Kanal manzili:
Toifalar:
Iltimoslar
Til: Oʻzbek tili
Obunachilar:
12.23K
Kanalning ta’rifi
Юридик соҳада кўп йиллик тажрибага эга юрист Мадина СайдиУсмонованинг шахсий блогига хуш келибсиз. Каналда фалсафий - руҳий мавзусидаги ўз фикрларим, ва қарашлар билан бўлишиб бораман..
Меҳмоним бўлинг!
Мурожаатлар учун: @yurist_xonim_admini
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
1
2 stars
0
1 stars
1
Oxirgi xabar 32
2023-03-16 17:27:57
Дуоларда яшайлик.....
Дунёда ҳеч яхшилик қилмаган, доимо инсонларга озор берадиган киши вафот этибди. Унинг хотини жаноза учун қишлоқ аҳлини чақирса, марҳумнинг ёди учун ҳеч ким келмабди. Шунда аёл эрини ўзи кафанлаб, бир аравага солиб, кўмиш учун қишлоқ яқинидаги тоққа олиб кетибди.
Тоғда қўйларни боқиб юрувчи бир чўпон бўлиб, аёлнинг паришон ҳолини кўриб, ундан ҳол сўрабди. Аёл бўлган воқеаларни айтгач, йигит қабр қазиб, жаноза, дуо ўқиб, марҳумни дафн этибди. Аёл қишлоққа қайтибди.
Шу кечаси қишлоқ аҳлидан бир неча кишининг тушида аён бўлибдики, кечаги марҳум жаннатий бўлибди. Эртаси куни қишлоқ фаоллари бунинг сабабини билиш мақсадида марҳумнинг уйида боришибди. Унинг аёлидан:
— Биламизки, эринг умри давомида бизга зулм қилиб келди, озор берди. Бирон яхши ишини эслолмаймиз. Унинг қандай фазилати бор эдики, Аллоҳ унга жаннатни насиб этибди? – деб сўрашибди.
Аёл ўйлаб-ўйлаб, эрининг ҳаётидан бирон фазилат тополмабди. Аёлдан кеча нима бўлганлигини сўрашибди. Аёл борини сўзлаб берибди. Шунда улар демак, гап чўпонда, у валий зотлардан бўлиши мумкин, деб ўйлашибди-да тоққа йўл олишибди. Қарашса, йигит оддий чўпон, валийлик асоратлари кўринмайди. Ундан сўрашибди:
— Эй йигит, сен Аллоҳнинг дўстлариданмисан? Сен кеча кўмган киши жаннатий бўлганини бизлар тушимизда кўрдик. Кеча ўзи нима бўлган эди?
— Мен валий эмасман. Кеча мен гўр қаздим, марҳумни дафн этдим. Жанозасини ўқидим. Сўнггида дуо қилдим.....
— Ҳа, нима деб дуо қилгандинг....?
— Дедимки, Аллоҳим, мен умрим бўйи шу тоғларда чўпонлик қилдим. Бу тоғларга Сенинг саломингни айтиб келган ҳар бир мусофирни меҳмонинг билиб, унга сут соғиб бердим, гўшт қовурдим. Энди, менам сенга бир меҳмон жўнатяпман. Уни ўзинг яхши кутиб олгин!
Зотан, ҳаётда бўлишимиз мумкин бўлган энг гўзал макон, бир дуони ичидан жой олмоғимиздир. Дуолар ичида яшанг, Камина "Yurist xonim", сизга шуни тиладим....
"Yurist xonim"
Kanalga ulanish
@yuristxonimdaftari
6.3K viewsedited 14:27
2023-03-16 13:09:08
Кун ҳазили.....
Агар ҳар бир тақиллатган эшик дарҳол очилаверганида эди...
Умид, сабр ва хоҳишнинг даражаси бундай бўлмасди..!
Kanalga ulanish
@yuristxonimdaftari
434 views10:09
2023-03-16 10:05:35
Дардимни севаман..
Ифорларнинг энг ёқимлиси, Кўнгил ифоридир. Чунки у, Роббингнинг ифоридир. У ифор дили вайрон, кўнгли синиқларда ва мағлуб руҳларда топилади....
Дардимни севаман. Биламанки, дардимни берган ҳам мени севади. Севган севганининг нозини ўлчайди, дедилар ҳазрат Румий...
Kanalga ulanish
@yuristxonimdaftari
1.9K viewsedited 07:05
2023-03-16 07:50:07
Ризқни ейдиган ўлди...
