ССВ матбуот котиби| Эмланиш – соғлик кафолати!

2023-07-23 09:02:21 ​ ССВ: Келгусида хусусий секторнинг тиббий хизматлардаги улушини 80 фоизга етказиш кўзда тутилган

Тиббиёт соҳасида яратилган соғлом рақобат муҳити туфайли аҳолига кўрсатилаётган тиббий хизматлар сифати ва қамрови ошиб бормоқда.

Хусусан, сўнгги 7 йилда мамлакатимизда хусусий шифохоналар сони 2,5 баравар кўпайиб, 8,5 мингтага етди.

Давлат тиббиёт ташкилотлари вазифаларини босқичма-босқич хусусий секторга ўтказиш, кафолатланган тиббий хизматлар ҳажми доирасида улардан шундай хизматларни сотиб олишни йўлга қўйиш чора-тадбирлари жадал олиб борилмоқда.

Давлат муассасаларида кўрсатилаётган юқори технологияли диагностика ва даволаш ишларини давлат-хусусий шериклик тамойиллари асосида ташкил этиш орқали бу секторнинг улуши йилдан йилга оширилади.

Ҳозирги кунда уларнинг тиббий хизматлардаги улуши 20 фоиздан юқори.

Бу кўрсаткич 2025 йилда 50 фоиз, 2030 йилга бориб эса 80 фоизга етказилиши ҳисоб-китоб қилинган.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-07-23 07:10:05 Тез тиббий ёрдам хизматида "А" ва "В" тоифали реанимобиллар сони қанча?

Дунё тажрибасида тез тиббий ёрдам хизматидаги автотранспорт воситаларини ишлатиш муддати ўртача 5-8 йилдан иборат. Юртимизда ҳам фойдаланилаётганига 8 йилдан ошган автомашиналарни янгилаш лозимлиги белгиланган.

Шу сабабли Cоғлиқни сақлаш вазирлиги томонидан “103” хизматида эскирган автоуловларни босқичма-босқич замонавийларига алмаштириш чоралари кўрилмоқда.

— Бундан 6-7 йил аввал юртимиз тез тиббий ёрдам тизимида 1868 та автомашина бор эди. 2023 йилнинг айни даврига келиб эса “103” хизматида 2904 та автомобиль аҳолига сифатли тез тиббий хизмат кўрсатяпти, — дейди Республика тез тиббий ёрдам маркази директори Абдувоитжон Гафуров. — Шунингдек, махсус автомашиналар парки 70-80% фоизга янгиланди.

Хусусан, 2021 йилда тез тиббий ёрдамда "B" тоифали 435 та реанимобил бўлган бўлса, бугунги келиб, бундай замонавий санитар автомашиналар сони 578 тага етди.

Жумладан, ушбу автотранспорт воситаларининг катта қисми қуйидаги ҳудудларда аҳолига сифатли тиббий хизмат кўрсатмоқда:

Тошкент шаҳри — 200 та;

Самарқанд вилояти — 64 та;

Фарғона вилояти — 45 та;

Наманган вилояти — 31 та.

Мазкур автомашиналарнинг қулайлиги шундаки, уларда тезкор реанимация ва йўл-йўлакай жарроҳлик амалиёти ўтказиш имкони мавжуд.

Замонавий тиббий ускуналар билан жиҳозланган ушбу автоуловлар халқаро талабларга тўла мос келиб, унинг ички қисми бемор ва тиббий ходимларнинг қулай жойлашиши имконини беради.

Маълумот ўрнида жорий йил Республика тез тиббий ёрдам маркази “Jizzakh Auto” томонидан ишлаб чиқарилган А тоифали 339 та “Volkswagen Caddy” машиналари билан билан бойиди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-07-22 15:03:28 ​ Ўтган олти ойда мамлакатимизда 10 минг нафарга яқин эгизаклар дунёга келган

Статистика агентлигининг дастлабки маълумотларига кўра, 2023 йил январь-июнь ойларида республикамизда 434 519 та туғилиш қайд этилган. Шундан 9 810 нафари эгиз туғилганлар ташкил этади.

