ССВ матбуот котиби| Эмланиш – соғлик кафолати!

2021-02-14 10:18:54 ​ЮҚОРИ ТЕХНОЛОГИК ЖАРРОҲЛИК АМАЛИЁТЛАРИ ИНСОН МАНФААТЛАРИНИ ТАЪМИНЛАШНИНГ ЁРҚИН ИФОДАСИГА АЙЛАНМОҚДА

Аввал хабар берганимиздек, вилоятимизда ”Бор меҳримиз шу Ватан, шу халқ учун” шиори остидаги саломатлик акцияси давом этмоқда.

Мамлакатимизнинг энг таниқли шифокорлари маҳаллабай кесимида “Темир дафтар”, ”Аёллар дафтари” ва “Ёшлар дафтари”га киритилган бемор ҳамюртларимиз хонадонларига кириб, уларга малакали тиббий хизмат кўрсатишмоқда. Ижтимоий ҳимояга муҳтож хастаҳолларни соғломлаштириш чоралари кўрилаётир.

Бинобарин, жарроҳлик амалиёти ўтказилиши зарур деб, топилган инсонлар эса зудлик билан вилоят даволаш-профилактика муассасаларига жўнатилмоқда. Республика шошилинч тиббий ёрдам илмий маркази Наманган филиали, вилоят эндокринология, кардиология марказлари, вилоят кўп тармоқли тиббиёт маркази ва вилоят болалар кўп тармоқли тиббиёт марказларида ўтказилган имтиёзли юқори технологик жарроҳлик амалиётларида ўнлаб инсонлар узоқ даврдан бери қийнаб келаётган дардлардан фориғ бўлдилар.

Айни пайтда Республика ихтисослаштирилган кардиология илмий-амалий тиббиёт марказининг Наманган филиалида жарроҳлик амалиётлари узлуксиз давом эттирилмоқда. Кеча ушбу марказ вакиллари пойтахтлик ҳамкасблари билан Хонoбоддаги фаолиятлари доирасида юрак ишимик хасталигига дучор бўлган Маҳфуза Маматованинг уйида бўлишиб, унинг соғлиғини тиббий кўрикдан ўтказишган эди. Ривожланиб борувчи стенакордея ташҳиси қўйилиб, зудлик билан жарроҳлик амалиёти ўтказилишига қарор қилинди.

Бугун эрталаб жарроҳлик столига ётган илк бемор Маҳфуза бўлди. Республика ихтисослаштирилган кардиология илмий-амалий тиббиёт марказининг Наманган филиали рентгенэндоваскуляр жарроҳлик бўлимида интервенцион-кардиологлар Акмалжон Жалилов, Аброр Абдуллаев ва Бахтиёр Камолиддиновлар шошилинч коронаграфия, юрак чап тож томирларини стентлаш амалиётларини замонавий қурилмалар воситасида муваффақиятли бажаришди.

- Давлатимизга минг раҳмат. Оғир дарддан шу қадар тез қутуламан деб, ўйламаган эдим. Қўли енгил шифокорлар оғир касалликни даволашди. Соғлиғим тикланганидан жуда ҳам бахтиёрман, - дейди бемор.

Тез тиббий ёрдам машиналарида хаста кишилар шифохонага етказиб келинаётганлиги, тиббиёт ходимларининг уларга кўрсатаётган алоҳида меҳр ва эътибори, дард чекаётганларнинг юрагига ўрнатилаётган воситалар бепуллиги инсонпарварликнинг олий намунаси эмасми?!

Бўлим мудири А. Жалиловнинг айтишича, кун давомида олти нафар беморда шундай амалиётни ўтказиш кўзда тутилган.

Эндокринология соҳаси мутахассисларининг фаолияти ҳам эътиборга молик. Республика ихтисослаштирилган эндокринология илмий-амалий тиббиёт маркази шифокорлари Наманган шаҳар Саноат кўчасидаги 124-уйга киришганида уй бекаси Муҳайё Абдужалиловадаги касаллик хатарли эканлигини аниқлашди ва уни ҳам зудлик билан операция қилиниши зарурлигини айтишди.

