Kanal manzili:
Toifalar:
Iltimoslar
Til: Oʻzbek tili
Obunachilar:
12.23K
Kanalning ta’rifi
Юридик соҳада кўп йиллик тажрибага эга юрист Мадина СайдиУсмонованинг шахсий блогига хуш келибсиз. Каналда фалсафий - руҳий мавзусидаги ўз фикрларим, ва қарашлар билан бўлишиб бораман..
Меҳмоним бўлинг!
Мурожаатлар учун: @yurist_xonim_admini
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
1
2 stars
0
1 stars
1
Oxirgi xabar 29
2023-03-23 08:54:15
Сиз рўзадормисиз...
Бир неча йигит Рамазон ойида бир мўйсафид отахоннинг одамлар кўзидан пана жойда таом еяётганини кўриб қолишибди: Ие, Отахон! Сиз рўзадор эмасмисиз?
Отахон: Албатта рўзадорман. Фақат сув ичиб, таом еяпман, холос.
Йигитлар қаҳ-қаҳ кулиб юборишибди:
- Ростданми отахон, қандай қилиб?
Отахон деди:
Кимсага ёмон назар ташламайман,
Бировни мазах қилмайман,
Инсонларни ғийбат қилмайман,
Ҳеч кимнинг кўнглига озор етказмайман,
Одамлар билан қўпол муомала қилмайман,
Бировнинг молига кўз олайтирмайман.
Лекин, минг афсуски ёшим улуғ, шу билан бирга касалим ҳам бор....
Ошқозоним касал. Шунга меъдамни рўзадор қилолмаяпман.
Сўнгра отахон йигитлардан сўради:
- Сизлар ҳам рўзадормисизлар, болаларим...
Йигитлардан бири ҳижолатдан бошини эгиб оҳиста овозда жавоб қайтарди:
- Йўқ..! Биз фақат овқат емаяпмиз, холос...
Азиз қадрдонларим! Сиз рўзадормисиз.....
Kanalga ulanish
@yuristxonimdaftari
919 views05:54
2023-03-23 02:48:18
Буюк мусобақа....
Мусулмонлар катта мусобақани бошлаганлар, бу – натижаси охиратда эълон қилинадиган мусобақа!
Рўза тутган мусулмон бор-ки мусобақа қатнашчисидир. Мукофот эса, Аллоҳ таолонинг раҳмати Розилиги.. Жаннат...
Мусобақанинг битта шарти тақво, қўшимча шартлари жуда кўп: рўза, Қуръон тиловати, таровиҳ намози, ота-онага яхшилик, истиғфор, дуо, таҳажжуд, эҳсон, ифторлик қилиб бериш ва ҳоказо...
Мусобақа бир ой давом этади. Ғанимат фурсатларни қўлдан бой берманг, энг олий мукофот сизники бўлиши мумкин....
"Рамазон соғинчи" китобидан. Kanalga ulanish
@yuristxonimdaftari
5.4K views23:48
2023-03-23 02:37:31
Рўза тутаман деб саҳарликга уйғонганларга, Аллоҳнинг саломи, ва Жаннати бўлсин!
Раҳмат ойи, нажот ойи, мағфират ойи, муборак бўлсин!!!
Kanalga ulanish
@yuristxonimdaftari
6.7K views23:37
2023-03-23 02:10:34
Сафаримиз бошланди..
Рамазони шариф самолёти етиб келди.
Бу рейс йилда бир мартагина келади.
Кема капитани — Қурони Карим.
Рейс рақами — ҳижрий 1443-йил.
Рейс масофаси 30 кун.
Учиш муддати кунига 15-16 соат.
Йўловчиларимиздан Иймон ва Тақво камарларини маҳкам боғлаб олишларини илтимос қиламиз.
Яна бир илтимосимиз: сафар мобайнида садақа қилиб, муҳтожлардан хабар олиб туришни унутманг. Намозларга маҳкам бўлинг.
Муҳим эслатма: илтимос, ҳаром ва шубҳали бўлган барча нарсалардан тийилинг. Бу сафар давомида тузоқларга тушиб қолишнинг олдини олади.
Ибодатларга ва солиҳ амалларга маҳкам бўлинг.
Сабр ва тақвога тўла сафар тилаб қоламиз.
Ҳаётдаги энг гўзал сафарда Аллоҳнинг ризолигини умид қилиб қоламиз...
