ССВ матбуот котиби| Эмланиш – соғлик кафолати!

2023-05-20 06:55:29 ​ ССВ: Педиатрлар ўртасида ягона платформа яратиш масаласи муҳокама қилинди

Пойтахтимизда “Амалий педиатриянинг долзарб масалалари” мавзусида Ўзбекистон педиатрларининг I Конгресси бўлиб ўтди.

Анжуман Тошкент педиатрия тиббиёт институти, Болалар миллий тиббиёт маркази, Ўзбекистон педиатрлар ҳамда анестезиолог-реаниматологлар ассоциациялари билан ҳамкорликда ташкил этилди.

Унда Марказий Осиё давлатларидан келган соғлиқни сақлаш соҳаси вакиллари, илмий тадқиқотчилар, профессор-ўқитувчилар ва ёш олимлар иштирок этди.

Тадбирнинг мақсади педиатрия соҳасига юқори технологияларни жалб қилиш бўйича фикр алмашиш, шунингдек тадқиқотчилар ва тадбиркорларнинг ғояларини амалга ошириш, муаммоларни биргаликда ҳал қилишдан иборат.

Конгресс давомида минг нафардан ортиқ педиатр, болалар анестезиолог ва реаниматологи, неонатолог, кардиолог, жарроҳ, уролог, нефролог ва радиация диагностикаси мутахассисларининг илғор тажрибалари билан ўзаро танишиб бориш учун тўлақонли мулоқот платформасини яратиш асосий масала бўлди.

Шунингдек, анжуманда таълим, фан ва амалиёт интеграцияси бўйича олимлар ҳамда амалиётчилар ўртасида узоқ муддатли ҳамкорликни ривожлантиришга келишиб олинди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-05-19 18:57:34 ​ Ўзбекистон – Франция: Тиббиёт соҳасидаги ҳамкорлик алоқалари янада мустаҳкамланади

Ўзбекистон Соғлиқни сақлаш вазири Амрилло Иноятов Франциянинг юртимиздаги Фавқулодда ва Мухтор элчиси Орелия Бушез хоним билан учрашув ўтказди.

Самимий руҳда ўтган мулоқот аввалида мамлакатларимиз ўртасида тиббиёт йўналишидаги ҳамкорлик алоқалари йилдан йилга мустаҳкамланиб бораётгани алоҳида қайд этилди.

Айниқса, Президентимизнинг ўтган йил 21-22 ноябрь кунлари Францияга амалга оширган расмий ташрифи икки томонлама муносабатларда бутунлай янги саҳифа очди.

Маълумки, Франция тиббиёт соҳасида дунёнинг етакчи мамлакатларидан бири ҳисобланади. Хусусан, диагностика, терапевтик муолажалар ва ноёб жарроҳлик амалиётларини ўтказишда катта тажрибага эга.

Бу эса соғлиқни сақлаш йўналишида ушбу давлат билан ўзаро тажриба алмашиш қанчалик муҳим эканини кўрсатади.

Шу боис Ўзбекистон Соғлиқни сақлаш вазирлиги ва Франция соғлиқни сақлаш тизими бошқарувида алоҳида ўрин тутувчи “AP-HP” — давлат тиббиёт муассасалари ассоциацияси ўртасида тиббий суғурта, педиатрия, акушерлик-гинекология, гематология ва онкология каби йўналишларда ўзаро ҳамкорлик алоқалари кенгайиб бормоқда.

Учрашувда ушбу соҳалар билан бир қаторда мамлакатимизда тез тиббий ёрдам хизматини янада ривожлантириш, бу йўналишда мутахассислар тайёрлаш, тиббий таълим сифатини ошириш бўйича ҳамкорликни янада ривожлантириш масалалари атрофлича муҳокама қилинди.

Шунингдек, келгусида Ўзбекистон – Франция тиббиёт форумини ўтказиш бўйича ҳам ўзаро фикр алмашилди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-05-19 13:48:15 ССВ: Дунёнинг етакчи онкологлари Хивадаги нуфузли конференцияда иштирок этмоқда

Хива шаҳрида “Ўсмаларни ташхислаш ва даволашда замонавий технологиялар” мавзусида Ўзбекистон онколог ва радиологларининг XIX конференцияси ўз ишини бошлади.

Соғлиқни сақлаш вазирлиги ва Республика ихтисослаштирилган онкология ва тиббий радиология илмий-амалий тиббиёт маркази томонидан ташкил этилган анжуманда маҳаллий мутахассислар билан бир бирга, Ҳиндистон, Корея, Туркия, Миср, Буюк Британия, Россия ва Қирғизистон каби дунёнинг 20 дан зиёд давлатлари вакиллари иштирок этмоқда.

