Kanal manzili:
Toifalar:
Iltimoslar
Til: Oʻzbek tili
Obunachilar:
12.23K
Kanalning ta’rifi
Юридик соҳада кўп йиллик тажрибага эга юрист Мадина СайдиУсмонованинг шахсий блогига хуш келибсиз. Каналда фалсафий - руҳий мавзусидаги ўз фикрларим, ва қарашлар билан бўлишиб бораман..
Меҳмоним бўлинг!
Мурожаатлар учун: @yurist_xonim_admini
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
1
2 stars
0
1 stars
1
Oxirgi xabar 33
2023-03-14 16:29:39
Tўсатдан айриламиз.....
Шундай ҳижронлар борки, вақт ўтган сари қалбни баттар тирнайди...
Шундай инсонлар борки, соғинчлари вақт ўтган сари кучайиб бораверади...
Шундай лаҳзалар борки, улар ўтмишда қолиб, вақт ўтган сари ҳасратлари қаттиқлашиб бораверади...
Ва шундай яралар борки, вақт ўтган сари катталашиб бораверади...
Аммо не чораки тақдир муҳаққақдир дедилар Румий.
Баъзан вақт ўтса ҳам, қанча хатолари бўлса ҳам, қалбга кирган кишининг қайтишини хоҳлайверасан инсон. Зотан, бу фоний дунёда бир йўловчи каби эканмиз, Келинг, бир-биримизнинг қадримизга етайлик! Ахир, бир-биримиздан тўсатдан айриламиз, балки бугун, балки ҳозир, балки эртага....
"Yurist xonim"
Kanalga ulanish
@yuristxonimdaftari
3.0K views13:29
2023-03-14 11:33:05
Гуноҳларим учун жазо...
Ҳасан Басрий раҳматуллоҳи алайҳ шундай дедилар: "Аллоҳга қасамки, мен гуноҳ қилиб қўйганимни, аёлимнинг хулқи ўзгарганидан ва уловим менга бўйсунмаслигидан билиб оламан". Яъни, бирор сабабсиз, аёлим мени ёқтирмай қўяди. Уловим эса мен айтган томонга юрмай қўяди..
Гоҳида, осийлигимизга бориб, фалончи шунча гуноҳ қилса ҳам жазоланмай қолаяпти-ку! Ёки мени ўзим фалон гуноҳни қилдиму, лекин бирор дард ёки мусибатга чалинмадим деган фикр ўтади ҳаёлимиздан. Аслида, жазо деганда фақатгина бир мусибатга учраш ёки бошга бир фалокат келишини тушунмаслик керак...
Қилинган гуноҳга Аллоҳ томонидан бериладиган уқубат турлича бўлади:
1. Гоҳида хайрли амаллардан маҳрум қилиш.
2. Гоҳида қалб фасодга учраши.
3. Гоҳида фикр ва дунёқараш салбий томонга оғиб бориши.
4. Гоҳида вақтини беҳуда зое қилиш.
5. Гоҳида инсонларнинг нафратига учраш.
6. Гоҳида дуо ижобатидан маҳрум бўлиш.
7. Гоҳида ботил нарсаларга қалбда муҳаббат пайдо бўлиши.
8. Гоҳида эса, бадгумон бўлиб қолиш. Яъни одамлардан фақат ёмон гумон қилиш.
9. Гоҳида эса оилада ҳар доим жанжал, бараканнинг кўтарилиши
10. Гоҳида эса аёлининг эрига қулоқ солмаслигидир.
"Ким ёмонлик қилса, унинг жазосини тортадир. Ва ўзига Аллоҳдан бошқа дўст ҳам, ёрдамчи ҳам топа олмас". Нисо сураси 123-оят..
Kanalga ulanish
@yuristxonimdaftari
3.8K viewsedited 08:33
2023-03-14 09:29:34
Mаҳзунликдан уяламан....
Солиҳларнинг биридан: "Кулимсираб юришингиз ва бошқаларга хурсандлик улашиб юришингиз сири нима?" деб сўралганида, у киши: "Ишим Аллоҳнинг измида бўлгани ҳолда маҳзун юришдан уяламан", деб жавоб берди.
Бахтсизликдан кейин бахтли ҳаёт, кўз ёшидан кейин табассум келишига ишонсангиз, демак жуда хайрли ибодат қилибсиз. Зеро, қисматимиз Унинг измида экан, на қайғу даркор қалбга ва на надомат.....
Yurist xonim"
Kanalga ulanish
@yuristxonimdaftari
3.6K views06:29
2023-03-13 17:20:45
Тавоф....
