🇺🇿Банкир кундалиги

2021-05-06 19:06:17 #Банкир_ёзмоқда

Имтиëзли кредитлар бўйича душанбадан буëн мониторинг текширувларида юрибман.

Жисмоний шахсларга ажратилган кредитларнинг 70-80 фоизи мақсадсиз ишлатилган. Афсус, шунча ресурс, шунча мехнат, шунча Президентимизнинг ишончи.

Энди бу пулларни кайтариш учун қанча азоби шўрпешона биз банкирлар зиммамизда.

@bankirkundaligi Ochish/sharhlash

2021-05-06 15:25:22 Олмазор тумани ҳокимига янги ўринбосар тайинланди

Банк тизимидан чиққан яна бир истиқболли кадр раҳбарлик лавозимига тайинланди.

Сарвар Исмаилов Олмазор тумани ҳокимининг инвестиция ва ташқи савдо масалалари бўйича ўринбосари бўлди.

Сарвар Исмаилов 1992 йилда Тошкент шаҳрида туғилган. 2015 йил Тошкент шаҳридаги Сингапур Менежментини ривожлантириш институтини ва 2020 йил Ўзбекистон Республикаси Президенти ҳузуридаги Давлат бошқаруви академиясини тамомлаган.

Мазкур лавозимга тайинлангунга қадар Ўзбекистон Республикаси Марказий банкининг Банк хизматлари истеъмолчилари ҳуқуқларини ҳимоя қилиш хизмати Банкларда мижозларга йўналтирилган хизмат кўрсатиш тизимини мувофиқлаштириш бошқармаси бошлиғи ўринбосари бўлиб фаолият юритган.

«Банкир кундалиги» каналига аъзо бўлинг Ochish/sharhlash

2021-05-06 12:01:35 ​​ ТЕМИР ДАФТАР, АЁЛЛАР ДАФТАРИ ЁКИ ЁШЛАР ДАФТАРИДА ТУРУВЧИЛАРГА ҚАНДАЙ КРЕДИТЛАР АЖРАТИЛАДИ?

Ўзбекистон Республикаси Вазирлар Маҳкамасининг "Моддий ёрдам ва кўмакка муҳтож оилаларни, хотин-қизлар ва ёшларни ижтимоий қўллаб-қувватлаш бўйича қўшимча чора-тадбирлар тўғрисида"ги 2021 йил 28 апрель, 250-сонли қарори тасдиқланди.

Унга кўра,

«Темир дафтар»нинг юритилиши бўйича Иқтисодий тараққиёт ва камбағалликни қисқартириш вазирлиги;

«Аёллар дафтари» юритилиши бўйича Маҳалла ва оилани қўллаб-қувватлаш вазирлиги;

«Ёшлар дафтари» юритилиши бўйича Ёшлар ишлари агентлиги масъул ҳисобланади.

«Темир дафтар»
«Темир дафтар»га киритилган оилаларни қўллаб-қувватлаш чоралари:

томорқадан даромад манбаи сифатида фойдаланишга кўмаклашиш — Фермер, деҳқон хўжаликлари ва томорқа ер эгаларини қўллаб-қувватлаш жамғармаси маблағлари, тижорат банклари кредитлари;

тадбиркорликни йўлга қўйиш ва кредит олишга кўмаклашиш — Оилавий тадбиркорликни ривожлантириш дастурлари, тижорат банклари, халқаро молия институтларидан жалб этиладиган кредит ва грантлар ҳисобидан молиялаштирилади.

«Аёллар дафтари»
Халқ банки «Аёллар дафтари»га киритилган хотин-қизларни тадбиркорликка жалб қилиш, уларга кредит олишда кўмаклашиш, бу масалада республикада ажратилган кредитларнинг статистик ҳисоботини юритиш ва кредит ажратилгандан сўнг уларнинг тадбиркорлигини ривожлантириш учун доимий қўллаб-қувватлаш борасидаги амалий ишларни мувофиқлаштиришга масъул ҳисобланади.

Кредитлар «Аёллар дафтари»га киритилган ва тадбиркорлик билан шуғулланиш истагида бўлган хотин-қизларнинг тадбиркорлигини йўлга қўйиш ва ривожлантиришга йўналтирилади.

Бунда кредитлар базавий ҳисоблаш миқдорининг 150 бараваригача миқдорда ажратилади.

Кредитларнинг фоиз ставкаси бўйича, истисно тариқасида, 2022 йил 1 январга қадар Марказий банкнинг асосий ставкаси белгиланади.

Кредитлар 6 ойгача имтиёзли давр билан 3 йилдан кўп бўлмаган муддатга ажратилади.

