Kanal manzili:
Toifalar:
Iltimoslar
Til: Oʻzbek tili
Obunachilar:
12.23K
Kanalning ta’rifi
Юридик соҳада кўп йиллик тажрибага эга юрист Мадина СайдиУсмонованинг шахсий блогига хуш келибсиз. Каналда фалсафий - руҳий мавзусидаги ўз фикрларим, ва қарашлар билан бўлишиб бораман..
Меҳмоним бўлинг!
Мурожаатлар учун: @yurist_xonim_admini
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
1
2 stars
0
1 stars
1
Oxirgi xabar
2023-07-07 19:03:03
Махфий садақа....
Суриялик олим Муҳаммад Хайр аш-Шиъолга Ҳайсам исмли бир тикувчи айтиб берган экан. Ҳикоя соҳиби шундай дейди: “Менинг тикув корхонам бор эди. Қўшни аёллардан Умму Жамил исмли аёлнинг эри вафот қилиб қолди. Унинг учта етими бор эди. Бир куни у менинг корхонамга келиб деди: -Менинг бир тикув машинам бор. Уни эрим ишлатар эди. Биз уни қандай ишлатишни билмаймиз. Мен эса етимларимни боқишим керак. Ўша машинамни сизга келтириб ижарага берсам. Ижара пули билан ўзимни ва етимларимни боқар эдим. Мен қайтаришга ҳаё қилиб унга дедим: Майли келтирингчи. Аёл тикув машинасини келтирди. Унинг машинаси жуда эски модел экан. Бу машина учун менинг корхонамда ҳеч бир иш йўқ эди. Аммо мен бу аёлнинг кўнглини синдиришни истамадим. Ундан ижарага қанча пул беришим лозимлигини сўрадим. У уч минг лира деди. Бу воқеа Сурия урушидан йигирма йиллар олдин бўлган эди. Мен тикув машинасини олиб қолдим ва унга уч минг лира бериб юбордим. Машинани бир бурчакка қўйиб қўйдим. Ўн йиллар ўтди. Умму Жамил мендан ижара пулини олиб турди. Аммо тикув машинасидан умуман фойдаланмадим. Энди тикув корхонамни шаҳар четидаги бир бошқа бинога кўчирмоқчи бўлдим. Нарсаларни кўчираётиб ходимларимга: “Умму Жамилнинг машинасини ҳам олинглар!”, дедим. Цехни юритадиган аёл деди:
-Бизнинг Умму Жамилнинг машинасига эҳтиёжимиз йўқ. Кўчириб нима қиламиз?!
Мен: -Кўчиринглар, тамом!-дедим.
Яна ўн йиллар ўтиб Сурияда уруш бошланди. Менинг корхонам жойлашган минтақа вайрон бўлди. Аммо менинг корхонам сақланиб қолди. Уруш сабабидан Умму Жамил билан алоқамиз узилиб қолди. Унинг манзилини ҳам топа олмадим. Унинг телефони ўчган эди. Цехни юритадиган аёл мендан кетиб Европага борибди. Икки ойдан сўнг мен билан боғланиб бир туш кўрганини, уни менга айтиб беришини истаётганини айтди. Мен: “Гапир”, дедим. У шундай деди:“Тушимга ғойибдан овоз эшитдим. У овоз шундай деди: “Умму Жамилнинг тикув машинаси баракотидан сизнинг корхонангизни сақлаб қолдик!”.Тикувчи Ҳайсам доктор Шиъолга шундай деган экан. “Ҳурматли доктор! Ишонсангиз, менинг корхонамдаги битта нина ҳам йўқолмади. Ваҳоланки, бу минтақадаги бирор бир жой зарарсиз қолмаган!”.
Эҳтимол заиф бир қўшнингизга ёрдам беришингиз ёки қўшниларингиздан заифа бир бева аёлга моддий ёрдам беришингиз сизнинг саодатингизга, сиз ва оилангизнинг ҳимоя қилинишингизга сабаб бўлар.