Бугун эса тиббиёт маркази жарроҳлик бўлими мудири, тиббиёт фанлари номзоди Нусратжон Алимжонов наманганлик ҳамкасби Ғайратжон Икромов билан ҳамкорликда аёл қалқонсимон безидаги икки томонлама ўсмаларни олиб ташлашди. Энди Муҳайёга кўп тугунли буқоқ азоб бермайди.

- Бу жуда ёмон оқибатларга олиб келувчи ўсма эди. Энди дори воситалари вақтида ичиб юрилса бемор ҳаётига раҳна солувчи дард қолмади, - дейди доктор Нусратжон Алимжонов. – Келгуси ҳафтада пойтахтдан яна бир гуруҳ мутахассислар келишади. Улар яна кўплаб инсонларни соғломлаштиришга ёрдам беришади.

Дарҳақиқат, ижтимоий-тиббий акция шарофати билан кўплаб эҳтиёжманд кишилар имтиёзли равишдаги тиббий хизматдан баҳраманд бўлиб, соғликларини тиклаб олишмоқда. Бу инсон манфаатларини таъминлаш борасидаги эзгу саъй-ҳаракатларнинг ёрқин ифодасидир.

Наманган вилоят соғлиқни сақлаш бошқармаси Ахборот хизмати Ochish/sharhlash

2021-02-14 09:14:22 ​ЖССТ маълумотларига кўра, охирги сутка давомида дунёда 410 минг нафардан ортиқ янги касалланиш ҳолати қайд этилди

Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 107 миллион 838 мингдан ортиқни ташкил этмоқда, шундан 2 миллион 373 мингдан зиёд киши вафот этган. Охирги сутка давомида дунёда коронавирус инфекцияси билан касалланишнинг 410 876 янги ҳолати аниқланди, 12 958 нафар бемор вафот етди.

Жонс Хопкинс университетининг ҳозирги маълумотларига кўра, дунёда касалликни 108 миллион 521 мингдан ортиқ одам юқтирган, улардан 2 миллион 393 мингдан ортиғи вафот этган.

Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 27,122 миллиондан ортиқ коронавирус инфекциясини юқтирганлар аниқланган. Иккинчи ўринда Ҳиндистон (10,892 миллиондан ортиқ), учинчи ўринда Бразилия (9,713 миллиондан ортиқ), тўртинчи ўринда Россия (4,057 миллиондан ортиқ), бешинчи ўринда эса Буюк Британия (4,013 миллиондан ортиқ).

ЖССТ маълумотларига кўра, бир сутка давомида АҚШда 101 693, Ҳиндистонда 12 143, Бразилияда 54 742, Россияда 14 861, Буюк Британияда эса 15 144 нафар янги касалланиш ҳолати аниқланган.

Соғлиқни сақлаш вазирлиги
Жамоатчилик билан алоқалар бўлими.

————————————————

По данным ВОЗ, за последние сутки в мире выявлено более 410 тысяч новых случаев заражения коронавирусной инфекцией

По данным Всемирной организации здравоохранения, число зараженных коронавирусной инфекцией в мире составляет более 107 млн 838 тысяч, из них более 2 млн 373 тысячи человек умерли. За последние сутки в мире выявлено 410 876 новых случаев заболеваемости коронавирусной инфекцией, 12 958 больных умерло.

Согласно актуальным данным Университета Джонса Хопкинса, в мире заразилось более 108 млн 521 тысяча, из них более 2 млн 393 тысячи скончались.

Лидером по количеству подтвержденных случаев остаются США, где по данным ВОЗ выявлено более 27,122 млн зараженных. На втором месте находится Индия (более 10,892 млн), на третьем — Бразилия (более 9,713 млн), на четвертом — Россия (4,057 млн), на пятом — Великобритания (4,013 млн).