Kanalga ulanish
@yuristxonimdaftari
7.2K views23:10
2023-03-22 17:13:19
Дуо....
Кеча намоз ўқиб бўлинди. Қарасам, масжиднинг икки айри бурчагида икки киши дуо қилиб ўтирибди. Бири йиғлаяпти, иккинчиси гўё кулётгандек эди. Лекин бизнинг жамоатдан эмасликлари аниқ. Ўзимга ўзим "тўхта, бунда бир сир бор", дедим. Хозир чиқиб қолишади. Ўтириб кута бошладим. Шу пайт уларни кузата бошладим. Уст-боши тузук бир киши баланд овоз билан "Омийн!" деди, унинг овози гўё масжидни олди. Туриб ёнимга келди.
- Домла, мана бу конвертни олинг. Ўғлим операция бўлди. Докторлар унинг бир неча кунлик умри қолганини айтишди. "Яшаб кетиши қийин, лекин дуо қилаверинглар", дейишди. Алхамдулиллах, ҳозир уйда. Онасининг тиззасида. Хозир икки ракат шукр намози ўқидим. Тузалса, шуни садақа қиламан, деб назр қилгандим. Мухтож одамни сиз биласиз, шунга берсангиз, деди.
Майли, дедим. У кетди. Иккинчи биродаримиз эса, кўринишидан бечорахол киши. У хам бироз ўтиб чиқди. Кўзлари ёш.
- Мен 55 ёшдаман. Инсонларнинг холини тушунаман. Биродар, кел, хеч ким йўқ, нима дардинг бор, деб сўрадим.
- Домла, икки болам бор. Кечагина янги ишга кирдим, қийналиб қолдим. Ойлик чиқишига хам хали анча бор. Фарзандларимнинг ўқитувчиси бир нарсалар сўраган экан. Бизнинг эса қарз сўрашга хеч кимимиз йўқ. Ойлик олгунимча, амаллаб турайлик дедим. Жуда қийналиб кетдим, шунга дуо қилдим. Роббимдан бу ахволдан чиқадиган йўл кўрсатишини сўрадим.
- Биродар, ишонмайсан, лекин бироз олдин чиққан киши менга конверт берди. Буни мухтож одамга беринг, деб тайинлади. Ол, бу сенинг дуоингнинг ижобати. Бир сеткага ул-бул солиб, икки болангни хурсанд қил, дедим. Зўрға кўндирдим. Конвертни очиб хам кўрмаган эдим. Ичида қанча пул борлигини хам билмайман. Бечора хурсанд бўлиб кетди. Кейин ўтириб Аллохга дуо қилиб, шукр қилдим. Аллохим, дедим. Назр қилганни хам, мухтожни хам, масжид имомини хам бир жойда учраштириб қўйдинг. Конвертни очиб хам кўрмадим, аминманки, Сен эхтиёжига етадиган даражада солдириб қўйгансан. Мени хам бу йўлда сабабчи қилганинг учун Ўзингга беадад хамдлар булсин...
Ҳолатингни оғир ва қийин экани хусусида эмас, балки дуо қилаётган Зотнинг қуввати ва қудрати ҳақида фикр юритинг. Мусибатингиз ҳар қанча имконсиз, амримаҳол кўринмасин, Аллоҳнинг қуйидаги сўзини эсга олинг:
“Парвардигоринг айтурки, бу (иш) Менга осондир..». (Марям сураси, 9 оят)
Kanalga ulanish
@yuristxonimdaftari
5.7K viewsedited 14:13
2023-03-22 12:21:50
Биласизми, кечаги зилзила менга нималарни шивирлади гўё...
“Yurist xonim” ҳаёт жуда қисқа, уни гина-кудурат, адоват, яқинлар билан алоқани узиш, ношкурик қилиш билан ўтказиш катта хато эканлигини, ҳудди-ки елкамдан туртиб, “Кўзингни оч, ўзинга кел, умр жуда қисқа” дегандек назаримда...
Ҳар қандай мен кўрган, ҳис қилган машаққат ва мусибат, аслида, менга берилган ИЙМОН неъмати олдида ҳеч нарса эмас дея эслатди...
Энг севган инсонларим оилам, дўстларим, фарзандларим, ҳатто-ки жисмим ҳам бир неча сония ичида йўқ бўлиши мумкинлиги, бу дунё ўткинчи охират эса абадий эканлигини яна бир бор эслатди...
