Yoshlar ishlari agentligi

2021-11-26 06:14:26 Har kuni erta tongda minnatdorchilik izohlarini ko’rib, yoshlarga foydamiz tegayotganidan xursand bo’laman. Iqtidorli, bilimli, ammo iqtisodiy muammolarga duch kelayotgan yoshlarni davlatimiz qo’llab-quvvatlashga harakat qilayapti. Tan olish kerak minglab murojaatlar ham bo’lmoqda, hattoki murojaatlarni o’rganib yordam berishga ham ulgurmayapmiz. Sizlar ham yordam beringlar, faqat haqiqatan moliyaviy ko’makka muhtoj, bilimli yoshlar murojaat jo’natishsa yaxshi bo’lardi, boshqa yoshlarning haqiga ham insof bilan yondashgan bo’lardik.

P.S. Sizlarga biroz bo’lsada suyanch bo’la olsak xursandmiz.

@alisher_sadullaev Ochish/sharhlash

2021-11-25 20:45:57 Yurtimiz yoshlari diqqatiga

Mamlakatimiz bo‘ylab 26-27-noyabr kunlari yoshlarni vatanparvarlik ruhida tarbiyalash maqsadida "Mening armiyam - mening faxrim" shiori ostida yoshlar aksiyasi o'tkaziladi.

Aksiya doirasida:
• Harbiy texnika va qurol-aslahalar namoyishi;
• Harbiy orkestr va taniqli estrada xonandalarning konsert-dasturi;
• Harbiy xizmatchilarning jangovar chiqishlar va harbiy vatanparvarlik sohasiga oid viktorina o'yinlari o'tkaziladi.

Hududlarda o'tkaziladigan Yoshlar aksiyasi bo'yicha ma'lumotlarni ushbu havola orqali olib Siz ham ishtirok etishingiz mumkin!

Telegram sahifamiz @yoshlaragentligi Ochish/sharhlash

2021-11-23 18:46:03 Tashabbuskor yosh xotin qizlar diqqatiga!

"Qizlar ovozi" klubi hududiy, tuman(shahar) koordinatorligi uchun tanlov e'lon qiladi.

Siz o‘z hududingizda yosh xotin-qizlarning ijtimoiy-siyosiy hayotdagi faolligini yangi bosqichga koʻtarish, ularning manfaatini himoya qilish, qizlar oʻrtasida sogʻlom turmush tarzi va oila muqaddasligi gʻoyalarini keng targʻib qilishga qodirmisiz?

Unda Sizni o‘z safimizga chorlaymiz!

Tanlov:

• tuman(shahar) koordinatorligi uchun 2 bosqichda onlayn shaklda;
• viloyat koordinatorligi 3 bosqichda onlayn va offlayn shaklda boʻlib oʻtadi.

Tanlovga korxona, tashkilot va muassasalarda faoliyat olib borayotgan, oliy va oʻrta maxsus, kasb-hunar taʼlimi muassasalarida tahsil olayotgan hamda vaqtincha ishsiz boʻlgan yoshi, millati va irqidan qatʼiy nazar 14 yoshdan 30 yoshgacha boʻlgan yosh xotin-qizlar ishtirok etishi mumkin.

Arizalar joriy yilning 10-dekabr sanasiga qadar ushbu havola orqali qabul qilinadi.

Telegram sahifamiz @yoshlaragentligi Ochish/sharhlash

2021-11-23 16:18:41 "Yosh kitobxon" tanlovi bo‘yicha eng ko‘p berilayotgan savollarga javoblar:

• Tanlovda ishtirok etish uchun @reg_tanlovbot orqali yoki 1093 qisqa raqami orqali ro‘yxatdan o‘ting;

• Tanlovda foydalaniladigan adabiyotlar ro‘yxati bilan ushbu havola orqali tanishib chiqing;

• Tanlov nizomini ushbu havola orqali yuklab olishingiz mumkin;

• Tanlovning saralash bosqichlari joriy yilning 14-16-dekabr kunlari barcha tuman(shahar)larda bo‘lib o‘tadi;

• "Yosh kitobxon" bo‘yicha barcha yangiliklarni @yoshkitobxonuz sahifasi orqali kuzatishingiz mumkin.

