине тән өзгешелигин, ҳəр бир елдиң раўажланыў басқышларын ҳәм келешегин белгилеўде ана тилиниң тутқан орны айрықша саналады.

Мине, усы бийбаҳа байлығымызды көздиң қарашығындай сақлап, келешек әўладқа сап ҳалында жеткериў бәршемиздиң әдиўли ўазыйпамыз болып табылады. Сонлықтан, бул ўазыйпаның әҳмийетин түсинип, жасларымызды ана тилимизге, миллий қәдириятларымызға садықлық руўхында тәрбиялаў жолында бәршеңиз пидайылық көрсетесизлер деп беккем исенемиз.

Сизлерди және бир мәрте Қарақалпақстан Республикасының “Мәмлекетлик тил ҳаққында”ғы Нызамы қабыл етилгениниң
34 жыллық байрамы менен қызғын қутлықлап, бәршеңизге беккем денсаўлық, шаңарақларыңызға аманлық, елимиздиң буннан былай да раўажланыўы жолындағы ийгиликли ислериңизде тасқын табыслар тилеймен.

Аманбай Орынбаев
Қарақалпақстан Республикасы Жоқарғы Кеңесиниң Баслығы


Каналға ағза болыў: @joqargikenes

Telegram Website Instagram Facebook Twitter Ochish/sharhlash

2023-11-28 14:07:08 Пенсия тайынлаўда пуқарадан бирде-бир ҳүжжет талап етилмейтуғын система жаратылмақта

Өзбекстан Республикасы Президентиниң 2023-жыл 31-октябрьдеги «Халыққа пенсия тайынлаў бойынша көрсетилетуғын мәмлекетлик хызметлердиң сапасын буннан былай да арттырыўға қаратылған қосымша илажлар ҳаққында»ғы қарары бул бағдардағы қолайлықларды жаңа басқышқа алып шықпақта.

Ендигиден былай алпыс жасқа толған ер адамларға, елиў бес жасқа жеткен ҳаял-қызларға пенсия сол күнниң өзинде автоматластырылған тәризде тайынлаў илажлары көрилмекте. Әҳмийетлиси, онда пенсияға шығыўшыдан бирде-бир ҳүжжет талап етилмейди.

Бул әмелият 2025-жылдың 1-мартынан баслап енгизилиўи нәзерде тутылмақта.

Бул қарарды мәмлекетимизде халықты социаллық қорғаў, материаллық ҳәм руўхый қоллап-қуўатлаў бағдарындағы реформалардың бир бөлеги сыпатында көриў мүмкин.

Өзбекстанда кексе, бағыўшысын жойытқан ҳәм мийнетке жарамсыз халыққа мәмлекетлик хызметлерди көрсетиў системасы басқышпа-басқыш реформаланбақта. Пуқараларға пенсияларды тайынлаў бойынша көрсетилип атырған мәмлекетлик хызметлердиң сапасын буннан былай да жақсылаў, артықша бюрократиялық тосқынлықларды сапластырыў бағдарында избе-из реформалар әмелге асырылмақта.


Каналға ағза болыў: @joqargikenes

Telegram Website Instagram Facebook Twitter Ochish/sharhlash

2023-11-28 12:44:27 ҚАРАҚАЛПАҚСТАН МУСЫЛМАНЛАРЫ ҚАЗЫЯТЫНА ЖАҢА ҚАЗЫ ТАЙЫНЛАНДЫ

Усы жылдың 28-ноябрь күни Өзбекстан мусылманлары басқармасының баслығы, муфтий Шайх Нуриддин Холиқназаров басшылығында Қарақалпақстан Республикасында искерлик алып барып атырған имам-хатиблердиң нәўбеттеги жыйналысы болып өтти.

Жыйналыста узақ жыллар Қарақалпақстан мусылманлары қазыяты қазысы ҳәм Нөкис қаласында жайласқан "Муҳаммад ибн Аҳмад ал-Беруний" атындағы орта арнаўлы Ислам билим журты директоры лаўазымларында табыслы жумыс ислеп келген Шамсуддин Баҳауддинов ден-саўлығына байланыслы, өз арзасына муўапық лаўазымларынан азат етилди.

