Kanal manzili:
Toifalar:
Iltimoslar
Til: Oʻzbek tili
Obunachilar:
12.23K
Kanalning ta’rifi
Юридик соҳада кўп йиллик тажрибага эга юрист Мадина СайдиУсмонованинг шахсий блогига хуш келибсиз. Каналда фалсафий - руҳий мавзусидаги ўз фикрларим, ва қарашлар билан бўлишиб бораман..
Меҳмоним бўлинг!
Мурожаатлар учун: @yurist_xonim_admini
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
1
2 stars
0
1 stars
1
Oxirgi xabar 9
2023-05-09 14:58:04
Аёл кўзгудир.......
Агар хотинсифат эркак бўлмаса, эркаксифат аёл юзага келмас эди.
Агар тушунмайдиган эркак бўлмаса, асабий аёл ҳам бўлмас эди.
Агар меҳр ва ҳиссиёт улашишда бахил эркак бўлмаса, беэътибор хотин ҳам бўлмас эди.
Агар қаттиққўл эр бўлмаса, исёнкор хотин ҳам бўлмас эди.
Агар эрнинг эркаклик ҳисси кучайса, хотиннинг ҳам аёллик латофати ўз ўрнига қайтади.
Агар эр тушунишни бошласа, хотиндаги асабийлик ҳам барҳам топади.
Агар эр севишни бошласа, хотинда ҳам нозиклик ва мулойимлик ўрнашади.
Агар эр мулойимлик билан бир иш талаб қилса, хотин ҳам ўзи истамасада итоат қила бошлайди.
Бу сўзларни ёзиш билан лаганбардорлик қилмоқда, деб ўйлайсизларми....?
Лекин бу айни ҳақиқатдир. Эркакнинг эркаклиги хотин устидан ҳақиқий маънодаги бошлиқлигидир. Яъни, унга яхши муомалада бўлади, оқибатда хотин ҳам эр хоҳлаганидек ҳолатда бўлади.
Аёл кишини араб тилида "мар'атун", дейилади. Буни "мир'отун" ўзагидан олинган. "Мир'отун" сўзининг маъноси акс этувчи кўзгудир. Агар эрнинг нафси муҳаббатга тўлса, ушбу муҳаббат хотин руҳиятида ўз аксини топади.
Илгари ҳар бир буюк шахснинг ортида аёл бор, дейилар эди. Аслида, ҳар бир бахтли ва муваффақиятга эришган аёл ортида ҳақиқий эркак туради, дейиш тўғри бўлади....
Kanalga ulanish
@yuristxonimdaftari
7.7K viewsedited 11:58
2023-05-09 09:21:01
Роббинг ижобат қилишни хоҳлайди, аслида сен сўрашни билмайсан......
“Қалбингни йиғлатган ҳаётдан ноумид бўлма!
Эй Аллоҳ, менга яхшиликни эваз қилиб бер, деб айт.
Маҳзунлик биргина сажда билан кетиб қолади. Шодлик битта дуо билан қайтиб келади” - дедилар шайх Шаъровий...
Ушбу видео роликни кўзларимда ёш билан томоша қилдим. Биласизми нега...? Камина "Yurist xonim" ҳаётида ҳам шундай мўжизалар жуда кўп содир бўлар эди....
Умр ҳикоямнинг энг оғриқли дамларида, Аллоҳ кимнидир сабабчи қилиб юборар, маҳзун лаҳзаларимни бир зумда қувончга тўлдирар эди...
Meнинг Роббим шундай осий бўлсак-да, ўз бандасини мусибатда ёлғиз қолдирмас....
Дуо қилишдан,
Роббингизга таваккал қилишдан тўхтаманг Азизларим!!!
"Yurist xonim"
Kanalga ulanish
@yuristxonimdaftari
7.3K viewsedited 06:21
2023-05-09 06:30:38
Ризқингиз.......
“Сеники бўлган нарса заиф бўлсангда, сенга келади. Сеники бўлмаган нарсага кучли бўлсангда эриша олмайсан!”.