Тадбир аввалида Соғлиқни сақлаш вазири Амрилло Иноятов форум меҳмонларини нуфузли анжумандаги иштироки билан онлайн тарзда қутлади.

Таъкидланганидек, сўнгги йилларда дунёда онкологик касалликларга чалиниш ҳолатлари тобора ортиб боряпти. Хасталик йилдан йилга ёшариб, ўлим даражаси юрак-қон томир хасталикларидан кейин 2-ўринда қайд этилган.

Юртимизда ҳам саратон ташхиси қўйилган беморлар сони кам эмас. Шу боис Президентимизнинг онкологик хизматни ривожлантириш бўйича 3 та қарори қабул қилинди. Унга кўра, барча ҳудудлар учун мобил маммографлар харид қилинди.

Республика онкология марказининг барча филиалларида иммуногистохимиявий лабораториялар ташкил этилиб, улар камерал микроскоп ва реактивлар билан таъминланди. Қолаверса, саратоннинг кечки босқичларида беморларга ёрдам кўрсатиш учун барча филиалларда паллиатив ёрдам бўлимлари ташкил этилди.

Шунингдек, бундан 5 йил аввал юртимизда атиги 5 та радиотерапевтик мослама мавжуд бўлса, ҳозир уларнинг сони 25 тага етди. Тошкент, Фарғона, Урганч ва Самарқанд шаҳарларида оғир беморларга ёрдам кўрсатишнинг кейинги босқичларида вилоятлараро хоспислар фаолияти йўлга қўйилмоқда.

Бундан ташқари, касалликни эрта босқичда аниқлаш мақсадида кўкрак бези ва бачадон бўйни саратони бўйича мунтазам скрининг текширувлари ўтказиляпти.

Тадбирда жаҳоннинг етакчи клиникалари илғор тажрибаларини юртимиз онкология хизматига татбиқ этиш, ташхислаш ва даволашнинг замонавий усулларини амалиётда кенг қўллаш муҳим экани қайд этилди.

Шунингдек, анжуманда маҳаллий ва хориждан келган мутахассислар ўз маърузалари билан иштирок этмоқда. Муҳокама этиладиган долзарб масалалар кўплиги инобатга олиниб, тадбирда 4 та секция ташкил этилди.

Форум ўз ишини эртага ҳам давом эттиради.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-05-19 12:26:22 Ochish/sharhlash

2023-05-17 17:48:09 Тезкор муносабат

ССВ: 60 ёшдан ошганларга хавфли дорилар тарқатилаётгани — мутлақо ёлғон ва ҳақиқатга зид!

Ижтимоий тармоқларда Ўзбекистон Хитойдан катта миқдорда дори воситалари сотиб олгани, таблетка кўринишидаги ушбу препаратлар юртимиз бўйлаб 60 ёшдан ошган аҳоли вакилларига берилиши, аммо улар инсон организми учун хавфли экани ҳақида мутлақо уйдирма ва ҳақиқатга зид хабарлар тарқалмоқда.

Соғлиқни сақлаш вазирлиги мазкур ҳолат юзасидан қуйидагиларни маълум қилади.

Аввало, шу кунларда мамлакатимизга Хитой давлатидан катта миқдорда дори воситалари олиб келингани ҳақидаги хабарлар мутлақо ёлғон.

Қолавера, бундан 2 йил аввал юртимизда коронавирус пандемияси айни авж олган оғир ва мураккаб даврда ҳам интернет тармоқларида COVID-19 инфекциясига қарши ишлаб чиқарилган вакциналар тўғрисида шу сингари ҳақиқатга зид маълумотлар тарқатилган эди.

Бироқ орадан вақт ўтиб, ушбу хабарлар мутлақо уйдирма экани маълум бўлди. Аксинча, вакциналар аҳоли ўртасида коронавирус инфекциясига қарши оммавий иммунитетни шакллантириш, касалликнинг олдини олиш ҳамда пандемияни тўхтатишда муҳим восита бўлиб хизмат қилди.

Шу маънода айтсак, одамлар орасида турли ваҳима ва хавотир уйғотиш мақсадида тарқатилаётган бу галги хабарлар ҳам бўхтон ва сафсатадан бошқа нарса эмас.