Ҳудудлар кесимида эгизак чақалоқлар туғилиш кўрсаткичи:

Қорақалпоғистон Республикаси – 440
Андижон вилояти – 915
Бухоро вилояти – 453
Жиззах вилояти – 482
Қашқадарё вилояти – 983
Навоий вилояти – 314
Наманган вилояти – 724
Самарқанд вилояти – 1162
Сурхондарё вилояти – 772
Сирдарё вилояти – 243
Тошкент вилояти – 735
Фарғона вилояти – 1106
Хоразм вилояти – 524
Тошкент шаҳри – 957 нафарни ташкил этмоқда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-07-22 12:46:11 ​ Катталарда тиш чиқишини таъминловчи препарат яратилди

Япониянинг Киото ва Фукуи университетлари олимлари катта ёшли инсонларда янгидан тиш ўсиб чиқишини таъминловчи препарат яратди.

Мазкур ўзига хос восита организмдаги USAG-1 генини блокловчи антитана ишлаб чиқарилишини қўллаб-қувватлайди. Чунки бу ген инсонлар ва сут эмизувчилар туркумига мансуб жонзотларда тиш ўсишини чеклайди.

Тадқитотчилар ушбу жараёнга тўсқинлик қилиш мақсадида USAG-1нинг танамиздаги бошқа генлар билан ўзаро таъсирини ўрганди.

Шундан сўнг таҳлил натижалари асосида ана шу ўзаро таъсирни блоклашга хизмат қилувчи дори воситаси ишлаб чиқилди.

Янгилик муаллифлари 2024 йилда препаратни одамларда клиник синовдан ўтказишни режалаштирмоқда.

Уларнинг фикрича, 2030 йилга бориб, инсоният сунъий тиш имплантларини қўйдириш эҳтиёжидан халос бўлиши мумкин.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-07-22 08:53:48 ССВ: Тиббиёт олий ўқув юртларининг IELTS сертификати бор талабаларига вазир стипендиясини бериш йўлга қўйилади

Жаҳон илм-фанида эришилаётган ютуқларни ўрганиш, тўпланган тажрибаларни ўзлаштиришда чет тилларини билиш жуда муҳим. Шу боисдан бугун юртимиз олий ўқув юртларида таҳсил олаётган талабалар олдига хориж тилларини мукаммал билиш талаби қўйилмоқда.

Айни пайтда мамлакатимиздаги мавжуд 11 та тиббиёт олий таълим муассасасида таҳсил олувчи талабалар орасидан 7,5 ва ундан юқори бўлган инглиз тили IELTS сертификатига ҳамда немис ва француз тилини билиш даражасини белгиловчи С1 даражадаги халқаро тан олинган сертификатга эга бўлган талабалар кўп.

Табиийки, уларда дунёнинг юқори рейтингида турган университетларга грантни қўлга киритиш имконияти жуда катта.

Шу боис Соғлиқни сақлаш вазири Амрилло Иноятов тизим фаоллари иштирокида ўтган йиғилишда амалдаги тартибга ўзгартириш киритиш ҳамда бундай иқтидорли ва изланувчан талабаларга вазир стипендиясини тўлаб бориш тизими жорий этилишини маълум қилди.

— Агар буни амалиётга татбиқ этсак, чет тилларига қизиқувчи қолган талабалар ҳам уларга эргашиб, ҳудди шундай юқори натижаларга эришишга интилади, — деди А. Иноятов. — Бунинг учун тиббиёт олийгоҳлари ректорлари иқтидорли талабаларга алоҳида эътибор қаратиши, ҳар бир кафедра ўқитувчиси илм йўлини танлаган бўлажак ёш мутахассисларни яқиндан қўллаб-қувватлаши зарур.

Қайд этилишича, мазкур янгиликни жорий қилиш бўйича яқинда ҳуқуқий асослар ишлаб чиқилиши кўзда тутилган.

Соғлиқни сақлаш вазирлиги
Матбуот хизмати.

@ssvuz|@ssvmatbuotkotibi |Facebook | Instagram Ochish/sharhlash

2023-07-22 07:41:34 ​ М️инздрав: молодым ученым в области медицины, защитившим докторскую диссертацию до 30 лет, выделено денежное вознаграждение — по 50 миллионов сумов

Достижения науки имеют важное значение в любой сфере, особенно в здравоохранении. Ибо изобретения и открытия в области медицины играют ключевую роль в сохранении жизни и здоровья людей.