Усы лаўазымға қазының орынбасары ҳәм “Имам Ийшан Муҳаммед” жоме мешитиниң имам-хатиби ўазыйпаларында жумыс ислеп келген Баҳраматдин Разов тайынланды.


Каналға ағза болыў: @joqargikenes

Telegram Website Instagram Facebook Twitter Ochish/sharhlash

2023-11-22 18:08:06 Қарақалпақстан Республикасы Жоқарғы Кеңеси Баслығы басшылығындағы делегацияның Қытай Халық Республикасына болған әмелий сапары даўам етип атыр

Сапар даўамында делегация ағзалары бир қанша ири компаниялар менен перспективалы шәртнамаларға қол қойды. Бул әлбетте елимиздиң раўажланыўы жолындағы әҳмийетли адымлардың бири болды.

Делегация ағзалары сапар даўамында ШУАР партия комитети секретары Ма Синжуй менен ушырасты.

Ушырасыўда ШУАР партия комитети секретары Ма Синжуй усы жылдын март айында мәмлекетимиз басшысы менен ушырасқанын, бүгинги күнде Өзбекстан социаллық-экономикалық жақтан жедел пәтте раўажланып атырғанын айрықша атап өтип, аймақлар арасындағы бирге ислесиўде бул раўажланыў оғада әҳмийетли екенине исеним билдирди.

Өз гезегинде Жоқарғы Кеңес Баслығы Аманбай Орынбаев Қытай регионымыздың екинши тийкарғы импорт етиўши мәмлекет болып, ең ири сыртқы саўда шеригине айланғанын атап өтти ҳәм жыллы жүзлилик пенен күтип алғаны ушын өзиниң миннетдаршылығын билдирди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

Telegram Website Instagram Facebook Twitter Ochish/sharhlash

2023-11-19 16:11:57 Жоқарғы Кеңес Баслығы басшылығындағы делегация Қытай Халық Республикасында болып турыпты

Қарақалпақстан Республикасы Жоқарғы Кеңесиниң Баслығы Аманбай Орынбаев басшылығындағы делегация әмелий сапар менен Қытай Халық Республикасында болып турыпты. 

Сапардан гөзленген тийкарғы мақсет Қытайдың жетекши компаниялары басшылары менен ушырасыўлар өткериў, олардың жумыслары менен жақыннан танысыў ҳәм бирге ислесиў бойынша перспективалы жойбарларды ислеп шығыўдан ибарат.

Соның менен бирге Қарақалпақстан делегациясы Қытай Халық Республикасындағы аўыл хожалығы тараўында алып барылып атырған жумыслар, аўыл хожалығы техникаларын ислеп шығарыўшы компанияларды барып көриўди де режелестирген.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

Telegram Website Instagram Facebook Twitter Ochish/sharhlash

2023-11-16 10:35:05 Халықты киши ҳәм орта бизнеске кеңнен тартыўдың қосымша илажлары ҳаққында

Өзбекстан Республикасы Президентиниң қарары

Толық оқыў

Каналға ағза болыў: @joqargikenes

Telegram Website Instagram Facebook Twitter Ochish/sharhlash

2023-11-14 07:25:14 Салмақ өлшеў пунктлери жумыс баслады

Қарақалпақстан Республикасы Жоқарғы Кеңеси Баслығының тапсырмасы менен Беруний районы аймағынан өтиўши А-380 автомобиль жолының 661 км. хәмде Әмиўдәрья районы аймағындағы 4р-160А автомобиль жолының 0,6 км. де салмақ өлшеў пунктлерин (тәрези) шөлкемлестириў жумыслары жуўмақланды. Бул салмақ өлшеў пунктлерин шөлкемлестириўден мақсет республикамыз аймағындағы автомобиль жолларында ҳәрекетлениўши аўыр жүк автотранспортларының салмағын қадағалап барыўдан ибарат.

Салмақ өлшеў пунктлери жәрдеминде буннан былай көрсетилген нормадан артық жүк артқан автотранспорт қураллары автомобиль жолларында ҳәрекетлениўине руқсат етилмейди. Бул әлбетте жолларымыздың узақ мүддет хызмет етиўин тәмийинлеп, тез-тезден оңлаўға мүтәж болып қалыўының алдын алады.


Каналға ағза болыў: @joqargikenes

Telegram Website Instagram Facebook Twitter Ochish/sharhlash