KRuz.uz |Рәсмий канал

2024-05-23 13:11:56 Сарықамыс көли әтирапындағы фотоқақпанға қасқыр түсип қалды

Қубла Үстирт миллий тәбият бағының Сарықамыс көли аймағына орнатылған фотоқақпанға - Қасқырлар түсти. Бул ҳаққында бағдың рәсмий каналы мәлим етти.

@KRuzuz — Қарақалпақстандағы ең исенимли хабарлар Ochish/sharhlash

2024-05-23 11:21:28 «Ең үлгили ЖОО басшысы» сораўнамасының статистикасы

23-май, саат 13:10 жағдайына бола, ең көп даўыс пенен биринши орынды Ахмед Реймов талабанлығы ийелемекте.

Сиз өз талабаныңызға усы жылдың 31-май күни саат 20:00 ге шекем даўыс бериўиңиз мүмкин. Жеңимпазлар «KRuz.uz»дың арнаўлы эксклюзив саўғасы менен сыйлықланады.

Даўыс бериў: @JOO_basshilari_bot Ochish/sharhlash

2024-05-23 10:24:03 Үйлердиң баҳасы түсиўи мүмкин

Айтыўларына қарағанда, бүгинги күнде бирге ислесиўши коммерциялық банклер тәрепинен Ипотеканы қайта қаржыландырыў компаниясының қаржылары есабынан екилемши базардан үй-жай сатып алыў ушын арзан ипотека кредитлериниң (17-18 процент) ажыратылыўы ўақытша тоқтатылған.

@KRuzuz — Қарақалпақстандағы ең исенимли хабарлар Ochish/sharhlash

2024-05-23 09:01:55 ҚР Денсаўлықты сақлаў министриниң орынбасары тайынланды

Әбдисаметова Гәўҳар Орақбаевна — Қарақалпақстан Республикасы Денсаўлықты сақлаў министриниң аналық ҳәм балалықты қорғаў бойынша орынбасары лаўазымына тайынланды.

Ол усы күнге шекем Қарақалпақстан Республикасы Денсаўлықты сақлаў министрлигиниӊ бөлим баслығы лаўазымында жумыс ислеп келген.

@KRuzuz — Қарақалпақстандағы ең исенимли хабарлар Ochish/sharhlash

2024-05-22 17:36:01 Ochish/sharhlash

2024-05-22 17:15:13 AVO bank енди Қарақалпақстанда

Өзбекстандағы заманагөй цифрлы банк хызметлеринен енди биймәлел Қарақалпақстанда дa пайдаланыўыңыз мүмкин!

Протсентсиз дәуирге ийе AVO platinum кредит картасы ҳәм қолай мобил программасы менен қысқа мүддетте атақлылыққа ерискен AVO банкының банкомат ҳәм картоматлары ендиликте Қарақалпақстанда да әмелде!

AVO platinum картасы менен сиз өз мүтажлиғиңиз ушын зәрүр болған сатып алыуларды әмелге асырыўыңыз ҳәм банк хызметлеринен онлайн пайдаланыўыңыз мүмкин.

Мобил программаны силтеме арқалы жүклеп алың! Ochish/sharhlash

2024-05-22 16:34:30 Сизге әжайып дүньяны усынамыз

Барлық машқалаларыңызды умытып бираз дем алың.

Биз сизге руўхый тетиклик, тынышлық бағышлайтуғын Кегейли районындағы аўыл турмысын көрсетпекшимиз.

Видеода әжайып, тыныш өтип атырған аўыл көриниси сәўлеленген.

@KRuzuz — Қарақалпақстандағы ең исенимли хабарлар Ochish/sharhlash

2024-05-22 14:20:49 Қоңыратта қойлардың қарны жарып кетилгени айтылмақта

Социаллық тармақларда Қоңырат районында қойлардың қарны белгисиз зат тәрепинен жарып кетилгени айтылған хабарлар тарқалмақта.

«KRuz.uz» жоқарыдағы жағдай бойынша тийисли шөлкемлерден рәсмий мағлыўмат күтип қалады.

@KRuzuz — Қарақалпақстандағы ең исенимли хабарлар Ochish/sharhlash

2024-05-22 12:09:26 #Вакансия

Қарақалпақстанның қала ҳәм районларындағы бос жумыс орынлары жәрияланды

Қарақалпақстанның 8 районы бойынша бос жумыс орынларын жәрияланды. Төменлеги силтемелер үстине басып толық танысыўыңыз мүмкин.

Әмиўдәрья районы

Төрткүл районы

Беруний районы

Елликқала районы

Кегейли районы

Қараөзек районы

Қанлыкөл районы

Бозатаў районы

@KRuzuz — Қарақалпақстандағы ең исенимли хабарлар Ochish/sharhlash

2024-05-22 09:50:42 Қарақалпақстанда ҳәмиледар ҳаял 3-қабаттан өзин таслады

2024-жыл 15-май күни саат 20:40 та Ана ҳәм бала саламатлығы илимий әмелий медицина орайының Реанимация бөлимине 1990-жылы туўылған пуқара М.Ю биринши ҳәмиледарлығы менен жатқызылған. Мәлим болыўынша, ол сол имараттың 3-қабат айнасынан өзин таслап жибереди ҳәм орта дәрежедеги дене жарақатларын алады.

Нөкис қаласы тез медициналық жәрдем орайына көширилген наўқас бойынша жумысшы топар жағдайды үйренгенде, Қашқадәрьяда туўылған бул пуқара бурын нәсиллик кеселликлер (психоз) бойынша дизимде турғаны анықланған.

Жағдай шеңберинен бир қатар хызметкерлерге интизамый шара көрилип, ҳәзирде ана ҳәм баланың саламатлығы турақлы шыпакерлер қадағалаўында екени, ҳеш қандай қәўип жоқлығы мәлим етилди.

@KRuzuz — Қарақалпақстандағы ең исенимли хабарлар Ochish/sharhlash