🇺🇿Банкир кундалиги

2024-05-01 16:47:51 КИТОБ ТУМАНИДА КРЕДИТ МАБЛАҒЛАРИНИ ЎЗЛАШТИРГАН БАНК БОШҚАРУВЧИСИ СОБИҚ ЎРИНБОСАРИ АНИҚЛАНДИ
 
Бош прокуратура ҳузуридаги Департаментнинг Китоб туман бўлими томонидан ўтказилган терговга қадар текширувда фуқаро О.Х. ҳудудий тижорат банки филиали бошқарувчиси ўринбосари лавозимида ишлаган даврида отаси С.Х. раҳбарлигидаги “С.Т.” деҳқон хўжалигига ушбу банк филиалидан ажратилган 300 млн. сўм кредит маблағини ўзлаштириш йўли билан талон-торож қилганликлари аниқланган.

Шунингдек, О.Х. фуқаро З.Х.га имтиёзли кредит ажратиб бериши эвазига 30 млн. сўмини ҳамда фуқаро Ч.М.нинг кредит қарздорлигини сўндириб қўйиш учун 15 млн. сўмини фирибгарлик йўли билан қўлга киритганлиги аниқланган.

Мазкур ҳолатлар юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.

@bankirkundaligi Ochish/sharhlash

2024-05-01 16:02:06 Ўзбекистон ва Малайзияда ташкил этиладиган малака ошириш курсига таклиф этамиз!

Ўзбекистон Республикаси Банк-молия академияси “Ислом банки ва молияси: Малайзиа тажрибаси” йўналиши бўйича 2 босқичли малака ошириш курсига таклиф этади.

Биринчи босқич Банк-молия академиясида 2024-йил 13–14-май кунлари соат 9.00 дан 17.00 гача ташкил этилади ва бир нафар иштирокчи учун курс нархи 2 100 000 (икки миллион бир юз) сўм этиб белгиланган.

Иккинчи босқич Куала-Лампур шаҳрида 15–27-май кунлари хорижлик амалиётчи экспертлар томонидан олиб борилади ва бир нафар иштирокчи учун курснинг нархи 1800 (бир минг саккиз юз) АҚШ долларини ташкил этади. Курс давомида иштирокчилар Малайзия Марказий банки, Малайзия Солиқ ва закот қўмитаси, Халқаро Исломий Ликвидлиликни Бошқариш ташкилоти, Малайзия қимматли қоғозлар ташкилоти ва Малайзия Банк Муамалат Ислом банки каби ташкилотлар амалиёти билан танишиш учун корпоратив ташрифлар ташкил этилади.

Ўқув дастури якунида сертификат берилади.

Стажировка дастури билан ушбу ҳавола орқали танишишингиз мумкин.

Рўйхатдан ўтиш

Батафсил маълумотларни https://t.me/BekzodS_4840 орқали олишингиз мумкин.

www.bfa.uz | Telegram | Facebook | Instagram | Youtube | Linked in Ochish/sharhlash

2024-05-01 15:16:40 ЯНГИЧА УСУЛМИ?

Бир неча кундан буён ижтимоий тармоқларда яширин иқтисодиётга қарши курашишга қаратилган Президент қарори лойиҳаси ишлаб чиқилгани, кимлардир кўриб чиқаётгани ҳақида шов-шувлар тарқатилмоқда. Ҳа, ўйлашимча, кимлардир буни ортига туриб олиб тарқаттирмоқда.

Қани, жамоатчилик нима деркин, қандай муносабатда бўларкин деб, катта-катта тармоқларда тарқатилмоқда. Нега, бу қарорни тасдиқлатишни янгича усулими?

Ҳали лойиҳаси ҳам эълон қилинмаган қарорнинг ҳар бир бандига урғу берилиб, Солиқ у қилмоқда, Марказий банк бу қилмоқда деб уқтирилмоқда.

