bakiroo

2024-04-26 14:20:00 Эгалланаётган парклар масаласида

Қодирий ва Дўстлик паркларининг "инвестор"га бериш борасида жамоатчиликнинг ҳақли эътирозларини етказаётганлар ва буни маъқуллаётган, ижобий томонларини кўраётганлардан бироз фарқланади менинг фикрим. Ҳозир паркларнинг қолган қисмини халқ ихтиёрида сақлаб қолишга ҳаракат қилаётганлар ҳам, "инвестор"га бериб, тижорийлаштириб сақлашни истаётганлар ҳам негадир "ёпиғлиқ қозон ёпиғлиқ қолишини" ўзлари билмаган ҳолда дастаклаб қўйишмоқда. Навбатдаги қадамлар боғларни эгаллаб олганларнинг ҳаракатларини "легаллаштириб бермайдими? Бу қадамлар бўлажак, навбатдаги боғсотарликларнинг олдини оладими?

Шунинг учун бизга прецедент керак. Бу прецедентга асос бўладиган амалий-ҳуқуқий ҳаракатлар тез, радикал ва шафқатсиз юз бериши даркор. Хўш қандай?

Биринчидан, Қодирий боғининг эгаллаб олинган 5 гектар майдони ва Дўстлик боғининг 4 гектари паркларга қайтарилиши керак. Бу муҳокама этилмайдиган талаб.

Иккинчидан, паркларга тегишли бўлган бу ер майдонларини "инвесторларга" ажратиш тўғрисида қарор қабул қилган, ҳукумат аъзосими ёки ҳокимми, шафқатсиз жазоланиши зарур. Эгаллаб олинган ер майдонларида қурилган иншоотлар қурувчилар томонидан тўлиқ демонтаж қилиниши, табиатга етказилган зарарлар қопланиши керак. Керак бўлса, бу бўйича очиқ суд ўтказишга тўғри келади. "Халқ боғ ўғриларига қарши" деган, масалан.

Учинчидан, бу прецедент Тошкентдан (энг аввало Миллий боғдан) тортиб Андижонгача сотилиб, бўлиниб, қисман эгалланиб, тижорийлаштириб юборилган боғларни халққа қайтариш учун ҳуқуқий ишора, чақириқ, ҳаракатга айланиши зарур. Бошқача айтганда барча "сотилиб кетган" боғлар миллийлаштирилиши ва тўлиқ давлат назоратига олиниши зарур. Ochish/sharhlash

2024-04-26 11:00:05 ​Валюта чекловлари давлат компанияларининг "прокладка"ларини кўпайтиради

Валюта операцияларининг чекланиши ёки алоҳида маъмурий назоратга олиниши давлат компаниялари ташқи савдо сифатини яхшилаб, импорт нархини пасайтириб қолмайди. Чунки Ўзбекистонда давлат компаниялари бош мақсад муддаоси зараркунанда энергетикадан тортиб монопол автомобилсозликкача фақат ўзлаштиришга асосланган.

Шу мақсад йўлида давлат компаниялари энди инсофлироқ, қўрқоқроқ, эҳтиёткорроқ бўлиб қолмайди, компаниялардан пул чиқаришнинг янги каналларини ишга туширишади. Бунинг учун қимматлаштирилган импорт шартномалари шарт эмас. Энди Ўзбекистон ичида маҳсулот, хизмат, айниқса технология ва энергетик қимматликлар етказишда каррасига қиммат квази битимлар тузиш янада авж олади. Бундай паразит экосистема ҳар бир давлат компанияси атрофида аллақачон шаклланганку, дейишингиз мумкин, бу ҳали ҳолваси. Шу кунгача давлат компаниялари ўзи 5 доллар турадиган товарни 10 долларга импорт қилган бўлса, энди худди ўша товарни ўзларининг прокладка компанияларидан 200 минг сўмга олишни бошлайди. Импортга босимни бир муддат ўтиб, энди давлат компаниялари эмас, прокладка компаниялари янаям юқори иштиёқ билан давом эттиришади.

