Ислом молияси | Islom moliyasi

2022-09-29 04:58:47 O'zbekistonda birinchi bor Xalqaro standartlarga javob beruvchi HR menejment kursi o'zbek tilida.

HR menejment, ya'ni xodimlaringizni xalqaro standartlar asosida boshqarishni xohlaysizmi?

Unda ilk bor o'zbek tilida o'tkazilayotgan "Xalqaro standartlarga javob beruvchi HR menejment" kursi aynan:

HR sohasida faoliyat yuritayotgan;
Biznesida HR tizimini qurmoqchi bo'lgan;
HR sohasini o'rganib, shu sohada faoliyat yuritmoqchi bo'lganlar uchundir.

Speaker:

AQSH, Yevropa va Yaponiya kabi mamlakatlarda ta'lim olgan xalqaro tajribaga ega mutaxassis Kozimxon Turaev.

Tajriba:

15 yildan ortiq HR va investitsiyalar sohasida. (Procter&Gamble, Saudiya Qirolligi Islom Taraqqiyot banki)

Xodimlarni boshqarish kursi haqida qo'shimcha ma'lumot olish uchun:

Kurs haqida batafsil:

+998(91)0080509
+998(91)0010509

Ro'yxatdan o'tish uchun

__ Ochish/sharhlash

2022-09-28 10:58:18 Ochish/sharhlash

2022-09-28 06:01:40 Суғуртага оид савол

Ассалому алайкум!
Бирор молни, масалан, машина, деҳқончилик ҳосили ва ҳ.к.ни суғурта қилиш қадарга бўйсунмасликми ёки Аллоҳга илм билан қилинган таваккулми?
Суғурта бўйича шариат ҳукми ҳақида ҳам маълумот берсангиз. Раҳмат.

Шайх Муҳаммад Содиқ Муҳаммад Юсуф роҳимаҳуллоҳ:
Уламоларимиз ўзаро ҳамкорлик шаклидаги суғуртага рухсат берганлар. Бундан суғуртанинг шариат рухсат берган шакли таваккул бобига кириши чиқади. Ochish/sharhlash

2022-09-27 14:52:33 Ochish/sharhlash

2022-09-27 08:17:29 ​​#такофул

ИСЛОМДА СУҒУРТА МАСАЛАСИ

Суғурта араб тилида “تأمين – таъмин” дейилади. Бу янги истилоҳ бўлиб, унинг инглизча истилоҳидаги муқобили “Insurance”. Инглизча “security” сўзи баъзи араб лаҳжаларига суғурта маъносида кириб қолган, кейинроқ эса, ушбу сўзни бузиб талаффуз қилиш билан бизнинг диёрларга келганда суғурта деб ишлатила бошланган.

Таъмин, яъни суғурта моли эҳтимолий талофатга учраса, уни тўлаб бериш эвазига маълум маблағ ёки хизмат ёки бошқа бир молиявий тўлов тўлашни зиммасига олиб, суғурта қилувчи томонидан тўлаш орқали пул олиб тузиладиган шартнома.

Замонимизнинг аксарият олимлари ва фақиҳлари анъанавий суғуртани ножоизлиги ҳақида иттифоқ қилганлар. Бунга сабаб, унда ғарар, рибо ва бошқа шу каби шаръан тақиқланган амалиётлар мавжудлигидир.

“Такофул” ва “ислом суғуртаси” атамалари бир-бирининг ўрнини боса оладиган атамалардир. Ислом суғуртаси – бу ўзаро ёрдам, бирдамлик ва кўмак тамойилларига асосланган бўлиб, бенефициарлар (яъни ёрдам лойиҳасидан манфаат олиши мумкин бўлган томонлар) дуч келадиган турли фалокат ва кўнгилсиз ҳолатлар, масалан, мол-мулкдан айрилиш ёки уларга зарар етиш каби ҳолатларда ечим ҳисобланади.

тўлиқ мақола: https://islommoliyasi.uz/uz/islomda-sugurta-masalasi/

@IslomMoliyasi канали Ochish/sharhlash

2022-09-26 17:38:51 ТАЪЗИЯ

Бугун пешинда Халқаро мусулмон уламолари иттифоқининг асосчиси Шайх Юсуф Қарзовий роҳматуллоҳи алайҳи 96 ёшида Қатарда вафот этдилар. Ислом уммати учун бу катта йўқотишдир.

Замонамизнинг улуғ мужтаҳид олими, фазилатли шайх Юсуф Қарозовий ҳазратларининг вафотлари муносабати билан у кишининг барча оила аъзоларига, сафдошлари ва шогирдларига чуқур ва самимий таъзия изҳор этамиз.

Аллоҳ таоло марҳум олимнинг барча хайрли ишларини, илм йўлидаги хизматларини, солиҳ амалларини ҳусни қабул айлаб, Ўз мағфиратига олсин, охиратларини обод қилсин.

«Иннаа лиллааҳи ва иннаа илайҳи рожиъуун!»

@IslomMoliyasi канали Ochish/sharhlash

2022-09-26 08:16:39 Совға бериб қарз олиш
Ассалому алайкум! Бир танишимдан 1 йил муддатга 2000 АҚШ доллар бериб туришини сўрадим. Аммо у 1 йилдан кейин 2300$ қилиб қайтаришимни айтди. Мен судхўрлик бўлмасин деб унга 300$ долларлик нарса масалан телевизор олиб унга совға сифатида бериб кейин ундан қарз олсам жоизми?

