YURIST MASLAHATI

2024-04-19 08:09:54 Шахснинг шаънини ва қадр-қимматини камситувчи ҳамда инсон ҳаётининг сир тутиладиган томонларини акс эттирувчи маълумотларни ошкор қилиш жиноий жавобгарликка сабаб бўлади

Жиноят кодексининг 141³-моддасига кўра, шахс танасининг ва (ёки) жинсий аъзоларининг яланғоч ҳолдаги фото- ва (ёки) видеотасвирини ўз ичига олган ахборотни унинг розилигисиз тарқатиш, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида тарқатиш ёхуд бундай ахборотни тарқатиш билан қўрқитиш, —

базавий ҳисоблаш миқдорининг тўрт юз бараваридан олти юз бараваригача миқдорда жарима ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади.

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2024-04-19 06:21:59 #Кадровик
БОЛА ПАРВАРИШЛАШ ДАВРИМНИ ИШ СТАЖИГА ҚЎШИШМАЯПТИ

Ман ишга кирганимга 15 йил тулди. Кадрга бориб 15% УСТАМА тулаш учун буйрук килиб беринг десам, менга жавобан сизни орада 2.5 йил декретда булганиз учун хали сизга 15% устама килиб бера олмимиз деди.2.5 йилдан кейин 15% устама тулаб беришаркан. Шу канчалик тугри. Коунларга асосланган холда юридик жавоб берсангиз.

ЖАВОБ:

Меҳнат кодексининг 405-моддаси бешинчи қисмига асосан Болани парваришлаш таътиллари даврида ходимнинг иш жойи (лавозими) сақланади. Бу таътилларнинг кўпи билан олти йили меҳнат стажига қўшилади, шу жумладан мутахассислиги бўйича иш стажига ҳам қўшиб ҳисобланади.

Яъни сизнинг бола парваришлаш таътилида бўлганингизни асос қилиб узоқ муддат ишлаганингиз учун тўланадиган устамадан маҳрум қилишлари ёки уни кечиктиришлари меҳнат кодексига зид ҳисобланади.

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2024-04-18 19:32:11 Олий Суднинг янги Пленум қарори
Маъмурий ҳуқуқбузарлик тўғрисидаги ишларни апелляция ва кассация тартибида кўриб чиқиш бўйича суд амалиёти тўғрисида

Ўзбекистон Республикаси Олий суди Пленумининг қарори, 25.03.2024 йилдаги 8-сон

@yuristlar_maslahati Ochish/sharhlash

2024-04-18 19:14:25 Олий Суднинг янги Пленум қарори
Судлар томонидан иқтисодий ишларни апелляция, кассация тартибида кўришнинг айрим масалалари тўғрисида

Ўзбекистон Республикаси Олий суди Пленумининг қарори, 25.03.2024 йилдаги 10-сон

@yuristlar_maslahati Ochish/sharhlash

2024-04-18 14:00:09 2024-2025 ўқув йили учун таълим сифати паст мактаблар рўйхати тасдиқланган.

ММТВ нинг 26.03.2024 йилдаги 95-сонли буйруғи

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2024-04-18 13:16:15 #Кадровик
Пенсияни ҳисоблаш учун пенсияларнинг қуйидаги базавий миқдорлари белгиланади:

ёшга доир пенсиялар учун — пенсияни ҳисоблаш учун қабул қилинадиган ўртача ойлик иш ҳақининг 55 фоизи, бироқ ёшга доир энг кам пенсиянинг 100 фоизидан кам эмас;

I ва II гуруҳ ногиронлиги бўлган шахсларга ногиронлик пенсияси учун — пенсияни ҳисоблаш учун қабул қилинадиган ўртача ойлик иш ҳақининг 55 фоизи, бироқ ёшга доир энг кам пенсиянинг 100 фоизидан кам эмас;

боқувчисини йўқотганлик пенсияси учун оиланинг ҳар бир меҳнатга лаёқатсиз аъзосига — пенсияни ҳисоблаш учун қабул қилинадиган ўртача ойлик иш ҳақининг 30 фоизи миқдорида, бироқ қонунчилик ҳужжатларда белгиланган миқдорлардан кам эмас;

ҳар иккала ота-онасини йўқотган болаларга (чин етимларга) боқувчисини йўқотганлик пенсияси учун ёки вафот этган ёлғиз онанинг болаларига ҳар бир бола учун — пенсияни ҳисоблаш учун қабул қилинадиган ўртача ойлик иш ҳақининг 30 фоизи, бироқ ёшга доир энг кам пенсиянинг 100 фоизидан кам эмас.

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2024-04-18 07:29:00 Ислом тараққиёт банкидан 195.5 млн АҚШ доллор, ОПЕК халқаро жамғармасидан 47.2 млн АҚШ доллор 5 йиллик имтиёзли давр билан 20 йилга "М39 "Олмаота-Бишкек— Тошкент-Шахрисабз-Термиз” автомобилъ йўлининг 1255—1315 км (60 км)ҳ қисмини реконструкция қилиш" лойиҳаси учун қарз жалб қилиш тўғрисида

Ўзбекистон Республикаси Президентининг қарори, 15.04.2024 йилдаги ПҚ-158-сон

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2024-04-18 06:21:00 Осиё тараққиёт банкидан "Цемент-бетон қопламали ички йўлларни қуриш" лойиҳасини амалга ошириш учун 240,0 млн АҚШ доллари миқдоридаги қарз маблағлари 5 йиллик имтиёзли давр билан 25 йил муддатга берилган. Қарз 2048 йилгача йиллик 2 фоиз мисобда ажратилади.

Ўзбекистон Республикаси Президентининг қарори, 15.04.2024 йилдаги ПҚ-157-сон

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2024-04-17 19:22:28 Янги хусусийлаштириш дастури ишлаб чиқилди. Унга кўра:

оммавий савдоларга чиқариладиган 250 га яқин улушлар рўйхати, давлат иштирокидаги корхоналарнинг қарийб мингта кўчмас мулк объекти рўйхати, маҳаллий фонд бозорида акцияларнинг оммавий таклифи ўтказиладиган 12 та корхона рўйхати шакллантирилди.

давлат активлари 3 ойда сотилмаганда (Тошкент шаҳри ва вилоят марказлари бундан мустасно) уларнинг бошланғич баҳоси 10 фоизигача босқичма-босқич пасайтирилади.

2024 йил 1 январгача аукцион орқали ижарага олганига камида 5 йил бўлган ва мажбуриятларини бажарган тадбиркорларга давлат мулкини баҳоланган қийматда сотиб олиш таклиф этилади.

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2024-04-17 18:44:50 “Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида”ги қонун депутатлар томонидан қабул қилинди.

Қонунда якка тартибдаги уй-жой қурилган ер участкасига бўлган ижара ҳуқуқи 1998-йил 1-июлга қадар эгалланган бўлса, барча ҳудудларда 0,24 гектардан, 1998-йил 1-июлдан 2018-йил 1-майга қадар эгалланган бўлса, Тошкент, Нукус шаҳарларида ва вилоят марказларида 0,06 гектардан, қолган ҳудудларда 0,12 гектардан ошмайдиган ҳажмда белгиланган.

Якка тартибдаги уй-жой эгаллаган ер участкасининг амалдаги майдони юқоридаги келтирилган ҳажмлардан ортиқча бўлса, ер участкасининг ортиқча эгалланган қисмига томорқа ёки деҳқон хўжалигини юритиш учун ижара ҳуқуқи эътироф этилади.

Саволингизни: @yuristgamurojaat гa қолдиринг

@yuristlar_maslahati Ochish/sharhlash