Kanal manzili:
Toifalar:
Iltimoslar
Til: Oʻzbek tili
Obunachilar:
12.23K
Kanalning ta’rifi
Юридик соҳада кўп йиллик тажрибага эга юрист Мадина СайдиУсмонованинг шахсий блогига хуш келибсиз. Каналда фалсафий - руҳий мавзусидаги ўз фикрларим, ва қарашлар билан бўлишиб бораман..
Меҳмоним бўлинг!
Мурожаатлар учун: @yurist_xonim_admini
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
1
2 stars
0
1 stars
1
Oxirgi xabar 8
2023-05-11 18:23:31
Ҳазрати аёл......
Олимларимиздан бири дарсларининг бирида ажойиб ҳикояни айтиб берди...
У дўстларидан бирини зиёрат қилиш учун борди. Дўстини ғамдан гангиб қолган, ниҳоятда қайғули ҳолда кўрди. Ундан бу хафагарчиликнинг сабабини сўраганда, дўсти йиғлаб юборди. Сўнг: - “Тақсир, аёлим касал. Уч кундан бери унинг тепасида қараб ўтирибман” - деди.Олим айтади: - “Унинг бу қадар қаттиқ изтиробини ва йиғлашини кўриб ҳайрон бўлдим”.
Шунда у: - “Тақсир, эҳтимол аёлим учун изтироб чекиб, кўз ёш тўкишим сизга ғалати кўринаётгандир. Агар сиз у ҳақда мен билган нарсани билганингизда, мени бу қадар унга қайғураётганимдан ҳайрон бўлмас эдингиз” – деди.
Олим айтади: - “У ниҳоятда фақир киши бўлиб, ўзини эҳтиёжини ҳам қоплай олмайдиган оддий, унча эътиборли бўлмаган бир вазифада ишлар эди. Кунларнинг бирида, Аллоҳнинг инояти ила бир обрў - эътиборли давлатманд киши, унинг омонатдорлиги ва диёнатини кўриб, агар истаса, унга ўз қизини никоҳлаб беришини таклиф қилганини айтди. Тўй бўлиб ўтди. Жуфти ҳалоли, унинг ҳаётини жаннатга айлантирадиган даражада ниҳоятда солиҳа аёл эди. Кунларнинг бирида унинг отаси менинг олдимга келиб:- “Эй йигит, Аллоҳдан қўрқ! Хотининг учун бироз нон, пишлоқ, қалампир ва ловия ҳам сотиб олиб бер. Ҳадеб гўштни кўпайтирма. У гўшт – ёғ ва меваларга тўйган” - деди. Ҳалиги киши: - “Унинг гапларини эшитиб ҳайратда қолдим. Унга нима деб жавоб беришимни ҳам билмас эдим. Бу гапи билан нима демоқчи бўлганини тушунолмай хотинимни олдига келиб, унга отасидан эшитган гапларимни айтдим ва отасининг нима учун бундай деганининг сабабини сўрадим”. Аёлимнинг жавобини эшитиб, оёқларим титраб кетди. У ҳар сафар отасининг уйига борган вақтда унинг олдига гўшт ва ёғли таомлар, турли мевалар келтирилса: - “Мен бундай таомлардан кўп еганман. Эрим бундай таомларни сероб қилганлиги учун буларни истеъмол қилишни истамайман. Гўшт ва ёғли таомлардан тўйдим. Пишлоқ, қалампир, ловия ва шунга ўхшаш нарсаларни кўнглим тусаяпти” - дер эди. Лекин аслида эрининг уйида бир ёки икки ойда бир марта гўштни кўрар, улар одатда нон, пишлоқ, қалампир ва ловия каби оддий емишлар билан кун кечиришарди. Эрининг топиш - тутиши яхши бўлмаганлиги учун бир амаллаб рўзғор тебратишарди. Аёли эса ота-онаси ва қариндошлари олдида эрининг обрўсини сақлар, бошқалар олдида унинг шаънини юксак мақомга кўтарар эди. Етишмовчилик ва очлик машаққатларига сабр қилар, бирорта инсон эрини ҳожатмандлиги ва фақирлиги сабаб камситишига рози бўлмас эди. Келиб чиқиши бадавлат хонадондан бўлишига қарамай, эрининг топганига сабр қиладиган солиҳа аёл эди.
Ҳалиги киши, олимга қараб:
- “Тақсир, мана энди аёлим учун қайғуришим ва у учун кўз ёш тўкишимнинг сабабини билдингиз. Бу унинг битта фазилати, холос, мен унинг одоб-ахлоқи, намози, рўзаси, тақвоси, менга ва бошқаларга чиройли муносабатда бўлиши ҳақида ҳали сўз очмадим” - деди. Олим бошини қуйи солганча, унинг гапларини эшитди. Сўнг чин дилдан дўсти ва унинг оиласи ҳаққига дуо қилди.