Биз ризқнинг маъносини тор олганмиз. Уни фақат молда деб ўйлаймиз. Бу хатодир ва ризқ мазмунига юзаки қарашдир. Кўп ризқлар борки, биз уларни ризқ санамаймиз.
Чунки биз фақатгина чўнтакка кирган нарсани ризқ деб, ўйлаб қолганмиз. Гўёки бошқа нарса ризқ эмас.
Оламда қалби тош хотинлар кўп. Аммо сени уйда кутиб ўтирадиган меҳрибон умр йўлдошинг ҳам ризқингдир.
Дунёда қалби қаттиқ эркаклар кўп. Агар сени ҳимоя қиладиган суюкли эринг бўлса, бу ҳам сенинг ризқингдир. Ота-онасига оқ фарзандлар тиқилиб ётибди. Агар сенинг солиҳ фарзандларинг бўлса, бу ҳам сенинг ризқингдир.
Қанча-қанча кўзлар ухлай олмайди. Агар сен кечаси яхши ухлаётган бўлсанг, бу ҳам сенинг ризқингдир. Атрофинг тўла бемор. Агар сен соғ ва саломат бўлсанг, бу ҳам сенинг ризқинг.
Дунёда оёғи кесилганлар кўп. Сенинг оёғинг бутун бўлса, бу ҳам сенинг ризқинг.
Атрофингда кўрлар кўп. Сенинг кўзларинг очиқ бўлса, бу ҳам сенинг ризқингдир. Сенинг меҳрибон онанг бор. Қанча-қанча болаларнинг онаси йўқ. Бу ҳам сенинг ризқингдир. Етимлар дунёни тўлдириб турганида сенинг отанг бор. Бу ҳам сенинг ризқингдир.
Сен мусулмонсан. Атрофингда олти миллиард инсон дўзахга тушмоқда.
Бу ҳам сенинг ризқингдир.
Ер юзидаги кўп аёллар дўзахга кирмоқда. Сен эса Роббингга итоат қилмоқдасан. Бу ҳам сенинг ризқингдир. Сайёранинг кўп жойларида кишилар очликдан ўлмоқда. Сенинг эса ейишга бир неча хил таоминг бор. Бу ҳам сенинг ризқингдир.
Қанча-қанча аёллар кўчаларда тунашаяпти. Сенинг эса тунайдиган уйинг бор. Азизим, бу ҳам сенинг ризқингдир. Атрофингда биродарларинг бор. Оламда эса ёлғиз инсонлар қанча!
Бу ҳам сенинг ризқингдир.
Фарзандларингни кўксингга босаяпсан. Қанча-қанча оналар гулдек фарзандларини қабрга қўйишган. Бу ҳам сенинг ризқингдир.
Башариятнинг ярми ўқишни билмайди. Сен эса ўқишни биласан. Бу ҳам сенинг ризқингдир. Сенда овқат пиширишни ўргатадиган китобинг бор. Қанча –қанча аёллар овқат қилишга масаллиқ топа олишмайди. Бу ҳам сенинг ризқингдир. Фарзандинг мактабга борганида, қайтмаслигидан хавотир олиб, қўлингни қалбинг устига қўйишинг ҳам ризқдир.
Қанча-қанча беморлар овқат ейишдан маҳрум бўлишганда, сенинг иштаҳа билан овқат ейишинг ҳам ризқдир.
Қанча-қанча аёллар болаларига нонушта топиб бера олишмаётган пайтда, сен эрталаб қаҳва ичиб ўтиришинг ҳам ризқдир.
Оламда кўп ризқлар борки, уларнинг қийматини мол билан ўлчаб бўлмайди. Аллоҳ сенга тақсим қилиб берган ризққа рози бўл, ана шунда энг бой инсон бўласан.
Бошқалар қўлидаги нарсаларга боқма , саодатли бўласан, дедилар Шайх Шаъровий роҳимаҳуллоҳ.....
Kanalga ulanish
@yuristxonimdaftari
9.5K viewsedited 03:30
2023-05-08 18:45:35
Ягона айбингиз.....