Именно поэтому в целях выведения работы в данном направлении на новый уровень и дальнейшей поддержки ученых сферы министр здравоохранения Амрилло Иноятов принял решение о награждении группы способных конкурировать на международной арене молодых ученых, защитивших докторскую диссертацию до 30 лет.

Список награжденных:

Муминов Даврон Кадирович — родился в 1990 году. В 2014 году окончил бакалавриат Ташкентской медицинской академии, в 2017 году — магистратуру Ташкентского педиатрического медицинского института. В 2020 году защитил кандидатскую (PhD), а в 2021 году — докторскую (DSc) диссертацию по медицинским наукам. В настоящее время работает доцентом в Ташкентском педиатрическом медицинском институте.

Рашидов Рустам Абдурасул угли — родился в 1992 году. В 2014 году окончил бакалавриат, в 2017 году — магистратуру Ташкентской медицинской академии. В 2018-2021 годах, будучи стипендиатом фонда «Эл-юрт умиди», обучался по программе PhD под руководством профессора Ли Джэ Хуна в южнокорейском университете Ёнсей, который входит в топ-100 лучших вузов мира.

Учитывая, что Р.Рашидов окончил престижное международное высшее учебное заведение, входящее в список 100 лучших вузов мира, согласно соответствующему указу Президента его диплом PhD был нострифицирован в диплом доктора наук. Сейчас Р.Рашидов является доцентом в Ташкентском государственном стоматологическом институте.

Хабилов Бехзод Нигмон угли — родился в 1993 году. В 2016 году окончил бакалавриат по специальности «Стоматология», в 2018 году — магистратуру Ташкентского государственного стоматологического института. В 2020 году защитил кандидатскую (PhD), а в 2022 году — докторскую (DSc) диссертацию по медицинским наукам. В настоящее время занимает должность заместителя директора Научно-практического центра стоматологии и челюстно-лицевой хирургии Ташкентского государственного стоматологического института.

Тожиев Феруз Ибодуллаевич — родился в 1992 году. В 2015 году окончил бакалавриат по специальности «Стоматология», в 2017 году — клиническую ординатуру по специальности «Детская стоматология». В 2021 году защитил кандидатскую (PhD), а в 2023 году — докторскую (DSc) диссертацию по медицинским наукам. В настоящее время является доцентом Ташкентского государственного стоматологического института.

На заседании, прошедшем с участием активистов сферы, министр высоко оценил научную деятельность этих ученых и сообщил, что каждому из них будет выделено денежное вознаграждение в размере 50 миллионов сумов.

Пресс-служба
Министерства здравоохранения.

@ssvuz | @ssvmatbuotkotibi | Facebook | Instagram Ochish/sharhlash

2023-07-21 15:53:08 Бугун кутилмаганда Соғлиқни сақлаш вазири Амрилло Иноятов Тошкент педиатрия тиббиёт институти клиникасига борди.

Вазир ушбу муассасада бир неча йилдан буён ҳалол меҳнати орқали халқимиз эътирофига сазовор бўлиб келаётган шифокор Жамшид Саидов қабулига бориб, бемор болажонларнинг ота-оналари билан дилдан суҳбатлашди.

Шунингдек, ушбу шифокорга “Ўзбекистон Республикаси соғлиқни сақлаш аълочиси” кўкрак нишони топширилди.

ССВ Матбуот хизмати томонидан тайёрланган юқоридаги видеолавҳа орқали шу ҳақда батафсил танишишингиз мумкин.

Соғлиқни сақлаш вазирлиги
Матбуот хизмати.

@ssvuz|@ssvmatbuotkotibi |Facebook | Instagram Ochish/sharhlash

2023-07-21 14:58:36 ​ Минздрав: Siemens Healthineers поставит передовое медицинское оборудование для лечебно-профилактических учреждений нашей страны

Прошедший в мае этого года в Самарканде Узбекско-германский международный медицинский форум открыл новые перспективы для дальнейшего развития двустороннего сотрудничества в сфере здравоохранения.

На форуме наряду со многими немецкими предприятиями, клиниками и высшими медицинскими учебными заведениями была достигнута предварительная договоренность и со всемирно известной компанией Siemens Healthineers о поставке необходимого медицинского оборудования для клиник нашей страны.