Шу боис вазирлик аҳолидан бундай фейк хабарларга ишонмасликни, тиббиёт соҳаси билан боғлиқ энг тўғри ва асосли маълумотларни Соғлиқни сақлаш вазирлигининг расмий www.ssv.uz веб-сайти ҳамда телеграмдаги https://t.me/ssvuz, https://t.me/ssvmatbuotkotibi саҳифалари орқали олишлари мумкинлигини эслатиб ўтади.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-05-17 15:31:15 ЖССТ: Шакар ўрнини босувчи сунъий маҳсулотлар соғлиқ учун хавфли

Жаҳон соғлиқни сақлаш ташкилотининг навбатдаги ҳисоботига кўра, шакар ўрнини босувчи сунъий қўшимчалар инсон саломатлиги ва ҳаётига жиддий хавф туғдиради.

Ушбу хулоса бир неча йил давомида ўтказилган 283 та тадқиқот натижаларига асосланган.

Маълумки, 25-30 грамм шакар истеъмоли кунлик меъёр ҳисобланади. Бундан ортиғи семириш ва хавфли касалликлар ривожланишига олиб келади. Шу сабабли баъзилар шакар ўрнини босувчи сунъий қўшимчалардан фойдаланиш хавфсиз, деб ўйлайди.

Аслида, озиқ-овқат маҳсулотлари ва ичимликларга ширин таъм бағишлашда қўлланиладиган сахарин, аспартам, калий ацесульфам, сукралоза, неотам, адвантам, стевия ва унинг ҳосилалари дастлаб тана вазнини камайтирса-да, аммо ушбу жараён узоқ давом этмайди.

Аксинча, бундай маҳсулотларнинг одатий истеъмоли бора-бора семиришга олиб келади. Оқибатда инсонларда 2-тоифа қандли диабет ривожланиш хавфи 34 фоизгача ошади.

Қолаверса, бундай моддалардан тез-тез фойдаланувчиларда юрак-қон томир касалликларига чалиниш эҳтимоли 32 фоиз (жумладан, инсульт — 19 фоиз, гипертония —13 фоиз) юқори. Ўз навбатида, бу омил ўлим хавфи 10 фоиз ортишига хизмат қилади.

Шу боис экспертлар организмнинг шакарга бўлган эҳтиёжини мева-сабзавотлар ва бошқа табиий маҳсулотлар истеъмоли орқали таъминлашни тавсия қилмоқда.

Бу кўрсатмаларга қандли диабетга чалинган беморлардан бошқа аҳоли қатлами амал қилиши мақсадга мувофиқ.

Бинобарин, ЖССТ хулосалари тиш пастаси, турли кремлар каби шахсий гигиена воситалари ҳамда дори-дармонларга нисбатан татбиқ этилмайди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-05-17 14:18:36 Ochish/sharhlash

2023-05-17 09:58:35 Трансёғлардан нега воз кечиш керак?

Кўпчилик фаст-фуд, чипс, картошка фри ва турли ширинлик маҳсулотларини севиб истеъмол қилади. Бироқ ушбу егуликларни тайёрлашда ишлатиладиган трансёғлар туфайли бугун дунё бўйлаб ҳар йили ярим миллион инсон ҳаётдан кўз юммоқда.

Бу ҳақда Жаҳон соғлиқни сақлаш ташкилоти экспертлари огоҳлантирмоқда.

Хўш, трансёғлар ўзи нима? Нега бугун мутахассислар мазкур турдаги ёғлардан бутунлай воз кечиш ёки унинг миқдорини минимал миқдорда камайтиришни тавсия қилмоқда?

Трансёғлар – махсус усуллар ёрдамида ишлов берилган тўйинмаган ёғ кислотаси ҳисобланади, — дейди Соғлиқни сақлаш вазирлиги бош нутрициологи Гули Шайхова. — Шунингдек, у сигир ва қўй каби ҳайвонларнинг сут ва гўшт маҳсулотларида ҳам табиий ҳолда учрайди.

Дастлаб сунъий трансёғлар моддий томондан фойдали ҳисобланган. Сабаби улар табиий сариёғларга нисбатан арзон бўлиб, узоқ муддат сақланган. Қолаверса, у маҳсулотларни бир неча марта қовуриш имконини берган.

Айнан трансёғлар туфайли ҳам бугун дунёда фастфуд индустрияси гуллаб-яшнамоқда. Бироқ афсуски, бундай егуликлар сабабли жаҳонда йилдан йилга турли хавфли касалликлар авж оляпти.

Нега? Чунки инсон танаси учун ёғ кислотлари қандай кўринишда тушаётгани муҳим аҳамиятга эга. Ёғлар ҳужайра мембраналари ва бошқа биологик структураларнинг ҳосил бўлиши учун “қурилиш материали” ҳисобланади. Агар улар сунъий синтезланган транс шаклга эга бўлса, организмда моддалар алмашинуви жараёнига салбий таъсир этади.