Кредитлар қарз олувчининг ссуда ҳисобварағидан кредит шартномасида белгиланган мақсадлар учун тегишли ташкилотларнинг банкдаги ҳисобварағига пул ўтказиш йўли билан ажратилади.

Кредитлар Микрокредитбанк, Агробанк ва Халқ банкининг туман (шаҳар) филиаллари томонидан «Аёллар дафтари»да ҳисобда турган хотин-қизларнинг фамилияси, исми, отасининг исми бўйича алфавит тартибида шакллантирилган қатъий навбат асосида ажратилади.

«Ёшлар дафтари»
Президентнинг 2020 йил 13 ноябрдаги ПҚ-4862-сон қарорига кўра, махсус сертификат олган ёшларга «Микрокредитбанк» томонидан микрокредит ажратилади:

тадбиркорлик ташаббусига эга жисмоний шахслар, шу жумладан ёшларга ўз бизнесини ташкил этиш учун 33 миллион сўмгача бўлган миқдордаги кредитлар таъминотсиз ажратилади;

микрофирма ва кичик корхона таъсис этган шахсларга учинчи шахс кафиллиги, суғурта полислари, кредит ҳисобига сотиб олинаётган мол-мулклар гарови, Жамғарма кафиллиги ва бошқа таъминот турлари асосида 225 миллион сўмгача миқдорда микрокредитлар ажратилади.

Кредитларнинг фоиз ставкаси МБнинг асосий ставкасида белгиланади.

Кредитлар 6 ойгача имтиёзли давр билан 3 йилдан кўп бўлмаган муддатга ажратилади.

Тижорат банклари томонидан ёшларга балиқчилик, қуёнчилик, паррандачилик, асаларичилик, мева-сабзавотчилик, узумчилик, тикувчилик, ҳунармандчилик ва бошқа илғор соҳаларда фаолиятларини ташкил этиш учун оилавий тадбиркорликни ривожлантириш дастурлари доирасида кредитлар ажратилади.

Кредитларни илгари олинган кредитлар ёки ҳар қандай бошқа қарзларни қайтаришга, шахсий эҳтиёж учун автотранспорт сотиб олишга, маъмурий харажатларни тўлашга, жумладан, автотранспорт воситасининг таъминоти, мебель, алоқа хизматлари тўлови ва уяли телефон сотиб олишга ҳамда қонун ҳужжатлари ва Марказий банкнинг қоидаларига кўра тақиқланган фаолиятларга ажратишга йўл қўйилмайди.

«Банкир кундалиги» каналига аъзо бўлинг Ochish/sharhlash

2021-05-05 18:15:03 ​​Бишкекда бировнинг номига кредит олган фирибгар ҳибсга олинган.

Бишкек Ички ишлари 39 ёшли фирибгарликда гумон қилинган шахсни қўлга олди. Тергов маълумотларига кўра, ҳибсга олинган шахс бошқаларнинг маълумотларини тақдим қилиб, банкдан кредит олган. Бу ҳақда Октябрь туман Ички ишлар бошқармаси матбуот хизмати хабар берди.

“22 апрель куни пойтахтнинг 7-микрорайонида жойлашган банклардан бирининг вакили Ички ишларга мурожаат қилади. У ўтган йилнинг кузида ўзини ёлғон исм билан таништириб, ҳужжатларни тақдим этган бир фирибгар ҳақида хабар берган. У банк филиалидан 100 минг сўм миқдорида кредит“, - дея хабар қилди матбуот хизмати.

Фирибгарлик ҳолати бўйича жиноят иши қўзғатилди. Гумондор топилиб, ҳибсга олинган. Маълум бўлишича, у Ички ишлар вазирлигида уюшган жиноий гуруҳлардан бирининг аъзоси сифатида рўйхатдан ўтган фуқаро экани аниқланган.

P. S.: Ушбу маълумотни чоп этишимиздан мақсад, мазкур фирибгарнинг сурати матбуотда эълон қилинган. Бизда ҳам шу тартибни жорий қилиш керакмикин.

«Банкир кундалиги» каналига аъзо бўлинг Ochish/sharhlash

2021-05-05 11:54:57 ​​ИМТИЁЗЛИ КРЕДИТ БОР ЭКАН ЎЗЛАШТИРИШ ТЎХТАМАЙДИ. ЯНА ЎЗЛАШТИРИШ, ЯНА КРЕДИТ.

Пискент туманида 500 млн сўм кредит маблағини ноқонуний ўзлаштирган МЧЖ раҳбарига нисбатан жиноят иши қўзғатилди.

