🌸СОЛИХА АЁЛ🌸

2023-05-21 18:12:18 ​​Ҳалиги аёл бўлим раҳбари, исми Лобар экан. Тунда тилхат ёздим. Раҳмат ёздим, дуо ёздим... Ўша аёлнинг иш столи устига қўйдим. Қулоғимдаги зиракларимни ҳам... Эртасига пешинда аэропортда назорат йўлагида кимдир қўлимдан тутди. Яна ўша иссиқ кафт. Зиракларимни қўлимга тутди. Бир қанча дори-дармон ҳам бор эди.
Улғайдик. Қанча йўллар босдик, қанча яхши- ёмон кунлар бошимиздан ўтди. Кўп одамлар йиқилганда суядим, кўп аёлларнинг кўзидан оққан ёшларига кафтимни тутдим, бошини силадим. Барибир, барибир ўша кун, ўша тун, ўша юртда титраб турган вужудимни бағрига маҳкам босган, қўллари билан нон едириб, иссиқ чой ичирган аёлнинг савобини топа олмагандекман. Унинг яхшилиги осмонларга тенг эди.
Таътилга чиқсам, бу йил ўша фариштали аёлни, албатта, излаб бораман... Ўша иссиқ кафтларини кўзларимга суртаман, “СИЗ МЕНИНГ ОПАМСИЗ... дейман.
Мунаввара Усмонова

@Solixa_Ayol
Яхшилик учун яқинларингиз билан баҳам кўринг!
БОСИНГ!
https://t.me/+SirEm-hvsXrdKMKK Ochish/sharhlash

2023-05-21 18:12:03 БИР КУНИ...

Ўшанда май ойи эди. Умр йўлдошим иккимиз меҳнат таътилига чиқдик. Қайнота отамиз (охиратлари обод бўлсин) бизга:
– Сизлар таътил пайтида Тожикистонга бориб келинглар. Биласизлар, отам раҳматли бадарға бўлиб юртдан кетганда, ўша тупроқларга бориб қўним топган экан. Қондош укаларим, сингилларим бор. Бобонгизнинг хоки ҳам ўша ерда. Мен-ку, кўп бордим. Оиланинг катта фарзандлари бўлиб сизлар борди-келдини йўлга қўйсангиз, биздан кейин ҳам қариндошлик ришталари узилмайди – дедилар.
Совға-саломимизни олиб дуолари билан йўлга чиқдик. Бобомизнинг яшаб ўтган ҳовлиларида қўним топдик. Жигарларимиз бизни кўриб жуда хурсанд бўлишди. Ҳар кунимиз бир амаки ё аммамизнинг уйига меҳмонга бориш билан мароқли ўтарди. Шундай кунларнинг бирида дўкондан нонуштага ширинлик келтиришди. Келин бўлганим учун одоб сақлаган бўлсам керак, дастурхонда менга аталган ширинлик қолди. Бир қўлида иссиққина қатлама, бирида набирасини етаклаб, меҳмонларни йўқлаб чиққан қўшни момо ҳам биз билан эски қадрдонлардек қучоқ очиб кўришди. “Торт ейман”, деб йиғлаган набирасига насибамни тутдим. Нонушта тугаб, Ғофуржон амакимиз йўлбошчилигида Хисор томонларга сайрга отландик. Йўл юрсак ҳам мўл юрдик. Қучоғимда ухлаб қолган (ўшанда уч ёшда эди) ўғлим бирдан кўнгли беҳузур бўлиб қуса бошлади. Бироздан кейин умр йўлдошим, кейин амакимиз... Туман марказидаги “Тез ёрдам” бўлимига аранг етиб олдик. Бўлмади. Айниқса, боламнинг аҳволи оғирлаша бошлади. Адирликлар орасига жойлашган ички касалликлар шифохонасига етиб борганимизда