Расулуллоҳ саллоллоҳу алайҳи ва саллам айтадилар:
“Ёнидаги қўшнисининг очлигини билатуриб қорни тўқ ҳолда хотиржам ухлаган киши менга иймон келтирмабди!”. Яна айтадилар: “Эй Абу Зарр! Агар шўрва пиширсанг сувини кўпроқ сол. Қўшниларингни йўқлагин!”. Қанча-қанча Умму Жамиллар кўчаларда саргардон. Уларнинг эҳтиёжини биров билмайди. Бунинг номи махфий садақадир. Бунинг номи кўнгил олишдир. Бунинг номи қийналганларга ёрдам беришдир. Ким Аллоҳни таниса яхшилик йўлларини ҳам билади. Осий инсон фақатгина ўзини билади. Буни “Насиба”, деманглар балки “Махфий қилинган яхшиликни фақатгина Аллоҳ билади”, денглар. Бир киши айтади: “Менда телефонни қувватлаб берадиган қурилма бор. Уни ким сўраса бераман. Етти йил бўлди. Мен сотиб олган барча қурилмалар бир-икки йил ишлаб сўнгра бузилади. Аммо у ҳали ҳам ишлаяпти”.....
Kanalga ulanish
@yuristxonimdaftari
1.4K viewsedited 16:03
2023-07-07 13:18:35
Барака қалбга берилса-чи...
Уйингизга садақа қутучаси қўйиб, устига "фақир-мискинлар учун", деб ёзиб ва унга ҳар кун маълум миқдорда пул ташлаб туришингиз фарзандларингизга минг марта саховатпешликдан дарс ўтишингиздан яхшироқдир.....
Кўпчилик ота-оналар фарзандига «Мен сенинг келажакда юрист ёки фан олими ёки доктор бўлишингни истайман», дейди. Лекин кимдир «Қаерда бўлсанг ҳам, баракали бўлсанг бўлди», дейди. Мана шу жумла бироз фикрлашга чорлайди!
Аллоҳдан доим мол дунёга, фарзандларга, ризқнинг озига ҳам, кўпига ҳам барака беришини сўранглар. Муҳими неъматнинг сони эмас, баракасидир. Барака Аллоҳнинг махфий аскарларидан бири бўлиб, уни хоҳлаганига жўнатади. Барака мол дунёга берилса, мўл кўл бўлади. Барака фарзандга берилса, салоҳиятли бўлади. Барака жисмга берилса, соғлом бўлади. Барака вақтга берилса, обод қилиб юборади. Барака қалбга берилса, бахтли қилиб юборади....
Kanalga ulanish
@yuristxonimdaftari
3.0K views10:18
2023-07-07 01:46:06
Хулоса ўзингиздан...
Сиз дунё аҳлиданмисиз ёки охират аҳлиданми...
Буни билиш жуда осон – кун тартибингизга бир қарасангиз кифоя. Унда дунёга оид амаллар кўпми ёки охиратга..?
Яна бир усул – ҳаётдаги режаларингиз, келажакдаги мақсадларингизни бир сарҳисоб қилиб кўринг. Уларнинг қанчаси дунё учун, қанчаси охират учун..
Хулоса ўзингиздан...
Бир куни бир бадавлат киши камбағал одамга бир сават айниган овқат берди. Камбағал одам табассум ила саватни олиб, қасрни тарк этди. Бориб, саватни бўшатиб, тозаладида, энг чиройли гуллардан солиб, яна қасрга қайтди. Гул солинган саватни ҳалиги бадавлат кишига берди. Бадавлат киши ажабланиб, «Мен сенга саватда айниб қолган овқат берган эдим, сен бўлса саватни чиройли гуллар солиб қайтарибсан?» деди. Шунда камбағал: «Ҳар бир инсон қалбида борини улашади. Қалби гўзал бўлса гўзалликни, қабиҳ бўлса қабоҳатни улашади» деб жавоб берди..
Қалбингиз Аллоҳнинг назаргоҳига айлансин-ки, зинҳор у ерга гуноҳкорлар киролмасин..
Kanalga ulanish
@yuristxonimdaftari
5.7K views22:46
2023-07-07 01:06:28
Охирги нафасгача инсонларга умид бўлинг, табассум бўлинг, бахт бўлинг, дардли қалбларга малҳам бўлинг, маҳзун чеҳраларга қувонч бўлинг, аммо зинҳор дард-алам ва надомат бўлманг!