Бош прокуратура ҳузуридаги Департаментнинг Пискент туман бўлими томонидан АТБ “Микрокредитбанк” Пискент филиалининг мурожаатига асосан ўтказилган терговга қадар текширувда, “A.D.” МЧЖ раҳбари Б.Х. банк филиалидан ускуналар сотиб олиш учун ажратилган 500 млн сўм кредитни ноқонуний ўзлаштириб, ўтказилган мониторингда аввалдан мавжуд бўлган эски асбоб-ускуналарини гўёки кредит маблағи эвазига сотиб олганлигини кўрсатганлиги аниқланган.

Мазкур ҳолат юзасидан Жиноят кодексининг 167-моддаси (талон-торож қилиш) ва 207-моддаси (мансабга совуққонлик билан қараш) билан жиноят иши қўзғатилиб, тергов ҳаракатлари ўтказилмоқда.



32 нафар фуқаронинг номидан кредит олишга эришган МЧЖ ҳисобчиси ва бошқаларга нисбатан жиноят иши қўзғатилди.

Бош прокуратура ҳузуридаги Департаментнинг Хоразм вилояти бошқармаси томонидан ўтказилган терговга қадар текширувда, “A” МЧЖ бош ҳисобчиси Ш.А. ва бошқалар олдиндан тил бириктириб, аслида МЧЖда ишламайдиган 32 нафар фуқаронинг номига уларнинг хабардорлигисиз, сохта маълумотларни тайёрлаб, тижорат банклари филиалларидан жами 1,2 млрд сўм кредит ажратилишига эришиб, ўзларининг эҳтиёжлари учун ишлатиб юборганликлари аниқланган.

Мазкур ҳолат юзасидан Ш.А. ва бошқаларга нисбатан Жиноят кодексининг 168-моддаси (фирибгарлик) ва 228-моддаси (ҳужжатларни қалбакилаштириш) билан жиноят иши қўзғатилиб, тергов ҳаракатлари ўтказилмоқда.

«Банкир кундалиги» каналига аъзо бўлинг Ochish/sharhlash

2021-05-05 08:55:46 Бугун, мамлакатимизнинг нуфузли банкларидан ҳисобланган, тиниб-тинчимас, ўзининг самимий жамоасига эга бўлган Микрокредитбанк АТБ ташкил этилганига 15 йил бўлди.

Шу қутлуғ сана билан банкнинг барча ходимларини ва раҳбариятини самимий муборакбод этамиз.

Бу банкка битта тариф:
ХАЛҚ ИЧИГА КИРГАН БАНК.

Яна бир бор байрамингиз билан.

@bankirkundaligi Ochish/sharhlash

2021-05-04 20:40:39 ​​Президент мажлис қилинмасин деганмиди ё карантин дейилармиди?

N1
Bugun soat 21-00da MB Boshligi Turobaka ZOOM orqali selektor qilar ekan. SHAXSAN OZINGIZ QATNASHAR EKANSIZ.
ID: 871 973 0867
PAROL: 12345678
SMSDI OLGAN BUSEZ JAVOB YOZIB YUBORING.

N2
Илтимос сиздан Қишлоққурилишбанк Сирдарё минтақавий филиали ҳар куни 21-00 да йиғилиш қилмоқда. Ахир рўза ойи бўлса каналда ёритиб бир ёрдам беринг.

Жонжигарим биз қандай ёрдам берамиз. Ҳамдардмиз.


Фарғона Марказий банкнинг 21:00 да бошлангани маълум қилинган Зумдаги мажлиси айни пайтда ҳам давом этмоқда. Биз ҳам нима гаплар бўлаётганига қизиқиб, кирамиз десак, администратори Музаффар Йўлдошев рухсат бермади. Расмда аниқ кўриниб турибдики мажлис соат 22:37 да ҳам давом этмоқда.

Бир соатдан ортиқ давом этмасин деган гаплар ҳам қаердадир қолиб кетди.

«Банкир кундалиги» каналига аъзо бўлинг Ochish/sharhlash

2021-02-14 17:48:56 Йиғилишсиз туролмаймиз...

Кеча, 13 феврал - шанба куни ҳам Бош вазир ўринбосарлари Ж.Қўчқоров Наманганда, Ш.Ғаниев республика бўйича йиғилишлар ўтказган.

Биз Президентимизни гапларини эслатишдан ҳеч қачон чарчамаймиз. Йиғилишни камайтиришни йўлини бизнинг раҳбарларимиз эплай олмаяпти. Президентимизнинг кўрсатмасини очиқчасига бузишмоқда. Яъни Президентимиз йиғилиш ўтказиш учун Бош вазир ҳамда Президент администрациясидан рухсат олиниши, шанба куни молия, солиқ, банкирларга йиғилиш қилмаслик, йиғилишни бир соатдан кўп вақт ўтказмасликни таъкидлаган. Кеча, шанба куни иккала раҳбарнинг йиғилиши ҳам бир соатдан узоқ давом этган ва банкирлар чақирилган. Шубҳаланганлар камераларни тилга киритиши мумкин.

