Юрист Хизмати | Расмий канал

2024-04-04 18:25:51 Алиментдан воз кечиш эвазига уй олиш мумкинми?

@Yurist_Xizmati 4467-савол:

Assalomu alaykum meni 4 ta farzandim bor turmush oʻrtogʻim boshqa ayol bilan yashamoqchi rasman ajrashmaganmiz u menga yashab turgan yumizni bermoqchi evaziga aliment toʻlashdan kechishini aytyabdi bu holatda men nima qilsam boʻladi .Men xech qayerda ishlamayman.

ЮРИСТ ЖАВОБИ:

Алиментдан воз кечиш эвазига уйни бериш мумкин эмас.

Фуқаролик кодексининг 344-моддасига асосан алиментлар ундириш ҳақидаги талабни ҳисобга ўтказишга йўл қўйилмайди. Бу дегани, уйни бериб алиментдан озод қилишни сўраб бўлмайди.

Агар уй-жой турмуш даврингизда орттирилган ва турмуш ўртоғингизнинг номида бўлса, унда Оила кодексининг 23-моддасига кўра бу уй сизларнинг умумий мулкингиздир. ОК 28-моддасига асосан уйнинг 50 фоизи шундоқ ҳам сизники бўлади.

Агар никоҳдан олдин олинган ёки турмуш ўртоғингизга ҳадя ёҳуд мерос тарзида қолган бўлса, бу уй унинг шахсий мулки ҳисобланади. Ушбу вазиятда сизга уйнинг қийматидан келиб чиқиб ҳаракат қилишни тавсия қиламиз.

Агар уйнинг қиймати юқори бўлиб, фарзандларингиз 18 ёшга тўлгунча қопланадиган алимент миқдоридан катта ёки тенг бўлса, алимент ўрнига уйни олишингиз мумкин.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

Каналимизга уланинг
               
@Yurist_Xizmati‌‌ Ochish/sharhlash

2024-04-04 10:29:52 Бухгалтер ой ўртасида аванс тўламай баҳона қилиб юрса, қандай чора кўриш мумкин?

@Yurist_Xizmati 4466-савол:

Assalamu alekum! Men Tuman Tibbiyot Birlashmasida navbatchi shifokor bo'lib ishlayman. Savolim: Oy o'rtasidagi avans to'lovi to'lash tartibi qanday bo'ladi? Men har safar avans tashlashlari uchun starshi bilan bugalterga iltimos qilishim kerak bugalter kech qoldiz avvalroq eslatishiz kerak edi yoki esimdan chiqibdi deydi bir tashlasa 2 3 oy yana boxona qilib tashlamaydi. Hozir 2 oydan buyon bo'ldi 100% tashlayman deb avans uchun moliya pul ajratmadi deyapti. Lekin shu tumandagi boshqa poleklinika xodimlariga 100% tashlagan. Shunday bo'lishi mumkinmi? Meni oyni o'rtasi va oxirida to'lovlarim bor, avansni regulyar xar oy tashlab borishi uchun nima qilishim kerak javob uchun oldindan raxmat!

ЮРИСТ ЖАВОБИ:

Аванс сизнинг талабингиз бўлганда тўланадиган ва бундай талаб қўймаганингизда тўланмайдиган тўлов эмас. Аксинча бунинг акси бўлиши керак.

Қаранг! Меҳнат кодексининг 253-моддаси биринчи қисмида ходимларга иш ҳақи тўлаш муддатлари жамоа шартномасида ёки ички ҳужжатда, улар мавжуд бўлмаганда эса меҳнат шартномасида шарт қилиб кўрсатилган муддатларда белгиланади ва ҳар ярим ойда бир мартадан кам бўлиши мумкин эмаслиги белгиланмоқда.

Бу қоиданинг ўзи иш ҳақи 1 ойда 2 қисмга бўлиб тўланишини ифода этмоқда. Қоидага кўра иш ҳақи ҳар ярим ойда (қоида тариқасида ҳар 15 кунда) 1 марта тўланиши шарт.

