Yoshlar ishlari agentligi

2021-11-22 20:14:17 Davlat organlarining telegramdagi rasmiy sahifalarini kuzatib boring!

O‘zbekistonda rasmiy axborotning birinchi manbasi - axborot xizmatlari hisoblanadi. Xozirgi kunda barcha davlat organlari telegramda o‘z sahifalarini yuritishmoqda.

Mazkur telegram kanallarida yangi qonun hujjatlari sharhi, ahamiyatli mavzular yuzasidan ekspertlar fikri, muhokamalarga sabab bo‘layotgan mavzularga oid rasmiy idoralar pozitsiyasidan boxabar bo‘lish imkoniyati mavjud.

Davlat organlarining rasmiy kanallari bilan tanishib, aʼzo bo‘lishni tavsiya qilamiz.

Telegram sahifamiz @yoshlaragentligi Ochish/sharhlash

2021-11-22 15:41:16 Seminar-treninglar boshlandi

Bugun Yoshlar ishlari agentligi direktori Alisher Sa'dullayev ishtirokida O'zbekiston Respublikasi Prezidenti huzuridagi Davlat boshqaruvi akademiyasida Yoshlar ishlari agentligining mahallalardagi vakillari uchun hududlarda tashkil etiladigan seminar trenerlarini tayyorlash bo'yicha o'quv seminarining ochilish marosimi bo'lib o'tdi.

O‘quv-seminariga oliy ta'lim muassasalarining tajribali-professor o'qituvchilari, Mudofaa vazirligi, Ichki ishlar vazirligi hamda Milliy gvardiyaning faxriy ofitserlaridan iborat 220 nafar trener jamlandi.

O‘quv-seminardan ko‘zlangan asosiy maqsad Yoshlar ishlari agentligining mahallalardagi vakilligiga saralab olingan nomzodlar bilan treninglar olib borish, ularga nazariy va amaliy bilimlar berishdan iborat.

Telegram sahifamiz @yoshlaragentligi Ochish/sharhlash

2021-11-22 08:07:28 O‘zbekiston Respublikasi Yoshlar ishlari agentligi tomonidan Besh tashabbus loyihalarini muvofiqlashtirish boshqarmasi boshlig‘i hamda Xalqaro aloqalarni rivojlantirish bo‘limi yetakchi mutaxassisi vakant lavozimlariga ishga qabul qilish bo‘yicha ochiq tanlov o‘tkazilmoqda.

2021-yilning 22-noyabr kuni soat 11:30da tanlovning test bosqichi bo‘lib o‘tadi.

Jarayonlarning shaffof o‘tishini ta’minlash maqsadida test bosqichi Agentlikning YouTube sahifasi orqali keng jamoatchilik uchun to‘g‘ridan-to‘g‘ri efirga uzatiladi.

Mazkur havola orqali onlayn tarzda kuzatib borishingiz mumkin.

Telegram sahifamiz @yoshlaragentligi Ochish/sharhlash

2021-11-21 11:05:46 ​​#ijtimoiy_soliq

25 yoshgacha bo‘lgan xodimlarga to‘langan ijtimoiy soliq summasini qaytarishga ariza berish tartibi qanday?

2021-yil 1-maydan 2023-yil 1-yanvarga qadar ish beruvchilarga ular tomonidan 25 yoshdan oshmagan xodimlar uchun to‘langan ijtimoiy soliq summasi Davlat budjetidan to‘liq qaytarib beriladi
(PF-6208, VM-460-son).

Bunda:
ijtimoiy soliq summasi qoplab berilishi so‘ralayotgan yosh xodim hisobot oyida 25 yoshdan oshmagan bo‘lishi;
25 yoshgacha bo‘lgan yosh xodim uzluksiz 6 oy davomida mehnat faoliyatini amalga oshirgan bo‘lishi;
ish beruvchi tomonidan belgilangan tartibda ijtimoiy soliq uzluksiz to‘langanligini tasdiqlovchi hujjat mavjud bo‘lishi lozim.

Yuqoridagi talablarga javob bermaydigan ish beruvchining arizasi rad etiladi.

25 yoshgacha bo‘lgan xodimlar uchun ijtimoiy soliq summasini qaytarishga ariza berish uchun:

My3.soliq.uz saytidagi shaxsiy kabinetga elektron raqamli imzo (ERI) yordamida kiriladi. “Xizmatlar” “Soliq majburiyatlari” “Ijtimoiy soliq summasini qaytarish” bo‘limlari ketma-ketlikda tanlanadi.