Қалбларга малҳам, чеҳраларга табассум бўлишга сабабчи Аллоҳнинг ошиқларига, Жуманинг файз ила барокати бўлсин!!!!
"Yurist xonim"
Kanalga ulanish
@yuristxonimdaftari
6.7K views22:06
2023-07-06 01:25:56
Аршга учган дуолар....
Муаллима айтиб бердилар: Талаба қизлардан бири олдимга келиб, бироз уялиб:
- "Бир савол сўрасам майлими" - деди.
- Ҳа, дедим.
У бироз тараддудланиб: "Қуръони Каримни ота-онамга билдирмасдан ёдласам бўладими"- дея сўради. Мен уни саволидан ҳайратланиб, “Ҳа, бўлади” дедим.....
Кейин эса, уни саволи хаёлимни банд этиб қўйди. Буни сабабини билишга қизиқиб, ундан: -"Нега буни уларга билдирмоқчи эмассан...?"- деб сўрадим. У ҳеч ҳам хаёлимга келмаган жавоб билан мени лол қолдирди: -"Қиёмат куни уларга кутилмаганда нурдан бўлган тож кийдирилишини хоҳлайман".....
Болаларингиздан ҳаққингизга дуо қилишларини сўранг.
“Болалар бегуноҳ бўлади. Уларни дуосини фаришталар талашиб аршга кўтаради” Шундай экан фарзандингиздан дуо олишни одат қилинг.
Эрталаб: “Ўғлим (қизим) менинг ҳаққимга бир дуо қилинг” денг. Бундан фарзандларингиз ҳам дуо қилишни ўрганади, сизнинг дуоингиз ҳам кўкка кўтарилади.....
Умар розияллоҳу анҳу доимо набираларини Масжидга бирга олиб бориб, бирга дуо қилдирар эдилар. Бу ҳолни кўрган кишилар ҳайрон бўлиб, ҳазрат сиз ҳам чакана одам эмассиз, ўзингиз дуо қилаверинг десалар, ёш болалар бегуноҳ бўлади, уларнинг дуолари шаксиз қабул бўлади деган эканлар....
Kanalga ulanish
@yuristxonimdaftari
7.3K viewsedited 22:25
2023-07-05 18:56:03
Шифо излаб....
Бир муслима аёл намоздан топган ҳузур-ҳаловати ҳақида шундай ҳикоя қилади: “Уйимиз дала ёнида, дарвозамиз яқинида катта зовур бор эди. Кўпинча зовур ичидаги булоқдан сув олардик. Бир куни шомга яқин булоқдан сув олиб уйга кирдим. Негадир ўзимни ғалати сездим. Тун бўйи нимадир безовта қилиб чиқди. Ухлаёлмадим, аллақандай тушлар кўрдим...
Аввалига буни ҳеч кимга айтолмадим. Кейинроқ аямга ёрилдим. Чунки кечалари сира ухлаёлмас, аллақандай қора, думалоқ, жундор бир нарса кўзимга кўринар, бир хунук башара пайдо бўларди-да, бўға бошларди. Аямни, дадамни ёрдамга чақириб алаҳсирардим. Аммо улар мени эшитишмас, чунки овозим чиқмасди.
Хуллас, ҳаммасини бирма-бир аямга сўзлаб бергач, ўпкам тўлиб йиғлаб юбордим. У ёқ-бу ёққа қаратдик, аммо фойдаси бўлмади. Икки йил шундай азобландим. Ниҳоят мактабни битириб, Тошкентга ўқишга келдим. Ҳаммаси энди барҳам топар, деб ўйлагандим, аммо...
Институтга кирдим. Талабаликнинг илк йиллари. Биласиз, бу давр қанчалар шод-ҳуррамлик даври бўлади. Лекин менга асло татимасди. Кечалари ҳамон безовталанар, аҳволимни хонадошларим билиб қолишларидан уялардим. Ҳар тун улар ухлаганидан кейингина дам олишга ётардим. Аммо қачонгача яшира олардим? Ҳамхоналаримдан бири намозхон бўлиб, ярим кечалари ибодатга турарди. У тунги алаҳсирашларимдан хавотирга тушибди. Эрталаб мени ёнига чақириб, қандай дардим борлигини сўради. Ўртоғимга ҳам аямга айтганимдек дардимни тўкиб солдим-у, йиғлаб юбордим. У эса жилмайиб қўйди. “Бу дарддан халос бўлиш йўлини ўргатаман”, деб намоз ўқишим кераклигини айтди. Кечқурунлари таҳорат қилиб, ўзимга дам солиб ётишимни, яна билишим зарур кўп нарсаларни ўргатди.