болам ҳам, отаси ҳам ҳушсиз эди. Мезбонимизнинг аҳволи бироз яхшиландими ёки меҳмонларнинг аҳволидан қўрқиб кетдими, шаҳарга дори-дармон излаб кетди. Ё тил билмайман, ё уларни тушунмайман, тушунтиролмайман... Биргина ҳамшира рус тилини билгани учун ҳолатни менга тушунтирди. Уч ёшли ўғилчамнинг аҳволи ўта оғирлиги, заҳарланиш қонга ўтиб кетганидан иссиғи сира тушмаётгани, боланинг ҳаёт қолишига умид йўқлигини айтди. Ер чангаллаб доооод, деганим билан мени ҳеч ким эшитмасди. Ярим тун, ё боламнинг кўришга рухсат йўқ, ё хожамни. Икки ўт, икки йўл, икки юрт орасида ҳоли абгор эдим. Амакимиз ҳам кечикди. ( У пайтда қўл телефонлар йўқ эди) Кейин билсам, дори излаб шаҳарга борганида, оиласидагиларнинг ҳаммаси, қўшни болагача касалхонага тушиб қолганини эшитган, улар билан андармон бўлиб қолган экан. Ярим тун. Чигирткалар чириллайди, итлар увиллайди... Мен эса ўзимда эмасман. Ҳеч ким, ҳеч нарса хаёлимда йўқ. Фақат шу касалхонанинг чироғи ёниқ турган дераза ортида болам ажал билан олишиб ётибди. У мени чақирса ҳам киритишмайди. Аяжон, деёлса бўлди. Ҳамма бу сўзни тушунади. Шунда мен югуриб бориб уни бағримга босаман. Умр йўлдошим эса катта касалхонанинг бошқа бир жойида... Болам қани, аёлим қаерда дейишга ҳам мажоли йўқ ётарди. Ўша нур тушган жойга термилиб тик турибман. Эшикнинг кичкина дарчасидан хамшира кўринса югураман: “Ишқилиб боланг... демасин-да!!!” Тонгга яқин бир аёл ёнимга келди. Қора атласдан бурмали кўйлак кийган. Енглари узун, қош- кўзлари чиройли... Менга қараб нимадир деди. Тушунмадим. Тушунмадим-у, унинг елкасига бошимни қўйиб, тўйиб йиғладим. “Болам... болам”, дердим юқорини кўрсатиб. У менга қора сумкага солинган термосдан чой қуйиб, бир бурда нон тутди. Емайман, ишорасини қилдим. Мени ёнига ўтқазиб, нонни бурдалаб оғзимга сола бошлади. Ора-сира бошимни силаб, кўзимнинг ёшини ҳам артиб қўярди. Кейин ўша дарчани тақиллатди. Ичкарига кириб кетди. Бироз фурсатдан кейин ҳамшира қиз мени қўлимдан тутиб етаклади. Бир кўнглим, югур болангни бағрингга бос, деса, бир кўнглим ҳозир кирсанг ёлғизингни оққа ўраб-чирмаб қўлингга тутишади, деб юрагимни қонатарди. Титраб-қақшаб кирдим. Боламнинг ранги оппоқ, аммо нафас олиб ётарди. Қурбим етмай йиқилдим...
Ўша иссиқ кафт яна бошимни силади. Кўзимни очсам оқ халат, оқ қалпоқда ўша аёл ташвишли қараб турарди. У аёл эмас, фариштага ўхшарди. Шифокор экан. Тунда ёрдамга чақиртиришган бўлса керак. Икки-уч кун деганда болам кўзини очди. Отаси оёққа турди. Аммо менинг ҳолим хароб эди. “Уйга олиб кетамиз”, дедим. Докторлар рухсат беришмади. Ochish/sharhlash

