YURIST MASLAHATI

2023-12-05 10:37:27 Ички ишлар академиясига қабул талаблари

Академияга ёши ўн еттидан кичик (қабул йилида ўн етти ёшга тўладиганлар) ва йигирма бешдан катта бўлмаган, шу жумладан, йигирма беш ёшдаги умумий ўрта, ўрта махсус ва профессионал маълумотга эга Ўзбекистон Республикаси фуқаролари танлов асосида ўқишга қабул қилинади.

90 фоиз квота кимлар учун?

Ўзбекистон Республикаси Ички ишлар вазирлигининг академик лицейлари ва ҳарбий академик лицейлар битирувчилари, ички ишлар органларининг ходимлари ва ҳарбий хизматчилари, шунингдек, профилактика (катта) инспекторларининг жамоат тартибини сақлаш бўйича ёрдамчилари қабул квотасининг тўқсон фоизи бўйича қабул қилинади.

Қандай танловлар асосида қабул қилинади?

дастлабки танлов;
махсус касбий танлов;
якка тартибдаги якуний суҳбат.
Биринчи босқичдан муваффақиятли ўта олмаган номзодлар кейинги босқичга қўйилмайди.

Академияга хужжат топшираётганлар билиши керак бўлган муҳим нарсалардан бири.

Академияга ўқишга киришдан олдин номзодлар ва уларнинг ота-оналари ёки уларнинг ўрнини босувчи шахслар номзод Академияга ўқишга қабул қилингандан сўнг ички ишлар органларида, шунингдек, тақсимот бўйича юборилганда бошқа давлат идораларида мажбурий узлуксиз хизматни ўташи ҳақида шартнома имзолаши, шартнома шартларини бажариши, шунингдек, курсантлар сафидан чиқарилса ёки ўқишни тамомлагандан сўнг беш йил ичида хизматдан бўшатилса, шартномани муддатдан олдин бекор қилса ёки жиноят содир этиб жавобгарликка тортилса, ўқиш даврида унга сарфланган барча бюджет маблағларини қоплаши керак бўлади.

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2023-12-05 07:13:21 МЕН ҚОИДАНИ БУЗГАНМАНМИ?

Salom men neksa moshinamda harakatlanib borayotgan paytim yulimda traktov tirkama sudirab ketayotganedi men uni kuvib utayotgan davrimda kisib mashinamga zarar etkazdi va vokea joyidan ketip koldi va men gayi xodimlarini chakirdim ular traktor xaydovchisini xujjatlarini suraganda yuk uyda deb javob berdi keyin men zarani kim koplap beradi deganimda sen kuprik ustida abgon kilgansan deb aytyapti u yerda xech kanday yul belgilari yuk edi shu masalada yordam berishingizni surayman xozir 2 transport vositalari jarima maydonida

ЖАВОБ:

Вазирлар Маҳкамасининг 2022 йил 12 апрелдаги 172-сонли қарори билан тасдиқланган Йўл ҳаракати қоидаларининг 86-бандига асосан Қувиб ўтиш қуйидаги ҳолларда тақиқланади:
тартибга солинган чорраҳаларда;
тартибга солинмайдиган чорраҳаларда асосий ҳисобланмайдиган йўлларда ҳаракатланишда;
кўприкларда, йўл ўтказгичларда, эстакадаларда ва уларнинг остида;
пиёдалар ўтиш жойларида;
темир йўл кесишмаларида ва уларгача 100 метрдан кам масофа қолганда;
қувиб ёки айланиб ўтаётган транспорт воситаларини;
тепаликнинг охирида ва йўлнинг кўриниши чекланган жойларида;
3.20 ва 3.22 йўл белгилари таъсир оралиғида.

Мазкур асога кўра сиз автомобилни кўприк устида қувиб ўтган бўлсангиз, сиз таъқиқланган жойда қувиб ўтиб ЙХҚ нинг 86-бандини бузган ҳисобланасиз. Ва бундай вазиятда қоидабузарлик сиз томонингиздан амалга оширилгани учун зарар қоплаб берилмайди.