По данным ВОЗ, за последние сутки в США было зарегистрировано 101 693, Индии — 12 143, Бразилии — 54 742, России — 14 861 и Великобритании — 15 144 новых случаев заболевания.

Отдел по связям с общественностью
Министерства здравоохранения.

@ssvuz
@ssvmatbuotkotibi Ochish/sharhlash

2021-02-14 08:02:02 ​​​ 2021 йил 13 февраль ҳолатига кўра, Ўзбекистонда коронавирус инфекцияси қайд этилганлар сони 79416 (+35) нафарни ташкил этмоқда.

Янги касалланиш ҳолатларининг:
2 нафари Андижон вилоятида,
1 нафари Бухоро вилоятида,
1 нафари Жиззах вилоятида,
1 нафари Наманган вилоятида,
3 нафари Хоразм вилоятида,
3 нафари Тошкент вилоятида,
24 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кеча кун давомида:
Жиззах вилоятида 1 нафар,
Наманган вилоятида 5 нафар,
Хоразм вилоятида 4 нафар,
Тошкент вилоятида 15 нафар,
Тошкент шаҳрида 36 нафар бемор тузалиб, касалликдан соғайганлар жами 77890 (+61) нафарга етди ва соғайиш кўрсаткичи 98 фоизни ташкил қилмоқда.

Айни пайтда тиббиёт муассасаларида даволанаётган 904 нафар бемордан 153 нафари оғир, 28 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi Ochish/sharhlash

2021-02-14 07:37:02 В Национальном детском медицинском центре состоялась конференция, посвященная Международному дню детей, больных раком.

@ssvuz
@ssvmatbuotkotibi Ochish/sharhlash

2021-02-14 07:36:17 Болалар миллий тиббиёт марказида Соғлиқни сақлаш вазирлиги ташаббуси билан 15 февраль —Халқаро болалар саратони касаллигига қарши курашиш кунига бағишлаб анжуман ўтказилди.

@ssvuz
@ssvmatbuotkotibi Ochish/sharhlash

2021-02-13 19:50:03 Болалар миллий тиббиёт марказида 15 февраль —Халқаро болалар саратони касаллигига қарши курашиш кунига бағишлаб ўтказилган анжумандан фоторепортаж. Ушбу тиббиёт муассасасида 60 ўринли умумлаштирилган болалар гематология ва онкология бўлими ташкил қилинмоқда.

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi Ochish/sharhlash

2021-02-13 17:11:50 ​ССВ: ХАЛҚАРО БОЛАЛАР САРАТОНИ КАСАЛЛИГИГА ҚАРШИ КУРАШИШ КУНИГА БАҒИШЛАБ АНЖУМАН ЎТКАЗИЛДИ

Болалар миллий тиббиёт марказида Соғлиқни сақлаш вазирлиги ташаббуси билан 15 февраль —Халқаро болалар саратони касаллигига қарши курашиш кунига бағишлаб анжуман ўтказилди.

Унда Жаҳон соғлиқни сақлаш ташкилотининг Ўзбекистондаги ваколатхонаси, “Ezgu аmal” ва “Zamin” фонди вакиллари, мамлакатимиздаги тегишли ихтисослаштирилган илмий-амалий тиббиёт марказлари шифокорлари, вазирлик масъул ходимлари ва ОАВ вакиллари иштирок этди. Мулоқотни Соғлиқни сақлаш вазири ўринбосари Элмира Баситханова очиб берди.

