Ислом молияси | Islom moliyasi

2021-01-22 21:31:42 Ўзбекистон банкларида жорий этилаётган «ислом дарчалари» нимани англатади?

Ўзбекистонда Ислом молияси амалиётга кириб келиши арафасида бир нечта тижорат банклари ўз фаолиятида «ислом дарчалари»ни ташкил этмоқда.

https://kun.uz/83657213

Kun.uz Telegram каналлари

Ўзбекча | O‘zbekcha | Русская Ochish/sharhlash

2021-01-22 16:29:08 Кўпчилик Рамазон ойида кўпроқ хайрли амалларни қилишни хоҳлайди. Шундай амаллардан бири садақа/ҳомийлик/муҳтожларга молиявий ёрдамдир. Кўпчиликнинг муаммоси шундаки, уларнинг садақа қилиш истаклари ўз молиявий имкониятларига тўғри келмайди. Лекин сиз осонлик билан вазиятни ўзгартириш ва катта мукофот олишингиз мумкин.

Маслаҳат: бугунги кундан бошлаб, ҳар куни маълум миқдорда пул тўплаб боринг. Шундай қилиб, келаси вақт ичида анча-мунча маблағ жамғаришга муваффақ бўласиз. Сиз ҳаттоки тасаввур ҳам қила олмайсиз, сиз учун бу бор-йўғи 500 минг (ёки 1 млн.) сўм бўлган маблағ кимлар учундир ҳаёт-мамот масаласи бўлиши ҳам мумкин.

@IslomMoliyasi каналига уланинг Ochish/sharhlash

2021-01-22 08:48:47 Рамазонга олдиндан ўзига хос тарзда тайёргарлик кўриш керак. Шундай амаллардан бири нафл рўзасидир. Ҳафтасига 2 марта (душанба ва пайшанба кунлари) нафл рўза тутишингиз, агар қийинлик қилса, ҳафтада бир марта тутишингиз мумкин (устига устак қиш кунларининг қисқалиги айни муддаодир, бундан фойдаланиб қолиш керак). Рўза гўзал ибодат бўлиш билан бирга, руҳиятингиз ва иродангиз учун бир синовдир. Бундан ташқари, сиз тушлик билан боғлиқ харажатларни тежайсиз (албатта, рўза моҳиятини яхши англаганлар харажатларни камайтириш ниятида тутмайдилар. Бу ерда маблағларни иқтисод қилиш, уларни хайрли амалларга йўналтириш жиҳатидан муҳимдир).

Маслаҳат: ҳафтада камида бир марта рўза тутинг (Рамазони шарифдан олдин 11-12 марта рўза тутган бўласиз) ва холис ният қилинг (Аллоҳдан савоб умид қилинг). Шунингдек, саломатлигингизни яхшилаш, иммун тизимингизни, иродангизни мустаҳкамлаш, истакларингизни назорат қилиш ва маблағларингизни тежашга эришинг. Иқтисод қилинган бу маблағларни эса «Рамазон ақчадони»га йўналтиринг. Ochish/sharhlash

2021-01-22 06:34:32 Бугунги кунда таом ҳар ерда, ҳатто мутлақо ихтисослашмаган жойларда ҳам сотилмоқда (бекат, дўкон, АЁҚШлар...) ва одамлар негадир тобора ўз қоринларининг қулига айланиб бормоқдалар. Қорнимиз жуда тўқ, лекин биз яна овқат, ширинликлар, қаҳвага интилаверамиз. Натижада, керагидан кўпроқ сотиб оламиз, тўхтамай «ковуш қайтарамиз», еб тугатишга улгурмай қолганини исроф қилиб ташлаб юборамиз. Бизнинг танамиз бунга тайёр эмас. У ҳам овқатдан дам олиши керак, у ҳам гоҳида биз уни маҳрум этадиган танаффусларга муҳтож.

Маслаҳат: кунига қатъий интизом билан 2-3 маҳал тановул қилинг ва оралиқ овқатларни тарк этинг, ошқозонда бўш жой қолдиринг. Ўзингизни интизомга ўргатинг, истакларингизни назорат қилинг. Дўконга тиш пастаси сотиб олиш учунгина кириб, озиқ-овқат тўла сават билан чиқманг. Сиз нафақат ташқи кўриниш ва вазнингиз хусусида қайғуришдан тўхтайсиз, шу билан бирга харажатларни сезиларли даражада камайтиришга ҳам муваффақ бўласиз. Иродангиз туфайли иқтисод қилинган маблағни «Рамазон ақчадони»га йўналтиринг. Ochish/sharhlash

2021-01-21 15:15:32 Бугунги кунда ҳатто молиявий инқироз ёқасида турган кўпчилик инсонлар ҳам қиммат эстетик студиялар ва салонларга бориш, «чўнтакка мос равишда кийиниш», автомашинани ҳаддан ташқари қиммат жойда ювдириш, умуман олганда, гўёки ҳашаматли ва бахтли ҳаётни намойиш этиш илинжида ҳаракатланмоқдалар.

Маслаҳат: олифтагарчилик жуда қиммат ва фойдасиз нарсадир. Барибир, сизнинг аслида ким эканлигингизни бошқалар жуда яхши билишади. Бас, нима сабабдан кимдир учун бойликни кўз-кўз қилиш мақсадида ўзингизни молиявий инқироз сари бошлайсиз?! Яхшиси ушбу маблағларни ҳақиқатда муҳтож инсонларга беринг ва саодатманд инсонлар қаторига киринг.

@IslomMoliyasi каналига уланинг Ochish/sharhlash