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2023-12-04 19:47:04 Талабаларнинг контракт тўловини тўлаш муддати узайтирилди.

Давлат комиссиясининг тегишли қарори билан 2023/2024-ўқув йилида олий таълим муассалари бакалавриати, магистратурасига тўлов-контракт, жумладан, табақалаштирилган тўлов-контракт асосида талабаликка тавсия этилган абитуриентлар, ўқиши кўчирилган (кўчириб тикланган) ва қайта тикланган талабалар ўқиши учун тўлов ҳақини ўтказиш ҳамда талабалар сафига қабул қилишни расмийлаштиришнинг сўнгги муддати 2023 йилнинг 25 декабри (шу куни ҳам) этиб белгиланди.

@yuristlar_maslahati Ochish/sharhlash

2023-12-04 14:38:17 Мактабларда таълим жараёни касалиик сабаб тўхтатиладими?

Нурмат Отабеков: Мавсумий касалликлар сабаб ўқув муассасаларида таълим жараёнини тўхтатишга асос йўқ

Ҳозирда аксарият мамлакатлар қатори Ўзбекистонда ҳам мавсумий касалликлар тарқалиши кўпайган. Айниқса, болаларда бу жараён бироз оғир кечмоқда.

@yuristlar_maslahati Ochish/sharhlash

2023-12-04 13:55:07 #Бизнес_солиқ

ЯТТлар билиши керак бўлган солиқ масалалари.

ЯТТ лар учун солиқ ҳисоблашда бирнечта эътибор бериш керак бўлган жиҳатлар бор мазкур поста батафсил танишиб ўтамиз.

Солиқ кодексининг 383-моддасига асосан ЯТТлар бир нечта фаолият тури билан шуғулланганида, ҳар бир фаолият тури учун алоҳида-алоҳида қатъий белгиланган миқдордаги солиқни тўлайди, фаолият билан икки ва ундан ортиқ аҳоли пунктларида шуғулланганида эса, ушбу аҳоли пунктлари учун ўрнатилган юқори ставкада солиқ тўланади.

I ёки II гуруҳ ногиронлиги бўлган шахс ҳисобланганида фаолият туридан ва уни амалга ошириш жойидан қатъи назар, ойига қатъий белгиланган миқдордаги солиқнинг 50 фоизини, бироқ базавий ҳисоблаш миқдорининг 50 фоизидан кўп бўлмаган миқдорда тўлайди;

«Ҳунарманд» уюшмаси аъзоси бўлган ва ҳунармандчилик маҳсулотларини (товарларини, хизматларини) ишлаб чиқариш ҳамда реализация қилишни амалга оширганида қатъий белгиланган миқдордаги солиқни тўлашдан озод этилади

болалар ўйин автоматлари билан боғлиқ хизматларни кўрсатса, ҳар бир жиҳозланган жой (бирлик) учун қатъий белгиланган миқдордаги солиқни тўлайди.

Жисмоний шахсларнинг мол-мулкини ижарага беришдан олинган даромадларига 12 фоизлик солиқ ставкаси бўйича солиқ солинади.

Шу ўринда депутатларнинг ҳам ҳуқуқларини эслатиб ўтаман Халқ депутатлари туманлар ва шаҳарлар Кенгашлари якка тартибдаги тадбиркорлар учун қатъий белгиланган миқдордаги солиқ суммаларига фаолият амалга ошириладиган жойларнинг хусусиятларига, шунингдек фаолият амалга ошириладиган турларининг мавсумийлиги қараб 0,7 дан 1,3 гача камайтирувчи ёки оширувчи коэффициентлар белгилашга ҳақли.