«Зикр аҳлидан сўранг» ҳайъати:
Ва алайкум ассалом! Иккиси ҳам судхўрлик, шаръан ҳаром бўлади. Валлоҳу аълам!
—————————
Ислом молияси изоҳи: баъзилар фақат олинган қарз устига маълум бир миқдорда пул қўшиб беришга келишиб олишгина рибо/судхўрлик бўлади деб тушунишади, юқоридаги савол-жавобдан кўришимиз мумкин экан, пул қарз олишдан олдин шу қарзга алоқадор ҳолатда совға-салом олиш-бериш ҳам (томонлар шунга қандайдир қилиб келишиб олган бўлса) рибо бўлаверар экан. Лекин киши биродарига доимо ҳадя қилиб турса ва орада берилган ҳадяга алоқаси бўлмаган ҳолда қарз олиб қолса бунда муаммо йўқ. Бундай ҳолатда ният муҳим аҳамият касб этади, чунки амаллар ниятларга кўрадир. Ochish/sharhlash

2022-09-25 10:14:34 #Савол

Ижарами ёки насия савдо ёхуд бир савол таҳлили

Ассалому алайкум! Мен ижарага машина бераман. Ижара пулини ойма ой оламан. Ижарага олган йигит машинани сотиб пулини ишлатсам бир йил ичида жойига қўяман (яъни сотилиб кетган машина учун ойма ой ижара пулини бераман) деди. Мен шу сотилиб кетган машина учун ижара пули олсам бўладими?

Жавоб:
«Зикр аҳлидан сўранг» ҳайъати:
Ва алайкум ассалом! “Ижара” деб “тақсит савдоси”, яъни, мол пулини бўлиб тўлашга сотишни назарда тутаётган кўринасиз. Тақсит савдоси орқали сотилган мол харидорнинг мулкига кирган бўлади. Харидор пулини ҳали тўлиқ тўлашдан олдин, ўша нарсани бошқага сотиши жоиз. Бу сотувчига тўлаши керак бўлган қарзига таъсир қилмайди. Валлоҳу аълам!

┈•┈•┈•┈•⊰✿ ✿⊱•┈•┈•┈•┈
"Ислом молияси" изоҳи:

Бизни халқимиз муддатли тўлов, насия савдо, тақсит савдо, ёки бўлиб тўлаш шарти билан мол сотишни “вариант” ёки “рассрочка” деб ўрганиб қолган ваҳоланки, кўриб турганимиздек, бу турдаги савдони ўзбек тилида ўз номлари бор. Бевосита юқоридаги саволга келадиган бўлсак, савол муаллифи насияга бўлиб тўлаш асосида сотган молини “ижара” деб атамоқда. Аммо насияга сотиш билан ижарага беришни ўртасида жиддий фарқ бор. Олди-сотди амалиётида, шу жумладан насия савдода молга бўлган эгалик, сотувчи “сотдим” ва харидор “олдим” дегандан кейин харидорга ўтади ва сотиб олган томон молни бошқа бировга истаган нархига сотиб юбориши мумкин, чунки энди у молни эгаси ҳисобланади. Лекин сотувчи молни насияга сотган бўлса, у шу молни ўзини гаров сифатида ушлаб туриши мумкин (яъни муддатли тўлов асосида насияга сотилган молни пули тўлиқ берилмагунча уни сотилишига таъқиқ қўйиши мумкин). Бу ҳолатда молни насияга сотиб олган томон уни бошқа бировга сотолмайди. Лекин агар бундай таъқиқ қўйилмаган бўлса харидор молни бемалол бошқа бировга сотиб юбориши, молни пулини эса келишилгандек муддат ичида сотувчига бўлиб тўлаши мумкин.

Ана энди ижара масаласини кўриб чиқамиз. Маълумки, ижара икки турга бўлинади: биринчиси амалий (операцион) ижара, иккинчиси эгалик билан якунланувчи ижара. Ушбу иккинчи турдаги ижара ислом молиясида “Ижара мунтаҳия биттамлик” деб аталади. Биринчи турдаги ижарада мулкни эгаси ижарага берган томон бўлади ва ижарага олган томон бу мулкни бошқа бировга сотиб юбора олмайди. Ижарага олувчи мулкдан келишилган муддат давомида фойдаланади ва ушбу муддат охирида мулкни эгасига қайтаради. Иккинчи турдаги ижарада мулкни олувчи ундан келишилган муддат давомида фойдалангани учун ижара ҳақи ва бундан ташқари мулкни нархини бўлиб бўлиб тўлаб боради. Мулкни нархи тўлаб бўлингандан сўнг ижарага берувчи алоҳида олди-сотди шартномаси асосида мулкни ижарага олувчига сотади (ёки ҳадя қилиши ҳам мумкин).

Қўшимча ўқиш учун: Ижара (лизинг)нинг асосий қоидалари

@IslomMoliyasi канали Ochish/sharhlash

2022-09-24 14:42:49 @IslomMoliyasi канали Ochish/sharhlash

2022-09-24 13:39:04 #Савол #қисқа_савол_жавоблар

Таржимонлик
Ассалому алайкум. Мен тижоратчиман, хорижий давлат билан ишлайман. Таржимоним бор. Агар таржимон ўша мамлакатдаги завод билан келишиб, берилаётган нархнинг устига куйиб менга баландрок айтиб фойда килса (лекин мен завод нархидан бехабарман), унинг бу иши шариатда жоизми?

Жавоб:
«Зикр аҳлидан сўранг» ҳайъати:
Ва алайкум ассалом! Бу хиёнат ҳисобланади. Валлоҳу аълам!

@IslomMoliyasi канали Ochish/sharhlash