Prokuratura Departamenti

2023-04-12 13:25:31 Денов туманида корхонанинг 573,1 млн сўмини ўзлаштирган савдо-сотиқ масалалари бўйича собиқ раҳбари аниқланди

Бош прокуратура ҳузуридаги Департаментнинг Денов тумани бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда, “Д.В.” АЖнинг маркетинг ва савдо-сотиқ масалалари бўйича собиқ раҳбари Ф.Д. корхонанинг жами 573,1 млн сўм маблағини ипотека шартномаси асосида олинган уй-жойига тўлов учун ҳамда ўзига иш ҳақи сифатида ўтказиб олишга эришиб, ушбу маблағларни талон-торож қилганлиги аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.

@Department_uz Ochish/sharhlash

2023-04-12 10:27:35 Қува ва Шаҳрихон туманларида ўқишга киритиб қўйишни ваъда қилган фирибгарлар ушланди

Бош прокуратура ҳузуридаги Департамент ҳамда ДХХнинг Қува тумани бўлимлари томонидан ўтказилган тезкор тадбирда, муқаддам товламачилик жинояти учун судланган И.С. фуқаролар Д.Қ. ва М.Р.ни танишлари ёрдамида Қўқон темир йўллари муҳандислик техникумига 2 400 АҚШ доллари эвазига ўқишга киритиб қўйишга келишиб, шундан 1 200 АҚШ долларини олган вақтида ашёвий далиллар билан ушланган.

Шу каби, Департаментнинг Шаҳрихон туман бўлими томонидан ўтказилган тезкор тадбирда, фуқаро А.А. бошқа бир фуқаро Р.Х.нинг ишончига кириб, уни танишлари ёрдамида қўшни Қирғизистон Республикасидаги университетнинг тиббиёт факультетига ҳеч қандай имтиҳонларсиз ўқишга киритиб қўйиш эвазига 1 800 АҚШ долларини олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.

@Department_uz Ochish/sharhlash

2023-04-12 08:53:27 Ҳайдовчилик гувоҳномаларини олиб беришни ваъда қилган фирибгарлар ушланди

Бош прокуратура ҳузуридаги Департаментнинг Элликқалъа туман бўлими томонидан ДХХ ва ИИВ ходимлари билан ҳамкорликда ўтказилган тезкор тадбирда, фуқаро Н.К. фуқаро Т.С.га “В” тоифали ҳайдовчилик гувоҳномасини назарий ва амалий имтиҳонларга қатнашмасдан олиб бериш эвазига 500 АҚШ долларини олган вақтида ашёвий далиллар билан ушланган.

Шу каби, Департаментнинг Фарғона тумани бўлими томонидан ИИБ ходимлари билан ҳамкорликда ўтказилган тезкор тадбирда, “Й.Ҳ.” хусусий корхонаси инструктори Т.Т. фуқаро М.М.га танишлари ёрдамида қишлоқ хўжалиги техникаларини бошқариш ҳуқуқни берувчи гувоҳнома олиб бериш эвазига 1,6 млн сўмни олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.

@Department_uz Ochish/sharhlash

2023-04-11 19:49:09 Давлат органларининг телеграмдаги расмий саҳифаларини кузатиб боринг!

Ўзбекистонда амалга оширилаётган маъмурий ислоҳотлар натижасида вазирлик ва идоралар сони оптималлаштирилди, айрим ташкилотлар бир-бирига қўшилди ёки қисқарди. Шунинг учун, биз давлат органлари ва ташкилотларининг Телеграмдаги каналлари рўйхатини янгиладик.

Мазкур телеграм каналларида янги қонун ҳужжатлари шарҳи, аҳамиятли мавзулар юзасидан экспертлар фикри, муҳокамаларга сабаб бўлаётган мавзуларга оид расмий идоралар позициясидан бохабар бўлиш имконияти мавжуд.

Давлат органларининг расмий каналларининг янгиланган рўйхати билан танишиб, аъзо бўлишни тавсия қиламиз.

Telegram | Facebook | Instagram | Медиабанк Ochish/sharhlash

2023-04-11 14:37:16 Чилонзор ва Сергели туманларида дори воситаларнинг ноқонуний муомалага киритилишининг олди олинди

Бош прокуратура ҳузуридаги Департаментнинг Чилонзор туман бўлими томонидан ўтказилган тезкор тадбирда, фуқаро Ж.Б. дори воситаларини ноқонуний муомалага киритиш орқали даромад орттиришни кўзлаб, 90 дона “Human Albumin Solution” номли дори воситасини фуқаро Б.Б.га 59,4 млн сўмга сотган вақтида ушланиб, унинг “Lacetti” русумли автомобили юк хонасидан жами 93,3 млн сўмлик 7 турдаги 185 қути дори воситалари ашёвий далил сифатида олинган.

