ССВ матбуот котиби| Эмланиш – соғлик кафолати!

2023-08-21 10:41:46 Беморга бериладиган рецептда қандай маълумотлар акс этиши керак?

Рецепт ― шифокорнинг фармацевтик маълумотга эга бўлган мутахассисга дори препаратларини тайёрлаш ва (ёки) бериш ҳамда унинг қўлланилиш усули тўғрисидаги электрон ёки ёзма шаклдаги кўрсатмаси ҳисобланади.

Ўзбекистон Республикаси Соғлиқни сақлаш вазирининг тегишли буйруғи билан тасдиқланган низомга мувофиқ:

Рецепт беморга унинг ёши, дори воситасини халқаро патентланмаган номи, экстемпорал усулда тайёрланадиган дори воситалари таркибидаги дори моддаларининг номлари, шунингдек уларнинг дозаси, даврийлиги, қабул қилиш вақти ва давомийлиги, дори воситаларининг озиқ-овқат истеъмолига қараб оқилона қўлланиши (овқатдан олдин, овқатланиш вақтида, овқатдан кейин) кўрсатилган ҳолда иловадаги рецепт бланкаси шаклида берилади.

Бунда, рецептда тайинланган дори воситалари (дори воситаларининг халқаро патентланмаган номи, бир кунлик дозаси, қабул қилиш ёки юбориш усули, миқдори, давомийлиги ва бошқалар) рецептнинг йиртма корешогида ҳам бир-биридан фарқланмайдиган ҳолатда кўрсатилиши шарт.

Даволанаётган беморга (беморнинг қариндошлари ёки унинг ҳолидан хабар олувчи шахсларга) дори воситаларига рецепт берилганлиги ҳақидаги маълумотлар унинг тиббий ҳисоб ҳужжатларида (касаллик тарихи, амбулатория картаси) қайд этилади.

Эслатиб ўтамиз, дори воситаларини рецепт бўйича чакана реализация қилиш тартибини бузганлик учун қонунчиликда тегишли жавобгарлик белгиланган.

Фармацевтика маҳсулотлари хавфсизлиги маркази Матбуот хизмати  

Telegram | Facebook | Instagram | Youtube Ochish/sharhlash

2023-07-25 09:18:43 Меҳнатга лаёқатсизлик варақалари ҳақида 10 та муҳим саволга жавоб

Меҳнатга лаёқатсизлик варақаси қандай ҳолларда ва қанча муддатга берилади?

Хусусий клиникалар ҳам меҳнатга лаёқатсизлик варақаларини беришга ҳақлими?

Ўқувчи, талаба ёки магистрантнинг ўқишга вақтинча лаёқатсизлиги қандай расмийлаштирилади?

Бетоб бўлиб қолган шахсларга қачондан бошлаб меҳнатга лаёқатсизлик варақаси тақдим этилиши лозим?

Қуйидаги ҳавола орқали шу каби саволларга жавоб олишингиз мумкин.

Батафсил https://hudud24.uz/?p=16711

Соғлиқни сақлаш вазирлиги
Матбуот хизмати.

@ssvuz|@ssvmatbuotkotibi |Facebook | Instagram Ochish/sharhlash

2023-07-25 08:45:11 Диққат эълон!
"Заковат" интеллектуал клуби томонидан тиббиёт ходимлари ўртасида Ибн Сино кубоги ўтказилади

Президентимизнинг 2022 йил 20 январдаги “Заковат” интеллектуал ўйинини аҳоли ўртасида оммавий-маърифий ҳаракатга айлантириш ва бошқа интеллектуал ўйинларни ривожлантиришга оид чора-тадбирлар тўғрисида”ги ПҚ–96-сонли қарорида аҳолининг интеллектуал салоҳиятини юксалтириш бўйича бир қатор муҳим вазифалар белгиланган.

Мазкур топшириқлар ижроси доирасида “Заковат интеллектуал клуби” нодавлат нотижорат ташкилоти томонидан турли соҳа вакиллари ўртасида мунтазам равишда интеллектуал ўйинлар ташкил этиб келинмоқда.

Шу мақсадда 2023 йилнинг август ойида юртимизда фаолият кўрсатаётган давлат ва хусусий тиббиёт муассасалари ходимлари жамоалари ўртасида “Заковат” интеллектуал ўйини бўйича Ибн Сино кубоги мусобақалари ўтказилиши режалаштирилган.

Бунда жамоа аъзолари айни бир тиббиёт муассасаси ёки ташкилотида ишлаши талаб этилади.

Мусобақада фақат шифокорлар эмас, балки ҳамшира, фельдшер ва фармацевт каби тиббиёт соҳасининг бошқа вакиллари ҳам иштирок этишлари мумкин. Шунингдек, бирор тиббиёт муассасасида меҳнат фаолиятини олиб бораётган талабалар ҳам қатнашиш имконига эга.

Турнирда иштирок этиш учун жамоалар Кубок низомига 1-иловада (https://t.me/zakovat/10039) келтирилган ариза намунасини тўлдирган ҳолда тиббиёт муассасаси раҳбари имзоси ҳамда ташкилот муҳри билан биргаликда shifokor@zakovat.tv электрон почтасига ариза юборишлари кифоя қилади.

Турнир 2 та босқичда бўлиб ўтади:

1-босқич — ҳудудий саралаш босқичлари;
2-босқич — Республика босқичи.

Республика босқичида ғолиб бўлган жамоаларга смарт телевизорлар топширилади!

Ҳудудлардан иштирок этадиган жамоалар аъзоларининг Тошкент шаҳрига келиб-кетиш, меҳмонхона харажатлари “Заковат интеллектуал клуби” ННТ томонидан молиялаштирилади.

Соғлиқни сақлаш вазирлиги
Матбуот хизмати.

@ssvuz|@ssvmatbuotkotibi |Facebook | Instagram Ochish/sharhlash

2023-07-25 08:00:05 Дунёда ҳар нарсанинг баҳоси бор. Бироқ инсон учун саломатликдан ортиқ бахт ва бойлик йўқ. Буни эса оғриқдан қийналиб, азоб чеккан беморлар яхши англайди.

Наманганлик Шавкатжон Мамажоновга шифокорлар томонидан жигар циррози ташхиси қўйилганида “яшашдан умидим қолмаганди” дейди у.

Қувонарлиси, бугун мамлакатимиз тиббиётида бошланган ижобий ўзгаришлар йиллар давомида оғир хасталикдан қийналган ана шундай бемор юртдошларимиз дардига малҳам бўлмоқда.

“O‘zbekiston 24” телеканали орқали намойиш этилган юқоридаги видеолавҳада юртимизда ўтказилаётган мураккаб жарроҳлик амалиётлари орқали яна ҳаётга қайтган ҳамюртларимизнинг самимий мулоҳазалари билан танишасиз.

Соғлиқни сақлаш вазирлиги
Матбуот хизмати.

@ssvuz|@ssvmatbuotkotibi |Facebook | Instagram Ochish/sharhlash

2023-07-24 16:41:12 Ўзбекистоннинг доимий аҳолиси сони 2,2 фоизга ошган

Статистика агентлигининг дастлабки маълумотларига кўра, 2023 йилнинг 1 июль ҳолатига республика бўйича жами доимий яшовчи аҳоли сони 36 372,3 минг кишини ташкил этиб, 2022 йилнинг мос даврига нисбатан 2,2 фоизга кўпайган.

Шундан:

аёллар сони – 18 066,0 минг киши;

эркаклар сони – 18 306,3 минг киши.

Шаҳар жойларда – 18 557,5 минг киши;

қишлоқ жойларда – 17 815,8 минг киши.

@ssvuz|@ssvmatbuotkotibi |Facebook | Instagram Ochish/sharhlash

2023-07-24 14:28:49 ССВ: Шу йилнинг ўтган олти ойи давомида “Тез ёрдам”га қанча ёлғон чақириқ келиб тушди?

Тез тиббий ёрдам хизмати сифати, энг аввало, "103" бригадаларининг чақириқ манзилига ўз вақтида етиб бориши билан белгиланади.

Аммо баъзан фуқаролардан “Тез ёрдам” автомашиналари бемор олдига кечикиб боргани ҳақидаги эътирозларни эшитамиз. Бунга эса кўпинча ёлғон чақириқлар сабаб бўлади.

— 2023 йилнинг ўтган 6 ойи давомида “103” хизматига жами 1752 та ёлғон чақириқ келиб тушди, — дейди Республика тез тиббий ёрдам маркази директори Абдувоитжон Гафуров. — Мазкур кўрсаткични 2022 йилнинг айни шу даври билан таққосласак, қарийб 975 тага камайганини кўриш мумкин. Бироқ гап инсон саломатлиги ҳақида кетар экан бундай мурожаатларнинг биттаси ҳам кўп.

Таҳлиллар шуни кўрсатадики, 2023 йилнинг январь-июнь ойларида энг кўп ёлғон чақириқ Тошкент вилоятида кузатилиб, мазкур рақам 325 тани ташкил этди. Кейинги ўринда Фарғона вилояти қайд этилди — 284 та. Шунингдек, Қашқадарё вилоятидан 248 та ана шундай мурожаат келиб тушган.

Энг кам ёлғон чақириқ эса Самарқанд вилоятида рўйхатга олинди — 17 та!

Соғлиқни сақлаш вазирлиги
Матбуот хизмати.

ssvuz|@ssvmatbuotkotibi |Facebook | Instagram Ochish/sharhlash

2023-07-24 09:00:02 Соғлиқни сақлаш вазири Амрилло Иноятов пойтахтимизда барпо этилаётган бир қатор йирик тиббиёт муассасалари бино ва иншоотларининг қурилиш жараёнини кўздан кечирди.

Хўш, ушбу объектлар қандай қулайликларга эга бўлади?

Қандай бўлимлар фаолияти йўлга қўйилади?

Вазир қурувчи, пудратчи ва соҳа масъулларига қандай кўрсатма ва тавсиялар берди?

ССВ Матбуот хизмати томонидан тайёрланган юқоридаги видеолавҳада шу ҳақда сўз юритилади.

@ssvuz | @ssvmatbuotkotibi | Facebook | Instagram Ochish/sharhlash

2023-07-24 07:58:12 ​ Якунланган ҳафта давомида каналимизда эълон қилинган энг муҳим хабарлар дайжести

Йил бошидан шошилинч тиббий ёрдам тизимида қанча беморда юқори технологик операциялар ўтказилди?

Мисрдан гепатит С га қарши дори воситасининг ўнинчи партияси келтирилди

Сўнгги олти ойда “Тез ёрдам”га қанча мурожаат келиб тушди?

Вилоят болалар шифохоналари Хитой гранти асосида МРТ ускуналари билан жиҳозланмоқда

Истанбул Медипол университетида Тошкент тиббиёт академияси ваколатхонаси очилди

Хирургия маркази мутахассислари томонидан шу йил бошидан қанча беморга буйрак кўчириб ўтказилди?

Болалар миллий тиббиёт марказида илк бор кичик ёшли беморда буйрак кўчириб ўтказиш амалиёти бажарилди

ЖССТ жазирамадан сақланиш бўйича тавсияларини эълон қилди

Мутахассис: Танадаги тошмалар кўп шаклли эритема аломати бўлиши мумкин!

“Siemens Healthineers” компанияси юртимиздаги даволаш-профилактика муассасаларига энг илғор тиббиёт ускуналарини етказиб беради

30 ёшгача докторлик диссертациясини ҳимоя қилган ёш тиббиёт олимларига 50 миллион сўмдан пул мукофоти ажратилди

Соғлиқни сақлаш вазири Амрилло Иноятов Тошкент педиатрия тиббиёт институти клиникасига борди

Тиббиёт олий ўқув юртларининг IELTS сертификати бор талабаларига вазир стипендиясини бериш йўлга қўйилади

Келгусида хусусий секторнинг тиббий хизматлардаги улушини 80 фоизга етказиш кўзда тутилган

Соғлиқни сақлаш вазирлиги
Матбуот хизмати.

