«Нөкис – Алма-ата – Нөкис» жөнелиси бойынша турақлы қатнаўлар жолға қойылмақта
Ҳүрметли Президентимиздиң 2024-жыл 9-февраль күнги 66-санлы қарары менен Қарақалпақстан Республикасына туристлер ағымын және де көбейтиў, оларға қолайлы шәраятлар жаратыў, бунда «Нөкис – Алма-ата - Нөкис» жөнелисинде авиа қатнаўларды жолға қойыў бойынша Өзбекстан Республикасы Министрлер Кабинетине усыныс киргизиў ўазыйпасы белгиленген еди.
Усы тапсырмалардың орынланыўы бойынша 2024-жылдың 15-июнь сәнесинен баслап ҳәптесине үш мәрте (дүйшемби, сәршемби, шемби күнлери саат 3-45 те) «Нөкис – Алма-ата – Нөкис» жөнелиси бойынша А-320 самолётында пәрўазларды әмелге асырыў белгиленбекте.