Ривоят қилинишича, бир ошпаз гўштни пишириш учун қозонга солиб, бошқа нарсага машғул бўлди. Бироз вақтдан кейин гўштдан хабар олиш учун келган ошпаз, гўштни ҳали ҳам хом эканлиги кўрди. Қозоннинг тагидаги оловини кучайтириб яна кетди. Бироз ўтиб қайтиб келиб гўштга қараса, аввал қандай қўйган бўлса яна шундайлигича турганини кўрди.
Аскарлардан яна ҳам кўпроқ ўтин олиб келишини сўради ва оловни яна ҳам кучайтирди. Орадан озроқ вақт ўтиб, ошпаз гўштга такрор қараганида, гўшт ҳали ҳам қип-қизил ва шунча вақт қозонда пиширилганига қарамасдан озгина бўлса ҳам пишиш аломати йўқ эканлигини кўрди.
Бошлиққа бўлган ҳолатдан хабар берган ошпаз, қозон бошига келди. Бошлиқ бўлинмадаги барча аскарларни тўплаб, гўштни ким олиб келганини сўради. Гўштни олиб келган аскар, бир қадам олдингга чиқди. Бошлиқ:
- Қани гапир. Бу гўштни кимдан, қаердан ва қандай қилиб олдинг? деди. Аскар, гўштни ҳар доим оладиган жойимдан, таниш қассобдан олдим.
Фақат Ҳарам олдидан ўтиб кетаётиб, Каъба тавофдан холи эканлигини кўриб, қўйнимдаги гўшт билан тавоф қилдим. Ундан сўнгра Мақоми Иброҳим алайҳиссаломда икки ракат намоз ўқиб келдим, деди.
Бошлиқ тўсатдан ўкириб йиғлай бошлади...
Бўлинмага қайтаётиб ўкириб ўкириб йиғлаб:
- Кўряпсизларми? Kаъбани тавоф қилган ҳаттоки бир жонсиз гўшт парчасини, Жаноби Ҳақ Таъоло оловда ёқмади! Инсонни қандай қилиб ёқсин, деб йиғлар эди.
У ерда тўпланганнинг барчаси кўз ёшларига чўмган ҳолда, "Ла ҳавла ва ла қуввата илла биллаҳ" ни айтишар эди....
Аллоҳ таоло барчамизни Байтуллоҳни қайта-қайта тавоф қилиш бахтига муяссар этсин!
Kanalga ulanish
@yuristxonimdaftari
5.3K viewsedited 14:20
2023-03-13 12:41:17
Ибрат
Биз дўстим билан йўлда учрашдик Азон эшитилди.
— Юр, жомеъга – дедим. – Бугун жумъа!
— Масжидга бормаслигимни биласан-ку, — деди.
— Биламан-у, аммо қачонгача бормайсан?!
— Нима десам экан, руҳимга тўғри келмайди. Ҳали тайёр эмасман. Қолаверса, шимимнинг тиззалари титилиб, дазмоли бузилишидан ҳам қўрқаман, арзимайди…
Кулгим қистади.
— Ҳазиллашяпсанми?
— Ҳазил-пазили йўқ. Оқ кийимни яхши кўришимни, доғ туширмаслигимни биласан-ку!
Ҳақиқатан ҳам, шундай эди. У кўпинча оқ кийим киярди. Кийимлари доим дазмолланган, тоза, озода эди.
Орадан икки ой ўтиб, бехос, унинг жомеъ масжидида эканлигини эшитиб қолдим. Югурдим. Жомеъдаги намоз сафларининг энг олдида эди.
Секин-аста олдига яқинлашиб паст овозда:
— Қани, оғайни, сенга нима бўлди? Масжидга бормайман демаганмидинг? – деб сўрадим.
Ундан садо чиқмади. Чунки бошдан оёқ оппоқ кафанга ўранганча тобутда ётар, унинг учун жаноза намозларини ўқишларини кутар эди.
Kanalga ulanish
@yuristxonimdaftari
3.9K views09:41
2023-03-13 10:28:36
Тавба...
Тавбангизнинг Роббингиз ҳузурида қабул бўлиш аломатларини биласизми...
Киши ўзида гуноҳ қилишга майл бўлмаётганини кўради.
Аллоҳни ҳар жойда ҳозиру нозир ҳолда топади.
Тўғри ва яхши ахлоқли кишилар билан бирга юради, ёмон феълли кишилардан ўзини узоқ тутади.