— Ўзбекистонда болалар гематология ва онкологияси соҳасидаги ислоҳотлар жадал ва мунтазам давом этмоқда, — дейди Э. Баситханова. — Вазирлар Маҳкамасининг 2020 йил 27 августда тасдиқланган “2020 – 2022 йилларда болаларга кўрсатилаётган тиббий ёрдам сифатини янги босқичга кўтаришга йўналтирилган чора-тадбирлар режаси”га асосан, барча ҳудудларимиздаги болалар кўп тармоқли марказларида ягона умумлаштирилган бўлимлар фаолиятининг ташкил этилиши, “Болалар гематология ва онкологияси” йуналишида магистратура, ихтисослашиш ва малака ошириш курслари дастури асосида кадрлар тайёрланиши борасида ишлар жадал олиб борилмоқда. Дастлаб бу ишлар Болалар миллий тиббиёт марказида халқаро стандартлар асосида бошланди. Яқин истиқболда ушбу марказ тажрибаси ҳудудлардаги болалар кўп тармоқли тиббиёт марказларида ҳам жорий этилади.

Болаларга гемато-онкологик ёрдам бериш сифатини жаҳон андозалари даражасига чиқариш юзасидан ҳудудлардаги ҳолатни ўрганиш бўйича мониторинг гуруҳи ва саволнома шакллантирилиб, гуруҳлар томонидан ўрганиш ишлари олиб борилиб, натижалар таҳлил этилган ҳолда “Республикада болалар гематология ва онкологияси хизматини ривожлантириш ва бу соҳада тиббий ёрдам кўрсатишни янада такомиллаштириш бўйича йўл харитаси” ишлаб чикилди.

Шунингдек, анжуманда Россия Федерациясида болалар гемато-онкология хизматини ривожланиши тўғрисида Рогачев номидаги болалар гематология, онкология ва иммунологияси миллий тиббий тадқиқот маркази президенти, Россия Федерацияси Фанлар академияси академиги Александр Румянцевнинг видео чиқиши ҳам йиғилганларга намойиш этилди.

Тадбир давомида Оналик ва болаликни муҳофаза қилиш бошқармаси бошлиғи ўринбосари Барно Абдусаматованинг “Республикада болалар гематология ва онкологияси хизматини ривожлантириш ва бу соҳада тиббий ёрдам кўрсатишни янада такомиллаштириш бўйича йўл харитаси” бўйича тақдимоти тингланди.

Йўл харитасида назарда тутилган:
Болалар миллий тиббиёт маркази таркибидаги умумлаштирилган болалар гематология ва онкология бўлими таркибидаги ўринлар сонини 60 тага етказиш,
болалар гематология ва онкология йўналишидаги беморлар учун замонавий канцер-регистрларни яратиш,
Республика ихтисослаштирилган онкология ва радиология ҳамда ихтисослаштирилган гематология илмий-амалий тиббиёт марказлари болалар бўлимлари шифо ўрни ва штат бирликлари доирасида умумлаштирилган “Болалар гематология ва онкологияси” марказини ташкил этиш бўйича Вазирлар Маҳкамасига таклиф киритиш,
оғир гематологик ва онкологик касалликлар билан хасталаган болаларга паллиатив ёрдам бериш тизимини яратиш,
жамоатчилик ва ҳайрия ташкилотлари, халқаро экспертлар, оммавий ахборот воситалари вакиллари, болалар онкология ва гематология уюшмаси вакиллари, болалар ҳуқуқларини ҳимоя қилиш органлари вакилларидан иборат экспертлар гуруҳини яратиш,
Фарғона, Қашқадарё, Самарқанд, Хоразм вилоятларидаги болалар кўп тармоқли тиббиёт марказларида ҳудудлараро бирламчи эрта ташхислаш йўналишини жорий этиш каби режалар таҳлил қилинди.

Муҳокамаларга, мунозараларга бой бўтган ушбу анжуман болалар гематология ва онкологияси соҳасида янги ҳамркорлик алоқаларига замин яратиши шубҳасиз.

Соғлиқни сақлаш вазирлиги
Жамоатчилик билан алоқалар бўлими.