2023-05-21 17:32:01 БАССЕЙНДА ЧЎМИЛИШ КЕЧИРИЛМАС ГУНОХ

САВОЛ...

- Копчилик ёз келиши билан салқин жойларга бориб бассейн ва СУВ ҳавзаларида чўмилади. Мен оятда бунинг жудà ҳаром иш ва кечирилмас гуноҳ эканлигини ўқиганман. Илтимос шунга тўлиқ изоҳ берсангиз...?


П/С: Сардор Домла жавоби Ochish/sharhlash

2023-05-21 15:03:07 ​​Тугри текислик томон юра бошлади. Командирмиз шу пайт:
-- Тухта Хамид, у томон миналаштирилган!- дея бакирди.
Аммо энди уни кулогига гап кирармиди. Кузида ёш билан кизни мурдасини кутарганча борарди.
​​ Шу пайт минанинг портлаши иккаласини танасини хам хар томонга сочиб юборди. Тириклигида бирга булишолмаган севишганлар энди улишибгина бирга эдилар....Уша йиллардаги урушлар куп оилаларнинг фарзандларини ёстигини куритди. Тинчликда яшаб турганимизга нима етсин....
Ҳикоям ёққан бўлса лайк ва коментларингизги кутиб қоламан....
Крикдуши Шухрат

@Solixa_Ayol
Яхшилик учун яқинларингиз билан баҳам кўринг!
БОСИНГ!
https://t.me/+SirEm-hvsXrdKMKK Ochish/sharhlash

2023-05-21 15:02:48 ТУТАШМАГАН ТАҚДИР...
(вокейлик асосида ёзилди)