Очкўзлик қилмайди. Оз бўлса ҳам ҳалол йўл билан топганига қаноат қилади. Ўзининг озгина бўлса ҳам ҳалол йўл билан топгани унинг кўзига кўп кўринади, лекин қилган хайрли ва гўзал амаллари кўп бўлса ҳам унинг кўзига оз кўринади.
Қалби доимо Аллоҳ фарз қилган нарсалар билан банд бўлади.
Динини ёмон кўзлардан ҳимоя қилади.
Давомий тафаккур ҳолида юради.
Ўтмишда қилган гуноҳлари туфайли надомат ичида юради.
Абу Ҳомид Ғаззолий,
“Мукошафат-ул қулуб” китобидан.
Унутманг-ки, тавба бу, эртанги кунга қолдириб бўлмайдиган ягона нажот йўлидир...
Kanalga ulanish
@yuristxonimdaftari
3.8K viewsedited 07:28
2023-03-12 19:26:39
Кўз ёшларингизни артинг...
"Баъзан узоқлашмоқ керак, яқинлашмоқ учун. Баъзан эсламоқ керак, эсланмоқ учун. Баъзан йиғламоқ керак, очилмоқ учун. Баъзан сукут яхшидир, тингламоқ учун..." дедилар, Табризий..
Одамлар биргина хатоимиз сабаб, бутун бошли гўзал ўтмишимизни, хотиралардан тортиб, токи буюк қурбонликларимизгача ўчириб юборишади. Меҳрибон Роббимиз эса, биргина тавбамиз сабаб, гуноҳлардан бунёд бўлган, зулмат ичра ўтмишимизни кечириб юборади...
Хўш, энди айтингчи уларнинг қай бири рози қилинишга ҳақлироқ?!
Шундай экан, инсонлар учун тўкаётган кўз ёшларингизни артинг! Роббингиз билан бирга қолинг. У Зот, бир зумда кўз ёшларингизни табассумга, зулматингизни ёруғликка алмаштиради....
Бизга Аллоҳ кифоя....
"Yurist xonim"
Kanalga ulanish
@yuristxonimdaftari
4.8K viewsedited 16:26
2023-03-12 14:59:01
Қани энди, севиб қолса...
Агар Аллоҳ сизни соғинса, сизни намозга қоим қилиб қўяди..
Агар сиз билан ёлғиз қолишни истаса, тунда таҳажжудга уйғотиб қўяди.
Агар сизни жаннатга олиб кирмоқчи бўлса, сизга ибодат қилишни осон қилиб қўяди...
Сизга яхшиликни истаса илм бериб уни амалига собит қилиб қўяди...
Агар сизни кечиришни хоҳласа, тилингизни тавбага муяссар қилиб қўяди...
Агар сизга саодат бермоқчи бўлса, қалбингизни кенг қилиб қўяр экан Азизларим...
Kanalga ulanish
@yuristxonimdaftari
6.8K views11:59
2023-03-12 10:47:00
Сиз учун битилгани қолади..
"Кимнидир бой беришдан қайғуга тушманг. Синов қилиб жўнатилганлар ҳаётимиздан чиқиб кетадилар, тақдир қилиб жўнатилганлар қолади.
Ёқтирмаган нарсанг ёки кишингга бардош этмоғинг, бу сабр эмасдир.
Сабр, севгилингга етиша олмаслигингни аниқ билсанг ҳам, етиша оладиган кишидек ғайрат қилишингдир...
Майли қўявер, сабр сенга сабр қилсинки аччиқ дардинг асалга айлансин,"- дедилар Румий..
Зеро, Аллоҳ сабрлийлар билан биргадир.....
Yurist xonim"
Kanalga ulanish
@yuristxonimdaftari
4.6K views07:47
2023-03-12 09:39:08
Кечиришни унутибсиз.....
Ҳаётда сизни хафа қилувчилар кўпайдими, демак кечиришни унутибсиз. Кечиримли, раҳмдил бўлинг, шунда хафа қилувчилар сони камайганини кўрасиз.
Бошингиз қарздан чиқмай қолдими, демак шукурни унутибсиз ёки Яратганнинг амрига хилоф иш қилибсиз.…
Атрофингизда сиздан хафа булувчилар кўпайса, билинг, дилозор ва такаббур бўлиб қолибсиз. Ақл-ҳушингизни йиғиб олинг, кибр-ҳавони йиғиштириб, дилларга меҳр улашинг, ана шундагина ҳаётингиз ўзгарганини кўрасиз....
Kanalga ulanish
@yuristxonimdaftari
5.4K views06:39