Ушбу норманинг давомида айнан биз айтган тушунтириш берилмоқда. Яъни ходимларга ойлик иш ҳақи, қоида тариқасида, ўн олти кундан кўп бўлмаган танаффус билан икки қисмга бўлинган ҳолда (бўнакда ва қолган қисми миқдорида) тўланади.

Бу ҳолатда сиз туман адлия бўлимига бухгалтернинг ҳаракатлари устидан шикоят қилишингиз мумкин.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

Каналимизга уланинг
               
@Yurist_Xizmati‌‌ Ochish/sharhlash

2024-04-04 06:59:47 2024/2025 ўқув йилидан Ихтисослаштирилган таълим муассасалари агентлиги тизимидаги ижод ва ихтисослаштирилган мактабларда математика, физика, кимё, биология, табиий фанлар (science), информатика ва ахборот технологиялари фанларидан дарсларни чет тилида олиб борган ўқитувчиларга тариф ставкасига нисбатан 100 фоиз миқдорида ҳар ойлик қўшимча устама тўланади — Президент Фармони.

Юристга савол юбориш

Каналимизга уланинг
               
@Yurist_Xizmati‌‌ Ochish/sharhlash

2024-04-04 06:45:17 Президент мактабларининг маҳаллий ўқитувчиларига уларнинг тариф ставкасига нисбатан 350 фоиз миқдорида ҳар ойлик қўшимча устама тўлаш тартиби жорий этилади — Президент Фармони.

Бунда, устама педагоглар томонидан қуйидаги шартларнинг барчаси бажарилган тақдирда тўланади:

— Кембридж (Cambridge Assessment International Education) халқаро таълим дастурлари асосида дарс бериладиган фанларни ўқитиш бўйича 3 та (Introductory, Extension, Marking) курсни муваффақиятли тугатиш ва бу ҳақида тегишли сертификат олиш;

— Президент мактабларида камида 1 йиллик иш стажига ва чет тилини билиш бўйича камида С1 даражадаги ёки унга тенглаштирилган мос даражадаги халқаро сертификатга эга бўлиш.

Юристга савол юбориш

Каналимизга уланинг
               
@Yurist_Xizmati‌‌ Ochish/sharhlash

2024-04-03 07:57:58 Отангни машинаси бор деб бола пули беришни рад қилишлари тўғрими?

@Yurist_Xizmati 4465-савол:

Assalomu aleykum mening 2 nafar voyaga yetmagan farzandim bor turmush o‘rtog‘im 4 yil avval avto halokat tufayli vafot etgan. Men 404000 so‘m bolalar nafaqasi olar edim.  Uning vaqti kelib tugadi shu sababli boshqatan ariza topshirish uchun mahallaga chiqsam ular senga chiqmaydi chunki dadangni mashinasi bor dedi.  Men o‘zim maktabda ishlayman oyligim 1200000 so‘m. Xozir qizlik uyimda yashayman meni nomimda na uy na yer bor. Lekin mahalladagilar sen dadangni mashinasini xaydading deb ro‘kach qilishyapti shu to‘g‘rimi oldindan raxmat.

ЮРИСТ ЖАВОБИ:

Вазирлар Маҳкамасининг 2021-йил 21-октабрдаги 654-сон қарорига 1-илова билан тасдиқланган “Кам таъминланган оилаларни “Ижтимоий ҳимоя ягона реестри” ахборот тизими орқали аниқлаш, уларга кам таъминланган оилалар болалари учун нафақа ва моддий ёрдам тайинлаш ва тўлаш тартиби тўғрисида”ги низомга кўра оила:

2022-йилдан бошлаб — оиланинг ҳар бир аъзосига жами бир ойлик ўртача даромад минимал истеъмол харажатлари миқдоридан ошмаганда кам таъминланган деб эътироф этилади.

Юқоридаги қоиданинг мазмунига кўра оилангизнинг даромади ҳозир ҳар бир оила аъзосига ҳисоблаганда 621 минг сўмдан кам бўлса, унда сиз кам таъминланган деб топилишингиз мумкин.

