Kanal manzili:
Toifalar:
Iltimoslar
Til: Oʻzbek tili
Obunachilar:
12.23K
Kanalning ta’rifi
Юридик соҳада кўп йиллик тажрибага эга юрист Мадина СайдиУсмонованинг шахсий блогига хуш келибсиз. Каналда фалсафий - руҳий мавзусидаги ўз фикрларим, ва қарашлар билан бўлишиб бораман..
Меҳмоним бўлинг!
Мурожаатлар учун: @yurist_xonim_admini
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
1
2 stars
0
1 stars
1
Oxirgi xabar 27
2023-03-26 12:14:20
Эримни ўлдириб беринг...
Оилада бўладиган тортишувлардан тўйиб кетган аёл дугонасини олдига келиб, эри ҳар кун урушиб тергайверишидан, бирор кун тинчлик йўқлигидан шикоят қилиб, бу ҳолатдан тўйиб кетганлигини зикр қилди. Ва эрини ўлдириб берадиган фолбин топиб беришлигини сўради. Дугонаси унинг бу ҳолатини тушуниб ачиндида бир фолбин манзилини берди. Аёл ўзида йўқ хурсанд ҳолатда дугонаси айтган фолбинга келиб эримни ўлдириб беринг деб сўради. Бу киши аёлнинг оиласи ҳолатини ўргангандан кейин рози бўлди.
Аёлга эрини ўлдиришлик режасини тушунтирди: Бирданига эрингни ўлдирадиган дори қилиб берсам сендан шубҳаланиб сезиб қолишади. Шунинг учун эрингни аста секинлик билан ўлдирамиз. Мен сенга дори бераман ҳар куни оз оздан овқатига қўшиб берасан. Фақат сен эрингга гўзал муомалада бўлгинки, ўлганидан кейин сендан инсонлар шубҳаланмасин деди. Аёл рози бўлди.
Аёл хурсанд ҳолатда уйига қайтди. Доридан эрининг овқатига ҳар куни оз оздан қўшиб бера бошлади. Эри урушганда, дакки дашном берганда ҳам гап қайтармасдан гўзал муомала қила бошлади. Эри аёлининг бу муомаласидан аввалига ажабланди. Кейинчалик эса аёлининг хато камчиликларига кўз юма бошлади. Оилада илиқлик пайдо бўлиб шу йўсинда оила муносабатлар ўрнига туша бошлади.
Бир куни аёл фолбиннинг ҳузурига келиб, эримни ҳаётини сақлаб қолинг уни ўлишини хохламайман. У дунёдаги энг яхши инсон дея йиғлай бошлади. Шунда фолбин деб гумон қилинган киши айтдики. Мен сенга заҳар эмас оддий гиёҳ берган эдим деди. Аслида касаллик камчилик сенда эди, мана энди тузалдинг деб тушунтирди. Аёл бу гапдан қувнаган ҳолатда севикли эрининг уйи томон шошганича чиқиб кетди.
Аёлнинг дугонаси солиҳа бўлгани учун уни фолбинга эмас диндор домла ҳузурига йўллаган эди. Дўстларимиз диндор солиҳ инсонлар бўлишлиги қандай ҳам яхши.
Қиссада аёлларимизга гўзал ўрнак бор.
Kanalga ulanish
@yuristxonimdaftari
6.2K viewsedited 09:14
2023-03-26 08:53:28
Энг арзон фикрлар....
Ҳасан Басрийдан сўрадилар:
- Нима учун одамларни гапларига парво қилмайсиз..?!
Ул зот жавоб берди:
- Мен туғилганимда бир ўзим туғилдим,
Ўлаётганимда ҳам бир ўзим ўламан,
Қабрга ҳам бир ўзим кираман…
Аллоҳ Таоло олдида ҳам бир ўзим сўроқ қилинаман…
Агар жаннатга кирсам ҳам бир ўзим кираман. Агар дўзахга кирсам ҳам бир ўзим кираман. Шундай экан одамларнинг гапларидан менга нима наф....?!
Унутманг, аслида дунёдаги энг арзон фикр, бошқаларнинг сиз ҳақингиздаги фикрларидир. Камина, "Yurist xonim" бу оддий хақиқатни тушунганимдан буён, ҳаловатни дўст қилганман....
"Yurist xonim"
Kanalga ulanish
@yuristxonimdaftari
6.4K views05:53
2023-03-26 04:48:38
Кечирувчи қалблар....
Кечиримли кишилар – қалби яхшиликлар билан лиммо-лим тўлган кишилардир. Улар дунёнинг қийматини биладилар ва одамларнинг айби билан ўралашмайдилар.
Унутманг, кечирувчи қалблар заиф эмас, балки буюк қалб эгаларидир..
Зеро, кечириш ва мағфират, Роббимизнинг улуғ сифатларидан бири бўлиб, аслида У зот, суйган бандаларига-гина ўз сифатларидан инъом этар экан....
«Ким афв этиб ислоҳ қилса, унинг ажри Аллоҳнинг зиммасидадир» (Шуро 40)...
"Yurist xonim"
Kanalga ulanish
@yuristxonimdaftari
6.9K views01:48
2023-03-26 04:07:59
Муҳими Унинг севгиси экан....
"Мен ўзимни Аллоҳни севаман деб ҳисоблардим. Аммо билдимки, муҳими Унинг севгиси экан. Агар, У севса қалбингни Ўзидан бошқа билан машғул қилиб қўймас экан" - дедилар Боязид Бистомий
Kanalga ulanish
@yuristxonimdaftari
4.7K views01:07
2023-03-26 03:29:47
Caнай олмайман.....
Жаброил (а.с) шундай деган эканлар:
Агар Аллоҳ таоло уммонлардаги сув томчиларни санаб кел деса, санаб кела оламан.
Агар Аллоҳ таоло чўлдаги қум зарраларини санаб кел деса, қанча қум зарраси бўлса санаб кела оламан.
Агар Аллоx дарахтда қанча барг борлигини санаб кел деса, бориб ер юзида неча дона дарахт барги борлигини санаб кела оламан.
Аммо Аллоҳ таоло, Расулуллоҳнинг ﷺ умматларига Рамазон ойида берадиган савобни, санай олмайман!
Қаршисида туриш ва саждада қоим бўлишдек, олий бахт, буюк неъмат олдида на бу дунё даркор қалбга ва на надомат.
"Yurist xonim"
Kanalga ulanish
@yuristxonimdaftari
10.5K viewsedited 00:29
2023-03-25 18:22:02
Сажда ила кетар маҳзунлик..
“Қалбингни йиғлатган ҳаётдан ноумид бўлма!
Эй Аллоҳ, менга яхшиликни эваз қилиб бер, деб айт.
Маҳзунлик биргина сажда билан кетиб қолади. Шодлик битта дуо билан қайтиб келади” - дедилар шайх Шаъровий...
Менинг жаннату Райёндаги қўшниларим, ҳар кеча ухлашингиздан олдин, қалбингизни оғир ва кераксиз юклардан озод қилинг, барча барчаcини кечиринг ва мозийга улоқтиринг! Яқинларингизни Аллоҳга омонат қилишни унутманг. Зотан, ухлаб уйғонмаслик бор, ёки уйғониб тополмаслик.. Биласизми, энг оғриқлиси нима....?
Эртанги жаноза эгалари, ҳозир нафас олиб туришибти...
"Yurist xonim"
Kanalga ulanish
@yuristxonimdaftari
5.6K viewsedited 15:22
2023-03-25 15:24:40
Рўзамиз дурустми...
Шайхнинг телефони жиринглади....
Ҳар доимгидай рўза ҳақида берилган саволларга жавоб беришлик учун, гўшакни кўтарган Шайх берилган саволдан "карахт" аҳволга тушиб қолди...
– Ассалому алайкум Шайх! (қалтироқ овозда зўрға гапирар эди).
-Кондиционерлик хонада нозу-неъматлар билан саҳарлик қилиб ўтирган Шайх жавоб берди:
– Ва алайкум ассалом ва раҳматуллоҳ.
– Мен Сомали (Африка давлати) дан қўнғироқ қиляпман. Биз оила аъзоларимиз билан бирга рўза тутмоқдамиз. Лекин, (бироз сукут қилиб, инграган ҳолда) ифторлик ҳам, сахарлик ҳам қилмаяпмиз...
"Чунки, ейишга ҳам, ичишга ҳам ҳеч нарсамиз йўқ". Бизнинг тутаётган рўзамиз дурустми...
– Илтимос, жавоб берсангиз!
– Ало жавоб беринг! Гапингиз эшитилмаяпти, алооо...
— Шайх бу саволга жавоб бера олмади...
Чунки, ҳўнг-ҳўнг йиғлаётган эди...
Бизлар эса, нозу-неъматларга кўмилиб кетдик, бироз фикр юритайлик ва шукр қилайлик!
"Сўнгра ана ўша Кунда албатта неъматлар тўғрисида масъул бўлурсизлар..! Такосур, 8 оят.
Kanalga ulanish
@yuristxonimdaftari
8.0K viewsedited 12:24
2023-03-25 13:51:32
Хотима.....