Пайғамбар соллаллоҳу алайҳи васаллам айтганларки: “Қайси аёл вафот этса-ю, эри ундан рози бўлса, жаннатга киради”. (Термизий, Ҳоким ривояти)
Kanalga ulanish
@yuristxonimdaftari
5.4K viewsedited 15:23
2023-05-11 15:37:23
Уммат оналарини кечиринг......
Фарзандларни гўзал тарбиялашнинг энг қисқа йўли уларга Расулуллоҳ алайҳиссаломни севдириб қўйишдир. Чунки киши маҳбубининг айтганини қилади. У зот алайҳиссалом ҳақида эса Аллоҳ таоло: «Албатта, Сиз буюк хулқ узрадирсиз!», деган.
Шундай экан, агар фарзандларимизни пайғамбар алайҳиссаломга муҳаббат қўйдира олсак, улар у зотнинг айтганини қилишади, у зотдан ўрнак олишади ва натижада энг гўзал ахлоқ билан музайян бўлишади.....
«Ҳикматлар чашмаси»дан
Видео роликни кўрар эканман, Уммат келажаги сабаб қайғуга ботдим....
Биз уммат оналарини кечиринг, Ё Расулуллоҳ соллаллоҳу алайҳи васаллам......
"Yurist xonim"
Kanalga ulanish
@yuristxonimdaftari
5.7K viewsedited 12:37
2023-05-11 09:28:04
Чунки улар орқадалар......
Ҳаётингизда маҳкам тутишинг керак бўлган энг ажойиб ҳикмат – Сиз ҳақингизда айтиладиган гапларга аҳамият бермаслигингиздир...
Кимлигингизни бошқалардан кўра ўзингиз яхшироқ биласиз, Аллоҳ эса сизнинг ҳолатингизни ва ниятингизни ўзингиздан ҳам яхшироқ билади...
Шундай экан қилаётган ишларингизни оқлаб, қадру- қимматингизни тушириб юрманг..
Тан олишимиз керак-ки, агар ҳаётимизда шундай ортимиздан бизни эсловчи, муҳокама қилишни ҳуш кўрувчи "дўст ва дугоналармиз" бўлмаганларида эди, биз ҳозиргидек мувaффақиятли, кучли ва иродали бўлмас эдик.....
Шундай эмасми....
Қадрлигим! Ортингиздан гапирадилар. Чунки улар чиндан ҳам сиздан орқада-да!
Kanalga ulanish
@yuristxonimdaftari
5.2K views06:28
2023-05-11 07:44:05
Қиссаларнинг энг яхшиси....
Нима учун Юсуф сураси "қиссаларининг энг яхшиси" деб номланган биласизми..
Чунки бу сура бизга қамоқдаги маҳбус, албатта, бир кун озодликка чиқишини;
Бемор вақти келиб шифо топишини;
Ғойиб бўлган киши куни келиб қайтишини;
Маҳзун киши фурсати етиб шод бўлишини;
Ғам вақт ўтиб аришини;
Мўминнинг бошига тушган балонинг барчаси хайр эканини ўргатди.
Али розияллоҳу анҳу айтадиларки. Аслида, сеники бўлмаган нарсалар учун маҳзун бўлма. Қисматингда бор бўлса, вақти келиб улар сени топиб келади. Аслида, барча нарсалар келиб кетгувчидир.Эй кўнгил, қара бир оз аввал олган нафасинг ҳам келди-ю кетти...
Аллоҳ бор экан умидни узманг, Унга ишонинг. Раҳмон ва Раҳим бўлган зотга яхши гумонда бўлинг!Kanalga ulanish
@yuristxonimdaftari
6.2K viewsedited 04:44
2023-05-10 19:09:35
Муҳаббат ила ....
Шундай вақтлар бўладики, мол-дунёнинг қиймати қолмайди, муваффақиятнинг қиймати қолмайди, мансабларнинг қиймати қолмайди.
Аммо муҳаббатнинг қиймати ҳеч замон йўқолмайди, дедилар Айман Ёғий....
Сенга нисбатан ноҳақлик қилган ҳеч кимсадан жаҳлинг чиқмасин!
Аксинча сенга садоқатни ўргатганлари учун, сенга хиёнат қилганларга ташаккур эт!
Рост ва ёлғонни ажрата олишлик имкониятини берган ёлғончилардан, миннатдор бўл!
Бахтиёрликни янада чуқурроқ ҳис эттирганлари ва ҳар кимнинг ҳаётига муҳаббат тушунчаларини олиб кирганлари учун, сени бахтиёр эта олмаганларни дуои хайр қил!
"Қора" лар "оқ"ни фарқлаш учундир...
Ҳаёт мана шу сабаблар билан яна ҳам гўзалдир, дедилар Румий......