Гоҳида бу ҳаётдаги битта "айбингиз" софдил, соддадил бўлишингиздадир....
Биласизми, инсоннинг қалбига таскин бўлувчи минглаб жумлалар мавжуд... Аммо бири бор, унинг ўрнини ҳеч бир жумла боса олмайди..
Аллоҳ бор.....
Kanalga ulanish
@yuristxonimdaftari
5.5K views15:45
2023-05-08 14:29:44
Келинг, яна ўша сизга маълум япон таълим тизимининг муваффақиятлари хақида тўхталамиз...
Мактаб ўқитувчиси дарс вақтида болаларнинг ота-оналари, уларни боқиш ва ўқишлари учун муносиб шароитни яратиш учун қандай тер тўкиб меҳнат қилаётганлиги ҳақидаги ибратли видео ролик тайёрлади. Тасвирда кўриб турганингиздек, айрим болалар оталарини бу аҳволда кўриб кўз ёшларини беркитолмади....
Бу видеони томоша қилар эканман, яна бир бор балли японлар ва баракалла устоз дегим келди....!!!
Бизнинг мактабларда ҳам фарзандларимизга биз, ота-оналар ҳақимиздаги шундай ибратли видео роликларни тез-тез намойиш қилиниши балки, фарзандларимизнинг ҳаёт ҳақидаги фикрларини яхши тарафга ўзгариши, неъматларни қадрига етиш ва чуқурроқ илм олишида манфаатли бўлар.......
Албатта фикрларингизни изоҳларда кутиб қоламан...
"Yuristxonim"
Kanalga ulanish
@yuristxonimdaftari
8.7K viewsedited 11:29
2023-04-27 06:01:44
Тавсия....
Йигитлар! Намозхон қизларга уйланинг! Зотан, Aллоҳга бўйн эгмаган, сизга бўйн эгармидилар..
┈┈•┈┈•⊰✿✿⊱•┈┈•┈┈•
Қизлар! Ибодатгўй одамга турмушга чиқинг! Зеро, Aллоҳнинг ҳаққини адо этмаган йигит, вақти келиб эр бўлганида, сизни ҳаққингизни адо этармидилар...
Kanalga ulanish
@yuristxonimdaftari
225 viewsedited 03:01
2023-04-27 02:08:45
Гўзал тақдир ила рози қилгай...
Аллоҳ субҳанаҳу ва таоло осий бандасидан кечип кетмайди. Балки, унга тавба эшигини очиб у сайин етаклаб боради. Ундан тавба қилишини ва Аллоҳга қайтишини талаб қилади. Шу тарзда уни гуноҳини мағфират қилади. Чунки Аллоҳ, меҳрибон ва раҳмлидир, дедилар шайх Шаъровий...
Дарҳақиқат, ухлаганимиздан кегин, соғ саломат холатимизда кўзимизни очишликни насиб қилган Аллоҳга ҳамду-санолар бўлсин.
Зеро, қанчалаган кўзлар уйқуга кетиб қайта уйғонмадилар...
Унутманг, ким-ки Аллоҳнинг тақдир қилиб қўйганига рози бўлса, Аллоҳ уни гўзал тақдир ила рози қилгай...!
Сабр қилинг!!!
Якуни албатта, гўзал бўлади...
Гўзал бўлмадими...
Демак, бу якуни эмас....
"Yurist xonim"
Kanalga ulanish
@yuristxonimdaftari
1.7K views23:08
2023-04-26 17:15:37
Соф ҳикмат cири....
Америкалик олимларни лол қолдирган....
Америкада икки аёл бир вақтнинг ўзида фарзанд кўришибди. Бири ўғил, бири қиз фарзанд экан. Ҳамшираларнинг хатоси туфайли ким ўғил, ким қиз туққанини адаштириб қўйишибди ва қонларидан ДНК текшируви ўтказишибди. Натижалар шу даражада яқин эканки, муаммони ҳал қилолмабдилар. Ҳайратда қолибдилар. Икки аёл ҳам ўғил туққанини даво қилиб, оёқ тираб туриб олишибди... Докторлар ўзларидан ҳам юқорироқ тажрибага эга маъсулларга бу хабарни етказишибди. Маъсулларга хабар келганда, буни мусулмонлардан бошқаси ҳал қила олмайди дейишибди ва Саудия Арабистони мамлакатидаги дин олимларидан бирига қўнғироқ қилишибди. Суҳбат шундай кечибди.