#savoljavob #1qism

Telegram sahifamiz @yoshlaragentligi Ochish/sharhlash

2021-11-23 13:06:50 “Rossiya – Markaziy Osiyo mintaqasi” yosh liderlar forumi

Joriy yilning 16-19 noyabr kunlari Rossiya Federatsiyasining Omsk viloyatida “Rossiya – Markaziy Osiyo mintaqasi” yosh liderlar forumi tashkil etildi.

Forumda Rossiya, Qozog‘iston, Qirg‘iziston, Tojikiston, Turkmaniston va O‘zbekiston mamlakatlari yoshlari ishtirok etdi.

Batafsil

Telegram sahifamiz @yoshlaragentligi Ochish/sharhlash

2021-11-23 10:07:41 Ayni vaqtda Yoshlar ishlari agentligi tomonidan, Ta'lim muassasalaridagi yoshlar bilan ishlash boshqarmasida mavjud bo‘lgan boshqarma boshlig‘i o‘rinbosari lavozimiga ishga qabul qilish bo‘yicha ochiq tanlov asosida suhbat o‘tkazilmoqda.

Suhbatni ushbu havola

orqali YouTube sahifamizda jonli kuzatishingiz mumkin!

Telegram sahifamiz @yoshlaragentligi Ochish/sharhlash

2021-11-22 20:14:17 Davlat organlarining telegramdagi rasmiy sahifalarini kuzatib boring!

O‘zbekistonda rasmiy axborotning birinchi manbasi - axborot xizmatlari hisoblanadi. Xozirgi kunda barcha davlat organlari telegramda o‘z sahifalarini yuritishmoqda.

Mazkur telegram kanallarida yangi qonun hujjatlari sharhi, ahamiyatli mavzular yuzasidan ekspertlar fikri, muhokamalarga sabab bo‘layotgan mavzularga oid rasmiy idoralar pozitsiyasidan boxabar bo‘lish imkoniyati mavjud.

Davlat organlarining rasmiy kanallari bilan tanishib, aʼzo bo‘lishni tavsiya qilamiz.

Telegram sahifamiz @yoshlaragentligi Ochish/sharhlash

2021-11-22 15:41:16 Seminar-treninglar boshlandi

Bugun Yoshlar ishlari agentligi direktori Alisher Sa'dullayev ishtirokida O'zbekiston Respublikasi Prezidenti huzuridagi Davlat boshqaruvi akademiyasida Yoshlar ishlari agentligining mahallalardagi vakillari uchun hududlarda tashkil etiladigan seminar trenerlarini tayyorlash bo'yicha o'quv seminarining ochilish marosimi bo'lib o'tdi.

O‘quv-seminariga oliy ta'lim muassasalarining tajribali-professor o'qituvchilari, Mudofaa vazirligi, Ichki ishlar vazirligi hamda Milliy gvardiyaning faxriy ofitserlaridan iborat 220 nafar trener jamlandi.

O‘quv-seminardan ko‘zlangan asosiy maqsad Yoshlar ishlari agentligining mahallalardagi vakilligiga saralab olingan nomzodlar bilan treninglar olib borish, ularga nazariy va amaliy bilimlar berishdan iborat.

Telegram sahifamiz @yoshlaragentligi Ochish/sharhlash

2021-11-22 08:07:28 O‘zbekiston Respublikasi Yoshlar ishlari agentligi tomonidan Besh tashabbus loyihalarini muvofiqlashtirish boshqarmasi boshlig‘i hamda Xalqaro aloqalarni rivojlantirish bo‘limi yetakchi mutaxassisi vakant lavozimlariga ishga qabul qilish bo‘yicha ochiq tanlov o‘tkazilmoqda.

2021-yilning 22-noyabr kuni soat 11:30da tanlovning test bosqichi bo‘lib o‘tadi.

Jarayonlarning shaffof o‘tishini ta’minlash maqsadida test bosqichi Agentlikning YouTube sahifasi orqali keng jamoatchilik uchun to‘g‘ridan-to‘g‘ri efirga uzatiladi.