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2023-12-04 11:33:26 Ипотекани давлат рўйхатидан ўтказиш асослари

"Кўчмас мулкка бўлган ҳуқуқларни давлат рўйхатидан ўтказиш тўғрисида"ги Қонуннинг 60-моддасига кўра ипотека тўғрисидаги шартнома нотариал тартибда тасдиқланиши керак (бундан кўчмас мулкни бирламчи бозордан олиш чоғидаги ипотека тўғрисидаги шартнома мустасно) ва давлат рўйхатидан ўтказилиши лозим.

Ипотека тўғрисидаги шартнома ипотекани шартнома асосида давлат рўйхатидан ўтказиш учун асос бўлади.

Кредит шартномаси ёки қарз шартномаси қонун асосидаги ипотекани давлат рўйхатидан ўтказиш учун асос бўлади.

Ипотекани давлат рўйхатидан ўтказиш давлат реестрига тегишли ёзувни киритиш орқали амалга оширилади.

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2023-12-04 09:00:13 Ochish/sharhlash

2023-12-04 06:43:56 #Кадровик
АРМИЯГА КЕТГАН ХОДИМНИНГ ИШИНИ БАЖАРГАНЛИК УЧУН ҲАҚ ТЎЛАНМАЙДИМИ?

Assalomu alaykum yaxshimisiz kechirasiz bir savolim bor edi.
Man litseyda matematika o‘qituvchisiman matematika fanidan dars beraman biz litseyda bir guruhni 2 ga bo‘lib dars o'tamiz. Sherigim armiyaga ketdi endi uning darslarini man o‘tishimga to‘g‘ri kelyapti u armiyaga ketganligi sababli unga oyligi to'liq qoplab berilarkan. Bizga esa dars o'tganligim sababli qo'shimcha haq to‘lanmas ekan. Shu gap to‘g‘rimi???
Javob uchun oldindan rahmat...

ЖАВОБ:

Ўриндошлик асосида ҳамда бир неча касбда ва лавозимда ишлаш тартиби тўғрисидаги Низомнинг 20-бандига асосан Бир неча касбда ва лавозимда ишлашга, хизмат кўрсатиш зонасини кенгайтиришга, ишлар ҳажмини кўпайтиришга шундай касб ва лавозим бўйича бўш иш ўрни мавжуд бўлганда ёхуд қонунчиликда назарда тутилган ҳолларда ходим томонидан вақтинчалик йўқ бўлган ходимнинг вазифаларини бажаришда йўл қўйилади.

Низомниг 23-бандига асосан Касблар ва лавозимларда бир неча касб ва лавозим асосида ишлаганлик, хизмат кўрсатиш зонасини кенгайтирганлик, ишлар ҳажмини кўпайтирганлик учун қўшимча ҳақ тўланади.

Мазкур низомнинг 25-бандига асосан Бюджет ташкилотларида бир неча касб ва лавозимда ишлаганлик, хизмат кўрсатиш зонасини кенгайтирганлик, ишлар ҳажмини кўпайтирганлик учун қўшимча ҳақ тўлаш миқдори бир неча касб ва лавозимда ишланаётган лавозим бўйича маошнинг (тариф ставкасининг) 50 фоизидан ортиқ бўлиши мумкин эмас.

Яъни сизга армияга кетган ходимнинг ишини бажарганингиз учун ҳақ тўалниши керак мазкур ҳақнинг миқдори ўша ходимнинг ойлигини 50% гача миқдоригача бўлиши мумкин. Ochish/sharhlash

2023-12-03 14:05:53 Ички ишлар академиясига киришда кимларга имтиёзлар бор?

1. Ички ишлар органлари амалдаги ходимларига.

Ҳуқуқбузарликлар профилактикаси ва жиноятчиликка қарши курашишга муносиб ҳисса қўшган, хизмат ёки илмий фаолиятида юқори натижаларга эришган ички ишлар органлари амалдаги ходимларининг фарзандларига Академияга кириш учун курсантларни қабул қилишнинг умумий сонидан беш фоизли квота ажратилади.