Бисмиллахир Рохманир Рохийм...
Ассалому алейкум азизларим...
Сог саломатмисизлар...
Келинг навбатдаги хикоямни сизларга такдим этай...мархамат.
Бу хикояни ёзишда тогамнинг сузлаб берган вокеаси сабаб булди. Шу вокеа собик иттифок даврида булиб утган. Бир синфдош уртогим буларди дея гапини давом этди тогам.Оддий бола булиб уз тенгкурларидан хеч нарсаси билан фарк килмасди. Яхши бахоларга укирди, расм тугарагига борар, яна буш вакти булса биз каби футбол уйнар ёки турникда шугулланарди.
Эсимда бешинчи синфда укирдик ушанда. Синфимизга янги бир киз келиб кушилди. Хозирги болалар каби эмас олдинлари бир киз бир угил бола утирардик бир партага. Хамид дустим билан уша янги киз бир партада утириб колишди. Уша кизнинг сочлари сариклигидан рус кизларга ухшарди. Кейинчалик билсак онаси рус миллатига мансуб экан. Отаси каттарок ишда ишларди. Хамид узи уялчанг бола булса хам кейинчалик уша кизча билан дустлашиб кетди. Улар куп гаплашишар, дарсдан сунг буш вактлари булса паркни айланишарди. Улар купинча тир милтик отар жойга бориб милтик отишарди. Доим уша ерга боравериб яхшигина мерганга хам айланишди.
Кейинчалик улар мерганлар тугарагига хам катнай бошлашди. Мураббийлари уларни мишенга отган укларини куриб улар тенгсиз эканликларини такрор айтишиб макташарди. Шундай кунлар атига турт йил давом этди. Атига турт йил. Уша кизнинг отаси иши юзасидан Таллинга кучирилганлиги сабаб, бутун оиласи билан Эстонияга кучиб кетишди. Улар бир бирларини севишарди. Лекин такдир икковларини бир биридан айиришди. БириТошкентда иккинчиси эса Таллинга....Улар узок хайрлашишди, хатто манзили хам аник эмасди.
Мактабни битирдик. Хамид иккаламиз Тамбов харбий билим юрдига укишга кирдик. Укиш даврида хам Хамид уша синфдошимизни куп излади. Аммо дараги чикмади. Уша пайтлари деярли купчилик харбийликга топширишмасди. Биз Хамид иккаламиз укишни битириб лейтенант унвон олиб энди харбий булинмада хизмат кила бошладик. Биз хизмат килиб юрган уша пайтда жангариларнинг куп бора чегарани кесиб утишлари руй бериб турарди. Бизни хам Кавказга тогли худудга уларни тухтатиш учун юборишди. Иккаламиз хам снайпермиз. Лекин тан оламан Хамид мендан зур отарди. Бизни разведкачилар гурухига кушиб бир куни командиримиз жунатди. Тогли худуд, каердан душман уки келяпти хеч ким билмасди. Ёлланма снайперчилар жуда мохирона бизни аскарларимизни чув туширарди. Биз пана жойдатуриб душман снайперини кузата бошладик. Хамма жой сокин, жим жит эди. Бу жим житлик алдамчи холат булганлиги сабаб жуда эхтиёткорлик ва сабр билан кузата бошладик.
Бир кун олдин душман снайпери турт аскарни отиб улдирган экан. Халиям бир рус врачимиз бирини деярли улим ёкасидан куткариб олиб колди. Канчалик тузок куйишмасин уларни кулга туширолмабди. Шу сабабли командирмиз бизни уша ерга жунатганди.
-- Менга кара, сен эхтиёткорлик билан уша снайперни менга ошкор килишинг керак!- деб колди менга Хамид.
Уша куни кечгача хеч кандай натижа булмади. Биз туни билан уша ерда колдик. Тонг сахар катта харсанг тошлар ортига беркиниб кузатишда давом этдик. Бир пайт куёшни нури душман снайперини ошкор килиб куйди. Мендан олдин Хамид тепкини босиб уни кулатди.
-- Тайёр...!- дея бакирди Хамид.
Чалгитувчи уклар билан бир икки отиб уша ерга бордик. Улиб ётган душман снайперчини мурдаси ётарди. Хамид уни кимлигини курай деб юзини юкорига каратди. Бошидан каскаси ечилиб кетди. Ё товба....уша снайперчи синфдошимиз Хамиднинг севгилиси булиб чикди. Биз уни бирдан танидик. Хеч узгармаган, уша сарик сочлари....юзи кип кизил конга беланган холда ётарди.
Хамид тиззанлаб утирди, бошидаги каскасини ечиб уни танасини кучиб:
-- Салом, Элмира...сен билан куп йиллардан бери шу тарзда учрашамиз деб уйламагандим. Мени кечир!- дея уни кутариб урнидан турди. Ochish/sharhlash