Ochilgan oynada ish beruvchi haqidagi maʼlumotlar avtomatik shakllanadi.

Ijtimoiy soliq summasini qaytarish so‘ralayotgan davr ko‘rsatiladi.

2022-yil dekabr oyi uchun to‘langan ijtimoiy soliq summasini qoplab berish uchun ish beruvchi tomonidan ariza berishning oxirgi muddati – 2023-yil 1-aprel.

Tegishli sanalar kiritilgach, korxonaning 6 oy davomida uzluksiz ishlagan 25 yoshgacha bo‘lgan xodimlari ro‘yxati va ijtimoiy soliq summasi avtomatik tarzda shakllanadi.

Maʼlumotlarning haqiqiyligi va ishonchliligi, xususan, ijtimoiy soliq stavkasi, miqdori va yuridik shaxsning bank rekvizitlari - pul mablag‘lari qaytariladigan hisob raqami tekshiriladi.

“Ariza shakllantirish” tugmasi bosiladi. So‘ngra ariza va uning ilovasi shakllanadi. Ilovani saqlash va chop etish mumkin.

Kiritilgan maʼlumotlarning to‘g‘riligiga yana bir bor ishonch hosil qilingach, “Arizani yuborish” tugmasi bosiladi.

“Yuborilgan arizalar” bo‘limida ariza holati, ijrochisi va ko‘rib chiqish muddatlari haqida to‘liq maʼlumotlar aks ettiriladi.

Ariza 5 ish kunida o‘rganib chiqiladi.

Taqdim etilgan ariza barcha talablarga javob bersa, 1 ish kuni ichida shakllantiriladigan soliq organlarining tegishli xulosasi bilan birga Moliya vazirligi huzuridagi G‘aznachilikka yuboriladi.

25 yoshgacha bo‘lgan xodimlar uchun to‘langan ijtimoiy soliq summasini qaytarish tartibi budjet tashkilotlari, davlat korxonalari, ustav jamg‘armasi (kapitali)da davlat ulushi 50 foiz va undan ortiq bo‘lgan yuridik shaxslarga nisbatan tatbiq etilmaydi.

Ijtimoiy soliq summasini qaytarib olish bo‘yicha videoqo‘llanma

Telegram sahifamiz @yoshlaragentligi Ochish/sharhlash

2021-11-20 12:21:26 "Zamin" jamoat fondidan Jahon bolalar kuni munosabati bilan ajoyib rolik

Har bir bola mehr va e’tibor qurshovida baxtiyor bo’lishga haqli!

20-noyabr – Butunjahon bolalar kuni muborak bo‘lsin!

#butunjahonbolalarkuni

Telegram sahifamiz @yoshlaragentligi Ochish/sharhlash

2021-11-19 18:11:26 ​​Duolar ijobat bo'lgan edi...

Yoshlari ishlari agentligi, Innovatsion rivojlanish vazirligi va Najot Taʼlim markazi hamkorligida tashkil etilgan IMKON loyihasi doirasida tahsil olayotgan Muhammadqodirning hayot hikoyasi bilan "Mening hikoyam" loyihasi orqali tanishing.

Bugungi kunga kelib, grant asosida grafik dizayn yoʻnalishini oʻrganayotgan Muhammadqodir aslida qanday qilib IT olamiga kirib kelgani, grafik dizayn sohasini oʻrganishlik uchun mehr qanday uygʻongani haqida soʻzlab berdi.

Grant yutish davomida qanday bosqichlardan oʻtganligi, kelajakda oʻz oldiga qoʻygan maqsad va rejalari haqida hikoya qildi.

Film premyerasini bugun, 19-noyabr, soat 20:00 da, YouTube sahifamiz orqali koʻrishingiz mumkin boʻladi.

Premyerani ko'rish:

Ochish/sharhlash

2021-11-19 16:39:10 «Talabaga madad» loyihasi tizimi ishlayapti(mi)?