@ssvuz
@ssvmatbuotkotibi Ochish/sharhlash

2021-02-13 14:51:43 ​Бўстонлиқда Давлат тиббий суғурта тизимини Сирдарёда жорий этиш механизмларига бағишланган семинар ташкил этилди

Сирдарёда соғлиқни сақлаш тизимининг янги модели ва давлат тиббий суғуртаси механизмлари бўйича тажриба-синов лойиҳасини ишга тушириш учун тайёргарлик ишлари бошлаб юборилди.

Президентимизнинг ткгишли Фармон ва Қарорлари га мувофиқ, давлат тиббий суғурта тизимини 2021 йилнинг 1 июлидан 2022 йилнинг охирига қадар Сирдарё вилоятида тажриба-синов тариқасида апробациядан ўтказиш бўйича соҳа ходимларига муҳим вазифа ва топшириқларни берган эди.

Шунга биноан, юртимизда Давлат тиббий суғурта жамғармаси ташкил этилиб, унинг дастлабки бўлими Сирдарёда очилди. Қолаверса, Соғлиқни сақлаш вазирлиги, Республика Давлат тиббий суғурта жамғармаси ва Сирдарё вилоят соғлиқни сақлаш бошқармаси ходимлари томонидан тегишли миллий ва халқаро ташкилотлар, илм-фан муассасалари, малакали экспертлар билан ҳамкорликда ишлар йўлга қўйилди.

Шу мақсадда Тошкент вилоятининг Бўстонлиқ туманида Жаҳон соғлиқни сақлаш ташкилотининг Ўзбекистондаги ваколатхонаси кўмагида манфаатдор вазирлик ва идоралар мутахассислари иштирокида семинар ташкил этилди. Семинарда Президентимизнинг “Соғлиқни сақлаш тизимини ташкил этишнинг янги модели ва давлат тиббий суғуртаси механизмларини Сирдарё вилоятида жорий этиш чора-тадбирлари тўғрисида”ги қарори ва унда белгилаб берилган вазифаларни ижроси, бажарилиш тартиби, амалиётга қўллаш механизмлари муҳокама қилинди. Шунга асосан, Сирдарёда, янгитдан жорий қилинаётган “Давлат тиббий суғурта тизими бўйича концепция” лойиҳаси ишлаб чиқилмоқда.

Семинарда Соғлиқни сақлаш вазири ўринбосари Абдулла Азизов, вазирликнинг Даволаш-профилактика ёрдамини ташкиллаштириш бошқармаси, Иқтисодиёт ва молия бошқармаси, Иқтисодий таҳлил, меҳнатни меъёрлаштириш ва тиббий ёрдамнинг кафолатланган ҳажмларини шакллантириш бошқармаси, Тиббий суғурта тизимини жорий қилиш бошқармаси, Давлат тиббиёт ташкилотларида дори воситалари ва тиббий буюмларга бўлган эҳтиёжни шакллантириш бошқармаси бошлиқлари ҳамда Сирдарё вилоят соғлиқни сақлаш бошқармаси бошлиғи Рустам Юлдашев каби мутасадди идора вакиллари иштирок этишмоқда.

Семинарда Давлат тиббий суғурта тизимини Сирдарёда жорий этиш, тиббиёт соҳасини молиялаштириш механизмлари, замонавий бошқарув тизими ва ҳудудларда соғлиқни сақлашни ташкил этишнинг кластер моделини шакллантириш, соҳани рақамлаштириш, электрон карталар, электрон поликлиникалар, юқумли бўлмаган касалликлар профилактикаси кенг муҳокама марказида бўлди.

Сирдарё вилоят соғлиқни сақлаш бошқармаси Ахборот хизмати.

@ssvuz
@ssvmatbuotkotibi Ochish/sharhlash

2021-02-13 11:04:44 ​ЧАҚИРИЛМАГАН МЕҲМОНЛАР МИНГБУЛОҚДА

Наманган вилоятида ўтказилаётган "Бор меҳримиз шу Ватан, шу халқ учун!" шиори остидаги саломатлик акцияси доирасида пойтахтлик малакали шифокорлар Мингбулоқ туманида ҳам бўлишди.