Бунда ушбу низом 22-бандига кўра оиланинг бир аъзосига тўғри келадиган бир ойлик ўртача даромад болалар нафақаси ёки моддий ёрдам олиш учун мурожаат қилинган ойдан олдинги ойгача бўлган охирги уч ойи учун ҳисоблаб чиқилган барча оила аъзоларининг даромади суммасини оила таркибига киритиладиган оила аъзолари сонига ва учга бўлиш орқали аниқланади.

Қаранг! Мазкур низомнинг 20-бандига кўра ариза берувчи оиласининг ҳар бир аъзосига тўғри келадиган бир ойлик ўртача жами даромад ушбу Низомнинг 7-бандида белгиланган мезондан ошганда болалар нафақаси ёки моддий ёрдам тайинлаш рад этилади.

Шунингдек, мазкур бандга кўра ариза берувчи ёки унинг оила аъзолари фойдаланувида бўлган ёхуд ишончномага асосан ишлаб чиқарилган муддати 12 (оила аъзоси I ёки II гуруҳ ва 18 ёшгача болаликдан ногирон бўлса 7) йилдан ошмаган, техник ҳолати соз бўлган енгил автотранспорт воситаси бўлганда ҳам ариза рад қилинади.

Энди қаранг! ушбу нормада оила аъзолари жумласи қўлланилган. Мазкур низом 22-бандига кўра болалар нафақаси ёки моддий ёрдам олиш учун оила таркибига:
фуқаролик ҳолати далолатномаларини ёзиш органларида никоҳи қайд этилган эр-хотин (ёки уларнинг бири) ва улар билан бирга яшайдиган ва уларнинг қарамоғида бўлган болалар (шу жумладан, васийликка (ҳомийликка) олинган болалар);
шунингдек, ота-оналари билан бирга яшайдиган ва ўз оиласига эга бўлмаган 18 ёшдан катта болалар (шу жумладан, васийликка (ҳомийликка) олинган болалар), ёлғиз оналар (оталар) киритилади.

Шунга кўра сиздаги вазиятда ота-онангиз, сизнинг оила аъзойингиз таркибига кирмайди деб ҳисоблаймиз. Бу вазиятда туман адлия бўлимига мурожаат қилишингиз лозим.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

Каналимизга уланинг
               
@Yurist_Xizmati‌‌ Ochish/sharhlash

2024-04-02 21:39:30 Ички ишлар вазири 31 март - якшанба куни, 1 апрелдан автомобилларни давлат рўйхатидан ўтказиш 68 бараварга – 34 минг сўмдан 2,32 млн сўмгача ошириш тўғрисидаги буйруқ қабул қилди.

Жамоатчилик муҳокамасига қўйилмаган, нархи асосланмаган бу буйруқ бўйича очиқ саволлар ва аҳолининг фикри ҳақида қуйидаги видеода

Юристга савол юбориш

Каналимизга уланинг
               
@Yurist_Xizmati‌‌ Ochish/sharhlash

2024-04-02 21:05:04 ТАЪТИЛ ПУЛИ КУЙИБ КЕТАДИМИ?

@Yurist_Xizmati 4464-савол:

Ассалому алейкум! Мен мактабда қоровул булиб ишлайман. Менинг навбатдаги мехнат таътилига чиқиш вақтим 1 мартдан деб айтган эди. Мен 5 март куни мехнат таътилига чиқиш учун ариза ёзишимни айтсам, менга, мехнат таътилим вахти утиб, куйиб кетганини айтди. Шу туғрими?

ЮРИСТ ЖАВОБИ:

Таътил пули куйиб кетмайди.

Таътил олиш ходимнинг ҳуқуқи ва иш берувчининг мажбурияти. Бироқ ходим таътил муддати келганда уни олиши шарт.

Ҳар йилги меҳнат таътили иш берувчи ва ходим учун мажбурий бўлган таътиллар жадвали билан белгиланадиган ҳар йилги меҳнат таътилларини бериш навбатига мувофиқ берилади (МК 228-м).
Шунга кўра ташкилотда ҳар йиллик меҳнат таътиллари жадвали кейинги йил бошланишидан олдин, қоида тариқасида декабр ойида тузилади. Шу жадвалга мувофиқ ходимга албатта таътил берилади.

Шуни ҳам айтиш керакки, Меҳнат кодекси 234-моддасига асосан меҳнат шартномаси бекор қилинганда ходимга барча фойдаланилмаган ҳар йилги асосий ва қўшимча меҳнат таътиллари учун пулли компенсация тўланади.

Бунда ходим билан меҳнат шартномаси бекор қилинганда жорий иш йилида фойдаланилмаган ҳар йилги меҳнат таътили учун ходимга тегишли бўлган компенсациянинг миқдори, шунингдек жорий иш йилида ишлаб берилмаган таътил кунлари учун ушлаб қолинадиган ҳақ миқдори ходимнинг охирги иш йилида ишлаб берган вақтига мутаносиб равишда ҳисоблаб чиқарилади (МК 223-м).

Шунга кўра ишдан бўшаганингизда Меҳнат кодексининг юқоридаги ҳамда 172-моддасига мувофиқ сизга фойдаланилмаган меҳнат таътили учун компенсация берилади.

Агар сиз таътил олмасангиз, ҳам таътилингиз куйиб кетмайди. Ишдан бўшаган вақтингизда таътил учун компенсация олишингиз мумкин.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

Каналимизга уланинг
               
@Yurist_Xizmati‌‌ Ochish/sharhlash

2024-04-02 07:42:15 Ўқитувчи (PhD) бўлса, унга қўшимча устама тўланадими? Дарс тақсимотида бирор устунликка эгами?

@Yurist_Xizmati 4463-савол:

Rus tili  o’qituvchisi (Phd )fan nomzodi, maktabda faoliyat olib borsa unga ustama to’lanadimi, dars taqsimotida qanday ustunlik mavjud toifali o’qituvchilarga nisbatan.

ЮРИСТ ЖАВОБИ:

Бундай ҳолатда сизга махсус устама мавжуд.

Вазирлар Маҳкамасининг 2019-йил 24-декабрдаги 1030-сон қарорига 1-иловада тасдиқланган “Илм-фан ва таълим соҳасидаги давлат ташкилотларида илмий, илмий-педагогик ва меҳнат фаолияти билан шуғулланувчи илмий даражага эга ходимларга қўшимча ҳақ тўлаш тартиби тўғрисида”ги низом 14-бандига мувофиқ лавозим маошига ҳар ойлик қўшимча ҳақ ходимнинг фаолияти натижалари асосида қуйидагича ўрнатилиши мумкин:

а) ёшларни тарбиялашга оид ҳар бир ишлаб чиқилган ва амалиётга жорий қилинган илмий-методик қўлланма, илмий-таҳлилий услуб (ёндашув)лар учун лавозим маошига нисбатан 30 фоизгача;

б) таълим ва тарбия соҳасида тегишли ташкилот билан боғлиқ илмий мақола (монография) нашр қилганлиги учун:
журналнинг даражаси ва муҳимлигидан келиб чиққан ҳолда миллий илмий журналлардаги нашр учун лавозим маошига нисбатан 15 фоизгача;
халқаро журналларда эълон қилинган ҳар бир мақола (монография) учун муаллифларга лавозим маошига нисбатан 30 фоизгача белгиланади.

Мазкур банднинг барча кичик бандлари асосида ҳар ойлик қўшимча ҳақ лавозим маошига нисбатан бир ойда фалсафа доктори (PhD)га 30 фоиз ва фан доктори (DSc)га 60 фоиздан ошмаслиги лозим.

Шу қоидага кўра сизга юқоридаги устама тўланиши мумкин.

Дарс тақсимотида бирор имтиёз мавжуд эмас деб ҳисоблаймиз.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

Каналимизга уланинг
               
@Yurist_Xizmati‌‌ Ochish/sharhlash

2024-04-01 21:43:27 "Метан" нархини асоссиз оширган заправкаларга чора кўрилади

Бугун ижтимоий тармоқларда “метан заправка”ларда газ нархи 3 800 сўмга кўтарилгани ҳақида хабарлар эълон қилинди.

Ушбу ҳолат Энергетика вазирлиги ҳузуридаги “Ўзенергоинспексия” томонидан зудлик билан ўрганилди.

“Ўзенергоинспексия”нинг ҳудудий бошқармалари томонидан "метан" нархини 3800 сўмга оширган заправкалар зудлик билан ўрганилди ва бартараф этилди.

Эслатиб ўтамиз, Вазирлар Маҳкамасининг 2024 йил 30 мартдаги 173-сонли қарори билан автомобилларга газ тўлдириш компрессор шохобчаларида табиий газни сотишда унинг энг баланд чакана нархи 2024 йил 1 июнгача бир куб метр учун 3 350 сўм қилиб белгиланган.

Агар АГТКШларда табиий газ асоссиз равишда қиммат нархларда сотилаётганига гувоҳ бўлсангиз, қуйидаги манзилларга мурожаат қилишларингизни сўраймиз:

Бош прокуратуранинг telegram боти @EnergonazoratBot ва ишонч телефонига 71-232-10-07;

“Ўзенергоинспексия”нинг telegram боти @energoInspeksiya_bot ва ишонч телефонига 71-200-02-86;

Рақобатни ривожлантириш ва истеъмолчилар ҳуқуқларини ҳимоя қилиш қўмитасининг ишонч телефонига 71-207-47-00.

Юристга савол юбориш

Каналимизга уланинг
               
@Yurist_Xizmati‌‌ Ochish/sharhlash

2024-04-01 18:11:59 Тиббиёт ҳамшираларига неча ставкагача ишлашга рухсат берилган?

@Yurist_Xizmati 4462-савол:

Ассалому алекум. Мен тиббиет хамширасиман. Поликлиникада 1.5Ставка сурадим Сенга мумкинмас дейшди. Нима маслахат берасиз. Тиббиет хамшираси 2 ставка ишлатса хаклими  2ставкага буйрук борми. Мальумот берсангиз

ЮРИСТ ЖАВОБИ:

Врачларгина 2 ставка ишлаши мумкин.

Вазирлар Маҳкамасининг 297-сон қарори билан тасдиқланган низом 7-бандига кўра ўриндошлик асосида ишлашда ўриндошлик асосида ишлашнинг давомийлиги ходимларнинг ушбу тоифаси учун белгиланган иш вақти нормасининг ярмидан ортиқ бўлиши мумкин эмас.

Бундан фақат соғлиқни сақлаш тизими врач ходимлари мустасно.

Шунга кўра сиз асосий ва ўриндошликда 1.5 ставкагача ишлашингиз мумкин.

Меҳнат кодексининг 432-моддасига кўра Ўриндошлик асосида ишлаш ходимнинг ўзининг асосий ишидан ташқари алоҳида меҳнат шартномаси шартлари бўйича асосий ишидан бўш вақтида бошқа мунтазам ҳақ тўланадиган ишни бажаришидир.

Ўриндошлик асосидаги иш ходим томонидан ўзининг асосий иш жойида (ички ўриндошлик) ёки бошқа иш берувчида (ташқи ўриндошлик) бажарилиши мумкин.

Юқоридаги икки қоидага мувофиқ сизнинг меҳнат дафтарчангиз юритиладиган ҳамда маълум лавозимда ишлайдиган жой бу сизнинг асосий иш жойингиз саналади. Сиз ушбу жойдан ташқари қаерда ишлашингиздан қатъий назар бу ўриндошлик ҳисобланади.

Шунга кўра, сиз асосийда бир ставка, ўриндошликда 0.5, жами 1.5 ставкагача ишлашингиз мумкин.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

Каналимизга уланинг
               
@Yurist_Xizmati‌‌ Ochish/sharhlash