bakiroo

2024-04-28 15:00:02 Анор етиштирувчи Маданият вазирлиги

Давлат йиллар давомида ижтимой неъматлар яратиш билан эмас, умуман қўл урмаслиги керак бўлган иш - бизнес билан шуғулланганига сотувга қўйилган активлар рўйхати билан танишсангиз, яна бир бор амин бўласиз.

Маданият вазирлиги Фарғонада анор етиштирган, Ўзбекистон темир йўллари картошка эккан, сут соққан, Иссиқлик станциялари минерал сув қадоқлаган. Давлат банклари тўғридан тўғри ишлаб чиқариш билан шуғулланган. Ҳаммадан қизиғи, шу иррационал ишларнинг аксари ўтган ёмон эпохада эмас, шу янги дейилган замонда рўй берган.

Бошқача айтганда давлат ва унинг агентлари қилиши керак бўлган ишлар қолиб, қилмаслиги керак бўлган ишларга пул тиккан, инвестиция қилган, ресурсларни йўналтирган.

Бу ишларнинг бевосита зиёни, зараркунандалиги, самарасизлик ва коррупцияга йўл очгани бир муаммо, иккинчи муаммо давлат ўзининг моддий ва молиявий ресурсларини бизнес билан шуғулланишга юбориб, бевосита вазифаси бўлган ижтимоий неъматлар яратишдан маблағларни камайтирган, қисқартирган ва яна қисқартирмоқчи бўлмоқда.

Посангининг бузилиши, балки йўқлиги "Боғнинг менежери давлат бўлиши нотўғри. Бутун дунёда шунақа" дейиш даражасидаги абсурдларни кун тартибига чиқарди. Ochish/sharhlash

2024-04-28 12:30:00 Пойтахтда такси хизмати кўрсатишдан вилоятликлар четлаштириладими?

Lolazor'нинг навбатдаги сонида кўп оғриқли тенденциялар — давлат асосий вазифаси бўлган ижтимоий неъматлар яратишдан ўзини четга олаётгани, хон мақомидаги ҳокимларнинг қарорлари, хусусийлаштирилмайди дейилган Humo'нинг хусусийлаштирилиши эълон қилиниши каби юз берган воқеликлар қаторида пойтахтда ҳудудлардан келиб таксичилик қилаётганлар бўйича қатор чекловлар юз бериши мумкинлиги ҳақида ҳам гаплашдик.

Ўтказиб юборманг. Ochish/sharhlash

2024-04-28 10:19:15 ​Давлат монополиясидан хусусий монополия ясаладими?

"Иссиқлик электр станциялари" АЖ устав капиталидаги 51 фоиз ва ундан юқори миқдордаги давлат улушини ёхуд унинг таркибидаги алоҳида иссиқлик электр станцияларини хусусийлаштириш белгиланмоқда.

Иссиқлик электр станциялари АЖ монополистлар рўйхатига киради. Ўзбекистонда электр энергиясининг 70%и (қиш ойларида 85%гача) ва яна камида 20% иссиқлик энергияси айнан шу жамият ҳисссасига тўғри келади.

Энди саволлар:

Иссиқлик электр станцияларининг 51% ва ундан юқори улуши пакетда битта лотда хусусийлаштириладими? Унда давлат монополиясини хусусий монополияга алмаштирган бўламизми? Хўп, агар ҳар бир станция алоҳида лот сифатида хусусийлаштирилса, улушлар ростанам оммавий савдога чиқадими ё келишув ёпиқ эшиклар ортида ўтадими? Мабодо ўша балки танланган "инвесторлар" газ қазиб олиш соҳасини ғорат қилган шоввозлар эмасми, ишқилиб?

Олигархияга ёпиқ қарор билан Ишончли бошқарувга бериб юборилган ва миллиардлаб зарар кўришда давом этаётган Янги Ангрен Иссиқлик станцияси нима бўлади?

Яқинларгача энг катта ИЭС бўлган Талимаржон станцияси нима бўлади? Ахир униям "хусусийлаштирдик" деб эълон қилмаганмидиларингиз? Миллиард долларлик Талимаржоннинг реконструкцияси нима бўлади, ё бўлди, ёпди ёпдими бу ёғи? Тоғдек кредитларни ким қайтаради? Халқ бўйнида қоладими? Ochish/sharhlash

2024-04-27 17:15:00 ФРРУ ўзи берган кредитини ФРРУнинг ўзи ёпган Деҳқонобод калий заводи "хусусийлаштирилади"

2023 йилда ФРРУнинг акция сотиб олишга йўналтирилган 1,9 триллион сўмлик маблағлари Деҳқонобод калий заводи АЖнинг 165,1 млн.долларлик муаммоли кредитини сўндириш учун ишлатилгани ҳақида ёзган эдик. Кутилганидек, ушбу схемага ҳеч қандай ҳуқуқий баҳо берилмади, суриштирувлар ўтказилмади, жиноий иш очилмади. Лекин прогноз қилганимиздек, Деҳқонобод калий заводи АЖ 100% улуши энди "хусусийлаштирлади".