2023-05-21 14:31:35 #Астағфируллох
Яқинда эндигина элликка кирган яхши бир акани тупроққа қўйдик. Ичагида яраси бор экан. Шу очилиб кетибди. Аммо бу одамни ўлдирадиган дард эмас. Ҳарқалай, қолоқ бўлса ҳам медицинамизнинг бунга ақли етади. Бироқ марҳум шифохонага бормаган.
— Нега шифохонага олиб бормадингизлар? — дедим ҳайрон бўлиб.
Аёли ерга қарайди. Болалари онасига хўмраяди. Бир амаллаб масаланинг тагига етдим. Майитни бундай холга тушганини билиб ўзбеклигимдан афсусланиб кетдим, чунки бунга сабаб... Ochish/sharhlash

2023-05-21 12:33:59 ​​- Ойи! Ойижон илтимос ош қилелик. Гўшт солмасак ҳам майли.
- Мани зоғора кулча егим келяпти.
- Қурут... -Болаларининг юзида анчадан буён бундай шодликни кўрмаган Холида хурсанд, тўрвадаги кўкнинг салмоғидан кайфи чоғ бир қоп ваъдалар бериб бозорга отланди.“ Олиб сотарга бермайман. Тушгача қолиб кетсам ҳам ўзим сотаман. Болаларимнинг айтганини олиб, қолганига ун, ёғ деганларидек... Ҳали ҳеч ким менчалик териб олиб келмагандир.Ўзингга шукур Аллоҳим, кўкламингга ҳам ўлдирмай етказдинг.Энди ҳар куни кўкат териб бўлса ҳам болаларимни боқаман. .. Бироқ, бозорга етиб келгач, кўзларига ишонмади. Қараса, расталарда кўкдан бошқа ҳеч нарса йўқ, хатто Райим сартарошнинг будкасидан ҳам кўкариб турган тоғ кўриниб турарди. Ерга тўшалган тўрва, қоплар ҳам кўк, гўё ер юзида бошқа ранг қолмагандай кўзлари тиниб кетибди. Совуқдан кўкариб турганларнинг баъри ўзига ўхшаган аёллар, болалар, қария ва ногиронлар эди. Қанча ширин ҳаёллар билан келган Холида кечгача харидор пойлабди...
Уйига қайтар экан, кўз ёшларини тиёлмасди. Болаларимнинг кўзига қандай қарайман деб изилларди.Эртаси, ундан сўнг, хуллас ҳар куни кўклар терилар, сотилмай ортга қайтиб, умидларни бир-бир ўлдирарди. Шўрлик “Бозорчиликни ҳеч эплолмадимда! Бугун сизга ёғсиз, унсиз пишадиган кўк сомса қилиб бераман” деб, атайин тандирга ўтин қалар экан. Эски челак устига патнис қўйиб, чопилган гиёҳларни- хамирсиз кўк сомсаларни ёпарди..
- Ўша йили Холида аянинг болалари бир-бир шишиб нобуд бўлган қизим.Ҳар кун кўк териишга ёрдамлашиб, кечгача йўл пойлаган катталари ҳам, сутсиз кўкракни чўзғилаб ўлиб қолган кичкиналари ҳам лаънати урушнинг қурбони бўлишган. Эри ҳам урушдан қайтмади.
Хов анави ерда ўша гўдакларнинг мозори бор дейишади. Холида ая қирқ йил ҳар куни болаларидан хабар олган. Ҳар куни кўк сомсалар пишириб, аввал мозорга келарди. Қоракўзлари билан дардлашиб олгач, унсиз ,ёғсиз сомсалар билан нуридийдаларин алдагани учун кечирим сўраркан..Гўрковнинг айтишича, қабрчалар бошида қолдирилган сомсаларни биров олмаса ҳам кампир кетгач йўқолиб қолаверармиш.. Балки ростдан ҳам гўдакларнинг руҳи
...Буниси энди фақат Яратганга аён.
Чуқур хўрсинган ойим мижжамга қалққан ёшни титроқ бармоғи билан сидирар экан, мунгли жилмайди:
-Холида хола учун уруш ҳеч қачон тугамаган қизим. “Бошқа болалар ҳам очликдан нобуд бўлишмасин ”деб, ёш болали хонадонларга сомса кўтариб келардилар. Эх-хе, унинг кўк сомсаси билан қанча авлод катта бўлдийкин? Айтишларича холанинг кўк соладиган бўз тўрвасини фаришталар тўлдириб беришар экан. Қайси томорқага кирмасин ҳеч қачон қуруқ қайтмаган.Қалин қор тагида ҳам гиёҳларни топаверган...
Шунақа гаплар қизим,ўзинг емай Джекка бераётганингни билганимда, онам менга ҳикоя қилиб берган бу ғамгусор аёл тақдирини аввалроқ айтиб берардим.
...Ўшандан бери қанча йиллар ўтиб кетди. Баҳор келиши билан Холида холанинг кўк сомсалари ёдимга тушиб, томоғимга аччиқ бир нарса тиқилади.Холанинг қабрини болаларим билан бирга зиёрат қилар эканман уларга онам айтиб берган ғамгин ҳикояни етказишга, ха кеч бўлмай етказишга ҳаракат қиламан.
Муаззам Иброҳимова

@Solixa_Ayol
Яхшилик учун яқинларингиз билан баҳам кўринг!
БОСИНГ!
https://t.me/+SirEm-hvsXrdKMKK Ochish/sharhlash

2023-05-21 12:33:51 Ғалати тушлар кўриб ухлаб қолибман...
Азонда зўрға, эриниб кўзимни очдим. Кеча айтилган жойга боришимиз керак эмиш . Йўлга тушдик.
Қиш эмасми. Эрталабгача ёққан қалин қорда янги излар қолдириб олға кетяпмиз. Ойимнинг важохати кечагичалик бўлмаса ҳам, хали жахлидан тушмаган. Гапирмайди. Қишлоқ четига етгунча қаерга кетаётганимизни тушунмадим. Вой, мозор томонга бурилдикми?Наҳотки ойим Холида холанинг гўрига олиб бориб кечирим сўратса.
-Ойижон! Жон ойи кечиринг! Бошқа унақа жиннича қўшиқ тўқимиман. Фақат гўристонга кирмайлик!
Ойим ҳамон индамас,гапларимга парво ҳам қилмасди. Фақатгина қишлоқ қабристони дарвозасидан киргач, чўккалаб ўтирди. Менга ҳам ишора қилгач, Қуръон сураларини тиловат қила бошлади...
Бир фильмдаги “Атроф жим-жит, мурдалар чалғи ушлаб турибди” ибораси ёдимга тушиб, ойимга яқинроқ ўтираман,кўзларимни қаттиқ юмаман.

Тиловатни тугатган ойим юзларига фотиҳа тортиб, менга юзланди:
- Кечаги қўшиғингни эшитиб, сендан жуда ранжидим қизим. Аслида айб ўзимда Холида холанинг тақдири хақида эртароқ айтиб берсам бўлар экан. Хали боласизлар дер эканман...Майли, эшит унда:
...Ҳамма қатори эри Гитлерни енгани кетган Холида тўрт боласи билан чирқиллаб қолаверибди. Уруш ўлсин! Кун ора кимнидир эшигидан йиғи чиқарди. Ажалнинг бир қиёфаси учбурчак шаклдалигини билиб қолган одамлар Самин почтачини ҳам, унинг катта ямоқ тушган бўз халтасини ҳам ёмон кўриб қолишганди. Ажалнинг бошқа бир қиёфаси кўзга кўринмасада, уни еб тўймас очофатга қиёслашлари бор гап эди. Чунки у уруш майдонидаги саноқсиз ўликларга тўймай, фронтдан анча олис шаҳар ва қишлоқларда ҳам изғиб, касалманд, нимжонларни териб хакалак отган нафсини қондиради. Фақат халқ нима ейиши билан ҳеч кимнинг иши йўқ! Холида хола кундузи далага чиқса, кечаси ёғ пилик ёруғида тикиш қиларди Кўпга келган тўй, бироқ, қоракўзларининг қорнини тўйдириш осонми? Колхознинг даласида тинмай меҳнат қилгани билан қўлига арзимаган чақаларни тутқазишса. Ҳамма нарса фронтга жўнатилиб, элнинг оғзига чок солинган палла. Баҳор,ёз, куз майли амаллаб қоринни алдаса бўлар, қиш беаёв, қишнинг қаҳри қаттиқ. Авайлаб ишлатган ун ва ёғ тугагач қишдан омон чиқиш учун онасидан қолган эски чок мошинасини ҳам сотди. Атиги бир хафтага етгулик масалиқ кўтариб келдию у ҳам тугагач сочини чангаллаб, чорасизликдан йиғлаб юборди.
Омон бўлгурлар сал каттароқ бўлса ҳам майли, чидашарди
Кун бўйи “Ая нон , ая атала” деб чарчашиб, илиғ сандал атрофида чўзилиб ухлаб қолишарди. Хўл ўрикнинг охирги тўнкаси йиғлаб бурқсайди. Уни қайнотаси эккан бир вақтлар. Қиш бошида қайнсинглиси келиб, пича арзи – хол қилдию, ўрикни аралатиб ўтинни шу ерни ўзида пуллади. Унга ҳам осон эмас уч бола, касал қайнона билан қолган шўрлик. Ёрдам берай деб, бера олмасанг бундан ёмони йўқда.
Холидаларникида ҳам қуруқ девор ва тўртта кўрпачадан бошқа қўлга илингулик ҳеч вақо йўқ. Бир кўзига ёстиқ тиқилган деразадан совуқ нафас билан тиржайиб турган ажал хунук увиллайди...
Тезроқ баҳор келсайди. Қиш мунча чўзилмаса? Ўртанчаси анча нимжон, каттаси туғилганидан буён касалманд, иккала кичкина бўлса кўкракдан келаётган сувни сут деб тортиб ётишибди. Майли уруш тугаб эри қайтса ҳамма нарса бошқача бўлади. Болаларини – эри унга ишониб кетган омонатни асраши керак.
Қиш тугамай кўк излаб қолган қўшниларни кўриб,қалби ёришди. Бўлди! Болалари ўлмайди. Ҳаракат қилиб, катталарини ишга солиб кўкат териб бозорга олиб тушса, шаҳарликлар олади. Пулига ун, ёғ, гуруч дегандай. Хамал энди амал бераётган палла. Очликдан силласи қуриган болалари билан терган ялпиз ва жағ-жағларни тўрвага тўкиб шаҳарга отланди.
- Ойи кўкларни сотсангиз нима олиб келасиз?!
- -Нима олиб келай ўғлим?
- -Нисолда! –
- Майли болам! Нишолда бўлса нишолдада! Рамазонлиги ҳам ёдимдан кўтарилибди. Яна нима ейсизлар.
- Ширин кулча. Ochish/sharhlash

2023-05-21 12:33:38 Зулпини ойиси айтган, Холида холанинг эси жойида эмас. Узун қулоқ гапларга қараганда жинни кампир гўристонга ҳам сомса олиб борар экан. Ўликларни ҳам сомса ейишга мажбур қилса керак, унинг қўлидан келади.
Иккинчини битириб учинчи синфга ўтяпман.Аълочиман. Катталарнинг ғийбатини эшитиш ёмонлигини билсам ҳам Зулпининг ойисининг гаплари ёқиб кетади. У ҳам Холида холани ёмон кўради.
Ойимга хайронман.Ишга боради, келади. Маҳалланинг тўй тўйчиғига аралашадию энг қизиқ ғийбатларга аралашмайди. Вақти йўқмиш. Дарвозамизни танбалаб, Холида аяси билан камроқ гаплашса, маҳалла хотинлари билан суҳбатлашгани ҳам вақтлари қолармиди?. Ўлай деб кўчадан гап топиб келсам-у, “қиз болага ярашмайди ” дея койиб берса.
Ана, бу сафар ҳам ойижоним очиқ чеҳра билан пешвоз чиқиб, “азиз меҳмон”ни қарши олиб духоба кўрпача тўшади. Пахта гуллик чойнакда қайноқ чой дамлаб , мақтовларни ўрнига қўйиб сомсахўрликни бошлади. Кампирга ёққиси келадимией, икки –учтасини кетма-кет еб, меҳмоннавозликни қойиллатади. Икки донасини дадамга илиниб,қолганини қўлимизга тутқизади. Эндигина учга кирган синглим бўлса, норози чулдирайди:
-Ман емиман. Ожилгина нисобла едим. Акамам, опамам еди. Чомча емиман.
-Холида хола унинг сариқ сочларини кўк юқи сингиб кетган кафти билан силар экан, барибир ўзиникини қўймайди.
- Нима едик дединг? Нисобла? Нишолда! Вой,мани болаларим ҳам нишолдани яхши кўришади. Хали уруш тугаб, дадаси қайтса бозордан кўпгина нишолда олиб келади. Ўшанда сизларникига ҳам олиб чиқаман...
Вой ана айтмадимми! Бошланди.Зулпининг ойиси ёлғон гапирмайди! Томи кетган кампир яна уруш тугаса деяпти.Кичкина бўлсам ҳам ҳеч қандай уруш бўлмаётганини биламан. Чунки фашизм устидан қачон ғалаба қозонилганини Забура опамиз миямизга қуйиб ташлаган. Музаффар иккимизнинг пиқиллаб кулиб юборганимизни кўрган ойимнинг қовоғи уюлди. Биз бўлсак, мажбур чайнаган сомсамизни тезроқ итялоқққа ташлаш учун ёлғонтакам ғўлдираб, раҳмат айтиб Джекнинг олдига чопамиз...
Ўша йил қиш қаттиқ келди. Йўғон чўзилиб, ингичга узиладиган палла Холида хола ҳам ўлиб қолди. Тўғрироғи, уни ўша машҳур кўк сомсаси ўлдирди! Янаям аниқроғи, кўк қидириб томорқа оралаган кампирни эрталаб музлаб акашак қотиб қолган холда топишибди. Э бадтар бўлсин!
Эсимиз йўқ экан... Ойим йиғлаб, хабарчининг ортидан холанинг уйига отланса, биз болалар”Урре сомса ейишдан қутилдик!” деб осмонга сакрабмиз. Ҳамон эсимда хурсандчилигимизга эски каравотимиз ҳам шерик бўлиб, ҳар сакраганимизда “ғич- ғич”деган овоз чиқариб янада баландроққа отарди. Калавотларнинг тилида бу “яшасин” дегани бўлса керак. Боламанда, югуриб бориб Джекни қучоқлабман:
-Сомса ейишдан қутулдик Джек! Сен ҳам қутулдинг! Яшасин озодлик!!!
Ўша куни итга яна нима деганларим, хурсандчилигимни кимлар билан баҳам кўрганим хозир эсимда йўқ.Тавба, кимга азза, кимга мазза эканда! Бутун бошли одам ўлсаю, биз хурсанд бўлсак. Маҳалладаги аксарият болалар бу хушхабарни ўн беш тийиндан музқаймоққа пул йиғиб Хамидаларнинг эшиги тагидан Холида холанинг ўлиги олиб ўтилгунга қадар нишонлабмиз.
Кун қорая бошлаганида, ойимни кута- кута оёғимнинг тагига ғишт қўйиб, картошка қoвура бошладим. Укамларни қорни очганди. Бугун телевизор ҳам қўймай, яп- янги шеъримни қўшиққа айлантириб баралла куйладим:
Холида кампир ўлди,
Ҳамма қувонч тўлди.
Чунки унинг сомсасидан Муаззамхон қутулди
Музаффаржон қутулди!
Бир чеккада қўғирчоқ ўйнаётган синглимга иржайиб:
Хуршидахон қутулди!
Джек бечора қутулди!
Шу жойига етганида орқамдан келиб қолган ойимни кўрмабман.
У йиғидан қизариб кетган кўзларани катта- катта очиб, қўлимдаги капгирни олди.
- “Джек бечора қутулди” дедингми? Хали сенлар Холида холани алдаб, итга берармидиларинг сомсаларни? Уят қизим! Уят! Сенларга яхши тарбия бера олмапмиз шекилли... Бор,укаларингга қара. Эрталаб бир жойга бориб келамиз...
Шаҳд билан юлқиб олинган капгир, ойимнинг чеҳрасидаги мунг ва ҳеч қачон кўрсатилмаган жаҳл ухлаб қолгунимга қадар тинчлик бермади. Қаерга бораркинмиз? Ochish/sharhlash

2023-05-21 12:33:15 КЎК СОМСА

Ўшанда чамаси тўққиз ёшда эдим.
Саратоннинг авжи.Кун пешиндан оққан бўлсада,қуёш олов пуркайди.
Уйимиздаги катта шоҳтут тагидаги сим каравотимизни яхши кўрамиз. Ҳам салқин, ҳам шу каравотда ўтириб овқатланган маззада. Эски каравотни эски симларини ғижирлатиб “качалей” учиб, ердаги косага ёки тарвуз палласига талашиб тортишиб қўл чўзиб қорин тўйдирганмисиз? Э, яшаворинг! Унда мазза қилмабсиз, бу дунёга келмабсиз!
Катталарга ҳайронман. Нуқул юриб нон емагин, дастурхон ёзмай тамадди қилмагин дея хол жонимизга қўйишмайди. Увол бўлармиш! Иштаҳамиз дастурхон атрофида эмас , антиқа жойларда очилса айбдор эмасмизку!. Қорасувга нон оқизиб ейиш, ўрикнинг тепасига чиқиб канфет шимиш, ошхона ойнасининг синган кўзига қўл чўзиб совуқ чойни банкадан ютоқиб ичиш, эгатда қизариб қолган қулупнайларни узмай, тиззалаб ўтириб тишлаш жониди дилимиз.. Бу ғаройиб одатларимиздан қорнимиз ҳам, иштаҳамиз ҳам мамнун эди.
Ўша йили рўза ёз ойларига тўғри келгани ёдимда. Уйдаги катталар нима сабабдан кун бўйи оч юришганига унчалик тушунмасак ҳам, айнан шу палла нишолдалар мавсуми бўлишини яхши билардик. Шунинг учун ҳам катталарнинг “оғзи ёпиқ” бўладиган рамазонни орзиқиб кутардик.
Хуллас, ўша куни ҳам укаларим билан сим каравотда качалей учардик. Тандирдан узилган иссиқ кулчаларни дадам олиб келган сопол косадаги нишолдага булаб паққос тушираётганимизда қўшни кўчадаги Холида хола бостириб кирса бўладими:
- Хой ким бор? Маликахону..Маликахон...
Уф! Яна шу кампирми? Хойнахой кўк сомса олиб келгандир. Иштаҳани ҳам белига тепди. Хозир ойим уларга пешвоз чиқадида, айланиб ўргилиб сўрига таклиф қилади. Кейин кампирнинг минг ямоқ дастурхони очилиб жонга теккан кўк сомсалар пайдо бўлади...
Шу кампир сал анақароқ. Алмойи жалмойи гапларику майли, ичига ўт тўлдирилган сомсалари жонга тегди. Йил ўн икки ой сомса кўтариб юради. Байрамларнику қўяверинг. Навруз, май, ноябрдаги парад, хаттоки қаҳратон қиш ҳукмрон бўлган – Янги йил байрами куни ҳам кўк сомсасиз кунимиз ўтмайдигандай қорбобони кутаётган пайтимиз “совға” сини кўтариб кириб келаверади.
Қачон қараманг бировларнинг томорқасида,ариқларнинг лабида куймаланиб ялпиз, отқулоқ, бедага ўхшаш еса бўладиган ўтлардан эски бўз халтачаси қаппайиб кетгунича тераверади.Қишда, ўт ўлан ковжираган ёз саратонида кўкни қаердан топаркин? Бу жумбоққа нафақат биз болаларнинг, катталарнинг ҳам ақли бовар қилмасди.
Айтганимдай бўлди.Хозиргина нон ёпиб бўлиб, тўкилган шафтолиларни тераётган ойим, липпаларига қиситириб олган кўйлак этакларни тушириб чақирилмаган меҳмонга пешвоз чиқди. Қарасам, икки укам аллақачон қуённинг расмини чизишибди. Ҳар дойим шунақа, Холида хола келиши билан Музаффар ва Хуршида беркинишади. Ёки ямоқ дастурхон очилмай, холага қуюқ салом бериб кўчага қочишади. Аммо бу сафар улгуришмади чоғи дарвоза олдида кампирнинг чангалига тушишди.
- Айланай болаларим тўхтанглар.
Сомсачининг “очил дастурхон”очилдими тамом! Қўлингга мажбур тутқазилган сомсани едирмай қўймайди. Уни алдаб ҳам бўлмайди. “Кейинроқ ейман” деб кўрчи, ишониб бўпти! Оғзингга мажбур солдиргани етмагандай, кўзингдан ёш чиқиб аранг ютмагунинга қадар лўқ этиб қараб туради.
Балки сиз кўк сомсани яхши кўрарсиз? Э, сиз Холида холанинг чангалига тушмагансизда?! Ана укам ва синглимнинг аҳволини бир кўринг;
. - Жон хола, хозиргина овқатландик, қорнимиз тўқ.
- Овқат? Майли бир чопсанг хазм бўлади.Кўкнинг ўрни бўлак. Кони фойда! Хой Маззамхон, санам кел!
Бормиман! Сопол косани ариқчада ювиш баҳонасида қочмоққа чоғландим, аммо ойимнинг зийрак нигоҳларига тутилиб, эшиттириб чуқур уф тортганча ортга қайтдим. Сомсаси бошидан қолсин! Неча марта едим деб , чайнаб ютаолмаганларимни Джекнинг ялоғига тупуриб ташлаганимни билмайдида.
Фақатгина биз эмас,Холида кампирни ҳамма болалар ёмон кўради. Хамида, Қодир, Отабек, Нурхон... Баъзилар кампирнинг қораси кўриниши билан дарвозани танбалаб олишади. Ростда, мазза қилиб жевачка шишириб ёки Раззоқ бобонинг қуртини шимиб ўтирганингда қўлингга мажбур кўк сомса тутқазишса кимга ёқади? Гўштли бўлса ҳам майли. Ochish/sharhlash