Yuqoridagi izohlar tizimning yoshlar bilan ishlashga harakat qilayotgani, ularning qiyinchiliklarini tinglab, yechim topishga urinayotganiga kichik bir misol. Albatta, u mukammal emas, hali murojaatlari ijobiy hal etilmagan yoshlar ham yetarli. Ammo shuni aytmoqchimanki, hokimliklar «Talagaba madad» loyihasi doirasida 18-noyabrgacha 7 372 nafar iqtisodiy-ijtimoiy muammolarga duch kelayotgan yoshlarning to'lov-kontraktini qoplab berishdi. Jarayon hali davom etadi. Mana shunday raqamli tizimni yaratib, ilm olishga intilayotgan yoshlarni qo'llab-quvvatlash maqsadida yo'lga qo'yilgan tizim uchun Prezidentimizga butun yoshlar nomidan tashakkur bildiraman. Umid qilamanki, loyiha hali yana yuzlab talabalarga haqiqiy madad bo'la oladi.

P.S. Maqsadimiz iloji boricha eng ogʻir moliyaviy vaziyatdagi iqtidorli talabalarni qo’llab-quvvatlashdir. To'g'ri tushunganingiz uchun rahmat!

@alisher_sadullaev Ochish/sharhlash

2021-11-19 15:27:18 ​​#Qonunchilikdagi_yangiliklar

Abituriyentlarning maktabdagi baholari OTMga kirishda hisobga olinadi

Hukumat qarori (696-son, 19.11.2021 y.) bilan Taʼlim tashkilotlari bitiruvchilari baholarining o‘rtacha ko‘rsatkichini hisoblash va uni oliy taʼlim tashkilotlariga kirish imtihonlarida inobatga olish tartibi to‘g‘risidagi nizom tasdiqlandi.

Nizomga muvofiq, maktab bitiruvchilarining shahodatnomasidagi 11 yillik taʼlimning so‘nggi 6 yillik baholari OTMga kirishdagi balga qo‘shiladi. Baholar elektron platformalar orqali hisoblanadi va DTMning “ABITUR” dasturiga yuboriladi.

Baholarning o‘rtacha ko‘rsatgichi 6-11-sinflardagi yoki 6-9-sinflar va 1-2-bosqichlardagi yillik baholarning umumiy yig‘indisini o‘qitilgan fanlarga bo‘lish orqali chiqariladi.

Maksimal ball 100 foiz deb olinadi va ballar baho tizimiga quyidagicha o‘tkaziladi:

86-100% uchun – 5 baho;
71-85% – 4 baho;
56-70% – 3 baho va 56%gacha – 2 baho.

Ushbu tartib 2022/2023 yil o‘quv yilidan qo‘llaniladi.

Telegram sahifamiz @yoshlaragentligi Ochish/sharhlash

2021-11-19 14:55:04 Yoshlar o‘rtasida 2025 yilgi Paraosiyo o‘yinlari Toshkent shahrida o‘tkaziladi

Bu haqda 17-noyabr kuni Osiyo Paralimpiya qo‘mitasi Ijroqo‘mi tegishli qarorni qabul qildi.

"Bir qator kuchli takliflar ko‘rib chiqildi. Lekin g‘olib faqat bitta bo‘lishi mumkin va biz Toshkentni tanladik. Markaziy Osiyo mintaqasi o‘zining birinchi yirik mintaqaviy o‘yinlarini o‘tkazishidan juda mamnunmiz va umid qilamizki, bu mintaqada para-sportni rivojlantirish uchun katalizator bo‘lib xizmat qiladi", — dedi OPQ prezidenti Majid Rashid.

Avvalroq 2025 yilda yoshlar o‘rtasida IV Osiyo o‘yinlari ham Toshkentda o‘tkazilishi maʼlum qilingandi. Prezident matbuot kotibi Sherzod Asadovning maʼlum qilishicha, shu paytgacha hech qaysi davlatda yoshlar o‘rtasidagi Osiyo va Paraosiyo o‘yinlari ketma-ket o‘tkazilmagan.

Telegram sahifamiz @yoshlaragentligi Ochish/sharhlash

2021-11-19 14:08:22 “Talabaga madad” loyihasi!

Qahramonimiz Xiva tumanidan Shomuratova Oydinoy. U hozirda Urganch davlat universiteti 2-bosqich talabasi.

Oydinoy oilaviy sharoiti og‘irligi sabab to‘lov-kontraktini to‘lay olmaganligi uchun "Talabaga madad" loyihasidan najot topganligi haqida so‘zlab beradi.

#talabagamadad

Telegram sahifamiz @yoshlaragentligi Ochish/sharhlash