Бу жараёнга ўзбекча хусусийлаштиришнинг отаси А.Ж. Ортиқов масъул бўлади. Қизиқ, қурилиши 124 млн.долларга тушган, номинал капитали 2,6 трлн.сўмлик завод қанчага сотиларкин? Заводнинг қолган қарзлари нима бўлади? Яна ФРРУ ёпиб берадими ёки воз кечиладими?

Деҳқонобод калий заводи, Тошкент металлургия заводи сингари нима учун давлат бизнес билан шуғулланмаслиги кераклиги, бу доим ўғирлик ва самарасизликка, халқ бўйнига юкланадиган қарзларга, космик даражадаги коррупцияга олиб келиши бўйича яққол мисол бўлади. Айтиш мумкинки, ушбу икки завод коррупция ва самарасизликка қўйилган ҳайкал ҳам.

Уларнинг "хусусийлаштирилиши" билан ёпиғлиқ қозонлар ёпиғлиқ қолишига, улкан йўқотишларга олиб келган хатолар ва онгли равишда амалга оширилган схемалар эсдан чиқишига, ҳеч ким жазоланмаслигига сиз ишонасизми? Шахсан мен ишонмайман. Жазо албатта бўлади. Ochish/sharhlash

2024-04-27 16:26:31 Соғлом таклифлар орасига носоғломлари қўшилиб қолмаслиги керак

Айни вақтда Савдо-саноат палатасида Тадбиркорликни қўллаб-қувватлаш бўйича жамоатчилик кенгашининг навбатдаги йиғилиши бўлиб ўтмоқда.

Кун тартибига кўра, Президентнинг “Яширин иқтисодиётга қарши курашиш бўйича комплекс чора-тадбирларни амалга ошириш тўғрисида”ги қарор лойиҳаси юзасидан танқидий мулоқот ўтказилмоқда.

Лойиҳада яширин иқтисодиётга қарши кураш йўлида қатор вазифалар ва амалий ҳаракатлар режалаштирилган. Лекин уларнинг ҳаммасини ҳам соғлом ва самарали деб бўлмайди. Қатор таклифлар бусиз ҳам катта ваколатларга эга бюрократик режимни мустаҳкамлашга, осонлаштириш ўрнига мураккаблаштириш ва қимматлаштириш оқибатларини яратиши мумкин. Таклифлар кенгроқ ва чуқурроқ таҳлиллар ва ўрганишларни талаб қилади. Ochish/sharhlash

2024-04-27 15:08:48 Савдо Ўзбекистонда аҳоли энг кўп банд бўлган секторлардан бири ҳисобланади. Нафақат тадбиркорлик, халққа хизмат кўрсатадиган барча соҳалар, шу жумладан давлат ишхоналарида ҳам савдо сирларини билиш ас қотади, яхшироқ хизмат кўрсатилади.

«Asaxiy Books» нашриёти «Халқ банки» билан ҳамкорликда шу муҳим соҳа учун машҳур китобни ўзбек тилига таржима қилибди. Гранд Кардоннинг «Савдо санъати» китоби айнан сотувни ўргатади.

Тадбиркорлар, уларнинг ходимлари, хизмат соҳасидаги ҳаммага тавсия қилинади.

Китобни харид қилиш: asaxiy.uz/u/savdosanati

Реклама Ochish/sharhlash

2024-04-27 11:30:00 420 млн.долларга қурилган, бўғзигача қарз ва зарарга ботирилган Тошкент Металлургия заводи савдога чиқарилади

Тўхта, Тошкент металлургия заводи ўзи "хусусий" эмасмиди? Заводни каррасига қиммат қилиб қурган олигархлар қаёққа даф бўлди, деб сўраманг. Олигархлар аллақачон сувдан қуруқ чиқиб олишган, завод триллионлаб сўм зарар ва 200 миллион долларлик қарз билан қолган (фойдаси олигархнинг чўнтагига, зарари ўзбекистонликлар бўйнига). Олигархларнинг 50,1% улушини улушини заводнинг ўзи сотиб олган.

Энди шу Тошкент Металлургия заводининг 49,9%ини оммавий савдоларга чиқариб, "хусусийлаштиришмоқчи". Энг қизиғи бу бўйича масъул ФРРУнинг ўзи. Ўзбекистоннинг суверен фонди ўлароқ ФРРУ аввалбошданоқ иқтисодий маънога эга бўлмаган ва фақат буюртмачи, пудратчи олигархларни бойитадиган лойиҳани ҳам ташқи қарз, ҳам фонд ҳисобилан молиялаштириб, энди сотмоқчи. Ажойиб а? Ҳеч кимга ҳеч қанақа жазо йўқ. Ҳеч қанақа сўров ҳам йўқ.

