YURIST MASLAHATI

2024-04-22 13:53:45 #Бизнес_солиқ
Сизда мол-мулк солиғи миқдори кўпайиб кетган бўлса, мулкни ўзингиз қайта баҳолатишга ҳақлисиз. Солиқ кодексининг 412-моддасига асосан Агар объектнинг 1 кв. метри қиймати белгиланган энг кам қийматдан паст бўлса, солиқ тўловчи кўчмас мулк объектлари қийматини мустақил баҳолашни амалга оширишга ҳақли. Бунда мустақил баҳолаш натижалари, шу жумладан солиқ тўловчи томонидан ўтган икки йилда ўтказилган мустақил баҳолаш натижалари солиқ базаси сифатида эътироф этилади.

Изоҳ: Мол мулк солиғининг объектларга нисбатан солиқ базаси 1 кв. метр учун мутлақ миқдорда белгиланган энг кам қиймати қуйидагича

Тошкент шаҳрида — уч миллион сўм;
Нукус шаҳрида ва вилоят марказларида — икки миллион сўм;
бошқа шаҳарларда ва қишлоқ жойларда — бир миллион икки юз минг сўм;

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2024-04-22 12:31:36 ЭНГ ЯХШИ МАКТАБ УЧУН 10 000 000 (ЎН МИЛЛОН) СЎМ

Хабарингиз бор "YURIST MASLAHATI" канали орқали турли ижтимоий лойиҳалар ўтказиб келинмоқда бунда икки ой олдин бошланган "THE BEST SCHOOL" ижтимоий танловининг вилоят босқичи ўз ниҳоясига етди ва Республика босқичига старт берилди.

Ижтимоий танлов ғлобларига умумий 10 000 000 сўм пул мукофоти ва сертификатларни топширади.

Бунда:
лойиҳанинг мутлақ ғолибига 7 000 000 сўм;
иккинчи ўрин соҳибига 2 000 000 сўм
учинчи ўрин соҳибига 1 000 000 сўм миқдорда пул мукофотлари (ёки танлов ғлибларининг ҳоҳишига кўра шу пулга тенг миқдорда китоблар жамланмаси) билан тақдирланади.

Мактабларга овоз бериш учун мўлжалланган @eng_yaxshi_maktab_bot ҳавсизлик жиҳатдан тўлиқ ҳимояланган. Нотўғри йўллар билан овоз тўплашга уринган мактабларни автоматик аниқлайди ва лойиҳадан чиқариб юборади. Битта одам фақат битта овоз бера олиши лойиҳани адолатли олиб боришини кафолатлайди.

Овоз бериш жараёнлари май ойининг 25 санасига қадар давом этади. Яъни ўқувсаотларининг охирги куни, 25 май санасида, натижалар эълон қилинади

Бот орқали кириб ўз мактабингиз учун овоз беринг. Бот автоматик тарзда овозлар сонини ҳисоблайди ва Республикада энг яхши натижага эга 10 та мактабни кўрсатиб боради.

Мактаблар рўйхати
@eng_yaxshi_maktab_bot Ochish/sharhlash

2024-04-22 11:32:03 #Суд_амалиёти
2021 йилдаги рағбатлантирувчи коэффициент масаласида кўп ва ҳўп ёздик. Мазкур берилган маълумотлардан хизматларимиздан фойдаланган фермерлар ўзларининг Вазирлар маҳкамасининг қарори белгиланган 1.15 фоиз пулларини ундиришди ва ундиришда давом этишмоқда. Бу ҳақда 2022 йил 29 ноябрь куни “ABU BAKR YAXYOBEK” фермер хўжалиги ҳам “APK BEKABOD” МЧЖустидан ОЛИЙ СУДДА ютиб чиққанлигини, Бундан ташқари яна бирнеча ишларда Олий Судда бу иш фермерлар фойдасига ҳал бўлганини асослар билан келтирган ҳолда маълумотлар бергандик.

Шунингдек Қашқадрё вилояти Миришкор туман фермерлар кенгашига берган консултацияларимиз билан аппеляция инстанциясида суд 10 лаб фермерларнинг фойдасига ҳал қилув қарори қабул қилган.