Норматив-ҳуқуқий ҳужжатлар лойиҳалари муҳокамаси порталида бу ҳақида гап-сўз йўқ. Нега порталга жойланмасдан бу кўринишда муҳокама қилинмоқда? Нега шу қарорни ишлаб чиққанлар қарор лойиҳасини порталга жойламаган?

Агар тарқатилаётган хабарлар рост бўлса, яширин иқтисодиётни фақат чеклов билан эмас, қулайлаштириш билан қисқартиришга эътибор қаратишларига чақириб қоламиз.

Кўзга кўринган манбаларда тарқатилаётган хабарлар рост бўлса, ушбу қарор муҳокамага қўйилиши, янги усулда бошланган қарор қандай фикрларга сабаб бўлиши қизиқ, кузатамиз.

@bankirkundaligi Ochish/sharhlash

2024-05-01 12:52:55 Ар-Риёд шаҳрида бўлиб ўтаётган Ислом тараққиёт банки гуруҳи кенгашининг йиллик йиғилишида Трастбанк Бошқаруви Раиси С.Нормухамедов бошчилигидаги делегация аъзолари ҳам фаол қатнашмоқда.

Хусусан, Трастбанк ва Хусусий секторни ривожлантириш ислом Корпопацияси ўзаро англашув Меморандуми имзолади. Унга кўра, икки молия институти ўртасидаги ҳамкорлик янги босқичга кўтарилади. Халқаро ислом савдо-молия копорацияси билан ўтказилган учрашувда икки томонлама алоқаларни ривожлантириш, кичик ва ўрта бизнес лойиҳаларининг ислом шариати асосида молиялаштирилишига доир ҳамкорликни давом эттиришга келишиб олинди.

Трастбанк Ислом Тараққиёт банки гуруҳига кирувчи ислом корпорациялари билан ҳамкорликни 2018 йилда йўлга қўйган бўлиб, бугунги кунга қадар жами 64 млн АҚШ доллари миқдорида 6 та келишув имзоланган. Улар доирасида Республикамиздаги кичик ва ўрта бизнес субъектларининг жами 74 та лойиҳаси молиялаштирилган. Бу тадбиркорлик фаолиятини кенгайтириш ва янги иш ўринлари яратилишига хизмат қилмоқда.

@bankirkundaligi Ochish/sharhlash

2024-04-30 18:10:19 ЭНДИ НАВБАТ КУТУБХОНАГА

Президент маслаҳатчиси ўринбосари Тимур Ишметов «X» тармоғида тижорат банклари Тошкент шаҳридаги 100 та маҳаллада кутубхона ташкил этиш ҳаракатини бошлаганини, кутубхоналар 1 майдан бошлаб кетма-кет ишга туширилишини маълум қилди.

Улар маҳалла учун оммабоп масканга айланадими? Келажакда уларнинг сонини кўпайтириб, ягона тармоққа бирлаштириш мумкинми? Уларнинг узлуксиз ишлаши, китоблар билан тўлдириб турилиши қандай ташкил қилинади? Ушбу саволлар жавоби устида бош қотирамиз, ҳозирча бошлайверайлик - деб ёзади у.

Банкларга юкланаётган банкка оид бўлмаган ишларнинг фойдалироғи шу бўлса керак, чунки китоб ўқимай қўйдик. Ҳеч бўлмаса китобни яхши кўрувчиларга шароит яратайлик, улар китоб ўқисин.

@bankirkundaligi Ochish/sharhlash

2024-04-30 14:30:02 Ochish/sharhlash

2024-04-30 12:32:17 ОРИЕНТ ФИНАНС БАНК ИСЛОМ ТАРАҚҚИЁТ БАНКИ ГУРУҲИНИНГ АР-РИЁД ШАҲРИДА ЎТКАЗИЛГАН ЙИЛЛИК ЮБИЛЕЙ ЙИҒИЛИШИ ДОИРАСИДА ҲАМКОРЛИК КЕЛИШУВИНИ ИМЗОЛАДИ

Йиллик юбилей йиғилиши доирасида «Ориент Финанс» ХАТБ раҳбариятининг Хусусий секторни ривожлантириш бўйича Ислом корпорацияси (ХСРИК) ҳамда Савдони молиялаштириш ҳалқаро Ислом корпорацияси (ITFC) раҳбариятлари билан учрашувлари бўлиб ўтди.

