my.gov.uz

2022-08-26 12:27:51 Endi arxiv xizmatlarini olish osonlashdi

Inson umri davomida ko‘plab voqealar va o‘zgarishlarni boshdan kechiradi: bolaning tug‘ilishi, yaqin kishining o‘limi, ish o‘zgarishi, pensiyaga chiqish, meros qolgan mulk, oldi-sotdi ishlari, yangi uyga ko‘chish...

Bularning barchasi nafaqat xotirada, balki qog‘ozlarda ham saqlanadi. Ko‘pchiligimiz bu kabi hujjatlarni uyimizda saqlaymiz, hamma ham alohida seyfga yoki maxsus saqlash joylariga ega emas.

Natijada muhim hujjatlar yo‘qoladi yoki shikastlanadi. Arxiv ma’lumotlarini olish esa uzoq va murakkab jarayon bo‘lib, odamdan vaqt va sabr talab qiladi.

Raqamlashtirish tufayli endi bu jarayonlar osonlashdi. Fuqarolar my.gov.uz orqali arxiv xizmatlarini onlayn olish imkoniyatiga ega bo‘lishdi.

Buning uchun ushbu manzilga o‘tish kifoya: КIRISH.

Xizmatdan foydalanish bo‘yicha videoqo‘llanma ham bor:

@MyGovUz | @eGovUz Ochish/sharhlash

2022-08-25 09:18:54 Bilasizmi

Fuqarolarga davlat xizmatlarini ko‘rsatish muddati 3 ish kunidan ortiq vaqtga kechiktirilganida boj, yig‘im va boshqa to‘lovlarning 50 foizi ariza beruvchilar murojaati asosida qaytariladi.

Shuningdek, ariza beruvchiga tegishli davlat xizmati to‘liq hajmda ko‘rsatiladi.

Ushbu tartib my.gov.uz, Davlat xizmatlari markazlari hamda "Litsenziya" axborot tizimi orqali ko‘rsatilayotgan davlat xizmatlariga taalluqli.

My.gov.uz – vaqt va naqd tejamkorligi kafolati!

@MyGovUz Ochish/sharhlash

2022-08-24 12:10:15 #Qonunchilikdagi_yangiliklar

Mol-mulkka taqiq qo‘yilganligi to‘g‘risidagi elektron ma’lumotlar banki joriy etiladi

Hukumat qarori (468-son, 22.08.2022-y.) bilan Boshqa shaxsga o‘tkazish taqiqlab yoki xatlab qo‘yilgan mol-mulklar elektron ma’lumotlar bankini shakllantirish, yuritish va undan foydalanish to‘g‘risidagi nizom tasdiqlandi.

Qarorga ko‘ra, 2022-yil 1-oktabrdan “Notarius” avtomatlashtirilgan axborot tizimida mol-mulkni boshqa shaxsga o‘tkazish taqiqlab (xatlab) qo‘yilganligi, shuningdek taqiqlab (xatlab) qo‘yish bekor qilinganligi to‘g‘risidagi elektron ma’lumotlar banki joriy etiladi.

Elektron ma’lumotlar bankiga kiritishda:

jismoniy shaxsning shaxsiga oid va avtomototransport vositalariga oid ma’lumotlar – Ichki ishlar vazirligi;
yuridik shaxsga oid ma’lumotlar – Adliya vazirligi;
ko‘chmas mulkka oid ma’lumotlar – Davlat soliq qo‘mitasi huzuridagi Kadastr agentligi;
qishloq xo‘jaligi, melioratsiya va yo‘l-qurilish texnikalariga oid ma’lumotlar – Vazirlar Mahkamasi huzuridagi Agrosanoat majmui ustidan nazorat qilish inspeksiyasi;
attraksionlar va ko‘tarish inshootlari (minora kranlari)ga oid ma’lumotlar – Sanoat xavfsizligi davlat qo‘mitasi;
kemalarga oid ma’lumotlar – Transport vazirligi;
kichik hajmli kemalarga oid ma’lumotlar – Favqulodda vaziyatlar vazirligi Kichik hajmli kemalar inspeksiyasining elektron axborot tizimlari orqali real vaqt rejimida amalga oshiriladi.

Elektron ma’lumotlar banki davlat tilida shakllantiriladi va yuritiladi.

Notarius elektron ma’lumotlar banki orqali mol-mulkni boshqa shaxsga o‘tkazishni taqiqlab qo‘yishi va taqiqni bekor qilishi mumkin.

Mol-mulkni boshqa shaxsga o‘tkazishni taqiqlab yoki xatlab qo‘yish, shuningdek, uni bekor qilishda to‘lov undirilmaydi.

Murojaatga asosan elektron ma’lumotlar bankida mavjud ma’lumotlar notarius va (yoki) notarial arxiv mudiri tomonidan to‘g‘ridan-to‘g‘ri yoki YIDXP (my.gov.uz) orqali yoxud E-notarius.uz axborot portali orqali taqdim etiladi.