Ўтган ойнинг 18-март куни Сурхондарёлик фермернинг фойдасига айнан рағбатлантирувчи коэффициент масаласида Жавобгар Кластердан қарийб 300 000 000 (уч юз миллион) сўм ундирилиши белгиланди. Юқоридаги ҳал қилув қарори шу қарор юзасидан.

Изоҳ: Ўзбекистон Республикаси Вазирлар Маҳкамасининг 2021 йил 04 мартдаги 121-сонли қарорига асосан Бухоро-6, Бухоро-8, Бухоро-102, Наманган-77 ва С-6524 селекцион навларига нисбатан белгиланган минимал нархларга 1.15 рағбатлантирувчи коэффициент қўшиб берилиши керак бўлган.

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2024-04-22 11:31:40 #Суд_амалиёти Ochish/sharhlash

2024-04-22 09:48:09 Кеча каналда кўтарилган Ўқитувчиларга устама тўлаш масаласида Хушнудбек ҳам ўз фикрини билдирмоқда.

Ўқитувчиларга устама олиш учун бериладиган миллий сертификат юзасидан

Шу кунларда кўплаб ўқитувчилар томонидан мурожаатлар келиб тушмоқда. Унга кўра, устама олиш учун миллий сертификат тестидан ўтиб, тегишли балл тўплаган ўқитувчилар айрим тушунмовчиликка дуч келишмоқда.

Яъни авваллари миллий сертификат учун тест натижалари 100 баллик рейтингда чиқариларди, эндиликда БМБ тестлар натижаларини ҳисоблашда Раш моделига ўтди.

Аммо ўқитувчиларга устама беришга оид ҳужжатларда эски шкала қолиб кетгани, ҳали ҳужжат янгиланмагани учун тушунмовчилик юзага келди.

Мазкур масалада Мактабгача ва мактаб таълими вазирлиги масъуллари билан боғландим ва масалага ойдинлик киритишга ҳаракат қилдим.

Вазирлик ушбу муаммодан хабардор ҳамда ечим сифатида амалдаги қонун ҳужжатларига ўзгариш киритиш ҳақидаги лойиҳа ишлаб чиқилган. Ҳозирда ҳужжат лойиҳаси тегишли ташкилотлар билан келишилиб, эскпертиза учун Адлия вазирлигига киритилган.

Янги лойиҳага кўра, аввалги ҳисоблаш тизимида олинган миллий сертификатлар учун 80 баллдан юқори балл олганларга устама белгиланади. Янги Раш моделида эса А ва А+ даражадаги сертификат учун устама бериш режалаштирилмоқда.

Бошланғич таълим (математика ва она тили ва адабиёт) йўналиши учун эса аввалги ҳисоблаш тизимида 60 балл олганларга, янги Раш моделида эса C+ ёки ундан юқори даражадаги сертификат учун устама бериш режалаштирилган.

Албатта, бу ҳали лойиҳа холос. Ҳозирча тасдиқлангани йўқ.

Таклиф: ўқитувчиларга устама бериш учун талаб этиладиган даражани аввалгидан кўтариб қўйилиши (ҳар ҳолда бир қарашда шундай туйилмоқда), ўқитувчилар орасида норозиликларни келтириб чиқаряпти. Бу бўйича ижтимоий тармоқларда эътирозлар ёзилмоқда. Масъуллар Б+ даража учун ҳам устама бериш вариантини кўриб чиқиши мақсадга мувофиқ.

“Саволлар осон, бу тест аслида абитуриентлар учун” деган важлар ўтмайди. Бунда ўқитувчиларнинг айби йўқ. Ўқитувчига мос имтиҳон ташкил қила олмаётганларнинг муаммоси бу аслида.

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2024-04-22 07:40:52 2024 йил 1 июлдан бошлаб юридик шахсларга етказиб бериладиган электр энергияси ва табиий газ учун тўловлар 100 фоиз олдиндан амалга оширилади.

@yuristlar_maslahati Ochish/sharhlash

2024-04-22 05:55:58 #Бизнес
Сурхондарёда янги қурилган меҳмонхоналарга 25 млн сўмгача субсидия берилади

"Сурхондарё вилоятида янги меҳмонхона қуриш ва уни жиҳозлаш учун инвесторларга Ўзбекистон Республикасининг Давлат бюджетидан субсидия ажратиш тартиби тўғрисида"ги вақтинчалик низомни тасдиқлаш ҳақида Ўзбекистон Республикаси Вазирлар Маҳкамасининг қарори қабул қилинди.

18.04.2024 йилдаги 218-сон

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2024-04-21 17:43:12 Умумтаълим фанларини билиш даражасини аниқлаш бўйича А+, А, Б+, Б, C+, C, даражали сертификатлар Раш модели асосида ҳисобланишга ўтилгандан кейин кенг жамоатчиликда устама тўланиши масаласида турли саволлар туғилган. Вазирлик ва бошқа мутассадди ташкилотлар ҳолатга ойдинлик критиши лозим.

Маълумки, Вазирлар Маҳкамасининг 2024 йил 10 январдаги 17-сон қарорига асосан Тест натижалари халқаро методика — Раш модели асосида ҳисобланади. Унга кўра:
70 баллдан юқори балл олган талабгорга А+ даража;
65 — 69,9 балл олган талабгорга А даража;
60 — 64,9 балл олган талабгорга B+ даража;
55 — 59,9 балл олган талабгорга B даража;
50 — 54,9 балл олган талабгорга C+ даража;
46 — 49,9 балл олган талабгорга C даражали сертификат берилади.
Сертификат 3 йил муддатга берилади. Бунда:
А+, А даражали сертификат олган абитуриентларга олий таълим муассасаси бакалавриатига ўқишга қабул қилиш бўйича тест синовларида ушбу фандан белгиланган максимал балл берилади;
B+, B, C+, C, даражали сертификат олган абитуриентларга мос равишда сертификатдаги умумий баллга нисбатан фоиз асосида олий таълим муассасаси бакалавриатига ўқишга қабул қилиш бўйича тест синовларида ушбу фандан белгиланган максимал баллга нисбатан табақалаштирилган (пропорционал) балл берилиши белгиланган.

Баллар шу шаклда ҳисобланганда ўқитувчи томонидан қайси даража олинганда унга устама тўланади?

Эски тартиб бўйича масалан она тили ва адабиёт ўқитувчили камида саксон фоиз тўплаши керак эди. Янги бахолаш тартиб бўйича устамани ҳисоблашда тушунарсиз ҳолат вужудга келган. Мутасаддилар расмий маълумот асосида изоҳ берса, барча учун манфаатли бўларди.

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2024-04-21 15:06:09 Кадасрт хужжатларини расмийлаштиришда тўлов билан боғлиқ муносабатлар. (Имтиёзлар)

Кадастр паспортини янгилаш зарурати юзага келганда, янги ташкил қилинган (реконструкция қилинган) кўчмас мулк объектлари хатловдан ўтказилади ва уларнинг нархи мазкур Низомга мувофиқ белгиланади.

Янги объектга кадастр паспортини расмийлаштиришда фақат кадастр паспортини шакллантириш ва геокод бериш учун ҳақ ундирилади.

«Ижтимоий ҳимоя ягона реестри» ахборот тизимида рўйхатга олинган шахсларга, шунингдек, I ва II гуруҳлар ногиронлари ва Иккинчи жаҳон уруши қатнашчилари учун давлат хизматлари нархи хизматлар умумий қийматининг 50 фоизини ташкил қилади (тадбиркорлик фаолияти мақсадларида ёки юридик шахслар вакили сифатида мурожаат қилинган ҳолатлар бундан мустасно).

Ушбу иловага мувофиқ белгиланган давлат хизматлари учун жисмоний шахсларга ҳисобланган ҳақ миқдорларига қуйидаги камайтирувчи коэффициентлар қўлланилади:
туманларда (шаҳар таркибига кирувчи туманлар, туман бўйсунувидаги шаҳарлар ва туман маркази ҳисобланган шаҳарчалар бундан мустасно) — 0,9;
бориш қийин бўлган ва тоғли ҳудудларда — 0,8.