Камина, ўзим эришдим, дея даъво қилган илм, лавозим, мол-дунё, обрў-эътибор бир чақалик қийматга эга эмаслиги, барчаси фақат Аллоҳники эканлигини таъкидлаб нидо қилди..
Кошки эди, биз гуноҳкор бандаларнинг қалбларида ҳам бир “зилзила” бўлса-ю, гуноҳлардан сақланиб, истиғфор айтиб, Роббимизга қайтсак...
"Yurist xonim"
Kanalga ulanish
@yuristxonimdaftari
2.1K viewsedited 09:21
2023-03-22 08:51:16
Қалби нуқсонсиз бўлсин....
"Агар бир қалбга кирган бўлсангиз, сиз унинг энг яхши таскини бўлинг."
Ҳа, агар бир қалбга кириш, у ердан жой олишдек саодат ила неъматланган экансиз, демак у ерга муносибсиз.
Энди у ернинг сурури, тасарруфи, таскини, ҳаловатидан сиз жавобгарсиз. У ерда ўзингизни шундай тутингки, токи борлигингиз чиндан билинсин....
Зинҳор кўнгил каъбасини вайрон қилманг, уни бузманг! Сиз вайрон қилган қалбнинг сукутидан қўрқинг! Аслида, забон жим бўлганида, қалб Роббисига шикоят қилаётган бўлади.
Yurist xonim"
Kanalga ulanish
@yuristxonimdaftari
2.9K viewsedited 05:51
2023-03-21 18:30:08
Рамазон кириб келмоқда..
Саудиянинг бир нечта минтақасида Рамазон ҳилоли кузатиш жараёнлари давом этмоқда.
Саудиянинг машҳур ой кузатувчиси Абдуллоҳ ал-Хузойрнинг фикрича, бугун ҳилолни кўриш деярли имконсиз, шунга биноан, эртага - чоршанба 30 шаъбон, индинга биринчи Рамазон, дея тахмин қилмоқда.
Аллоҳ ҳаммамизни Рамазонга соғ-саломат етказиб, ундан онадан туғилган гўдакдек, гуноҳлардан покланишимизни насиб айласин. Албатта бу хақида расмий хабар берилади..!!!
Kanalga ulanish
@yuristxonimdaftari
3.5K views15:30
2023-03-21 17:13:51
Нуқсонимдан ўкинмадим......
Пойафзал сотувчи янги келтирган молларини пештахтага жойлаштираётганди. Кўчадаги бир болакай уни кузатиб турарди. Сотувчи моллар орасидан бежиримларини ойна томонга қўяркан, болакай пештахтага яқинлашди.
Болакай қўлтиқтаёққа суяниб юрса-да, кўриниши тетик эди. Сотувчи унга кўз ташлади. Шимининг чап почаси тиззасидан шалвираб турарди. Бир оёғи йўқ экан. Болакай кўргазмада турган пойабзалларга бир муддат маҳлиё бўлиб қараб турдида, дўкондан узоқлашди. Сотувчи шошиб ташқарига бош чиқариб:
– Болакай! - дея чақирди.
– Пойабзал олишни мўлжаллаганмидинг? Сенга мос келадиган ажойиб оёқ кийимлар бор.
Болакай унга қайрилиб:
– Ҳақиқатдан ҳам пойабзаллар чиройли экан, - дея табассум қилди.
– Лекин менинг оёғим туғма чўлоқ.
– Менимча бу аҳамиятли эмас! - Сотувчи ташқарига отилиб чиқди.
– Бу дунёда ҳамма нарсаси тугал одамнинг ўзи йўқ. Кимнингдир қўли йўқ, кимнингдир оёғи. Яна кимнингдир ақли, бировнинг эса виждони бўлмайди...
Болакай жим тураверди. Сотувчи эса гапида давом этди:
– Кошки виждонимиз бўлмагунча, оёғимиз бўлмасайди.
Болакай ҳайрон қолди. Сотувчига яқинлашиб:
– Тушунмадим? - деди.
– Шундай, болажон! - деди сотувчи. – Виждонимиз бўлмаса инсон бўлолмаймиз. Оёқларимиз бўлмаса, инсон бўлишимиз мумкин. Зотан инсонни жисми эмас феъл-атвори тўкис кўрсатади. Виждонсизлар жаннатга киролмайдилар. Оёғи йўқлар учун эса жаннатда бу нуқсондан фориғ бўладилар. Ҳатто жисмидан нуқсони бор инсонлар соғлом инсонлардан кўра кўпроқ мукофотга муносиб бўлишлари мумкин.