Шу каби, Департаментнинг Сергели туман бўлими томонидан ДХХ ва ИИБ ходимлари билан ҳамкорликда ўтказилган тезкор тадбирда, фуқаро А.И. фуқаро Ш.Р.га 308 дона “Регапен” ва 11 дона “Тропикамид” номли кучли таъсир қилувчи дори воситаларини 800 АҚШ долларига сотган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 186-3-моддаси (дори воситаларини дорихоналардан ва уларнинг филиалларидан ташқарида реализация қилиш) ва 251-1-моддаси (кучли таъсир қилувчи ёки заҳарли моддаларни қонунга хилоф равишда муомалага киритиш) билан жиноят ишлари қўзғатилиб, тергов ҳаракатлари ўтказилмоқда.

@Department_uz Ochish/sharhlash

2023-04-11 14:37:13 Ochish/sharhlash

2023-04-11 13:19:29 Тиббиёт коллежини тугатганлиги тўғрисида диплом олиб беришни ваъда қилган фирибгарлар ушланди

Бош прокуратура ҳузуридаги Департамент ҳамда ДХХнинг Жиззах вилояти бошқармалари томонидан ўтказилган тезкор тадбирда, фуқаро А.Я. фуқаролар Г.А. ва К.Ў.га танишлари орқали тиббиёт коллежини тугатганлиги тўғрисида диплом олиб бериш эвазига 2 400 АҚШ долларини олган вақтида ушланиб, унинг кўрсатувига асосан давом этган тадбирда, Касбий таълимни ривожлантириш ва мувофиқлаштириш ҳудудий бошқармаси бош услубчиси Б.А. 2 400 АҚШ долларини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

@Department_uz Ochish/sharhlash

2023-04-11 09:46:22 Тошкент туманида табиий газдан ноқонуний фойдаланган цех аниқланди

Бош прокуратура ҳузуридаги Департамент ҳамда ДХХнинг Тошкент тумани бўлимлари томонидан вилоят ИИБ ва “Тошкенттумангаз” газ таъминоти бўлими ходимлари ҳамкорлигида ўтказилган тезкор тадбирда, фуқаролар М.Я., А.Ю., М.М. ва бошқалар ўзаро тил бириктириб, “Дийдор” МФЙдаги иссиқхона ҳудудида ташкил этган оҳак ишлаб чиқарувчи цехини газ қувурига яширинча улаб, 5,7 млн куб табиий газдан ноқонуний фойдаланишиб, давлат ва жамият манфаатларига 5,7 млрд сўм зарар етказганликлари аниқланган.

Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.

@Department_uz Ochish/sharhlash

2023-04-11 08:06:10 Андижон вилоятида 60 сотих ер майдони олиб беришни ваъда қилган фирибгар ушланди

Бош прокуратура ҳузуридаги Департаментнинг Андижон вилоят бошқармаси томонидан вилоят ИИБ ЖҚБ ходимлари билан ҳамкорлигида ўтказилган тезкор тадбирда, фуқаро К.С. ва бошқалар Норин-Қорадарё ирригация тизимлари ҳавза бошқармаси ҳузуридаги Насос станциялари ва энергетика бошқармасига тегишли 60 сотих ер майдонини фуқоро Ф.О.га фирибгарлик йўли билан 12 000 АҚШ долларига сотишга келишиб, шундан 10 000 АҚШ долларини олган вақтида ашёвий далилар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.

@Department_uz Ochish/sharhlash

2023-04-10 14:16:06 Ангрен шаҳрида қалбаки купюраларнинг муомалага киритилишининг олди олинди

Бош прокуратура ҳузуридаги Департаментнинг Оҳангарон шаҳар бўлими томонидан ИИБ ходимлари билан ҳамкорликда ўтказилган тезкор тадбирда, Ангрен шаҳар “Деҳқон бозори” олдида “Nexia” русумли автотранспорт воситаси йўловчиси А.С. (муқаддам судланган) жами 13 дона 100 минг сўмлик қалбаки пулларни ўтказиш мақсадида олиб келганлиги аниқланиб, ашёвий далил сифатида олинган.

Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.

@Department_uz Ochish/sharhlash