Аввалига, барибир фойдаси бўлмайди, деб қўл силтадим. Кейинчалик унинг далдаси билан намоз ўқишни бошладим. Ниҳоят, илк бор намоз ўқиб уйқуга ётдим. Ўша тун бирам мириқиб ухладимки...
Неча йиллардан бери уйқудан энди ором топишим эди. Аста-секин намоз ҳаловатини сеза бошладим, рукуъ-саждаларни яхши кўриб қолдим. Кечалар ётишдан олдин таҳорат қилиб, Қуръон ўқиб, ўзимга дам солишни канда қилмасдим. Йиллар давомида қийналиб, ҳатто анча сарф-харажатлар эвазига топилмаган давони намоздан топганим учун бениҳоя хурсанд эдим. Бу ҳол Меҳрибон Аллоҳнинг менга бир маҳрамати эканидан қувонаман ”...
"Намозда хушуъ" китобидан
Kanalga ulanish
@yuristxonimdaftari
4.7K viewsedited 15:56
2023-07-05 10:38:31
Хурсандчилик, кўзёш ва дуолар – якунланган Ҳаж мавсумининг ҳаяжонли фотолари...
Эй Аллоҳим! Йиқилган, чарчаган, дарди билан танҳо қолган бандаларингга ёрдам бергин! Зеро, Сендан бошқа сўрайдиганимиз, суянадиганимиз йўқ....Йўлингга интизор бўлиб турганларга энг ҳайрли эшикларингни оч...!!!
Оламим меҳмонлари бўлган қоракўзларимни ҳамда Камина "Yurist xonim"ни ҳам Раҳматинг ва Караминг ила Байтингда меҳмон қил...
Бизни асло ёрдамсиз ташлаб қўймайдиган ягона Суянч ― Сенсан Роббим....
Kanalga ulanish
@yuristxonimdaftari
3.8K views07:38
2023-07-05 08:33:43
Гуноҳларга ўхшайдилар....
Баъзи инсонлар худди гуноҳларга ўхшайдилар. Улардан узоқлашган сайин Аллоҳ ризқингда хотиржамлик, роҳатингда барака бера бошлайди, дедилар доктор Муҳаммад Ротиб Нобулсий...
Баъзан узоқлашмоқ керак, яқинлашмоқ учун. Баъзан эсламоқ керак, эсланмоқ учун. Баъзан йиғламоқ керак, очилмоқ учун. Баъзан сукут яхшидир, тингламоқ учун..." дедилар, Табризий..
Азизим, ҳаётингиздаги баъзи инсонлар сиз билан алоқани узсалар асло ғам чекманг! Эҳтимол, қайси бир тунда «Қазои қадаримга битилган ёмонликни мендан даф қил» деган дуоингиз ижобат бўлгандир...
Умр йўллари давомида Камина "Yuristxonimingiz" шунга гувоҳ бўлдим-ки инсонлар биргина хатоимиз сабаб, бутун бошли гўзал ўтмишимизни, хотиралардан тортиб, токи буюк қурбонликларимизгача ўчириб юборишар экан....
Меҳрибон Роббимиз эса, биргина тавбамиз сабаб, гуноҳлардан бунёд бўлган, зулмат ичра ўтмишимизни кечириб юборади...
Шундай экан, инсонлар учун тўкаётган кўз ёшларингизни артинг! Роббингиз билан бирга қолинг. У Зот, бир зумда кўз ёшларингизни табассумга, зулматингизни ёруғликка алмаштиради....
Азизларим шиоримиз ёдингиздами..
"Бизга Аллоҳ кифоя"...
"Yurist xonim"
Kanalga ulanish
@yuristxonimdaftari
4.3K viewsedited 05:33
2023-07-04 15:16:45
Сабоқ....