Хусусан, танада зарарли холестерин миқдорини оширади. Яъни паст зичликдаги липопротеинлар қон томирлар деворида тиқин ҳосил қилиб, уларни торайтиради. Натижада организмда қон айланиши ва ҳаётий муҳим органларни қон билан таъминлаш бузилади.

Оқибатда инфаркт, инсульт ва ўпка артерияси тромбоэмболияси каби турли хавфли касалликлар келиб чиқади. Шунингдек, трансёғлар яллиғланиш жараёнларининг тезлашиши, иккинчи тоифа қандли диабет ва онкологик хасталикларнинг ривожланиш хавфини ҳам оширади.

Шу боис ЖССТ ушбу турдаги ёғларни тақиқлаш ёки уни кунлик энергия миқдорининг 1 фоизигача камайтиришни тавсия қилмоқда. Яъни, кунлик рационда 2000 калория бўлса, трансёғлар 2,2 граммга тўғри келиши лозим. Бироқ бугун айрим егуликлар таркибида ушбу турдаги ёғлар миқдори кунлик нормадан 200 баравар ортиқни ташкил қилмоқда.

Шундай экан бундай вазиятда энг тўғри йўл – потенциал хавфли егуликлар тановулидан бутунлай воз кечиш ёки улар миқдорини минимал даражада камайтиришдир.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-05-17 08:10:23 В рамках визита в США министр здравоохранения Амрилло Иноятов провел встречу с руководством Международной финансовой корпорации (IFC), входящей в Группу Всемирного банка.

По итогам переговоров с директором IFC по вопросам государственно-частного партнерства и корпоративных финансов Линдой Муньенгетервой подписано соглашение о строительстве, эксплуатации и обслуживании на основе государственно-частного партнерства новых многопрофильных больниц в Самаркандской, Джизакской и Кашкадарьинской областях.

Более подробно об итогах встречи рассказывается в видеоролике, подготовленном Пресс-службой Министерства здравоохранения из США.

@ssvuz | @ssvmatbuotkotibi | Facebook | Instagram Ochish/sharhlash

2023-05-17 07:31:53 ​ССВ: Тошкентда 12 та давлатдан келган 120 нафар бўлажак стоматологлар беллашди

Тошкент давлат стоматология институтида VI халқаро стоматологлар Конгресси бўлиб ўтди.

Анжуманда Европа Иттифоқи давлатлари, Туркия, Корея, Ҳиндистон ва МДҲ мамлакатларининг 100 дан ортиқ етакчи мутахассислари иштирок этиб, ташхислаш ва даволашнинг энг янги усуллари, илм-фан ва таълим йўналишларидаги замонавий тенденциялар, хусусан, биотиббиёт инженерияси, ахборот ва виртуал технологиялар каби соҳаларни тиббиёт билан интеграцияси каби масалаларда мулоқот қилди.

Анжуман аввалида Соғлиқни сақлаш вазири Амрилло Иноятов онлайн тарзда сўзга чиқиб, мамлакатимизда стоматология йўналишида амалга оширилаётган ишлар ва келгусидаги режалар ҳақида таъкидлаб ўтди.

Тадбирга нафақат олий таълим муасасалари, балки илмий марказлар, ишлаб чиқариш корхоналари, шунингдек, профессионал таълим масканлари ходимлари ҳам жалб этилди.

Анжуман дастуридан икки йўналишда халқаро олимпиада ҳам ўрин олди:

“Терапевтик стоматология” йўналишида — Германиянинг стоматологик ускуна ва материаллар ишлаб чиқарувчи “Mega Denta” компанияси томонидан анъанавий “Мега мастер” XII халқаро талабалар олимпиадаси;

“Болалар стоматологияси” йўналишида — АҚШнинг “Colgate-Palmolive” компанияси билан ҳамкорликда халқаро талабалар олимпиадаси.

Бу йилги халқаро танловларда АҚШ, Германия, Туркия, Ҳиндистон, Ўзбекистон, Қозоғистон, Россия каби давлатларнинг 12 етакчи тиббиёт олий таълим муассасаларининг 120 нафарга яқин иштирокчи қатнашди.

Таъкидлаш жоизки, конгресс доирасида маҳаллий ҳамда хорижий экспертлар томонидан ёш мутахассислар ва талабалар учун 20 га яқин маҳорат дарслари ҳам ўтказилди.

Мазкур машғулотлар Германия, Италия, Корея, Россия каби давлатларнинг етакчи ишлаб чиқарувчи корхоналари вакиллари иштирокида ташкил этилди.

Халқаро конгресс давомида Тошкент давлат стоматология институти дунёнинг қатор тиббиёт олий таълим муассасалари билан ҳамкорлик меморандумлари имзолади.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash