Юрист Хизмати | Расмий канал

2024-04-12 15:21:29 Эртага — барча учун иш куни!

2023 йил 22 декабрдаги ПФ-213-сонли Президент фармонига асосан, 5 кунлик иш ҳафтасида ишлайдиган ходимлар учун 13 апрель, шанбадаги дам олиш куни 12 апрель, жумага кўчирилган.

Яъни 5 кунликлар бугун дам оляпти, аммо эртага ишга чиқиши керак.

Шундай қилиб, эртага, 13 апрель — шанба куни БАРЧА ходимлар учун ИШ КУНИ ҳисобланади. 6 кунликлар ҳам, 5 кунликлар ҳам ишга чиқади.

Юристга савол юбориш

Каналимизга уланинг
               
@Yurist_Xizmati‌‌ Ochish/sharhlash

2024-04-12 12:14:19 Иссиқхона қуриш учун берилган ерга турар ёки нотурар бино қурса бўладими?

@Yurist_Xizmati 4478-савол:

Ассалому алейкум! Мен ер участкаси сотиб олганман. Ер участкасини кадастр хужжати "Гулчиликка ихтисослашган иссикхона ташкил этиш учун"  деб берилган. Бу ерни якка тартибда уй куриш учун нотурар жой дан турар жой га утказиб буладими?

ЮРИСТ ЖАВОБИ:

Мумкин эмас деб ҳисоблаймиз.

Чунки ер қандай мақсадларга берилган бўлса, ундан фақат шу мақсадда фойдаланиш лозим бўлади.

Ер кодексининг 2-моддасига кўра ерлардан оқилона, самарали ва белгиланган мақсадда фойдаланишни таъминлаш ер тўғрисидаги қонунчиликнинг асосий принсипларидан бири ҳисобланади. Бунда кодекс 9-моддасига асосан ерлар асосий фойдаланиш мақсадига қараб ер фонди тоифаларига бўлинади.

Сизлардаги ҳолатда ҳам ер участкаси қишлоқ хўжалигига мўлжалланган ерлар тоифасига кириши мумкин. Чунки иссиқхоналар барпо этиш қишлоқ хўжалигига мўлжалланган ер участкаси фондидан ажратилади.

Ушбу кодекс 44-моддасида суғориладиган ерларни қишлоқ хўжалигидан бошқа мақсадлар учун, шу жумладан саноат ва фуқаролик обектлари (бинолар ва иншоотлар) қурилиши учун ажратилмаслиги белгиланган.

Агар сизлар бу тоифадаги ер участкасида турар ёки нотурар бино қурсангиз, унда кодекснинг 36-моддасига биноан ер участкага бўлган ҳуқуқ бекор қилинади.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

Каналимизга уланинг
               
@Yurist_Xizmati‌‌ Ochish/sharhlash

2024-04-11 03:53:19 Мактабларда ўқитувчилар ўртасида навбатчилик шакллантирилиши қонунийми?

@Yurist_Xizmati 4412-савол:

Assalomu aleykum meni murojatim shundan iboratki man maktabda fan o‘qituvchisi bo‘lib ishlab kelmoqdaman maktada dars kamligi un boshqa maktabda xam o‘rindoshlik vazfasida ishlab ro‘zg‘or tebratyapman shu ishlar ichida asosiy maktabimda navbatchilik qilish muammosi juda ko‘p bo‘lyapti men turolmayman vaqtim yo‘q desam bu majburiy adliyadan tasdiqlatib keldik deyishdi 206 - modda bekor qilingan deb aytishyapti xam bu rostan xam majburiymi shuni qonunniy isbotlashimga amaliy yordam berila javob un oldindan raxmat

ЮРИСТ ЖАВОБИ:

Ўқитувчиларга навбатчилик қилиш мажбуриятини юклашнинг ўзи нотўғри.

Чунки Мактабгача ва мактаб таълими вазирининг 2023-йил 20 - декабрдаги 565-сонли буйруғига 37-иловада тасдиқланган Умумий ўрта таълим муассасалари (айрим фанлар чуқур ўрганиладиган ихтисослаштирилган муассасалар) ходимларининг лавозим мажбуриятларига асосан ўқитувчининг лавозим мажбуриятлари ичида бундай мажбурият йўқ.

Демак, бу ҳолатда иш берувчи ходимга бу мажбуриятни юклаши ҳуқуқий жиҳатдан асосга эга эмас.

Меҳнат кодекси кодекс 115-моддасига кўра иш берувчи ходимдан қуйидагиларни талаб қилишга ҳақли эмас:
агар ушбу Кодексда ва бошқа қонунда бошқача қоидалар белгиланмаган бўлса, меҳнат шартномасида шарт қилиб кўрсатилмаган ишни бажаришни;
қонунга хилоф бўлган, ходимнинг ёки бошқа шахсларнинг ҳуқуқларини бузадиган, ҳаёти ва соғлиғини хавф остига қўядиган, уларнинг шаъни, қадр-қиммати ҳамда ишчанлик обрўсига путур етказадиган ҳаракатларни амалга оширишни.

Бундан кўриниб турибдики, иш берувчи ўқитувчиларга уларнинг меҳнат вазифангиздан бошқа ишни буюриши қонунан таъқиқланади.

Бундай вазиятларда иш берувчига нисбатан Маъмурий жавобгарлик тўғрисидаги кодекс 49-моддаси билан (яъни мансабдор шахс томонидан меҳнат ва меҳнатни муҳофаза қилиш тўғрисидаги қонун ҳужжатларини бузиш) базавий ҳисоблаш миқдорининг беш бараваридан ўн бараваригача миқдорда жарима солишга сабаб бўлади.

Шунга кўра мактабда ўқитувчилар ўртасида навбатчиликни шакллантириш ноқонуний ҳисобланади.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

Каналимизга уланинг
               
@Yurist_Xizmati‌‌ Ochish/sharhlash

2024-04-10 09:57:02 Ерни қарори йўқ бўлса, фермер олиб қўйиши мумкинми?

@Yurist_Xizmati 4476-савол:

Bizning yer uchastkamizni qarori yuq.
3 yil oldin uy joyga beton quyilgan va 3 yillik yer soligi tolangan. Yer kadastiri bor, faqat qaroro yuq. Hozirgi paytda bir fermer mening yerim deb sudga bergan.Sud qarori xech narsani tekshirmay buzilsin deb qaror chiqargan. Bu vaziyatni qonunlar boyicha korib yordam berishiningizni sorayman.

ЮРИСТ ЖАВОБИ:

Кўчмас мулкка бўлган ҳуқуқларни давлат рўйхатидан ўтказиш тўғрисидаги қонун 11-моддасига биноан Биноларга, иншоотларга, шунингдек қурилиши тугалланмаган обектларга бўлган ҳуқуқларни давлат рўйхатидан ўтказиш ушбу кўчмас мулк жойлашган ер участкасига бўлган ҳуқуқлар давлат рўйхатидан ўтказилмагунига қадар амалга оширилмайди.

Мана шу қоидага кўра сиздаги вазиятда ер учаскасига нисбатан сиздаги вазиятда ҳуқуқ давлат рўйхатидан ўтмаганлиги учун сиз унинг устидаги ҳар қандай қурилмани давлат рўйхатидан ўтказа олмайсиз.

Сиздаги кадастр маълумоти ҳуқуқни белгиловчи ҳужжат эмас.
Қаранг! Қонуннинг 31-моддасига асосан 2021-йилнинг 1-августидан эътиборан қабул қилинган ер участкасига бўлган ҳуқуқларни белгиловчи ҳужжатлар қуйидагилардан иборат:
ер участкасига бўлган мулк ҳуқуқини давлат рўйхатидан ўтказиш учун — давлат мулкини бошқариш бўйича ваколатли давлат органлари томонидан бериладиган давлат ордери;
1998-йилнинг 1-июлидан 2021-йилнинг 1-августига қадар қабул қилинган ер участкасига бўлган ҳуқуқларни белгиловчи ҳужжатлар қуйидагилардан иборат:
ер участкасига мерос қилиб қолдириладиган умрбод эгалик қилиш ҳуқуқини давлат рўйхатидан ўтказиш учун — маҳаллий давлат ҳокимияти органларининг ер участкасини бериш ҳақида ўз ваколатлари доирасида қабул қилинган қарорлари, нотариал тасдиқланган мерос қилиб олиш ҳуқуқи тўғрисидаги гувоҳнома, ушбу ҳуқуқнинг аукционда сотиб олинганлигига асосан туман (шаҳар) ҳокими томонидан берилган давлат ордери асос бўлади.

Шу қоидага кўра сизлардаги вазиятда ер участкасига нисбатан ушбу ҳуқуқларни тасдиқловчи ҳужжатлар мавжуд бўлмаса, бу ер сизларга тегишли бўлмайди.

Агар ер участкаси қишлоқ хўжалигига мўлжалланган ер участкаси тоифасига кирса, сизлар унга нисбатан ҳуқуқни давлат рўйхатидан ўтказа олмайсизлар.  Чунки бундай ер участкаси фермер ёки деҳқон хўжалигига берилади.

Агар бу ер мазкур тоифага кирмаса, унда аукцион орқали уни сотиб олишингиз мумкин. Бунинг учун ҳудудий кадастр бўлимига мурожаат қилиш керак.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

Каналимизга уланинг
               
@Yurist_Xizmati‌‌ Ochish/sharhlash

2024-04-10 05:30:15 Мусулмон аҳлига Рамазон ҳайити муборак бўлсин!


@Yurist_Xizmati Ochish/sharhlash

2024-04-10 03:56:01 Рамазон ҳайити муборак бўлсин!


@Yurist_Xizmati Ochish/sharhlash

2024-04-09 15:35:48 Муборак Рамазон ҳайити муносабати билан неча кун дам оламиз?

Рамазон ҳайити арафасида қуйидаги кунлар дам олинади:

10 апрель (чоршанба) – Рамазон ҳайити байрами;

11 апрель (пайшанба) – барча ходимлар учун дам олиш куни (иш ҳафтасининг туридан қатъи назар)

12 апрель (жума) – 6 кунлик иш ҳафтасида ишлайдиган ходимлар учун қўшимча дам олиш куни,  5 кунлик иш ҳафтасида ишлайдиган ходимлар учун 13 апрель куни шанбадан кўчирилган дам олиш куни;

13 апрель – (шанба)  барча учун иш куни;

14 апрель – (якшанба)  дам олиш куни.

@Yurist_Xizmati Ochish/sharhlash

2024-04-09 13:01:11 2024 йил солиғини бирданига тўлиқ тўлашни талаб қилиш мумкинми?

@Yurist_Xizmati 4475-савол:

Ассалому алайкум хурматли юрист. Мен туман мактабида ўқитувчи булиб ишлайман мактаб директори ва  района бошлиги мени 2024 йил учун солигимни хаммасини тулашга мажбурлаяпти ши тугрими. Солигни ойма ой тулаб боряпман лекин Бу кам дейишди шу тугрими жавоб учун олдиндан рахмат.

ЮРИСТ ЖАВОБИ:

Умумий қоида бўйича ходимнинг иш ҳақидан унинг розилигисиз ушлаб қолиш мумкин эмас.

Бироқ бунга истесноли ҳолатлар ҳам мавжуд. Хусусан Меҳнат кодексининг 269-моддасига мувофиқ ходимнинг ёзма розилигидан қатъи назар солиқлар ва йиғимларни ундириш учун унинг иш ҳақидан ушлаб қолиш мумкинлиги белгиланган.

Соддароқ айтганда, иш берувчи ходимнинг розилигисиз унинг иш ҳақидан солиқларни ёки бмтларни ушлаб қолиши Солиқ кодексининг 386-моддасига асосланган ҳолда солиқни ҳисоблаб чиқариш, ушлаб қолиш ва буджетга ўтказишни амалга оширади.

Мана шу жойда савол туғилади. Иш берувчи солиқ агенти сифатида ходимдан ҳар қандай солиқни ушлаб қолиши мумкинми?

Йўқ ундай эмас, Солиқ кодексининг 386- 387-моддалари мазмунига мувофиқ солиқ агенти (иш берувчи) фақат солиқ тўловчи бўлган ходимдан солиқларни ушлаб қолишга ваколати саналади.

Эътибор беринг! Фақат “солиқ тўловчи”дан ушлаб қолади. Ана энди масалани янада аниқлаштирамиз. Ходим солиқ тўловчи мақомига қачон эга бўлади.

Биринчидан, ходим Солиқ кодексининг 364-моддасига кўра жисмоний шахслардан олинадиган даромад солиғининг солиқ тўловчиси саналади. Шунга асосан иш берувчи ходимдан СК 387-моддасини асос қилиб тўланган иш ҳақидан даромад солиғини ушлаб қолишга ваколатлидир.

Шунга кўра иш берувчи солиқ агенти сифатида ходимга тўлаган иш ҳақи миқдоридан даромад солиғи суммасини ушлаб қолиши лозим.

Иккинчидан, ходимнинг номида мол-мулк ва ер бўладиган бўлса, унда ҳам юқоридаги тартибда солиқларни ушлаб қолиши ёки ходимдан солиқларни ўз вақтида тўлашни талаб қилиши мумкин. Мол-мулк ва ер солиғини тўлаш муддати йилига 2 марта 1 апрель ҳамда 15 октабрь этиб белгиланган.

Шунга кўра сиздан солиқни бирданига тўлиқ тўлашни талаб қилиш мумкин эмас.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

Каналимизга уланинг
               
@Yurist_Xizmati‌‌ Ochish/sharhlash

2024-04-09 12:07:57 Ҳайит куни рўза тутиш ҳақида

Ҳайит куни тонгда саҳарлик қилиб рўза тутишни ният қилиб, ҳайит намозидан сўнг оғиз очиладими?

Устоз Эркинжон домла Гулмуродов

Манба
@Yurist_Xizmati Ochish/sharhlash

2024-04-09 11:57:45 Рамазон ҳайити намози қандай ўқилади?

Эртага, 10 апрель - "Рамазон ҳайити"

Яқинларга улашинг, бир эслаб олайлик

Манба
@Yurist_Xizmati Ochish/sharhlash