Спустя короткое время начался диалог по реализации данной договоренности. Так, министр здравоохранения Амрилло Иноятов провел встречу с представителями делегации во главе с вице-президентом этой компании Бернтом Бибером.

Следует отметить, что компания Siemens Healthineers, имеющая более чем 125-летний опыт, является одним из лидеров в мире по поставке медицинского оборудования и внедрению цифровых технологий.

Как отметил министр, сегодня система здравоохранения Узбекистана полностью трансформируется. При этом одним из ключевых направлений в данном процессе является повышение качества медицинского обслуживания населения путем оснащения современным медицинским оборудованием не только государственных лечебно-профилактических учреждений, но и действующих в нашей стране свыше 8 тысяч частных клиник, подготовки квалифицированных специалистов сферы.

На встрече также было подчеркнуто, что Узбекистан обладает достаточным потенциалом и возможностями для того, чтобы стать крупным медицинским хабом в Центральной Азии.

В свою очередь, немецкие гости отметили ускоренное развитие узбекской медицины и выразили готовность к долгосрочному сотрудничеству с Министерством здравоохранения.

В ходе диалога достигнута договоренность о поставке необходимого медицинского оборудования в государственные и частные медицинские учреждения нашей страны, создании сервисных центров по его обслуживанию, совместной подготовке специалистов, внедрении инновационных технологий в сферу медицины.

По итогам встречи между Министерством здравоохранения и компанией Siemens Healthineers подписан меморандум о взаимопонимании.

Пресс-служба
Министерства здравоохранения.

@ssvuz | @ssvmatbuotkotibi | Facebook | Instagram Ochish/sharhlash

2023-07-21 13:04:29 ​ ССВ: 30 ёшгача докторлик диссертациясини ҳимоя қилган ёш тиббиёт олимларига 50 миллион сўмдан пул мукофоти ажратилди

Илм-фан ютуқлари ҳар бир соҳа учун муҳим. Айниқса, соғлиқни сақлаш тизимида бунга эҳтиёж жуда катта. Негаки, тиббиёт бўйича ихтиро ва кашфиётлар инсонлар ҳаётини асраб қолиш, умрини узайтириш ва саломатлигини тиклашга хизмат қилиши билан аҳамиятли.

Шу боис Соғлиқни сақлаш вазири Амрилло Иноятов бу йўналишдаги ишларни янги босқичга олиб чиқиш ва соҳа олимларини янада қўллаб-қувватлаш мақсадида тизимда 30 ёшгача докторлик диссертациясини ҳимоя қилган халқаро талабларга мос, рақобатдош ёш тиббиёт олимларини тақдирлашга қарор қилди.

Улар қуйидагилар:

Муминов Даврон Кадирович — 1990 йилда туғилган. 2014 йили Тошкент тиббиёт академиясининг бакалавриат, 2017 йили Тошкент педиатрия тиббиёт институтининг магистратура йўналишини тамомлаган. 2020 йилда тиббиёт фанлари бўйича номзодлик (PhD) ва 2021 йилда докторлик (DSc) диссертациясини ҳимоя қилган. Айни пайтда Тошкент педиатрия тиббиёт институтида доцент лавозимида фаолият юритмоқда.

Рашидов Рустам Абдурасул ўғли — 1992 йилда туғилган. 2014 йили Тошкент тиббиёт академиясини бакалавриат, 2017 йили магистратура йўналиши бўйича тамомлаган. 2018-2021 йиллар давомида “Эл-юрт умиди” жамғармаси стипендианти сифатида дунёдаги ТОП 100 талик рўйхатга кирган Жанубий Кореянинг Ёнсей университетида профессор Lee Jae Hoon раҳбарлигида PhD дастури бўйича таълим олиб қайтган.

Президентимизнинг тегишли Фармонига мувофиқ, ТОП 100 талик рўйхатдан жой олган нуфузли халқаро таълим муассасасини битирганлиги инобатга олиниб, PhD дипломи Фан доктори дипломига нострификация қилинган. Р.Рашидов ҳозирги кунда Тошкент давлат стоматология институти доценти лавозимида фаолият юритмоқда.