Kanalga ulanish
@yuristxonimdaftari
5.4K views16:09
2023-05-10 17:27:12
Аллоҳнинг раҳмати....
Бир киши онасининг вафоти ҳақида ёзяпти: “Аллоҳнинг раҳмати Аллоҳнинг раҳматига кетди!"
У онасини “Аллоҳнинг раҳмати" деб билар экан! Машааллоҳ....!
Мен ҳам шу лаҳзаларда "Аллоҳимнинг раҳмати"ни жуда соғиндим.......
Kanalga ulanish
@yuristxonimdaftari
5.1K viewsedited 14:27
2023-05-10 13:51:29
Жаннат хасис учун ҳаромдир......
Аллоҳ таоло агар бандага яхшиликни ирода қилса, унга эҳсон-саховатни яхши кўрсатиб, (у амални) севдириб қўяди. Чунки жаннат ҳар бир бахил, хасис учун ҳаромдир. Қачонки Аллоҳ таоло бандага фатҳни ирода қилса, уни белгилаган тақдири, қазосига рози қилиб қўяди, дедилар Шайх Аҳмад Ризвон.
Дунё қуйидаги беш нарсани сендан ўғирлаб олишига йўл қўйма:
Роббинг билан бўладиган мусаффо лаҳзалар.
Ота онангга яхшилик қилишинг, уларга мурувват кўрсатишинг.
Оилангга муҳаббат қилишинг.
Атрофингдагиларга яхшилик, эҳсон қилишинг.
Амалингдаги ихлос.
Албатта видео роликни томоша қилинг...
"Yuristxonim"
Kanalga ulanish
@yuristxonimdaftari
5.6K views10:51
2023-05-10 10:40:42
Бир дақиқада, олти минг юз дона яхшилик килишингиз мумкинлигини билармидингиз..
Бир дақиқада Фотиҳа сурасини беш марта бемалол ўқиш мумкин бўлади.Фотиҳа сурасида 122 та ҳарф бор.
Бир ҳарфга эса 10 та яхшилик ваъда қилинган. 122х10=1220 та яхшилик Фотиҳа сурасини бир марта ўқишга берилади.
Агар сиз 5 марта бу улуғ сурани ўқисангиз, 1220х5=6100 та яхшиликга эришасиз. Бунча яхшиликни сиз бор йўғи бир дақиқада қўлга киритасиз.
Агар сиз ҳар куни бир дақиқада Фотиҳа сурасини беш марта ўқиб олсангиз, номаи аъмолингизга қуйидагича яхшиликлар ёзилиб боради:
Бир кунда – 6100 та яхшилик.
Бир ойда – 6100х30=183000 та яхшилик.
Бир йилда – 183000х12= 2196000 та яхшилик.
25 йилда – 54900000 та яхшилик.
Далил: Имом Термизий ривоят қилган ҳадисда Набий соллаллоҳу алайҳи васаллам: “Қуръони каримнинг ҳар бир ҳарфини ўқишга бир яхшилик бор. Ҳар бир яхшилик ўнта яхшиликга тенгдир” деганлар.
"Яхшиликлар тоғи" китобидан....
Kanalga ulanish
@yuristxonimdaftari
6.9K viewsedited 07:40
2023-05-10 05:40:32
Дунё бир тоғ кабидир
Бу дунё бир тоғ кабидир. Унга қандай садо берсанг, у ҳам сенга худди ўша садони қайтаради. Оғзингдан хайрли бир сўз чиқса, хайрли сўз жаранглайди. Ёмон сўз чиқса, орқама кетин ёмон сўз жаранглайди. Шундай экан, кимки сенинг ҳақингда ёмон сўз сўзласа, сен у инсон ҳақида қирқ кеча-кундуз фақатгина гўзал сўзлар сўзла. Қирқ кундан сўнг, барча нарсани ўзгарганини кўрасан. Агар сенинг кўнглинг ўзгарса, бутун дунё ўзгаради..
Қилган ёмонликларингдан, ишлаган гуноҳларингдан пушаймон бўлиб, жон-дилдан "Аллоҳ" деган вақтингда, сени балолардан қутқариш учун сенинг ёрдамингга етишган, сенга у туйғуларни берган,
Ўзини ҳис этдирган Удир", дедилар Жалолиддин Румий...
Азизларим, Карийм Зотдан умид қилган ҳолда осмон эшикларини қоқинг! У Зотдан сўровчи кимса асло ноумид бўлмас!
Kanalga ulanish
@yuristxonimdaftari
6.4K views02:40
2023-05-09 19:11:17
Сен.......
Бу кўнгилни шодликларга тўлдиргувчи Сен....
Ўлдиргувчи ёки хуррам қилдиргувчи - Сен....
Kanalga ulanish
@yuristxonimdaftari
4.7K views16:11