Эри урушда шаҳид бўлган аёлга таъзия билдиргани келган қўшни аёллар ачинган ҳолда: -"Энди нима қиласиз? Нима еб, нима ичасиз? Энди сизни ким боқади?" деб сўрадилар. У бева аёл шундай гўзал бир жавобни берди:
-"Астағфируллоҳ!
Сизлар намунча кўп ташвиш чекасизлар?! Ризқни берадиган эмас, ризқни ейдиган ўлди!"
Шайх Фаридуддин Аттор қуддиса сирруҳ "Асрорнома" .
Kanalga ulanish
@yuristxonimdaftari
2.3K views04:50
2023-03-15 18:50:53
У ерда ёлғиз бўламиз...
"Дамашқдаги бир қабрни устида шундай деб ёзиб қўйилганини кўрдим: "Бу ер яхшилик қилганлар учун қандай ҳам яхши жой!".
Агар кимдир мендан қабрларни бирор ном билан номлашни талаб қилса мен қабрни "Амаллар сандиғи" деб номлаган бўлар эдим. Бизга кичкина, тор, қоронғу, қўрқинчли ва хавфли кўринадиган жой кимдир учун жаннат боғларидан бир боғ бўлиши ҳам мумкин.
Биз йўқотган яқинларимиз учун бир неча кунгина йиғлаймиз. Аммо улар дунёдан қутилганларига хурсанд бўлишади.Қабр қоронғудир. Уни қуръон тиловати ва ибодатлар билан ёритайлик. Қабр қўрқинчлидир. Уни садақаларимиз билан хотиржамлик маконига айлантирайлик. Қабр тордир. Уни кўнгилларни олиш билан кенгайтирайлик. Дунёдан топган бирор нарсамизни қабрга олиб кета олмаймиз. Фақатгина қилган яхшиликларимиз биз билан қабрга киради!
Абу Ҳайён Тавҳидий "Ал-басоир ваз-захоир" китобидан
Kanalga ulanish
@yuristxonimdaftari
5.0K viewsedited 15:50
2023-03-15 16:31:08
Тасанно....
Таомни исроф қилмасликни эслатиш учун Туркиядаги емакхоналардан бирида мана шундай идишлардан фойдаланишар экан.
Kanalga ulanish
@yuristxonimdaftari
1.4K views13:31
2023-03-15 14:23:04
Ахлоқимиз умримизга боғлиқми....
Яқинда АҚШнинг Дюк университети профессори Свитен Бойл ўзининг кўп йиллик илмий изланишлари натижасини эълон қилди.Унга кўра, узоқ яшаш учун одам иллатлардан воз кечмоғи, атрофидагиларга кўпроқ яхшилик қилмоғи лозим экан. Профессор бугун узоқ йиллик тадқиқотлар натижасида аниқлаган маълумотлар динимизда бундан бир ярим минг йил аввал таъкидлаб ўтилган.
Хўш, қандай сабаблар инсонни таназзулга олиб келади...
Салбий муносабат..
Ҳаётга ва атрофдагиларга салбий муносабатда бўлиш – яширин душманлик ҳисси билан яшаш, дегани. Бундай одамлар бошқаларни ёқтирмайди. Доимо яқинлари уларга нотўғри муносабатда бўлаётганидан нолийди. Натижада юрак, қон-томир, қандли диабет касалликларига чалиниш мумкин экан. Имом Ғаззолий: “Биз билан нима рўй бермасин у албатта ўтиб кетади” деб айтганлар.
Мақсадсизлик...
Яшашдан мақсад бўлмаса, умр қисқа бўлади. Яшашдан маъни йўқ, мақсадсиз яшаш – ақлнинг заифлашувига олиб келади. Руҳий касалликларнинг ривожланиш эҳтимоли 50 %га ошади. Шайх ҳазратлари, инсоннинг бу дунёда яшашдан мақсади нима деган саволга қуйидагича жавоб қилган эканлар: “Яшашдан мақсад, Аллоҳга бўлган иймоннинг ер юзида қарор топишига ҳисса қўшиш. Аллоҳ таолонинг айтганини қилиб, қайтарганидан қайтиш. Ушбу ҳар бир инсон учун шараф бўлган ишларни амалга ошириб икки дунёнинг саодатига эришиш”.
Тушкунлик...