Бир куни муаллим синф тахтасига қуйидагиларни ёзди:
9 х 1 = 7
9 х 2= 18
9 х 3 = 27
9 х 4 = 36
9 х 5 = 45
9 х 6 = 54
9 х 7 = 63
9 х 8 = 72
9 х 9 = 81
9 х 10= 90
Ёзиб бўлиб орқага қаради. Ўқувчилар биринчи кўпайтирувнинг хатолигидан кулаётган эдилар. Ўқитувчи уларга : “Мен уни атайлаб хато ёздим. Чунки мен бугун сизларга бир муҳим нарсани ўргатмоқчиман. Бу нарса инсонларнинг сиз билан қандай муомала қилишларидир. Агар эътибор берган бўлсангиз мен тўққизта кейинги кўпайтирувни тўғри ёздим. Шундай бўлсада мени ҳеч бирингиз бу билан табрикламадингиз.
Барчангиз биргина хатойим сабаб устимдан кулиб, муҳокамани бошладингиз.. Аслида, атрофингиздаги кўп инсонлар ҳам ана шундай... Миллионлаб хайрли ишларингизга одатда, ҳеч ким эътибор беришмайди. Бироқ, биргина хато сабаб, уларнинг танқид ёмғирлари остида қоласиз...
Сизни зинҳор муҳокама қилгувчиларнинг кўплиги ҳаракатдан, орзу ва мақсадлар сари интилишдан тўхтатиб қўймасин...
Биз инсонлар ҳар доим инсонларнинг ёмон одатларига эътибор берамиз, худди синф тахтасидага хато каби.
Дарҳақиқат, ҳаёт жуда қисқа!
Уни гина-кудурат, адоват, ҳасад, бир- биримизни айбларимизни қидириш, яқинлар билан алоқани узишга сарфлаб юбориш асло тўғри эмас. Ҳар бир oнимиз, эртага хотирага айланади. Шундай экан, табассум қилинг, ёмонликларни унутинг ва кечиринг. Ахир, қачон меҳмонлик иззатимиз битишини, бу дунёни тарк қилишимизни билмаймиз-ку..
Тириклик аслида, Роббимиз тарафидан бизга инъом этилган буюк бахт ва неъмат. Ҳаётимиз хурсандчиликларга, яхшиликларга, яхши инсонларга тўладирайлик....
Унутманг, ҳамма нарса ўткинчи, ҳатто шу залворли имтиҳонлар ҳам. Қоқилган тақдирингизда ҳам, қаддингизни тик тутиб, манзил сари давом этинг...
Эсингиздами, сиз билан бизнинг ягона шиоримиз - "Йўлларимиз айро бироқ, манзилмиз ягона Аллоҳдир".....
Kanalga ulanish
@yuristxonimdaftari
8.4K viewsedited 12:16
2023-07-04 07:41:35
У бўл дейди, кифоя....
Бувижоним Аллоҳ раҳматига олган бўлсин:
- "Олима қизим, ҳар куни соғлиғингизнинг закотини беришни унутманг...!
- Соғликнинг закоти нима, бувижон....
- Соғликнинг закоти бу, беморлар ҳаққига дуо қилмоқдир, болам", дер эдилар....
Аллоҳ барча беморларга комил шифо берсин, омин..
Абу Ҳурайра (розияллоҳу анҳу)дан ривоят қилинади:
"Набий соллаллоҳу алайҳи васаллам: "Қай бир мўмин банда Аллоҳга юзланиб, бирор нарса сўраса, албатта унга ўшани беради. Ё унга дунёда тезда беради. Ёки унинг учун охиратга олиб қўяди. Модомики шошилмаса", дедилар. Шунда одамлар: "Эй Аллоҳнинг Расули! Шошилиши нима?" дейишди.
"Дуо қилдим. Лекин ижобат бўлмаяпти", дейиши", дедилар...
Дуоларингизни ижобат бўлмаслигидан зинҳор шубҳа қилманг. Роббимизнинг карами кенг, У ҳатто-ки онамиздан ҳам бизга меҳрибондир. Буни қалбан ҳис қилсангиз кифоя...
У бўл дейди, ва албатта хайрлиги бўлади. Барчангизни дуоларим билан қучиб қолувчи сизнинг "Yurist xonimingiz"....
Kanalga ulanish
@yuristxonimdaftari
5.3K viewsedited 04:41