Mazkur havola orqali onlayn tarzda kuzatib borishingiz mumkin.

Telegram sahifamiz @yoshlaragentligi Ochish/sharhlash

2021-11-21 11:05:46 ​​#ijtimoiy_soliq

25 yoshgacha bo‘lgan xodimlarga to‘langan ijtimoiy soliq summasini qaytarishga ariza berish tartibi qanday?

2021-yil 1-maydan 2023-yil 1-yanvarga qadar ish beruvchilarga ular tomonidan 25 yoshdan oshmagan xodimlar uchun to‘langan ijtimoiy soliq summasi Davlat budjetidan to‘liq qaytarib beriladi
(PF-6208, VM-460-son).

Bunda:
ijtimoiy soliq summasi qoplab berilishi so‘ralayotgan yosh xodim hisobot oyida 25 yoshdan oshmagan bo‘lishi;
25 yoshgacha bo‘lgan yosh xodim uzluksiz 6 oy davomida mehnat faoliyatini amalga oshirgan bo‘lishi;
ish beruvchi tomonidan belgilangan tartibda ijtimoiy soliq uzluksiz to‘langanligini tasdiqlovchi hujjat mavjud bo‘lishi lozim.

Yuqoridagi talablarga javob bermaydigan ish beruvchining arizasi rad etiladi.

25 yoshgacha bo‘lgan xodimlar uchun ijtimoiy soliq summasini qaytarishga ariza berish uchun:

My3.soliq.uz saytidagi shaxsiy kabinetga elektron raqamli imzo (ERI) yordamida kiriladi. “Xizmatlar” “Soliq majburiyatlari” “Ijtimoiy soliq summasini qaytarish” bo‘limlari ketma-ketlikda tanlanadi.

Ochilgan oynada ish beruvchi haqidagi maʼlumotlar avtomatik shakllanadi.

Ijtimoiy soliq summasini qaytarish so‘ralayotgan davr ko‘rsatiladi.

2022-yil dekabr oyi uchun to‘langan ijtimoiy soliq summasini qoplab berish uchun ish beruvchi tomonidan ariza berishning oxirgi muddati – 2023-yil 1-aprel.

Tegishli sanalar kiritilgach, korxonaning 6 oy davomida uzluksiz ishlagan 25 yoshgacha bo‘lgan xodimlari ro‘yxati va ijtimoiy soliq summasi avtomatik tarzda shakllanadi.

Maʼlumotlarning haqiqiyligi va ishonchliligi, xususan, ijtimoiy soliq stavkasi, miqdori va yuridik shaxsning bank rekvizitlari - pul mablag‘lari qaytariladigan hisob raqami tekshiriladi.

“Ariza shakllantirish” tugmasi bosiladi. So‘ngra ariza va uning ilovasi shakllanadi. Ilovani saqlash va chop etish mumkin.

Kiritilgan maʼlumotlarning to‘g‘riligiga yana bir bor ishonch hosil qilingach, “Arizani yuborish” tugmasi bosiladi.

“Yuborilgan arizalar” bo‘limida ariza holati, ijrochisi va ko‘rib chiqish muddatlari haqida to‘liq maʼlumotlar aks ettiriladi.

Ariza 5 ish kunida o‘rganib chiqiladi.

Taqdim etilgan ariza barcha talablarga javob bersa, 1 ish kuni ichida shakllantiriladigan soliq organlarining tegishli xulosasi bilan birga Moliya vazirligi huzuridagi G‘aznachilikka yuboriladi.

25 yoshgacha bo‘lgan xodimlar uchun to‘langan ijtimoiy soliq summasini qaytarish tartibi budjet tashkilotlari, davlat korxonalari, ustav jamg‘armasi (kapitali)da davlat ulushi 50 foiz va undan ortiq bo‘lgan yuridik shaxslarga nisbatan tatbiq etilmaydi.

Ijtimoiy soliq summasini qaytarib olish bo‘yicha videoqo‘llanma

Telegram sahifamiz @yoshlaragentligi Ochish/sharhlash