Узоқ давом этган стресс, қаттиқ ҳаяжон умрни қисқартиради.! Одатда ғам-қайғу ва тушкунлик Аллоҳнинг қадарига рози бўлмасликдан, ношукрликдан келиб чиқади. Агар биз Аллоҳнинг неъматларига шукр қилсак, Қуроъни каримда “Қасамки, агар (берган неъматларимга) шукр қилсангиз, албатта, (уларни янада) зиёда қилурман” дея вада қилинганидек, аксинча, ношукрлик қилиб, қайтариқларидан қайтмасак, оятнинг давомида марҳамат қиладики: “Борди-ю, ношукрлик қилсангиз, албатта, азобим (ҳам) жуда қаттиқдир” 14:7.
Ёлғон ва хиёнат....
Кўп ёлғон гапирадиганларнинг ошқозон ости бези ва юрак қон томир тизимида жиддий муаммолар вужудга келар экан. Шунингдек хиёнат қиладиганларда сурункали касалликлар ва хавфли дардлар ривожланиш эҳтимоли кўпроқ бўлар экан. Расулуллоҳ ﷺ марҳамат қилиб: “Мўмин киши табиатида ҳар бир хислат бўлса ҳам, лекин хиёнат ва ёлғончилик бўлмайди” деганлар. Аллоҳ Расулуллоҳга ﷺ ишора қилиб:
“Албатта, Сиз буюк хулқ узрадирсиз!”-деган.68:4
Роббимиз бу оятда Расулуллоҳнинг ﷺ қилган ибодатларини эмас, хулқларини мақтамоқда. Ибодатларимизни қабул бўлишида, дуоларимизни мустажоб бўлишида асосий ўрин тутадиган нарса бу ҳусни хулқдир..
"Yurist xonim"
Kanalga ulanish
@yuristxonimdaftari
2.1K viewsedited 11:23
2023-03-15 09:12:23
Рамазонга тайёрмисиз...
Рамазонни қарши олишимиз – жуда катта хурсандчилик ва Аллоҳ томонидан Одам фарзандига берилган улкан неъматлардан биридир. Рамазон ойини байрамдек кутиб олинг зеро, фарзандларимиз Рамазон мўминнинг байрами эканлигини англаб етсинлар. Келинг, унга тайёргарликни бугундан бошлаймиз. Одатда, болалар байрам ифорини, ташқи безаклар орқали сезишади ва қабул қилади. Демак, биз оналар фарзандларимиз қалбига Рамазон шукуҳини солишимиз учун уйни байрамона безатишдан бошлашимиз керак. Албатта, бу ҳаракатимиз мўътадил яъни ортиқча исрофгарчиликларсиз амалга оширишни талаб қилади. Фарзандларингиз ёрдамида уйингизни байрамона безатинг. Суҳбат давомида, уларга Рамазоннинг моҳияти аслида, фақат уйни гўзал қилиб безатишдан иборат эмас, балки қалбни ҳам фитратни гўзал амаллар билан безатишдан иборат эканлигини тушунтиринг. Биз оналарнинг фарзандларимиз ҳаётида, айниқса уларнинг динига бўлган муҳаббати ва эътиқодини шакллантиришдаги ўрнимиз ва вазифамиз ўта масъулиятли. Шундай экан, биз бу улуғ вазифани бажаришда ўзимиз намуна бўлишимиз ва фарзандларимиз бизнинг сўзларимизга эмас, балки амалларимизга қараб, хулоса қилишларини зинҳор унутмайлик..
Yurist xonim"
Kanalga ulanish
@yuristxonimdaftari
3.3K viewsedited 06:12
2023-03-15 09:12:11
Рамазонга тайёрмисиз
Kanalga ulanish
@yuristxonimdaftari
3.1K views06:12
2023-03-14 18:40:55
Намозим қабул бўляптими
Ҳиндистонлик уламо Имдодуллоҳ Маккий ҳузурларига бир киши келиб, шикоят қилди:
— Неча йиллардан бери намоз ўқийман. Лекин намозим қабул бўляптими-йўқми, шуни билмай, изтиробдаман…
Шунда Ҳазрат Имдодуллоҳ Маккий барчамизни кўнглимизни кўтарадиган жавоб берган эканлар:
— Эрталаб бомдод намозини ўқидингизми?
— Ҳа, ўқидим.
— Сўнг пешинни ўқидингизми?
— Ҳа, ўқидим.
— Агар Аллоҳ таоло намозингизни қабул қилмаганида, сизга кейинги намозни ўқишга тавфиқ бермасди. Намозингиз давомий бўляптими, демак, Аллоҳ ибодатингизни қабул қиляпти. Агар қабул қилмаганида кейинги намозга етказмасди…
Kanalga ulanish
@yuristxonimdaftari
2.3K views15:40