Мадинада истиқомат қиладиган, ислом фиқҳи бўйича олим дўстимиз Маҳмуд Усмоннинг ёзишича, расмдаги бу мисрлик биродар Расулуллоҳ ﷺ масжидларида бомдод намозининг биринчи ракъатини адо этаётиб, Аллоҳга омонатини топширибди.
Киши қандай яшаса, шундай вафот топар экан..
Расулуллоҳ ﷺ айтганлар-ки, амалларнинг Аллоҳга энг севимлиси — намоз. Энг яхши амални, энг яхши жойда адо этаётган ҳолда вафот топишни Аллоҳ барчамизга насиб этсин!
Бу биродаримизга эса жаннатлардан қасрлар берсин!
Kanalga ulanish
@yuristxonimdaftari
5.1K viewsedited 10:51
2023-03-25 12:52:33
Рўзанинг турлари хақида биласизми....
Рўзанинг турлари тўрттадир:
I. Лозим рўза.
Лозим рўза иккига: фарз ва вожибга бўлинади.
Фарз рўза ҳам иккига: тайинли ва тайинли эмасга бўлинади.
Тайинли фарз рўза - Рамазон рўзасини адо этишдир.
Тайинли бўлмаган фарз рўза – Рамазоннинг қазоси ва каффорат рўзасидир.
Вожиб рўза ҳам иккига: тайинли ва тайинли эмасга бўлинади.
Тайинли вожиб рўза – муайян назр рўзадир.
Тайинли бўлмаган вожиб рўза – мутлоқ назр рўза ва нафл рўзани бузган бўлса, қазони тутишдир.
II. Ҳаром рўза.
Бу турдаги рўзани ҳанафийлар: “макруҳи таҳримий” ҳам дейдилар. Бундай рўзалар бир неча хилдир:
1. Аёл кишининг эрининг изнисиз ёки розилигини билмай туриб нафл рўза тутиши.
2. Шак куни рўза тутиш.
3. Рўза ҳайити куни ҳамда Қурбон ҳайити ва ундан кейинги уч куннинг рўзасини тутиш.
4. Ҳайзли ва нифосли аёлнинг рўза тутиши.
5. Рўза тутса ҳалок бўлишини билиб туриб рўза тутган одамнинг рўзаси.
III. Ихтиёрий рўза.
Ҳанафий мазҳабида ихтиёрий рўза учта: суннат, мандуб ва нафлга бўлинади.
Суннат рўза – Расулуллоҳ соллаллоҳу алайҳи васаллам бардавом тутиб юрган ихтиёрий рўза.
Ошуро ойининг тўққизинчи ва ўнинчи кунининг рўзаси суннат ҳисобланади.
Мандуб ёки мустаҳаб - Расулуллоҳ соллаллоҳу алайҳи васаллам бардавом тутмаган ихтиёрий рўза.
1. Бир кун тутиб, бир кун очиб юриш.
2. Ҳар ойда уч кун рўза тутиш.
3. Ҳафтанинг душанба ва пайшанба кунлари рўза тутиб юриш.
4. Шавволдан олти кун рўза тутиш.
5. Арафа куни рўза тутиш.
6. Арафадан олдин саккиз кун рўза тутиш.
7. Шаъбон ойида рўза тутиш
Нафл рўза – зикр қилиб ўтилганлардан бошқа тутишга тарғиб қилинган рўзалар.
IV. Макруҳ рўза.
Бу хилдаги рўзани ҳанафий мазҳабида макруҳи танзиҳий ҳам дейилади. Улар қуйидагилардир:
1. Ошуро кунининг ёлғиз ўзининг рўзасини тутиш.
2. Жума кунининг ёлғиз ўзининг рўзасини тутиш.
3. Шанба кунининг ёлғиз ўзининг рўзасини тутиш.
4. Наврўз куни рўза тутиш.
5. Меҳрижон куни рўза тутиш.
6. Ҳар куни рўза тутиш.
7. Гапирмасдан рўза тутиш.
8. Улаб рўза тутиш.
9. Мусофирнинг қийналиб рўза тутиши.
"Кифоя" китобидан.
Kanalga ulanish
@yuristxonimdaftari
7.1K viewsedited 09:52
2023-03-25 10:40:48
Аёл, эркакнинг .....
"Эркак учун олтин ҳаром қилинди. Бироқ эркакнинг энг қадрли олтини унинг жуфти ҳалолидир..!" - дедилар
Ҳазрати Али розияллоҳу анҳу
Йигит отасидан сўради: “Уйланишим учун муносиб аёлни қандай топаман?” Ота жавоб берди: “Муносиб аёл топиш мавзусини унутиб тургингда, бор диққат-эътиборингни муносиб эр бўлишга қаратгин”...
"Yurist xonim"
Kanalga ulanish
@yuristxonimdaftari
6.6K views07:40