Мингбулоқ туман тиббиёт бирлашмасида барвақт йиғилишган маҳаллий шифокору ҳамшираларга бирлашманинг бошлиғи вазифасини вақтинча бажарувчиси Собиржон Шоматов ўн кунлик муҳим тадбир ҳақида қисқа ва лўнда тушунча берди.

– Республика ихтисослашган илмий-амалий тиббиёт марказлари мутахассисларининг вилоятимизга ташрифидан ғоят самарали фойдаланиб қолишимиз керак, – деди у алоҳида таъкидлаб. – Аввало "темир дафтар"дагиларнинг хонадонларига бошлаб кирасизлар, кейин уйда ётиб қолган ногиронларни ҳам кўрсатасизлар.

Меҳмонлар туманимизда 10 кун давомида ишлашади. Эртадан кечга қадар ҳар бир гуруҳ камида ўттизта хонадон остонасини ҳатласин. Агар бешта гуруҳ фаолият юритса, ўн кун давомида қарийб икки минг хонадонда яшайдиган аҳолининг саломатлигини мустаҳкамлашга кўмаклашади. Вақт зиқ, бирор дақиқа зое кетмасин. Оилавий шифокорлару патронаж ҳамширалар меҳмонларга ҳамроҳ, йўлбошловчи бўлиб юрасизлар. Юқори натижадорликка эришишга астойдил ҳаракат қилиниши зарур.

Ниҳоят меҳмонлар кўп тармоқли марказий поликлиника олдида кутиб олиндилар. Аввалдан шакллантирилган муваққат тиббий гуруҳларга Республика ихтисослаштирилган аллергология илмий-амалий тиббиёт маркази ҳамда Республика ихтисослаштирилган акушерлик ва гинекология илмий-амалий тиббиёт маркази мутахассислари етакчи – ҳамкор қилиб қўйилди. Уларнинг дастлабки йўналишлари – Ингичка, Меҳнатобод, Қизилқум, Жомашуй ва Уюрчи-Дамкўл маҳалларига белгиланди.
Мана, Меҳнатободга етиб келган махсус тиббий гуруҳ ўз фаолиятини Собира Жуманованинг аҳволини кўздан кечиришдан бошлади.

– Грижадан озор чекаман, гоҳ-гоҳ орқа миям қисиб оғрийди, – дея ҳолатини баён этди дардманд аёл. – Асли касбим ўқитувчилик эди. 2-гуруҳ ногиронлиги белгиланиб, ишга ярамай қолдим...

Республика ихтисослаштирилган аллергология илмий-амалий тиббиёт маркази директори ўринбосари, олий тоифали аллерголог Хушнудбек Аҳмедов навбатдаги беморни текширувдан ўтказиб, кўчага чиқса, ўрта ёшли йигит келиб саломлашди.

– Тошкентлик аллерголог врач маҳалламизда бемор кўриб юрганликларини эшитиб, ғоят қувондим, – деди у хурсандлигини яширмай. – Ўн тўрт ёшли жиянимни астма қийнайди, сизларга учрасинми?

– Ўзимиз уйларига кирамиз, – деди пойтахтлик мутахассис, сўнгра оилавий шифокор Зулфия Маҳкамовага қаради. – Болани танийсизми?

– Ҳа, Тинчлик кўчасидаги 4-уйда бувиси билан яшайди.

– Унда ўша ёққа ўтайлик.

Остона ҳатлаганимизда Одина Алиеванинг боши осмонга етди. Невараси Жавоҳир Одилжонов обдон текширилди. Ҳолати аниқлангач, даво чоралари белгиланди. Ҳатто аэрозолни нафас йўлларига пуркаш йўл-йўриқлари амалда кўрсатилди.

– Жавоҳир, сен энди бошқа доридан фойдаланасан. Нафасни очадиям, даволайдиям, – деб таъкидлади Хушнудбек Аҳмедов.