Қизиқ, 420 млн.долларга тушган заводнинг 49,9 фоиз улушини қанчага сотишаркин. Текингами ё инвестиция шарти билан соусини қўшишадими? Қолган 51,1 фоизи нима бўлади. Ochish/sharhlash

2024-04-27 09:30:08 Ўзбекистоннинг энг қиммат активлари НКМК ва ОТМК 5% акциялари IPO ёки SPO орқали сотилади

Давлат иштирокидаги йирик корхоналарни трансформация қилиш ва хусусийлаштириш жараёнларини жадаллаштириш чора-тадбирлари тўғрисидаги қарорга кўра:

Навоий КМК АЖ
Олмалиқ КМК АЖ
Ўзбекгидроэнерго АЖ
Ўзбектелеком АЖ акцияларининг 5 фоизгача қисми бирламчи (IPO) ёки иккиламчи (SPO) оммавий таклиф воситалари орқали халқаро фонд бозорларига чиқарилади.

НКМК ва ОТМК Ўзбекистоннинг энг йирик солиқ тўловчилари ҳисобланишади. Айрим йилларда шу икки корхонанинг бюджет тушумларидаги улуши жами даромадларнинг учдан бирига етган. Лекин охирги йилларда ушбу гигант корхоналарнинг харажатлари ошиб (балки хусусан "прокладка компаниялар"лар ҳисобига), молиявий ҳолати динамикаси ёмонлаша бошлаган

Аввалроқ НКМКнинг 2% улуши қандайдир ёпиқ қарор билан Давактивга ўтиб қолгани ҳақида ёзган эдик. Бу бўйича ўзбекча хусусийлаштиришнинг отасига айланаётган давактив шу кунгача биронта изоҳ бергани йўқ (бошқа яширин хусусийлаштириш кейслари бўйича ҳам).

Албатта IPO билан IPO'нинг фарқи бор. Агар бу компаниянинг мутлақ давлат назоратини ушлаган ҳолда бозор капитализациясини ошириш, глобал бозорлардан арзон ресурслар жалб қилишнинг воситаси ўлароқ мақсадларни кўзласа бир масала, агар бу механизм Ўзбекистонни талаётган ўғри олигархларнинг комбинатга суқулиб кириб олиши йўлидаги қадам бўлса, бизни олдинда катта катастрофа кутади.

Дарвоқе, Россияда ўғри олигархлар "хусусийлаштириш" ниқоби остида триллионлаб турадиган активларни ҳукуматдаги шотирлари воситасида "гаров аукционлари" орқали қандай эгаллаб олишгани тўғрисидаги ажойиб фильмни томоша қилинг. Ҳам дарс, ҳам огоҳлик дегандик. Бундай ёвуз тарих такрорланмаслиги керак. Авлодлар лаънатлайди. Ochish/sharhlash

2024-04-26 16:00:06 Давактивга ўтказилган Humo "хусусийлаштирилади": 5 ой аввал Давактив буни тан олишни истамаганди

Humo (Миллий банклараро процессинг маркази) устав капиталидаги давлат улушининг Давактивга ўтказилиши пайтида бу "спецоперация"дан мақсад, методичкага кўра, Humo'ни "хусусийлаштириш" деб прогноз қилган эдик. Ёпиқ хусусийлаштиришнинг отаси Давактив ўз анъанасига кўра, бу аллақачон ёпиқ кабинетларда ҳал бўллган схемани тан олмай, "Миллий банклараро процессинг маркази” МЧЖ (“Humo”)даги давлат улушининг Марказий банкдан агентликка ўтказилишини хусусийлаштириш билан эмас, балки амалдаги қонунчилик талабларига мувофиқлаштирилиши билан боғлиқлигини эълон қилгандик. Мана ваъда қилганимиздек, эслатмоқдамиз.

Шунгаям, 5 ой ўтмади. Қарангки, “Миллий банклараро процессинг маркази” МЧЖ (Humo тўлов тизими)даги 100% улуши сотувга қўйилмоқда.

Энди саволлар:

Давактивнинг бу галги изоҳи энди қандай бўлади?
Бозор нархи сотувдаги давлат банкларидан қиммат турадиган Humo Давактивнинг севимли усулида, ёпиқ "хусусийлаштириладими"? Humo'нинг янги хўжайини тайинми? Сопини қаеридан ва қандай чиқарилади бу сафар? Ochish/sharhlash

2024-04-26 15:05:06 Тошкентда дунё брендларини арзон нархларда сотувчи Texnoport техника дўкони очилмоқда

Tashkent City Mall ҳудудидаги бир гектардан ортиқроқ ҳудудда Ўзбекистондаги ҳамёнбоп электроника маҳсулотлари, маиший техникалар сотиладиган дўкон очилмоқда.

Дунёнинг машҳур брендлари Apple, Mi, Samsung, LG, KitchenAid, Dyson, Lenovo, HP, Panasonic, Philips ва бошқа шу каби етакчи брендларни энг ҳамёнбоп нархда шу ердан топасиз.

Ўзбекистон бозорида инқилоб ясашни мақсад қилган Texnoport дўкони бугун, соат 18:00да Tashkent City Mall’да очилади.

Реклама Ochish/sharhlash