Хабилов Беҳзод Нигмон ўғли — 1993 йилда туғилган. 2016 йили стоматология йўналиши бўйича бакалавриат, 2018 йилда Тошкент давлат стоматология институтини магистратура йўналиши бўйича тамомлаган. 2020 йили тиббиёт фанлари бўйича номзодлик (PhD) ва 2022 йилда докторлик (DSc) диссертациясини ҳимоя қилган. Айни кунда Тошкент давлат стоматология институти Стоматология ва юз жарроҳлиги илмий-амалий маркази директорининг ўринбосари лавозимида фаолият юритмоқда.

Тожиев Феруз Ибодуллаевич — 1992 йили туғилган. 2015 йилда стоматология йўналишида бакалавриат, 2017 йилда болалар стоматологияси йўналишида клиник ординатурани тамомлаган. 2021 йил тиббиёт фанлари бўйича номзодлик (PhD) ҳамда 2023 йилда докторлик (DSc) диссертациясини ҳимоя қилган. Ҳозир Тошкент давлат стоматология институтида доцент лавозимида фаолият юритмоқда.

Вазир тизим фаоллари иштирокида ўтган йиғилишда ушбу олимлар илмий фаолиятини эътироф этиб, уларнинг ҳар бирига 50 миллион сўмдан пул мукофоти ажратилишини маълум қилди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-07-21 09:59:45 ​ ССВ: “Siemens Healthineers” компанияси юртимиздаги даволаш-профилактика муассасаларига энг илғор тиббиёт ускуналарини етказиб беради

Шу йил май ойида Самарқандда ўтказилган Ўзбекистон — Германия халқаро тиббиёт форуми соғлиқни сақлаш соҳасидаги икки томонлама ҳамкорликни янада ривожлантириш учун янги имкониятлар эшигини очди.

Анжуманда кўплаб немис корхона, клиника ва тиббиёт олий ўқув юртлари қаторида дунёга машҳур “Siemens Healthineers” компанияси билан ҳам мамлакатимиз шифохоналарига зарур тиббий асбоб-ускуналар етказиб бериш бўйича дастлабки келишувга эришилган эди.

Орадан қисқа вақт ўтиб, ана шу келишув ижроси юзасидан мулоқот бошланди: Соғлиқни сақлаш вазири Амрилло Иноятов ушбу компаниянинг вице-президенти Бернт Бибер бошчилигидаги делегация вакиллари билан учрашув ўтказди.

Таъкидлаш жоизки, 125 йилдан зиёд тажрибага эга “Siemens Healthineers” компанияси тиббиёт соҳасида рақамли технологияларни жорий этиш ва тиббий асбоб-ускуналарни етказиб бериш бўйича дунёда етакчилардан ҳисобланади.

Вазир мулоқотда қайд этганидек, бугун Ўзбекистон соғлиқни сақлаш тизими тўлиқ трансформация қилинмоқда. Бу жараёнда юртимиздаги давлат даволаш-профилактика муассасалари қатори, 8 мингдан зиёд хусусий шифохоналарни замонавий тиббий асбоб-ускуналар билан жиҳозлаш, соҳа учун малакали мутахассислар тайёрлаш ва бу орқали аҳолига тиббий хизмат кўрсатиш сифатини ошириш устувор йўналишлар сифатида белгиланган.

Шунингдек, учрашувда Ўзбекистонни Марказий Осиёдаги тиббиёт ва тиббий таълим хабига айлантириш учун етарлича имконият ва салоҳият мавжудлиги таъкидланди.

Ўз навбатида, германиялик меҳмонлар ўзбек тиббиёти жадал суръатларда тараққий этаётганини эътироф этиб, Соғлиқни сақлаш вазирлиги билан узоқ муддатли ҳамкорлик қилишга тайёр эканлигини маълум қилди.

Мулоқот давомида мамлакатимиздаги давлат ва хусусий тиббиёт муассасаларига зарур тиббий асбоб-ускуналарни етказиб бериш, уларга хизмат кўрсатишга мўлжалланган сервис-марказлар ташкил этиш ва мутахассислар тайёрлаш, соҳага энг сўнгги русумдаги инновацион технологияларни жорий этишга келишиб олинди.

Якунда Соғлиқни сақлаш вазирлиги ва “Siemens Healthineers” компанияси ўртасида меморандум имзоланди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash