Zafarbek Solijonov

2021-12-14 18:51:42 Охирги вақтлар аёллар ҳуқуқи, уларнинг жамиятдаги ролини ошириш масаласи кун тартибига чиқди. Бу борада фаоллар ҳам ўз позицияларини бериб бормоқда. Катарсис телеграм канали эълон берди.

Аёллик мақоми, миллат тарбиясида аёлнинг ва онанинг ўрни ва аҳамияти ҳамда қизлар тарбияси учун зарур тавсияларга қаратилган материалларга буюртма берди. Узоғи 2 саҳифадан ошмаган, асосан 1 саҳифадаги мақолалар учун гонорар тўлаб бериларкан.

3 та материал танлаб олинади. Ҳар бирига 300 минг сўмдан ўтказиб берилади. Ижодкорлар фаол бўлинг.

Каналга уланинг: @Katarsis_uzb Ochish/sharhlash

2021-12-14 16:04:56 Феодалнинг мулкида ишламаяпсиз, ариза ёзманг

Агар сиз иш берувчининг имтиҳонларидан ўтолмаган бўлсангиз, "ўз хоҳишим билан" деб ариза ёзиб қўйманг. Кўпчилик шу ерда хато қилади. Агар ёзиб қўйсангиз, судда қийналасиз.

Бунақа ҳолатда иш берувчи ўз ташаббуси билан ходимни тегишли тартибда ишдан бўшатса, у ходимга қуйироқ лавозимдаги ишни таклиф қилиши лозим. Агар иложи бўлмаса, унда унга ишсизлик нафақаси ва бошқа компенсацияларни қоплаб бериши шарт.

@Zafarbek_Solijonov Ochish/sharhlash

2021-12-14 15:59:10 Соғлиқни сақлаш вазирлиги марказий аппарат ходимларининг 40 фоизи ўз вазифасидан озод этилди. Бугун ССВда йиғилиш бўлди. Соғлиқни сақлаш вазирлиги марказий аппаратининг ўз фаолиятида натижа бермаган 40 фоиз ходимлари вазифасидан озод этилди ва уларга қуйи бўғин тиббиёт муассасаларида ишлаш таклиф қилинди. Меҳнат қонунчилигига амал қилинган.

Жорий йилнинг ўтган 11 ойида Соғлиқни сақлаш вазирлигига келиб тушган жами мурожаатлар сони ўтган йилнинг шу даврига нисбатан қарийб 12 мингтага кўпайиб, 57 600 тани ташкил этган. Уларнинг энг катта қисмини сифатсиз тиббий хизмат кўрсатиш билан боғлиқ масалалар ташкил этади.

ССВ Матбуот хизмати

@Zafarbek_Solijonov Ochish/sharhlash

2021-12-14 15:22:54 Бугун "Ўзбекистон почтаси" АЖнинг ребрендинг тақдимотига бордик

Ўзини ҳурмат қилган ташкилот ўзгаришни ўзи ҳақидаги стереотипларни парчалашдан бошлайди. Хайр эски "Ўзбекистон почтаси". Бренднинг янги номи эндиликда UzPost деб номланади. Ташкилот энди "Yangi imkoniyatlar kuchi" шиори остида фаолият юритади.

2021 йилнинг охирига қадар тўлиқ ишга тушириладиган энг муҳим ўзгаришлардан бири почта логистикасининг янги тизими бўлди. Янги тизим жараёнларни оптимизация қилишга, почта жўнатмаларини расмийлаштириш босқичларини қисқартиришга ёрдам беради. Эндиликда “Ўзбекистон почтаси” мижозлари ўз уйларидан чиқмасдан туриб ўз жўнатмаларини веб сайт, мобиль илова ёки Telegram бот орқали расмийлаштиришлари мумкин бўлади.

ID код олган мижоз ўзига яқин почта бўлимига келади ва уни кўрсатади. Оператор мижоз томонидан олдинроқ киритилган маълумотларни почта тизимида кўради ва жўнатмани расмийлаштиришни дарҳол бошлайди.

Авваллари “Ўзбекистон почтаси” мижозлари ўз жўнатмалари қаерда эканлиги ҳақида маълумотга эга бўлишмаган бўлса, эндиликда янги тизим орқали улар онлайн тарзда ўзларининг жўнатмаларини кузатиб боришлари мумкин.