@ssvuz|@ssvmatbuotkotibi |Facebook | Instagram Ochish/sharhlash

2023-07-23 14:30:07 ​Минздрав: студентам медицинских вузов, имеющим сертификат IELTS, будет выплачиваться стипендия министра

Знание иностранных языков имеет важное значение в изучении достижений мировой науки, освоении накопленного международного опыта. Именно поэтому сегодня от студентов, обучающихся в высших учебных заведениях нашей страны, требуется в совершенстве владеть иностранными языками.

На сегодняшний день среди учащихся действующих в стране 11 высших медицинских учебных заведений немало студентов, имеющих сертификат IELTS с результатом 7,5 баллов и выше, а также международный сертификат, подтверждающий владение немецким или французским языками на уровне C1.

Естественно, у них есть большие шансы получить грант в университетах, занимающих высокие позиции в мировых рейтингах.

Министр здравоохранения Амрилло Иноятов на заседании с участием активистов сферы сообщил о внесении изменений в действующий порядок и внедрении системы выплаты стипендии министра для таких одаренных студентов.

— Учреждение этой стипендии станет мотивацией для других студентов, которые также будут стремиться добиваться таких высоких результатов, — сказал А. Иноятов. — При этом необходимо, чтобы ректоры медицинских вузов уделяли особое внимание одаренным студентам, а преподаватели каждой кафедры оказывали поддержку будущим молодым специалистам.

Отмечалось, что в ближайшее время будет разработана правовая основа для введения данного новшества.

Пресс-служба
Министерства здравоохранения.

@ssvuz|@ssvmatbuotkotibi |Facebook | Instagram Ochish/sharhlash

2023-07-23 13:30:36 ​Кўп шаклли эритема касаллиги қандай даволанади?

Илмира Разикова,
Республика илмий ихтисослаштирилган аллергология маркази директори:

(Давоми).

— Кўп шаклли эритема — ўткир аллергик касаллик. Бу хасталик белгилари кузатилганда дарҳол аллерголог ва дерматолог мутахассисга мурожаат қилиш зарур. Шифокор кенгайтирилган аллергологик анамнез ва УТТ текширувлари ёрдамида ташхис қўяди.

Шундан сўнг тегишли муолажалар белгиланади. Бунда касаллик тури, унинг тез-тез такрорланиш, шиллиқ қаватлар шикастланиш даражаси, тери тошмаси кўлами каби омиллар ҳисобга олинади.

Даволаш жараёни асосан бемор умумий аҳволини яхшилаш ва тошмаларни камайтириш, хасталикнинг қайталаниш хавфини бартараф этиш, асоратларнинг олдини олиш ва иммунитетни ошириш каби чора-тадбирларни ўз ичига олади.

Кўп шаклли эритеманинг ҳар қандай турида гипосенсибилизация қилувчи муолажа ва антигистамин (антиаллергик) препаратлар қўлланилади.

Оғиз бўшлиғи ва бошқа аъзолар шиллиқ пардалари шикастланганда, яллиғланишни енгиллаштирувчи ва инфекцияни баратараф этувчи аралашмалар — ротокан, мойчечак қайнатмаси билан чайиш тавсия этилади.

Маҳаллий фермент препаратлари яллиғланиш ўчоқларини некротик тўқималардан тозалашни тезлаштиришга ёрдам беради.

Енгил ҳолатларда уйда даволаниш мақсадга мувофиқ. Касаллик оғир кечганда, шунингдек, амбулатор даволаниш етарли самара бермаса, стационар шароитда муолажалар олиш буюрилади.

Беморни изоляция қилиш талаб қилинмайди. Чунки у атрофидагилар соғлиғига хавф туғдирмайди.

Ўз навбатида, кўп шаклли эритемадан азият чекаётганлар шифокор тавсиясига кўра гипоаллерген парҳезга амал қилиши лозим бўлади.

Касалликнинг токсик-аллергик турида муаолажалар асосан қўзғатувчи моддани аниқлаб, уни организмдан чиқаришга қаратилади.

Шу мақсадда беморга кўп миқдорда суюқлик, энтеросорбентлар ва пешоб ҳайдовчи воситалар берилади.

Айни пайтда Республика илмий ихтисослаштирилган аллергология марказида ушбу касалликни аниқлаш ва даволашнинг замонавий усуллари қўлланилмоқда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash