Kanal manzili:
Toifalar:
Psixologiya
Til: Oʻzbek tili
Obunachilar:
14.04K
Kanalning ta’rifi
Бисмиллаҳир роҳманир роҳийм. Хуш келибсиз!
Азизахон Исмоилова (Ummu Zaynab Ummu)
Мурожаат: @UmmuZummu_bot
Китоб буюртма: @Kitob_savdo_bot
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
0
2 stars
1
1 stars
2
Oxirgi xabar 173
2022-10-09 17:33:48
#тарих.
Бу биринчи фильм. 1908 йил. @Ummuzaynabummuijodi
3.8K views14:33
2022-10-09 17:10:26
#шеърият
Ватан.
Ҳар бир уйда айғоқчи, ҳар қадамда исковуч,
Одамни кўрса қочар, бедовларинг хурковуч,
Ошингга заҳар солди, ғанимларинг бир ҳовуч,
Ёвузларни қўлида гулдек Ватаним қолди,
Бошида паноҳи йўқ тулдек Ватаним қолди.
Нон бермайди ва лекин нон берганни ўлдирар,
Бозор бормай қўйнингни пуч ёнғоққа тўлдирар,
Ўсиб турган ниҳолни аёз каби сўлдирар,
Ёвузларнинг қўлида гулдек Ватаним қолди,
Бошида паноҳи йўқ тулдек Ватаним қолди.
Ҳар кўчада минг миршаб, ҳар гўшада авахта,
Ҳақ деганнинг оғзи берк, қон ютар лахта-лахта
Ўзику пахта эккан ёстиғи бўлди тахта,
Ёвузларнинг қўлида гулдек Ватаним қолди,
Бошида паноҳи йўқ тулдек Ватаним қолди.
Қайларгадир йўқолди меҳр билан муҳаббат,
Қўлида ханжар ушлаб адоват қолди фақат,
Ёмон гап арзон-гаров, яхши гап бўлди қаҳат,
Ёвузларнинг қўлида гулдек Ватаним қолди,
Бошида паноҳи йўқ тулдек Ватаним қолди.
Илму-ирфон жаҳолат ғорига кириб кетди,
Ўлик-тирикдан, тирик ўликдан ўтди
Адолат истаб борсанг, ёлғон илжайиб кутди,
Ёвузларнинг қўлида гулдек Ватаним қолди,
Бошида паноҳи йўқ тулдек Ватаним қолди.
Тўғри ўйлар бир четда, эъзоздадир иғвогар,
Қайтдик ўрта асрга одам пуллар савдогар,
Минг йиллик ҳазинангни талаб ётар ўғри-ғар
Ёвузларнинг қўлида гулдек Ватаним қолди,
Бошида паноҳи йўқ тулдек Ватаним қолди.
Ўлиб ҳам бўлмай қолди, ювғуч урар кафандан,
Кимлардандир юққан кир кетмас сира бадандан,
Қуруқ ҳашаклар қолди гуллаб турган чамандан
Ёвузларнинг қўлида гулдек Ватаним қолди,
Бошида паноҳи йўқ тулдек Ватаним қолди.
Қочган ҳам халқим дейди, халқим дейди қувган ҳам,
Лекин халқнинг аҳволин ўйламас бирор одам,
Жаллод ҳам халқ номидан ўқир фармонни бу дам,
Ёвузларнинг қўлида гулдек Ватаним қолди,
Бошида паноҳи йўқ тулдек Ватаним қолди.
Турфа хил замонларни кўрган битта инсонман
Гоҳ фаҳр этсам, гоҳида барига пушаймонман,
Нетайки, мен на Хорун на ёки Сулаймонман,
Ёвузларнинг қўлида гулдек Ватаним қолди,
Бошида паноҳи йўқ тулдек Ватаним қолди.
Барчасига сабабдир асли наслинг балоси,
Мехнаткаш халқнинг эса ечилмас муддаоси
Иншааллоҳ, бандага боққай бир кун Худоси
Ёвузларнинг қўлида гулдек Ватаним қолди
Бошида паноҳи йўқ тулдек Ватаним қолди.
Абдулла Орипов.
Умрининг охирида ёзган, аммо чоп этилмаган шеърларидан бири.
@Ummuzaynabummuijodi
4.1K viewsedited 14:10
2022-10-09 16:35:34
08.10.22 яъни кеча соат 18:26 да ким китобга тўлов қилган бўлса @Kitob_savdo_bot
га ёзсин. Телефон номер, манзил қаергалигини билишимиз керак.
@Kitob_savdo_bot
4.1K views13:35
2022-10-09 15:24:05
#sharpa_kitob
ШАРПА БИЛАН БАҲС ёхуд МИЛЛИОН ЕВРОЛИ БИТИМ.
роман.
Муаллиф: Азизахон Исмоилова.
Олтмишинчи қисм.
Таниш ҳислар.
Ўғлининг ҳузуридан у ёқтирган қизнинг чиқиб кетаётганини кўрган Саид бин Тамим бироз вақтни ўтказиб, Фуаднинг ёнига кирди. Ўғли бугун унинг кўзларига ҳар қачонгидан хушкайфият кўринди.
— Уларни ширкатдан чиқаверишда кўриб қолдим, қиз кўзимга бир қарашдаёқ таниш туюлди.
Фуад мавзу — Алсу ҳақида эканлигини билиб, кулиб қўйди.
Саид бин Тамим гап орасида нигоҳлари билан ўғлини зимдан кузатар, назарида, унинг ҳам ўзига айтадиган қандайдир гапи бордек эди.
Давоми...
АСАРНИ ОЛТМИШИНЧИ ҚИСМИНИ ЎҚИШ УЧУН ШУ ЁЗУВНИ БОСИНГ
4.4K views12:24
2022-10-09 14:23:53
#нимадир.
Ҳозирда кўп тарқалган тренингчилар ҳақида.
Элмурод Ҳақназаров. @Ummuzaynabummuijodi
4.8K views11:23
2022-10-09 12:59:17
#яхши_шеърлар
УЙ
Тонг отади,
Нон-чой,
Жан-жал,
Туш бўлади,
Нон-чой,
Жан-жал.
Кун ботади,
Ёв-ғон,
Жан-жал.
Агар ҳар бир оиланинг
Давлатники каби
Гимни бўлганда
Бу сўзлар
Гимни бўларди
Бизнинг оиланинг.
Тўққиз жоннинг
Қорни тўймасдан
Бўшаб қоладиган
Дастурхонимиз
Байроғимиз бўларди балким.
Янги йилга тўрт дақиқа қолганда
Тўхтаганидай соат миллари
Келгуси маошга тўрт кун қолганда
Тугарди дадамнинг пуллари.
Онамнинг бағрига ўт тушиб, фиғон
Ҳасрат зинасидан ўрлар фалакка:
– Эр бўлиб, ота бўлиб сизда ҳам ахир
Жой борми юракда бирор истакка?
Бошқалар қўлига тушган нарсани
Ташийди, дунёни ётибди ямлаб.
Қўлингиздан юз минглаб пул ўтса ҳамки
Олиб қўёлмайсиз бир сўмни ғамлаб.
Емайсиз, бермайсиз бошқаларга ҳам,
Дўсту оғайнилар қочар шу учун.
Мол-дунё демайман, муҳтожлик ўлсин
Олдинда қиш ахир, болалар юпун.
Сўнг ўртага тушар
Ямоқ кийимлару ўн олти йиллик
Пошнаси ейилган оёқ кийимлар,
Ва икки синглим ҳам кийиб тўздирган
Куйлакдан қирқилган пионер галстугим.
Кулади дадам:
– Қамалсам,
Сўнгра сен
Кўргани
Тугунни кўтариб борсанга-а…
Мен эса ўйлайман:
Онам
Тугунга нимани солса экана-а?..
Бечора онамнинг сўнгги чораси –
Йиғи бошланар:
– Сизга ҳамма нарса ҳазил,
Ҳамма нарса кулги.
Тўйдим,
Ажрашмасак бўлмайди энди.
Яна кулади дадам:
– Ажрашсак,
меҳмон бўлиб келарсана-а
Бизларни сўраб?..
Онам эса
Ухлаб қолади йиғлаб.
Мен эса
Ҳар ойнинг сўнггида
Тўрт кеча
Олишиб чиқаман
Ўзим билан ўзим:
«Дадам билан қоламанми, онам билан,
онам билан қоламанми, дадам билан».
Эрталаб
Мен ёлғон «эълон»ни эълон қиламан:
«Мактабга боринглар,
мажлис бор бугун».
Ва яхши биламан у ерда
Ечилиб кетади ҳар қандай тугун.
Боришар,
Мажлис йўқ, ўзлари ҳайрон,
Муаллим ҳайрондир
Директор ҳайрон.
Сўнг раҳмат айтилар ота-онага
Ғамхўрлик учун-у
Тарбия учун,
Ва мени мақташар узундан-узун.
Ҳаммамиз йиққанда яна кечқурун,
Пулсизлик хаёлга келмайди сира.
Қўлда бурда нон,
Косада ёвғон,
Ширин орзуларга
Тўла дастурхон.
Дадам жилмаяди:
– Ҳали э-э онаси улғайса булар…
Онам жилмаяди:
– Ўғлимиз ё олим, ё раис бўлар…
Йўқ, улар билишмас, танаффусларда
Ечгандай ялмоғиз тилсимларини
Тенглама ечишлар жанг эканлигин.
Йўқ, улар билишмас, футбол ўйнашлар
Истагин ўлдириб, бўғиб юракда
Достон ёдлашларим жанг эканлигин.
Йўқ, улар билишмас, совуқ сув билан
Тонггача юз ювиб такрор ва такрор
Китоб ўқишларим жанг эканлигин.
Йўқ, улар билишмас, буларнинг бари
Ҳар ойнинг пулсиз тўрт кунидан
Биттасин сал хуррам ўтказмоқ учун
Дунёда энг оғир жанг эканлигин.
Азиз САИД@Ummuzaynabummuijodi
5.6K viewsedited 09:59
2022-10-09 12:43:13
#нимадир.
Кеча Фейсбукда мана бу мақолани ўқиб қолдим. Илжайиб ўтирсам, турмуш ўртоғим "ҳа, нимага куляпсиз?" деб сўраб қолдилар. Мақолани ўқиб бердим. Хўжайин "ие, сал ғалатироқми бу, Исломда муслима аёл ҳеч қачон ғайридин аёл билан тенг ёки ундан паст баҳоланмайди. Бу ўзи диндор одаммикан?" деб ҳайрон бўлдилар.
Айни ўша мақолани ўзгартирилмаган ҳолда келтираман:"Ўзбда россиялик ва украинка аёлларга уйланиш роса мода бўлади, шароит шуни тақозо қилади, десаям бўлади, сабаби уларга уйланиш тўйини ҳаражати кам, ўзбекга уйланиш харажатини 100% деб олсак, рус аёлга уйланса 5/10% бўлади.
Ўзбек аёлларимизни қиёматдаги аҳволини ўйласам қўрқаман.
Ўзбек аёллар нархингизни тушуринг, исломга амал қилинг, бўлмаса эрсиз қоласиз, чунки мусулмон эркакга аҳли китобга уйланиш ҳалол қилинган.
Ўйлаб кўринг улар сиздан гўзалро ва жозибалиро, кам харажатли, эрлар фақаааат пул дардидамас эркаклар ўзлари учун ҳам яшаш осонлашади. Улар жон деб рус аёлини танлайди.
Яна битта гап ўзбеклар Рус юртида қора ишда хорликда бўлишган бўлса, Руслар ва Украиняликлар ўзбда яхши шароит ва хурматда бўладилар, чунки биз пул пул шароит деб эркакларни тўйдирвордик.
Ҳазилмас, аччиқ бўлсаям ҳақиқат"Мақолани ўқиб хаёлимга Абраам Маслоунинг бир гапи келди:"
Болғадан бошқа нарсага эга бўлмаганингдан кейин, сенга ҳамма муаммо михга алоқадордай туюлаверади."
"Дардинг хотин экан, Исломни нега ҳар ишга тиқиштираверасан?" Ўзи неччи сўм маҳр бериб қўйгансан-ки, ўша ўзбек аёли уйингни тўлдириб келиб ўтирибди? десанг-да, афсуски бунақаларга гап ҳайф!
Умрида ўзи учун ўтга-чўққа кириб берадиган, мужик аёлга ёки динининг ярми бўладиган ва икки оламини обод қиладиган ҳақиқий муслимага йўлиқмагандан кейин аёлнинг кимлигини у қаёғдан тушунсин?!
Ummu Zaynab Ummu
@Ummuzaynabummuijodi
4.9K viewsedited 09:43
2022-10-08 20:31:06
#нимадир.
Изоҳсиз.
@Ummuzaynabummuijodi
2.4K views17:31
2022-10-08 19:19:51
#қисқа_сатрларда.
Фақат жойнамозда... Қалбингиз бўм-бўш бўлиб қолгунга қадар йиғланг...
Фақат қалб ўқиётганда бўм-бўш бўлиб қолгунга қадар ёзинг...
Тўкиладигани-тўкилиб битсин...
Сизга қоладигани Аллоҳ ҳузуригача сиз-ла борадиганидир...
Ummu Zaynab Ummu
https://t.me/+YFNAZJIjuchlZDAy
3.5K views16:19
2022-10-08 17:50:41
Умму Зайнаб Xонимнинг тавсиялари билан "Соф ТИБ" нинг табиий, пардозловчи, шифобахш совун ва шампунларини кўплаб саҳифангиз обуначилари харид қилишганди. Фойдаланувчиларга совунларимиз қандай самара ва манфаат берганлиги ҳақида билишга қизиқдик. Изоҳларда сизга қандай фойда бўлганлиги ҳақида фикрларингизни кутиб қолардик.
Ҳурмат билан@Softibmaxsus
жамоаси Буюртма: @Salim_Ayyubiy_hatlar_bot
4.4K views14:50
U