«Деҳқон хўжалиги тўғрисида»ги Ўзбекистон Республикаси Қонунига мувофиқ деҳқон хўжаликларини юритиш учун берилган ер участкаларига бўлган ҳуқуқларни давлат рўйхатидан ўтказганлик учун йиғим ундирилмайди.

Суд бошқарувчилари учун давлат хизматлари олдиндан тўловларни амалга оширилмасдан кўрсатилади, кўрсатилган хизмат тўловининг ўрни суд бошқарувчиси томонидан «Тўловга қобилиятсизлик тўғрисида»ги Ўзбекистон Республикаси Қонунининг 150-моддаси биринчи қисмида назарда тутилган тартибда тўланади.

Ўзбекистон Республикаси Вазирлар Маҳкамасининг қарори, 10.07.2014 йилдаги 186-сон

Саволингизни: @yuristgamurojaat гa қолдиринг

@yuristlar_maslahati Ochish/sharhlash

2024-04-21 11:04:40 #Бизнес_адвокат
Кўпчилик тадбиркорлар судга мурожаат қилишда давлат божи масаласидан ҳайиқишади. Бироқ давлат божини тўламасдан ҳам судга мурожаат қилиш йўллари бор. Бугун шу ҳақда қисқа тушунтиришлар бериб ўтаман.

Қани кеттик.

1 Усул. Судга давлат божини тўлашни кечиктириш юзасидан илтимоснома киритиш усули.

"Давлат божи тўғрисида"ги қонуннинг 19-моддасига асосан Пул маблағлари мавжуд бўлмаган ва бу хизмат кўрсатувчи банк томонидан тасдиқланган тақдирда, тадбиркорлик фаолияти билан шуғулланувчи юридик ва жисмоний шахсларга суднинг ажримига кўра давлат божини кечиктириб тўлашга рухсат берилиши мумкин. Банк тасдиғида судга мурожаат қилинган санадан кўпи билан уч кун олдинги сана қайд этилган бўлиши керак.

Акциядорлар акциядорлик жамиятининг фаолиятидан келиб чиқадиган низолар бўйича ўз ҳуқуқлари ва қонуний манфаатлари бузилганлиги тўғрисидаги даъво билан иқтисодий судга мурожаат қилган тақдирда акциядорларга давлат божини тўлаш муддати кечиктирилиб, бу бож кейинчалик айбдор тарафдан ундириб олинади.

2 Усул. Сизнинг манфаатингизни ҳимоя қилиб судга мурожаат қилиш ваколатига эга нодавлат ташкилотларга аъзо бўлиш. Масалан сиз савдо саноат палатасига аъзо бўлиш орқали судга даъвлат божи тўламасдан даъво аризадлари киритишингиз мумкин. Хатто сиз кичик ва ўрта бизнес вакили бўлсангиз ҳам. Савдо саноат палатаси ўз аъзоларини манфаатларини кўзлаб киритган даъволари юзасидан давлат божидан озод қилинган. Президентнинг 23.01.2023 йилдаги ПҚ-15-сонли қарорига асоан Микро, кичик ва ўрта тадбиркорлик субъектлари Савдо-саноат палатаси аъзолигига аъзолик ва кириш бадалларини тўламасдан қабул қилиниши белгиланди.

3 Усул. Сизнинг манфаатингизни ҳимоя қилувчи давлат ташкилотлари орқали даъво киритиш.

Сизнинг манфаатингизни кўзлаб Прокуратура, адлия органлари, шунингдек, Бизнес омбусман судга даъво ариза киритганда сиз давлат божи тўламайсиз, чунки "Давлат божи тўғрисида"ги қонуннинг 8-моддасига асосан бу ташкилотлар юридик ва жисмоний шахсларнинг манфаатларини кўзлаб қилинган даъволар ҳамда бериладиган аризалар юзасидан давлат божидан озод қилинган.

Саволингизни: @yuristgamurojaat гa қолдиринг

@yuristlar_maslahati Ochish/sharhlash