Ушбу ўзгариш нафақат почта мижозларига, балки компаниянинг ўзига ҳам ёрдам беради. Чунки энди почта жўнатмаларнинг қайси босқичларида энг узоқ узилишлар ёки кутишлар кузатилиши ҳақида ishoncli маълумотларга эга бўлади. Ушбу маълумотлар асосида компания жойлардагу муаммоларни аниқ ҳал қилишга муваффақ бўлади.

“Ўзбекистон почтаси” АЖ автопарки ва инфратузилмаси ҳам янгиланиши керак эди. Компания 27 та Дамас, 75 та кичик Caddy, 4 та катта ISUZU ва 2 та юк ортувчи Газел автотранспортларини ҳамда 417 та электроскутер ва 200 та велосипедларни харид қилди. 15% почта бўлинмалари қайта таъмирланди ва қолган барча бўлинмалар ҳам босқичма-босқич равишда таъмирланади.

Почта бўлинмаларининг техникалари ҳам янгиланди. Уларга янги компьютер техникалари, тўловни қабул қилишнинг мобиль қурилмалари тақдим этилди. Янги форматдаги ва янги дизайндаги пилот бўлинмалар очилди, келгусида уларнинг андозаси бўйича мамлакат бўйлаб барча почта бўлинмалари янгиланади.

Шунингдек, компания автоматлаштирилган мажмуалар - почтоматларни ҳам жорий қилди. Улар орқали мижозлар ўз жўнатмаларини ўзлари олишлари мумкин бўлади. Бугунга келиб республика бўйлаб 30 та почтомат ўрнатилган.

Ребрендинг жараёни доирасида компания шунингдек ўзининг савдо платформаси/маркетплейсини ҳам ишга туширибди. “Unisavdo” деб ном олган ушбу маркетплейснинг Android ва iOS тизимлари учун мобиль иловалари 2021 йилнинг май ойида тақдим этилди. 300дан ортиқ тадбиркорлар “Unisavdo”да ўз маҳсулотларини жойлаштириш учун шартномалар имзолашди. Бугунги кунга келиб платформада 14 000 дан ортиқ маҳсулотлар жойлаштирилган ва улар республика бўйлаб етказиб берилади.

Ўзгаришлар катта. Компания олдига юксак мақсад ва вазифлара қўйган. Стратегия аниқ. Уларга фақат мувафаққият тилаймиз.

ФОТОГАЛЕРЕЯ

@Zafarbek_Solijonov Ochish/sharhlash

2021-12-14 13:42:50 Қўйлиқ - майдон қизияпти

Қўйлиқ бозори бузилишига қарши яқиндаги намойишлар эсингизда бўлса керак. Ҳозир қизиқ ҳолат бўляпти.

ЎзА тайёрлаган видеорепортажда Қўйлиқ деҳқон бозори директорининг хавфсизлик бўйича ўринбосари Қодиржон Нормирзаев бозор бузилиши ёки кўчиши ҳақидаги эътирозларга муносабат билдириб, бу борада ҳеч қандай расмий топшириқ берилмаганини айтиб ўтди.

Қизиғи, 2-3 кун олдин бузилишидан норозилик билдириб йўлни тўсиб қўйган тадбиркорларнинг 5 нафари (ички ишлар органлари ходимларининг ўз хизмат бурчларини бажаришларига қаршилик кўрсатиш ва йиғилишлар, митинглар, кўча юришлари ёки намойишлар уюштириш, ўтказиш тартибини бузиш моддалари билан) маъмурий қамоққа олинганди.

Бу давлат карвонсарой бўлиб қоляптими? Тадбиркорларнинг кўчага чиқишига сабаб бўлган огоҳлантириш хатининг эгаси номаълум эмишку, лекин чиққанлар тезда жавобгарликка тортилармиш. Эртага кимдир давлат тўнтарилиши уюштиришга уринса-ю топилмаса, аммо кўчага чиқиб қўйган оломон ўқ ёмғири остида қолиб кетмаслигига ким кафолат беради? Шу даражада оғизлар мойланиб кетдими? Адолатга хизмат қиламан деб қасам ичганлар қасамини унутдими?