Музокаралар натижасида, «Ориент Финанс» ХАТБ ҳамда Хусусий секторни ривожлантириш бўйича Ислом корпорацияси (ХСРИК) ўртасида молиялаштириш, инвестиция, техник кўмак ва маслаҳат хизматлари соҳаларида ҳамкорлик қилиш тўғрисида битим имзоланди ва унинг амалга оширилиши ҳар икки томон учун ҳам ўзаро манфаатли бўлиб, мамлакатимизнинг барқарор ижтимоий-иқтисодий ривожланишига ҳисса қўшади.

Шунингдек, Хусусий секторни ривожлантириш бўйича Ислом корпорацияси (ХСРИК) ҳамда Савдони молиялаштириш ҳалқаро Ислом корпорацияси (ITFC) раҳбариятлари ташкилотларимиз ўртасидаги узоқ муддатли ҳамкорлик учун миннатдорчилик билдириб, келажакда «Ориент Финанс» ХАТБ билан самарали ҳамкорлик қилишга ишонч билдирдилар.

@bankirkundaligi Ochish/sharhlash

2024-04-30 10:31:11 ХАЛҚ БАНКИ МАСЪУЛЛАРИ САВОЛЛАРИНГИЗГА ЖОНЛИ ЭФИРДА ТЎҒРИДАН-ТЎҒРИ ЖАВОБ БЕРАДИ 

Эртага — 1 май, соат 15:00 да Халқ банкининг расмий саҳифаларида навбатдаги «Халқ банки билан бизнесга биринчи қадам» мавзусидаги жонли эфир бўлиб ўтади.

Ҳозирда Халқ банкида ўзини ўзи банд қилган ҳамда бизнесини янги ташкил қилган шахслар тадбиркорлигини ривожлантириш, мижозларни микромолиявий қўллаб-қувватлаш мақсадида қуйидаги кредитлар ажратилмоқда:

Онлайн кўмак
Молиявий оммабоп
Молиявий кўмак 100

Мавзу юзасидан ўзингизни қизиқтирган саволларга масъуллардан шахсан жавоб олиш мумкин бўлган эркин форматдаги учрашувни ўтказиб юборманг.

Онлайн эфирда қатнашиш учун банк расмий саҳифалари

Facebook | Instagram | Youtube | Telegram

@bankirkundaligi Ochish/sharhlash

2024-04-30 07:09:09 БУГУН ОЙНИНГ ОХИРГИ ИШ КУНИ

МИЖОЗЛАРГА ОЙ ЯКУНИДАГИ ЭСЛАТМА!

Кредитларни вақтида тўламаётган мижозларга инсоф берсин. Ўзидан ҳам қарз олган одамлари бермай қийнасин.

Қарзимни бер, деб сўраб борса, бетига эшикни "қарс" этиб ёпиб қўйсин. Орқасидан казо-казо одамларни телефон қилдириб ҳижолатда қолдирсин.

У кредитни қайтармаётгани учун кредит ололмаётган бошқа тадбиркорларнинг қарғиши банкирларга эмас, тўғри ўшандайларга бориб тегсин.

Хуллас, биз банкирларга нима қилса, ўзига ҳам ҳудди шундай қилишсин, қиладиям Худо хоҳласа.

Мана шундай мижозларга ушбу постни ҳар ой юбориб ҚАЙТАР ДУНЁ эканини эслатиб қўяверинг. Ҳаммамизга яхши бўлади.

Тартибли, интизомли мижозларга тегишли эмас.

@bankirkundaligi Ochish/sharhlash

2024-04-29 18:30:58 Ochish/sharhlash