Хўш нима қилиш керак?

Биринчи ва энг самарали йўл, давлат назоратида қолиши керак бўлган ва келажагимиз ва бойликларимизни ўғирлаётган олигархиянинг ифлос қўли тегмаслиги керак стратегик компаниялар (НКМК, ОТМК, Металлургия комбинати, Ўзбекнефтегаз, Ўзтрансгаз, Ўзгазтрейд, Ҳудудгаз, Миллий электр тармоқлари, Иссиқлик электр станциялари, Ўзавтомоторс кабилар) барча битимларининг 100% очиқлигини таъминлаш. Биронта битим, миллиард долларлик технологик линиядан ҳатто минг сўмлик туалет қоғози ҳам очиқликдан четда қолмаслиги зарур. Ва албатта бу компанияларга самарали корпоратив бошқарув керак. Аллақачон музейга ёки яна бир жойга тиқилиши керак бўлган қизил директорлар эмас.

Иккинчи йўл, очиқ ва эркин рақобат бозорида фаолият кўрсатиши мумкин бўлган давлат компаниялари тўлиқ хусусийлаштирилиши зарур. Йўқ, сиз ўйламанг, садоқатлиларга мулк тақсимлаш вазифаси бўлган давактив методичкаси бўйича эмас (ишончим комил, давактив ёпиқ йўл билан "хусусийлаштирилган" активлар ҳаммаси кун келиб қайта миллийлаштирилади). Очиқ, рақобатли ва тенг имкониятли аукцион орқали.

Учинчи йўл иқтисодий мундарижага оид ҳукумат қарорларини ёпиқ қабул қилинишини тўлиқ тақиқлаш, илгари ёпиқ қабул қилинганларини тўлиқ очиқлаш. Охирги 7 йил ичида энг зараркунанда, қимматлаштирилган лойиҳалар айнан ёпиқ қарорлар ва протоколлардан илдиз олган битимларга бориб тақалади. Тан олишимиз керакки, ёпиқ ё яширин қабул қилинган қарор мақсадларнинг самимий эмаслигига ҳар доим далил бўлади. Эшитиш қанчалик оғриқли бўлмасин, бу ишларнинг ортида доим пул ўзлаштириш мақсади ётади. Ochish/sharhlash

2024-04-26 10:32:16 “Инсон учун” савдо кўргазмаси ташкил этилмоқда.

Ижтимоий ҳимоя миллий агентлиги томонидан Иқтисодиёт ва молия вазирлиги, Савдо-саноат палатаси ва масъул идоралар билан ҳамкорликда Тошкент шаҳридаги “Ўзекспомарказ” миллий кўргазмалар залида “Инсон учун” савдо кўргазмасини ташкил этилмоқда.

Кўргазмада 200 га яқин ногиронлиги бўлган шахсларни банд қилган тадбиркорлар, шу жумладан ногиронлиги бўлган якка тартибдаги тадбиркорлар ва ҳунармандлар ўз маҳсулотлари (мебел, текстил, поябзал, спорт, озиқ-овқат, техника, полиграфия ва бошқа турдаги товарлар) билан иштирок этади. Ушбу кўргазма 1-2-май кунлари ўтказилади.

Шу билан бирга, кўргазма доирасида 300 га яқин тадбиркорлар билан ҳудудларда масофадан туриб савдолар ташкил этилади. Ochish/sharhlash

2024-04-26 10:00:00 “Трастбанк”дан 1 млрд сўмгача кредит олинг! Иш ўрнини кўпайтирганингиз сари фоиз ставкалари камайтирилади.

“Трастбанк”нинг “Бизнесни ривожлантириш ва янги иш ўринларини яратиш” кредити тадбиркорлик фаолиятингизни янги босқичга кўтаришга ёрдам беради.

1 млрд сўмгача кредит олиб, янги иш ўринларини яратинг. Иш ўринлари яратганингиз сари фоиз ставкалари туширилади. Яъни кредитнинг фоиз ставкалари 25 % дан 20 % гача пасайтирилади.

Айланма маблағларини тўлдириш учун:
Муддати: 18 ойгача;
Имтиёзли давр: 3 ой.

Инвестицион лойиҳаларни молиялаштириш учун:
Муддати: 36 ойгача;
Имтиёзли давр: 6 ой.

Батафсил маълумот trastbank.uz сайтида.
Алоқа маркази: 1287

Кўпроқ маълумот бу ерда: https://t.me/trustbankuz
Реклама Ochish/sharhlash

2024-04-26 08:31:06 Валюта тартиби қаттиқлашган, ҳозирча давлат компанияларига

Кечаги анжуманда янграган иқрорлардан бири давлат компаниялари учун валюта операцияларини амалга ошириш тартиби қаттиқлаштирилгани тан олингани бўлди.

Қарийб бир ойдан буён давлат компаниялари учун валюта операцияларини фақат асосий ҳисобрақамига эга бўлган банклар орқали амалга ошириш чеклови киритилган ва амал қилмоқда. Гап шундаки, бу бўйича ҳукумат қарори очиқ эълон қилинмаган (балки ёпиқ ёки махфий).

7 ой аввал худди шу каби чекловлар барча хўжалик субъектлари учун киритилиши тўсатдан эълон қилинган ва кейин жамоатчиликнинг норозилиги ортидан бекор қилинган эди (Жамият қабул қилмаган қарор бу нотўғри қарор.). Ўшанда Марказий банк хусусан, хўжалик юритувчи субъектларнинг чет эл валютасини сотиб олиш ва валюта операциялари билан боғлиқ амалиётлари фақат асосий ҳисобварақ очилган банклар орқали ўтказилиши қоидаларини жорий этишни кўзлаган, лекин режалар амалга ошмай қолган эди.

Самарасиз давлат банклари самарасиз давлат компаниялари устидан валюта операциялари бўйича самарали назорат ўрната оладиларми?

Ўтган йили хўжалик юритувчи субъектларнинг чет эл валютасини сотиб олиш ёки сотиш учун хизмат кўрсатувчи банкка буюртмаси ва унинг назорати билан боғлиқ қаттиқлаштириш наҳотки етарли бўлмади?

Нима бўлгандаям Овертон туйнуги очилди. Тайёр ишга туширилган механизм бор. Худди шу чекловларни хусусий бизнесга ҳам жорий қилиш битта қўнғироқ масалас холос. Айтинг, бу қадамдан ким ёки нима чеклаб туради? Ochish/sharhlash

2024-04-25 19:12:48 Балиқ ҳам эмас, гўшт ҳам эмас: Иқтисодиёт ва молия вазирлиги баёноти масалага аниқлик киритмаган

Вазирлик баёнотига кўра, "Ҳукумат қарорига асосан ташкил этилган “Меҳр дафтари” жамғармаси юридик шахс ҳисобланмайди ҳамда унинг маблағлари ҳудудий ҳокимликларнинг буджетдан ташқари жамғармалари шаклида очилган ҳисобварақларда жамланади.

Бугунги кунда давлат харидлари портали вазирлик ва идораларнинг ахборот тизимларига интеграциялашган бўлиб, дастурий мажмуада барча маълумотлар буюртмачиларнинг СТИР рақамлари орқали шакллантирилади.

Жумладан, жамғармалар ҳокимликлар ҳузурида ташкил этилгани сабабли ушбу жамғармалар мазкур ҳокимликларнинг СТИР рақамларига боғлангани маълум бўлди.

Шунга кўра, жамоатчиликнинг эътирозларига сабаб бўлаётган ҳолатларда назарда тутилган шартномалар ҳам “Меҳр дафтари” жамғармаси маблағлари ҳисобидан эмас, балки ҳокимликларнинг қўшимча маблағлари ҳисобидан тузилган".

Энди саволлар:

1) вазирлик томонидан Қашқадарё, Бухоро, Жиззах ва Сурхондарёда "Меҳр дафтари" жамғармаси ҳисобидан электромобиллар олингани ҳолатини бориб, жойида, хизмат фармойишлари, ҳужжатлар, ҳисобварақлар, транзакциялар ўрганилдими ё тийиқсиз ҳокимликларнинг тушунтиришлари асосида баёнот берилмоқдами? Молия вазирлиги шу каби исталган бошқа ҳолатда мустақил ва очиқ текширув ўтказган бўларди.
2) “Меҳр дафтари” жамғармаси учун алоҳида счет очилмагани ва унга тушадиган маблағлар ҳокимликларнинг буджетдан ташқари жамғармалари шаклида очилган ҳисобварақларда жамланиши ҳаммага маълум (ўзи умумий қозон ичида билинмаслиги учун атайин шундай қилинган). Лекин "Меҳр дафтари” жамғармасига тушадиган ва чиқадиган транзакцияларнинг алоҳида ажратадиган идентификация белгиси бўлиши керакку. Ўта оғир кечган биринчи чоракда ҳокимликларнинг қўшимча маблағлари қаердан пайдо бўлган? Электромобиллар "Меҳр дафтари" ҳисобидан олинмаган бўлса, қайси манбалар ҳисобидан олинган? "Аёллар дафтари" ҳисобигами? "Ёшлар дафтари" ҳисобигами? Шу сизлар ҳимоя қилаётган ҳокимликлар эмасми "Аёллар дафтари" ҳисобидан “Captiva-2” олганлар?
3) Нега 3 йилдан бери "Меҳр дафтари" жамғармаси бўйича шаффоф ҳисобот ва ҳисобдорлик йўқ. Айнан исталган мақсадларга пул чиқариб чайиш учун эмасми? Бу очилиб қолган биринчи ҳолатми? Очилмагани қанча? Эртага яна шундай ҳолат бўлса, навбатдаги баҳона ўлароқ нима дейилади? Ochish/sharhlash

2024-04-25 16:00:05 Қора бозорни қувиш йили

Тарихий карточка канали 2000 йил 25 апрелдаги долларнинг расмий курсини эслатмоқда. Унга кўра 1 АҚШ доллари 149,38 тийиндан иборат бўлган.

Лекин орадан 1 ҳафта ўтиб, 2000 йил 1 май куни долларнинг расмий курси 54,6%га сакраган ва 231 сўмни ташкил этган.

Ўзи 2000 йил қора бозорни қувиш йили сифатида ўтган. Йил давомида долларнинг курси 140 сўмдан 325 сўмгача, яъни 2,32 баробарига кўтарилган. Лекин Қора бозор курсига барибир яқинлаша олмаган (1 доллар 600-850 сўм атрофида бўлган).

Бутун 2000 йил "ана конвертация очилади, мана конвертация очилади" деган кутилмалар билан ўтган. Қора бозорни қувиш 2001 йилда ҳам давом этган. Ochish/sharhlash

2024-04-25 14:02:22 Тадбиркорлар учун "Бизнесни ривожлантириш банки"дан яна бир янгилик!

Банк тадбиркорлар учун "нақд пулда" 300 млн. сўмгача "Маҳалла тараққиёти" янги кредит маҳсулотини тақдим этади.

Кредит мақсади чегараланмаган ва маблағларни бизнеснинг хоҳлаган йўналишида ишлатиш мумкин. Кредитни 6 ойлик имтиёзли давр билан 3 йилгача олиш имкони мавжуд.

Бизнесни ривожлантириш банкнинг исталган хизмат кўрсатиш офисига ташриф буюринг. Банк юртимизнинг барча вилоятларида мавжуд.

Батафсил маълумот 1254 рақами ёки @brbsupport манзилида.

БРБ — тадбиркорлар банки!

Реклама Ochish/sharhlash

2024-04-25 13:30:36 "Биз захираларнинг таркибида ФРРУ улушини алоҳида кўрсатмаймиз". Ochish/sharhlash

2024-04-25 13:29:17 "Олтин захираларининг бир қисми ФРРУнинг пуллари". Ochish/sharhlash