Болакай яна бир бор табассум қилди. Шу бугунга қадар чеккан изтироблари аригандай бўлди. Сотувчи пештахтага ишора этиб:
– Ҳозир кўрганинг пойабзал сенга ярашади. Кийиб кўрасанми? - деди.
Болакай боши билан "йўқ" ишорасини берди:
– Устига ўттиз лира деб ёзилган экан. Уни ололмайман.
– Ҳозир мавсум тушган пайт, шунинг учун бироз арзонлаштираман. Йигирма лирага туширишим мумкин. Сен унинг бир пойини оласан. Демак, бир пой оёқ кийими учун ўн лира берсанг кифоя қилади.
Болакай бироз ўйланиб турди-да:
– Нариги пойи бирор ишга ярамайди. Ким олади уни?- деди.
– Оббо, роса гапни чўздинг, - дея кулди сотувчи.
– Уни ҳам ўнг оёғи бўлмаган бирор болага сотарман.
Болакайнинг кўнгли бироз тинчлангандай бўлди. Сотувчи ундан: – Мактабга борасанми? - дея сўради.
– Иккинчи синфни тамомладим. Учинчига ўтдим!
– Унда яна ҳам яхши, - деди сотувчи. - Ўқувчи бўлганинг учун беш лирага арзонлаштирамиз. Беш лира қолди. Демак, пойафзал сеники бўлди! Сотдим уни!
Сотувчи боланинг ҳайрат тўла боқишлари орасида дўконга кирди. Пештахтадан болакайга ёққан пойабзални олди. Болакайни ўриндиққа ўтирғизиб, янги оёқ кийимини кийдирди. Эски пойабзалини болакайга кўрсатиб:
– Мен маҳсулотимни сотдим, - деди. – Сен ҳам бу пойабзалингни менга сотсанг мамнун бўлардим.
– Ҳазиллашяпсизми? - қиқирлаб кулди болакай. - Унинг тагчарми ейилиб кетган, эски бир пойабзал бўлса. Шу туришида пулга арзийдими у?!
– Сен қолоқ экансан-ку, кичик дўстим, - деб кулди сотувчи. - Антиквар диган нарсадан хабаринг йўқ эканда. Антиквар нарсалар қанча эски бўлса, шунча нархи ошади. Шунинг учун ҳам менимча оёқ кийиминг ўттиз-қирқ лира турса керак.
Болакай гўё туш кўраётганди. Сотувчининг ҳаяжондан титраётган қўлларидаги қоғоз пулларга кўз югуртирар экан, ўн лиралик банкнотни нари сурди:
– Менимча йигирма лира ҳам етарли. Ҳозир мавсум тушган пайт-ку!
Сотувчи унинг гапини рад этмай ўн лирани қайтиб олди ва болакайнинг ёноғидан ўпди. Қувончи ичига сиғмасди сотувчининг. Агар бутун дўкондаги молларини бир кунда сотиб юборса ҳам ҳозиргидек бахтиёр бўлолмасди. Болакай секин ўрнидан қўзғалди. Гўё қўлтиқ таёққа ҳам эҳтиёжи йўқ эди унинг. Маҳзун табассум билан шундай деди:
– Отам ҳақ эканлар! "Жисмингдаги нуқсон учун ҳеч қачон ўкинма!" - дердилар. Бугун биринчи марта нуқсонимдан ўкинмадим...
Имом Бутий: "Кўнгил олиш бандани Aллоҳга яқинлаштирадиган ибодатларнинг энг улуғидир”- дедилар.
Kanalga ulanish
@yuristxonimdaftari
3.2K viewsedited 14:13
2023-03-21 11:27:22
Қалб эшикларини ёпманг..
Кун келади, ўшанда сиз юзингизга табассум югуриши учун ўзини қурбон қиладиган кимсани учратасиз. Қалбингизнинг барча эшикларини ёпиб юборманг, қалбингиз эшигини тақиллатган ҳар бир кимса ҳам жароҳат етказишни ният қилмайди" - дедилар шайх Шаъровий.....
Ўзингизни муносиб қалблар учун асранг..!
Қалбингиз Аллоҳнинг назаргоҳига айлансин-ки, зинҳор у маконга гуноҳкорлар киролмасин..
Yurist xonim"
Kanalga ulanish
@yuristxonimdaftari
3.4K viewsedited 08:27