2. Харбий хизматчиларнинг фарзандларига

Мамлакатнинг мудофаа қудратини мустаҳкамлашга салмоқли ҳисса қўшган, хизматдаги ҳарбий ва илмий фаолиятда маълум бир натижаларга эришган Ўзбекистон Республикаси Қуролли Кучлари таркибига кирувчи вазирлик ва идораларнинг хизматдаги офицерлари, контракт бўйича хизмат қилаётган сержантлар ва оддий аскарлар таркибидаги ҳарбий хизматчиларнинг фарзандлари учун Академияга ўқишга қабул қилиш учун белгиланган умумий қабул сонидан (иккинчи ва ундан кейинги олий таълимдан ташқари) беш фоизли квота, Ўзбекистон Республикаси Миллий гвардиясининг хизматдаги ҳарбий хизматчи ва ходимларининг фарзандлари учун икки фоизли квота ажратилади.

3. Божхона органлари ходимларининг фарзандларига

Божхона хизматига салмоқли ҳисса қўшган, хизмат жараёнида маълум бир натижаларга эришган божхона органларининг хизматдаги офицерлари ва сержантлар таркиби ходимлари фарзандлари учун Академияга кундузги таълим шаклига белгиланган умумий қабул сонидан икки фоизли квота ажратилади.

4. Тўмарис издошлари» жамоавий гуруҳлари аъзоларига

Тўмарис издошлари» жамоавий гуруҳлари аъзоларига Академияга кириш учун курсантларни қабул қилишнинг умумий сонидан икки фоизли квота ажратилади.

5. Профилактика инспекторларига

Ҳуқуқбузарликлар профилактикаси ва жиноятчиликка қарши курашишга муносиб ҳисса қўшган профилактика (катта) инспекторларининг жамоат тартибини сақлаш бўйича ёрдамчиларига Ички ишлар вазирлиги Жамоат хавфсизлиги департаменти бошлиғининг тавсиясига асосан Академияга квота асосида ўқишга кириш ҳуқуқи берилади. Бунда ўқишга қабул қилиш дастлабки ва касбий танлов натижаларига асосан Ўзбекистон Республикаси ички ишлар вазири томонидан ҳар йили белгиланадиган квоталарга мувофиқ амалга оширилади.

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2023-12-03 11:04:31 Ер участкасига бўлган ҳуқуқларни белгиловчи ҳужжатлар

"Кўчмас мулкка бўлган ҳуқуқларни давлат рўйхатидан ўтказиш тўғрисида"ги Қонуннинг 31-моддаcсига асосан 2021 йилнинг 1 августидан эътиборан қабул қилинган ер участкасига бўлган ҳуқуқларни белгиловчи ҳужжатлар қуйидагилардан иборат:

ер участкасидан доимий фойдаланиш ҳуқуқини давлат рўйхатидан ўтказиш учун — вилоятлар ҳамда Тошкент шаҳар ҳокимларининг ер участкаларини давлат ва жамоат эҳтиёжлари учун доимий фойдаланишга ажратиш ҳақидаги, кўп квартирали уй жойлашган ер участкасини, шунингдек кўп квартирали уйга туташ бўлган ер участкасини умумий фойдаланиш учун (нотижорат мақсадларда) кўп квартирали уйлардаги жойлар мулкдорларига доимий фойдаланиш ҳуқуқи асосида бериш тўғрисидаги қарорлари;

ер участкасига бўлган мулк ҳуқуқини давлат рўйхатидан ўтказиш учун — давлат мулкини бошқариш бўйича ваколатли давлат органлари томонидан бериладиган давлат ордери;

ер участкаларини ижарага олиш ҳуқуқини давлат рўйхатидан ўтказиш учун — ижара шартномаси.

1998 йилнинг 1 июлидан 2021 йилнинг 1 августига қадар қабул қилинган ер участкасига бўлган ҳуқуқларни белгиловчи ҳужжатлар ҳақида маълумот олиш учун ушбу қонуннинг 31-моддасига қаранг https://lex.uz/docs/6297080#6297940

Саволингизни: @yuristgamurojaat гa қолдиринг

@yuristlar_maslahati Ochish/sharhlash