Қўшни хонадондаги Мастура Иминжонова билан бўлган мулоқот кўп нарсани ойдинлаштирди. "Сайдана"даги ўтказилган томография текшируви асосида тавсияларга қўшимчалар киритилди. Туғма бронхоэктазнинг муолажалари тушунтирилди. Унинг дардини енгиллаштириш учун бепул даволаниш ордери бериш мақсадга мувофиқ деб топилди.

Шу куни Меҳнатободнинг Тинчлик ва Охунбобоев кўчаларидаги қирққа яқин хонадонларда яшовчи хастаҳоллар тиббий кўрикдан ўтказилди.

Мингбулоқ туманида 41 та маҳалла бўлиб, уларнинг бирортасига ҳам пойтахтлик шифокорларнинг қадамлари етмай қолмайди. "Бор меҳримиз шу Ватан, шу халқ учун!" шиори остида ўтказилаётган бу галги саломатлик акциясининг қамрови кенг ва мақсади беҳад улуғвордир.

Наманган вилоят соғлиқни сақлаш бошқармаси
Ахборот хизмати.

@ssvuz
@ssvmatbuotkotibi Ochish/sharhlash

2021-02-13 08:56:31 ​ЖССТ маълумотларига кўра, охирги сутка давомида дунёда 417 минг нафардан ортиқ янги касалланиш ҳолати қайд этилди

Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 107 миллион 423 мингдан ортиқни ташкил этмоқда, шундан 2 миллион 360 мингдан зиёд киши вафот этган. Охирги сутка давомида дунёда коронавирус инфекцияси билан касалланишнинг 417 768 янги ҳолати аниқланди, 12 695 нафар бемор вафот етди.

Жонс Хопкинс университетининг ҳозирги маълумотларига кўра, дунёда касалликни 108 миллион 186 мингдан ортиқ одам юқтирган, улардан 2 миллион 382 мингдан ортиғи вафот этган.

Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 27,020 миллиондан ортиқ коронавирус инфекциясини юқтирганлар аниқланган. Иккинчи ўринда Ҳиндистон (10,880 миллиондан ортиқ), учинчи ўринда Бразилия (9,659 миллиондан ортиқ), тўртинчи ўринда Россия (4,042 миллиондан ортиқ), бешинчи ўринда эса Буюк Британия (3,998миллиондан ортиқ).

ЖССТ маълумотларига кўра, бир сутка давомида АҚШда 97 134, Ҳиндистонда 9 309, Бразилияда 59 602, Россияда 15 089, Буюк Британияда эса 13 494 нафар янги касалланиш ҳолати аниқланган.

Соғлиқни сақлаш вазирлиги
Жамоатчилик билан алоқалар бўлими.

————————————————

По данным ВОЗ, за последние сутки в мире выявлено более 417 тысяч новых случаев заражения коронавирусной инфекцией

По данным Всемирной организации здравоохранения, число зараженных коронавирусной инфекцией в мире составляет более 107 млн 423 тысячи, из них более 2 млн 360 тысяч человек умерли. За последние сутки в мире выявлено 417 768 новых случаев заболеваемости коронавирусной инфекцией, 12 695 больных умерло.

Согласно актуальным данным Университета Джонса Хопкинса, в мире заразилось более 108 млн 186 тысяч человек, из них более 2 млн 382 тысяч скончались.

Лидером по количеству подтвержденных случаев остаются США, где по данным ВОЗ выявлено более 27,020 млн зараженных. На втором месте находится Индия (более 10,880 млн), на третьем — Бразилия (более 9,659 млн), на четвертом — Россия (4,042 млн), на пятом — Великобритания (3,998 млн).

По данным ВОЗ, за последние сутки в США было зарегистрировано 97 134, Индии — 9 309, Бразилии — 59 602, России — 15 089 и Великобритании — 13 494 новых случаев заболевания.

Отдел по связям с общественностью
Министерства здравоохранения.

@ssvuz
@ssvmatbuotkotibi Ochish/sharhlash