@MyGovUz | @eGovUz Ochish/sharhlash

2022-08-24 07:12:55 Hech bir murojaat e’tibordan chetda qolmaydi

Hozirgi kunda my.gov.uz orqali elektron davlat xizmatlarining sifatli ko‘rsatilishini ta’minlash maqsadida fuqarolardan kelib tushayotgan murojaatlar real vaqt rejimida avtomatik tahlil qilib borilmoqda.

Xususan, joriy yilning iyul oyida Yagona portal mutaxassislari va Call-markaz operatorlari tomonidan:

  “1242” qisqa raqami orqali jami 31 mingdan ziyod qo‘ng‘iroqlarga;

@myGovUzSupportBot orqali 4 500 dan ortiq savollarga;

epigu@egov.uz elektron pochtasiga yuborilgan 2 300 dan ziyod murojaatlarga tezkor javoblar berilgan.

Quyida tahlil jarayonida murojaatchilar tomonidan eng ko‘p berilgan savollarni alohida keltirib, ular bo‘yicha batafsil ma’lumot olish manzillarini qoldiramiz:

id.egov.uz dan ro‘yxatdan o‘tish (9 mingdan ortiq)

Avtomobil oynasi tusini qoraytirish (tonirovka) xizmati (5 mingdan ortiq)

Arizani holati (statusi)ni bilish.

Hurmatli foydalanuvchilar, unutmang, bizda “1242” qisqa raqami 7/24 tartibida ishlaydi.

@MyGovUz | @eGovUz Ochish/sharhlash

2022-08-23 07:10:09 Mukofot jamg‘armasi 1 million dollar bo‘lgan Prezident sovrini uchun tanlov o‘tkaziladi

“2022-2023-yillarda axborot-kommunikatsiya texnologiyalari sohasini yangi bosqichga olib chiqish chora-tadbirlari to‘g‘risida”gi qaror bilan:

2022-yil 1-sentyabrdan boshlab respublikaning barcha hududlarida AKTni qo‘llash orqali masofaviy xizmatlarni eksport qilish markazlari bosqichma-bosqich tashkil etiladi;

2023-yildan boshlab har yili yoshlarning axborot-kommunikatsiya texnologiyalari sohasidagi startap loyihalarini yanada qo‘llab-quvvatlash maqsadida Axborot-kommunikatsiya texnologiyalarini rivojlantirish jamg‘armasi hisobidan umumiy mukofot jamg‘armasi 1 million dollar bo‘lgan Prezident sovrini uchun tanlov o‘tkaziladi;

2022-yil 1-oktyabrdan boshlab AKT sohasida IT-ta’lim xizmatlarini ko‘rsatish, dasturiy mahsulotlar ishlab chiqish hamda eksportga yo‘naltirish bo‘yicha startap loyihalarni qo‘llab-quvvatlash uchun ITSV huzuridagi Yosh tadbirkorlarni qo‘llab-quvvatlash jamg‘armasi hisobidan Innovatsion rivojlanish vazirligi tomonidan o‘tkaziladigan tanlov asosida 1 milliard so‘mgacha bo‘lgan grantlar ajratish tartibi joriy qilinadi.

@MyGovUz | @eGovUz Ochish/sharhlash

2022-08-23 07:01:47 #Qonunchilikdagi_yangiliklar

Mobil aloqa operatorlari, tijorat banklari hamda to‘lov tizimlari operatorlariga mobil ilovalari orqali my.gov.uz xizmatlarini kursatishga ruxsat beriladi

Prezidentning “2022-2023-yillarda axborot-kommunikatsiya texnologiyalari sohasini yangi bosqichga olib chiqish chora-tadbirlari to‘g‘risida”gi qarori imzolandi.

Hujjat bilan:

2022-2023-yillarda sohani rivojlantirishning asosiy vazifalari belgilandi. Misol uchun, 2022-yil yakuniga qadar aholi yashash maskanlarini keng polosali mobil aloqa tarmog‘i bilan qamrab olish darajasi 98 foizga, xalqaro ahamiyatga ega avtomobil yo‘llari bo‘ylab yuqori tezlikdagi mobil internet qamrovini 60 foizga yetkaziladi;

2022-yil 1-noyabrdan mobil aloqa operatorlari, tijorat banklari hamda to‘lov tizimlari operatorlariga axborot xavfsizligi talablariga rioya etgan holda, o‘zlarining mobil ilovalari orqali Yagona portaldagi elektron davlat xizmatlarini kursatishga ruxsat beriladi.

@MyGovUz | @eGovUz Ochish/sharhlash

2022-08-22 15:55:56 Bilasizmi?

My.gov.uz orqali qaysi ma’lumotnomalarni bepul olish mumkin?

Bugungi kunda ish haqi, pensiya, mehnat daftarchasidan ko‘chirma yoki yashash joyi bo‘yicha ma’lumotnoma olish uchun vaqt ham, naqd ham sarflamaysiz.

Shunchaki, internetga ulangan qurilma (kompyuter, mobil telefon) orqali my.gov.uz dan ro‘yxatdan o‘tasiz. Xizmat uchun ariza yuborgan zahotingiz esa ma’lumotni ko‘rasiz.