@Zafarbek_Solijonov Ochish/sharhlash

2021-12-14 12:47:16 Ушбу пост депутатимиз Расул Кушербаевнинг каналидан ўчибди (ёки ўчирилган). Жамоатчилик ушбу ҳолатга жим қараб турмаслиги керак. @Zafarbek_Solijonov Ochish/sharhlash

2021-12-14 12:21:59 Интим ҳаёт дахлсизлигини бузганлик ва "гап отганлик" учун жавобгарлик ҳақида

Адлиянинг яқинда берган таклифларини яна кўриб чиқдим. Интим ҳаёт дахлсизлигини бузганлик учун жавобгарлик белгилаш таклиф қилиняпти. Бу айни вақтда керак бўлган таклиф.

Охирги воқеалардан хабардорсиз. Депутатнинг интим видеоси тарқатилгани жамоатчилик аксарининг эътирозига сабаб бўлди. Маладес, эътироз тарқатганларга бўлди, аёлга эмас. Тарқатганлар "оммавий сазойи" кутганди. Аслида бу қувонарли, кўпчилик диндорлар аёл гуноҳига ўзи жавоб беради, биздан фойдалана олмайсан деди.

Аёлларга "гап-сўз отиш", уларнинг қадди-қоматини баланд овозда тасвирлаш ("қиччуканми"), таққослаш ("отаканми" кабилар адашмасам) учун маъмурий жавобгарликни белгилаш, аёлларга шикаст етказганлик учун жавобгарликни кучайтириш каби таклифларга ҳам ўз муносабатимни беришни лозим деб топдим.

Таклифларга қўшиламан. Бироқ танганинг иккинчи тарафи ҳам бор - айниқса гап отиш масаласида. Бизнинг тизим, тузум бу модданинг адолатли ва қонунан қўлланилишига туриб бера олармикин? Бу модда ҳам айрим "дежурная статья"лар (хизмат вазифасини бажаришга қаршилик қилганлик, безорилик кабиларни айтаман) қаторига қўшилиб қолмаслигига ким кафолат беради?

Кучишлатар тизимидагилар ҳуқуқий онг, маданияти ҳали ҳаминқадар бўлган халқ вакилларига ушбу моддадан ҳам "тепадан келган буйруқ" йўлида фойдаланмаслигига ким ишонади? Ўйлашимча, лойиҳа ташаббускорлари шу кабиларни ҳам ҳуқуқий асоси (ёки кейинчалик амалиётдан келиб чиқиб пленум қарорлари билан тартибга солинадими, билмадим) нуқтаи назаридан ҳисобини олиши лозим.

Бўлмаса, уларнинг қўлига яна бир "қурол" тутқазилган бўлади. Бу эса кейинги беш йилликнинг "Инсон қадри учун" шиорларига ҳам зид бўлиб қолади.

@Zafarbek_Solijonov Ochish/sharhlash

2021-12-13 20:03:07 Яккасарой туманидаги Юнус Ражабий кўчасида кесиб ташланган 81 та дарахт воқеаси кўпчиликнинг ёдида бўлса керак. Ўшанда, яъни 2020 йилнинг февраль ойида дарахт кесишга қарши мораторий талабларига зид равишда кўп йиллик, қимматбахо дарахтларни кесиб ташлаган… Ochish/sharhlash

2021-12-13 19:20:17 “Yosh kitobxon” tanlovining saralash bosqichi muddati o‘zgardi

Ko‘plab yoshlarning takliflarini inobatga olgan holda arizalarni qabul qilish muddati 25-dekabrga qadar uzaytirildi.

“O‘zbekiston yoshlari forumi” doirasida butun mamlakat bo‘ylab keng qamrovli loyihalar amalga oshirilmoqda. Tashkil etilayotgan loyihalarda tanlovga ariza yuborgan yoshlarning aksariyati qatnashayotganligi, qolaversa yoshlarga qulaylik yaratish maqsadida tanlovning saralash bosqichi 27-28-29–dekabr sanalariga ko‘chirilganligini ma’lum qilamiz.

O‘ylaymizki bu vaqt yosh kitobxonlarga tayyorgarlik ko‘rish uchun qo‘shimcha imkoniyat taqdim etadi.

Yosh kitobxon tanlovining ijtimoiy tarmoqlardagi sahifalari
Telegram • Instagram • Facebook • Youtube Ochish/sharhlash