Ҳар ҳолда Бош вазир ўринбосарлари йиғилишни тезроқ тугатишга ҳаракат қилган. Демак, танқидлар таъсир қилишни бошлаган.

Ж.Қўчқоров Намангандаги ишларни ҳар куни таъкидлашдан чарчамаяпти. Кечаги мажлисида сектор раҳбарларидан тижорат банкларининг айбларини сўраган. Демак, тижорат банклари "крайный" дея қаралишни бошланган, бу сигнал. Банкларнинг Бош офисларидан келганлар туманлардан селекторга қатнашмоқда. Душанба кунгача амалга ошириладиган топшириқлар берилган. Демак, Наманганда Якшанба куни ҳам тўлиқ таркибда ишланди.

Наманган бўйича келаётган мурожаатлар шуни кўрсатмоқдаки, Президент ташрифи кутилаётган вилоятда кредит ажратиш муаммолигича қолмоқда. Ҳайрон қолдиради ҳар қанақа одамни. Сабабини суриштирсак, вилоятдаги банкларга ресурслар етказилган. Ресурси мавжуд бўлмагани ҳам, уни маълум қилмай, минусга ҳам кредит ажратишга тайёр. Унда муаммо нимада! Муаммо ходимларда. Банк биносига кирсангиз, 7-8 та ходимни вазифасини битта ходим бажармоқда. Қолганлари "Маҳаллабай" ўрганишда.

Қош қўяман деб кўзни ўйишми! Банкларда мижозлар сарсон, кимга учрашни билмайди. Эртага Президентимиз келса, мана шу тизимни тақдим этаётганлар янги муаммоларни келтириб чиқараётганингизни ҳам айтиб ўтинг. Чунки, янги-тарқоқ мижозларни ўрганаман деб, эски-турғун мижозларни ишларини муаммога айлантирилмоқда. Тизимни яратишда ушбу омиллар ҳисобга олинмаган.

Муҳтарам Президент. Вазирлар пойтахтда ўтирмасин, вилоятларга борсин деган топшириғингизни эшитиб, барчамиз хурсанд бўлдик. Энди эса ўйлаб қолдик, булар топшириғингизни нотўғри тушунишган. Булар жойларга келса, ёрдам беришни хоҳламайди, мақсадлари ҳудудлардаги муаммони ҳал этиш эмас. Мақсадлари мавжуд муаммоларни турли йўллар билан аниқлаш. Турли жадваллар, слайдлар, тақдимотлар, ишчи гуруҳлар қилавериб, ҳаммани бездиришади.

Намангандаги масалаларни бизнинг @bankirmanbot га юборинг, умумий ҳолатни ёритиб борайлик.

Умуман "Маҳаллабай" тизим яратиш фикри жуда ажойиб. Муаммони пастдан олиб чиқилиши керак ҳақиқатдан ҳам. Лекин, бизнинг ижрочиларимиз топшириқни тўлиғича банк тизимига юклаб қўйишди. Ҳар бир МФЙга банк ходимини бириктириш талабини қайта кўриб чиқиш, банкдаги ишларни ҳам тизимли олиб бориш тизими ҳам инобатга олиниши керак деб ҳисоблаймиз.

«Банкир кундалиги» каналига аъзо бўлинг Ochish/sharhlash

2021-02-14 15:21:00 #Обуначи_минбари

Бугун якшанба. Бугунги кун - инсон иродасининг охирги қувватлари сарф бўлиб етиб келган жойимиз.

Ҳа, бугун якшанба. Чойхонада дам олиш ёки балиқ овига маршелло. Лекин, болалар билан биргаликда тайёрланадиган "дада шўрва" варианти ҳам ёмонмас.

Ичмайман, чекмайман. Китоб ўқийман. Ақллини ёқволиб, фейсбукда гулять қиламан. Кайфият миллион, маза-маза менга маза.

Оппоқ кўрпага ўраниб, шунақа хаёллар суриб ётганингда ишга чақириб қолишса борми? Вау, гбдш, бомба.

Хуллас, ишга кетаяпман, ишдаман хўмрайиб...

«Банкир кундалиги» каналига аъзо бўлинг Ochish/sharhlash

2021-02-14 14:21:42 САВОБ ИШНИ ҲАР КИМ ҲАР КУН ҚИЛИШ КЕРАК

Сардобада Халқ банки ходимлари савобли ишларни бошлашибди. Тумандаги Файзлиобод, Наврўз, Бўстон, Равот, Бирлашган ва Пахтакор маҳаллаларидаги 7 та оила ҳолидан хабар олишибди.

«Банкир кундалиги» каналига аъзо бўлинг Ochish/sharhlash