Quyida mutlaqo bepul va bir zumda taqdim etiladigan xizmatlar bilan tanishing:

Ish haqi to‘g‘risidagi ma’lumotnoma
Unda fuqaroning ish haqidan olgan daromadi, to‘langan daromad solig‘i miqdori aks etgan bo‘ladi.

Jamg‘arilgan pensiya to‘g‘risidagi ma’lumotnoma
U orqali shaxsiy jamg‘arib boriladigan pensiya hisobvarag‘iga majburiy va ixtiyoriy tartibda undirilgan pul mablag‘lari to‘g‘risida ma’lumot olish mumkin.

Pensiya (nafaqa) haqidagi ma’lumotnoma
Fuqaroning pensiya fondi hisobida turish-turmasligi, to‘langan pensiyalar (nafaqalar) miqdori to‘g‘risidagi ma’lumotlar olinadi.

Doimiy (vaqtinchalik) yashash joyi bo‘yicha ma’lumot
Fuqaroning doimiy va vaqtinchalik yashash joyi bo‘yicha ma’lumot olish.

Mehnat daftarchasidan ko‘chirma olish
Fuqaroning mehnat faoliyati va ish staji bilan bog‘liq ma’lumotlarni olish mumkin.

My.gov.uz bilan vaqtingiz va naqdingizni tejang!

Biz bilan har doim oson, tez va qulay ekanligini unutmang!

Ijtimoiy tarmoqlardagi rasmiy sahifalarimiz:

Facebook | Instagram | Telegram Ochish/sharhlash

2021-12-17 16:46:39 ​​ Bizda yoshlar uchun yangiliklar bor!

Bugungi sarmoya ertaga o‘z mevasini berishi shubhasiz.

Yagona interaktiv davlat xizmatlari portalida talaba-yoshlar, mustaqil hayotga qadam qo‘yayotgan yigit-qizlar uchun yangi xizmatlar joriy etildi.

Ya’ni my.gov.uz orqali «Bir million dasturchi» loyihasi doirasida o‘quv kurslarini muvaffaqiyatli tugatgan va sertifikat olgan yoshlarga kompyuter xaridlari uchun iste’mol kreditlarini ajratish va ularning foiz to‘lovlarini kompensatsiya qilishga ariza yuborish mumkin.

Buning uchun ikki tomonlama kompyuter oldi-sotdi shartnomasi nusxasi bo‘lsa bas. Ariza 3 kundan 5 ish kunigacha ko‘rib chiqiladi.

Shuningdek, «Yoshlar daftari»ga kiritilganlarning xorijiy tillar va umumta’lim fanlari bo‘yicha nodavlat ta’lim tashkilotlarida o‘qish xarajatlarining bir qismini hamda ular bo‘yicha milliy sertifikatlar olish uchun o‘tkaziladigan imtihonlarni topshirish xarajatlarini qoplab berish uchun ariza ham my.gov.uz manzili orqali qabul qilinadi.

Bunda uch tomonlama shartnoma va to‘lov qog‘ozi nusxasi bo‘lsa kifoya. Ariza 15 kundan 30 kungacha bo‘lgan muddatda ko‘rib chiqiladi.

Har ikkala xizmat ham mutlaqo bepul.

@MyGovUz Ochish/sharhlash

2021-12-17 14:24:19 #Hamkorlik

Latviya, Estoniya, Litva tajribalari o‘rganildi

3 kun davom etgan o‘quv mashg‘ulotlarida davlat xizmatlari sifatini baholash, tahlil va tadqiqotlar o‘tkazib, samaradorlikka erishayotgan ilg‘or davlatlardan – Latviya, Estoniya, Litva tajribalari o‘rganildi.

Batafsil: link.egov.uz/1b15

@eGovUz Ochish/sharhlash

2021-12-16 07:06:43 Raqamlashtirish bo‘yicha O‘zbekiston tajribasi taqdimot qilindi

Misrning Sharm-el-Shayx shahrida bo‘lib o‘tayotgan BMTning Korrupsiyaga qarshi konvensiyasi ishtirokchi davlatlarining 9-Konferensiyasi doirasida BMT TD tomonidan tashkil etilgan «Raqamlashtirish - korrupsiyaga qarshi kurashishda "kumush o‘q" hisoblanadimi? Yetakchi amaliyotchilardan saboqlar» mavzusida maxsus sessiyasi bo‘lib o‘tdi.

Unda qisqa vaqt ichida O‘zbekiston amalga oshirgan ishlar ko‘lami to‘g‘risida ma’lumot berildi. Ta’kidlanganidek, 160 dan ortiq davlat xizmatlarining raqamli tizimga o‘tkazilgani, bir qator ochiq ma’lumotlar portali (xarid.uz, data.gov.uz, my.gov.uz, openbudget.uz) yaratilgani ushbu yo‘nalishlarda korrupsiyaning sezilarli ravishda kamayishiga hamda jamoatchilik nazoratining o‘rnatilishiga sabab bo‘lgani qayd etildi.

Batafsil: link.egov.uz/68e4

@eGovUz Ochish/sharhlash