Америкалик: - Динингизда ҳар бир муаммони ечими борлигини даъво қиласизлар-а?
Олим: - Худди шундай, - деди.
Америкалик воқеани айтиб берди.
Олим: - Ечими - жуда оддий. Ҳар бир аёлнинг сутидан бир неча томчи олиб, уни текширтиринглар. Қайси бирининг сути озуқавий моддаларга бой, тўйимли бўлса, ўғил ўшаники. Қайси бириникида озуқавий моддалари озроқ бўлса, ўша қиз туққан бўлади, - деди. Докторлар икки аёлнинг ҳам сутларидан намуналар олишди ва жуда ҳам синчковлик билан текширишди. Натижа маълум бўлди. Ким ўғил, ким қиз туққанини билишди. Бу ишдан жуда ҳам ажабланишди ва яна олимга қўнғироқ қилиб:
- Сизлар ўғил туққан аёлнинг сути, қиз туққаникидан кўра озуқавий моддаларга бой эканини қаердан биласизлар? - деб сўрашибди.
Олим: Буни Қуръондаги оят исботлаб турибди. «Аллоҳ Таоло шундай шундай деди: "Бир ўғилнинг насибаси, икки қизнинг насибасичадир". (Нисо: 11), - деди».
Kanalga ulanish
@yuristxonimdaftari
5.0K viewsedited 14:15
2023-04-26 09:10:23
Тафаккур вақти....
Шайх Аҳмад Ёсин ногирон бўлсаларда, Қуръонни ҳар тўрт кунда хатм қилардилар.
Ўғиллари қўли фалаж отага Қуръон саҳифаларини варақлаб берарди.
Тунлардан бирида ўғил бироз ухлаб, уйғониб кетди.
Шу вақт қараса, ота Қуръонни тил билан варақлашга уринаётган эдилар.....
Бахтингизни уч неъматдан: Намоз лаҳзаларидан, Қуръон мутолаасидан ва Аллоҳни зикр этишдан қидиринг!!!
Агар мазкур уч неъматнинг бирортасидан бахтни тополмасангиз, билинг-ки, бахт эшиклари сиз учун ёпиқдир”- дедилар Ҳасан Басрий...
Ҳўш, қани айтинг-чи қадрлиларим, сиз бу неъматларнинг қай биридан бахт топдингиз....
Kanalga ulanish
@yuristxonimdaftari
3.8K views06:10
2023-04-26 03:57:03
Буни муҳаббат дерлар...
Бири, "У менинг тақдиримми.....?" дея истиҳора намозини ўқир...
Яна бири эса, "У менинг тақдирим бўлсин" дея таҳажжуд намозларини канда қилмас эди ....
Яна қайси биридир, туни билан сен сабабли кўз ёш тўкиб юрак бағрини ўртар, бироқ, бомдодда Сени жазоламасликни сўраб Роббисига фарёд қилар эди..
Кимнидир гўзаллиги, чиройи учун яхши кўрсанг, бу севги эмас, шаҳватдир.
Кимнидир заковати учун яхши кўрсанг, бу муҳаббат эмас, ҳайратдир.
Кимнидир бойлиги учун яхши кўрсанг, бу ҳам муҳаббат эмас, балки моддапарастликдир.
Кимнидир ўз наздингда яхши бўлгани учун яхши кўрсанг, бу ҳам севги эмас, балки ҳис-туйғуларингдан миннатдорлигингдир.
Аммо яхши кўрган кишингни нима учун яхши кўришингни ўзинг ҳам билмасанг, мана шу ҳақиқий севгидир- дедилар уламолар...
"Yurist xonim"
Kanalga ulanish
@yuristxonimdaftari
3.9K views00:57
